EBIREEGH 2:3 - Bafia Nouveau Testament

³ Nni lannɛ tì rì ɓiì kìi lɛ tyɛ̀ ki teɗ deɓ di tì sɛɛtii coo gòri yɛ̀ɛ ìnɛ? Kan nyimiɗ a lokà kìkpaà kìɓan ki gòri ìnɛ̀n, fɔɔnnɛ ɓumɓɛ ɓɛ wokà di a kpaakpàà ɓɛ siìràkà ɓìsi kì rèsii saaɗ ànɛ miì.

EBIREEGH 2:3 Iomraidhean Croise

MATYOO 23:33

Nyoo yi lɛ mìni, ɓìgòm ɓi lɛ mìni ɓì! lannɛ ɓì ɓiì kìi lɛ ɓi ghɛ̀ɓ rìkɛ̀n ɗi ɓi ɗuu ɗi fìɗyàɓ fikɔ̀ɔ̀?

MATYOO 4:17

Ɓi cààmɛ̀n kiǹ innɛ Yeesus à tumɛ̀ngà rìkpaakpàà ɗi ɓìɓan ɓi Bɛ̀ll, à kakàlì ɓum lɛ: Lɔ̀ɔ̀ghrɛɛna mɛ̀rem, lɛ kìlɔ̀ŋ ki aɗyoo ki ti jàŋbog.

MARIKUS 1:14

Yɛ̀ɛ ɓɛ ɓaghà di ɓɛ mɛ ɓan Zyaŋ, Yeesus à kɛ̀ngà a Galile, à kakàlì Syeesyee à Ɓɔlɛ à Bɛ̀ll.

LUKAS 1:2

ɓɛ ki kangà ɓyɔ lɔŋ yɛ̀ɛ ɓɛ̀wusìnɛ̀ɗ ɓɛ ɓɛ ghɛngà ɓìɓan ɓiǹ, à tumɛ̀n à rìtumɛ̀n, ɓɛ kpaaghà; ɓɛ̀wusìnɛ̀ɗ ɓɛǹ, ɓɛɛ ti ɓɛ̀ghagsì jɛ̀ɛ̀ ì Bɛ̀ll.

LUKAS 1:69

à ki rom yi ɓìsi kìtèetèɗ ki ǹghɛɓsì; ǹghɛɓsì àncèm à ki ɓay ɓi naa ì ɓum ì nkìì-kìsay wiì Davit.

LUKAS 24:19

Yeesus à tɔg ɓɔ lɛ: Kìɓan aɗi kɛɛ nkìlɛɛ wɔ̀ɔ̀? Fɔɔnnɛ ɓɛ ɓakà nyi lɛ: Kìɓan ki ki nkìi Yeesus ànɛ a Naazarɛt, ànɛ mɛ̀kìkìì mii rì ɓìtòkì ɓii, ɓi nɗèresii lɛ, à rì kìtèetèɗ ki ǹkpaŋzì-ɓìɓan ɓi mis mɛ Bɛ̀ll rì ɓi mis mɛ kilɔ̀ŋ kìcèm.

ZYAŊ 15:27

Mìni girig, ɓì ri tɛɛzi ɓum kìɓan kɛm̀ ɓisuulɛ, rì mɛ̀ rì mìni, tì rì ǹɗaŋ, à tumɛ̀n a rìtumɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 1:22

à tumɛ̀n lɔŋ yɛ̀ɛ Zyaŋ à ɓàɓtìghà nyi à kpaŋ yɛ̀ɛ àa m̀pɛsɛɛ ɓi nyìinyìm wìs a ɓɔg aɗyoo, kìbog ki ɓi ɓɔ kɛɛ ɓasɛn ɗì ɓìsi lɛ kɛɛ ɓa wusìnɛ̀ɗ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

MƐ̀KÌKÌÌ MƐ ƁƐKƐ̀NÌ-FÌTOM 4:12

Mum à rì lɔŋ ɓiì ɓaà rì cɛɓ lɛ nyi, ɓisuulɛ Bɛ̀ll à faghà ɓi ɓum ɗii ɗidɛŋ fɛ ɓi ziinɛ ɗi ɗi ri rì ìtèɗ wulɛ, ɗi fa ɓìsi cɛɓ.

RÒMƐŊ 11:14

Lɛ i bee yàa rì lɛ ì ɓa, ǹkì lɛ ɓumɓɛ ɓi kìlɔ̀ŋ kɛm̀ ɓɛɛ wog yɔ̀ɔ̀tì, di gàɓ ìdɛŋ yɛ̀ɛ ghɛ̀ɓ.

RÒMƐŊ 2:3

Wàànɛ ù ti ù yɔ̀mgì ɓumɓɛ ɓɛ ti ɓɛ kilàg fɔlɔɔ, wɔ̀ɔ̀ ki kìki ɓiɓan ɓyɔm̀ ɓiǹ, u fèki nya lɛ ù ɓiì ghɛɓì ɓɛ̀yɔ̀m ɓɛ Bɛ̀ll?

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

TÈSÀLÒNÌSYƐŊ 5:3

Cààmɛ̀n ki yɛ̀ɛ ɓum ɓɛ ɓiì kpaakpaa lɛ fyòomà fi ri lɛ fyòoog kɛ̀ɛ̀ kìɓan ki risiyɛn kɛɛ̀ki ɓɛ rì ɓiì sìgmɛɛ lɛ cuu ki mɛ sɛn ɓi ɓɔ fɛlɛ yɛ̀ɛ rìkɛŋ ɗi riyay ɗi ti ɗi siɗkì giɓ a ɗyem. Ɓaa ɓa ɓi ri bee ì ǹlɛghɛn cuu kìn.

TIMOTE 1:15

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ànɛ ɓum ɓɛ̀cèm ɓɛ ghɛɛ̀sɛɛ lɔŋ kiterì rì ǹtyweeyi wucèm yɛ̀ɛ ri lɛ Yeesus Kiris à yùghà ɓi ziinɛ lɛ a ghɛɓsi ɓɛ̀kìì-kìɓe, nni ɓi ɓɛ̀kìì-kìɓe ɓɛǹ, mɛ̀ yɛɛ ri lɛ ɓog.

Kaàtà ànɛ Pol à kàngà TIT 2:11

Ɓisuulɛ geesɛ̀n ì Bɛ̀ll ìnɛ ì rì ǹsim à cɛɓ ɓisuu ɓum ɓɛ̀cèm, ì mɛ rèsɛ̀n,

EBIREEGH 1:1

Ɓi mɛ̀ru mɛ ajɛ̀m, Bɛ̀ll à tòòghrɛ̀ngà rì ɓɛ̀seŋi ɓis gɛ̀n lɛɛ̀gwey, bee lɛ bee ɓi ŋwɔm wu ɓɛkpaŋzì-ɓìɓan,

EBIREEGH 1:14

Ɓum ɓɛ titom ɓɛ̀cèm ɓɛ yin nya mɛ̀ghay mɛ mɛɛ̀ kìki Bɛ̀ll kìsay? Mɛ ki ɓa lɛ, nyi yɛɛ romi mɔ lɛ mɛɛ kɛǹ kì ghɛɓsii ɓum ɓɛ̀cèm ɓɛ ɓɛ ghɛɛ̀sɛɛ kì terì gàɓ ɓi gòri ì Bɛ̀ll?

EBIREEGH 1:2

nni ɓi mɛ̀ru mɛ siitòn mɛ, àa ntòòghrɛɛ rì ɓìsi ɓi ŋwɔm wu Man wiì, man ànɛ̀n innɛ à rɛsìghà lɛ a teɗ ɓìɓan ɓicèm; rì nyi nnɛ Bɛ̀ll à kìghà lɛ rì ɗyoo rì zi.

EBIREEGH 12:25

Ɓì konàg lɛ kɛ̀ ɓi ɓèn kiwoògh jɛ̀ɛ̀ ì roànɛ a tòtòg, ɓisuulɛ i ɓɛ̀roɓɛ ɓɛ ɓengà kì woògh jɛ̀ɛ̀ ì roànɛ à rɔ̀ɔ̀rɔ̀gsɛ̀ngà ɓumɓɛ ɓi ziinɛ, ɓɛ rɔmɛ̀ngà ɓi deɓ, gɛ̀n yaŋ ri ɓìsi, cààmɛ̀n ki tì lɔ̀ghii ɓyàs rì roànɛ a rɔɔrɔgsɛ̀n yì ɓìsi ɓi ɗyoo ɓi ɗùm.

EBIREEGH 4:1

Nni cààmɛ̀n kìcèm ki yɛ̀ɛ ǹkàg wulɛ ɓum ɓɛɛ ɗiŋi ɓi rìfɔɔsɛ̀n ɗii wu kaka, tì ghɛ̀ɛ̀sɛɛ kì konaagh lɛ, ŋwaàdɛŋ ànɛ ɓi mìni kɛ̀ɛ ɓa ri fèg ànɛ lɛ nyii kpaŋi di cààmɛ̀n kaa ceè.

EBIREEGH 4:11

Ti tèèsiina nyoo lɛ ti ɗiŋi ɓi rìfɔɔsɛ̀n ɗiǹ, di fɔɔnnɛ ŋwaàdɛŋ kɛ̀ɛ ɓa lɛ à kpì, di à nɔ̀ɔ̀tii rìkuu ɗi ntoòtèɗ ɗi ɓumɓɛ ɓɛ ɓaghà ɓireɓ ɓɛ resìghà.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

1 ZYAŊ 1:1

Tì kàni mìni kìɓan ki jɛ̀ɛ̀ ì cɛɓ ìnɛ ì ɓaghà, a rìtumɛ̀n ɗi ɓyom ɓìcèm; tì wokà yɔ̀ di yɛɛ̀ tòtòg, tì ghɛn yɔ̀ ri mis, tì sìŋì yɔ̀, tì ki kòm yɔ̀ ri ɓyàg ɓis.

ZYUUDƐ 1:17

Kìɓan kifog mìni ɓum ɓɛm ɓɛ nɗem, yitiina ɓìɓan ɓi ɓɛ̀kɛ̀nì-fìtom ɓɛ Kan wìs Yeesus Kiris ɓɛ kpaaghà mìni lɛ ɓi ri ɓiì ghɛnɛɛ.

ÀPÒKÀLIƁSƐ̀ 7:10

Ɓɛ kpaàkpàgsɛ̀n jɛ̀ɛ̀ aɗyoo lɛ: Ǹghɛɓsɛn wu ti wu ɓalàg yì yɛ̀ɛ Bɛ̀ll wìs anɛ à kɔ̀kɔrii ɓi-kɔ̀ɔ̀ wu rilàmì, rì yɛ̀ɛ Man à jɔ̀ɔ̀.