EBIREEGH 1:3 - Bafia Nouveau Testament

³ Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 1:3 Iomraidhean Croise

MATYOO 22:24

Nɗèsàg! Moyis à kalìghà lɛ, i ŋwaà wii, kɛ̀ɛ càɗ man, geni à baŋì à teɗ ǹkpɔɓ wii, à yay ɓɔn ɗì wɔ ɓi ɗii ɗi geni ànɛ à wii.

MARIKUS 16:19

Yɛ̀ɛ Kan à tòkàkà fɔlɔɔ ri ɓɔ, nni à ɓɔkà aɗyoo, à kɔ̀rì ɓi weèlem à Bɛ̀ll.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

ZYAŊ 1:4

Cɛɓ ki ɓaghà ɓi Jɛ̀ɛ̀ ìnɛn, cɛɓ kìn ki ki fafa ɓum kìtɛɛtɛn.

MƐ̀KÌKÌÌ MƐ ƁƐKƐ̀NÌ-FÌTOM 2:33

Yɛ̀ɛ àa mɓɔɔ ki kɔ̀rii ɓi weèlem à Bɛ̀ll, Seŋi àa nfaa nyi Kìtɛntɛ̀ɛ̀n ki Nghay ki à kàkà, kɛɛ̀ki à romiì lɔŋ yɛ̀ɛ ɓi seesee lɛ, ɓì ki wowog.

MƐ̀KÌKÌÌ MƐ ƁƐKƐ̀NÌ-FÌTOM 7:56

fɔɔnnɛ a kalìghà lɛ: Ɓì ghɛɛ! Mɛ̀ɛ ntaataa ɗyoo ɗì nɛmɓɛn, Man à Mum à rɛrɛ̀lì ɓi weèlem à Bɛ̀ll.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 8:34

Ghɛn yɛ̀ɛ rì min ɓɔ ɓiì faà bɛ̀lɛn? Yeesus Kiris à rì roànɛ à wughà, kɛ̀ɛ ki sugtɛn lɔŋ lɛ foo, à ghèmɓɛ̀n yì a ɓìloŋ, à rì ɓi weèlem à Bɛ̀ll, a ɓɔ̀ɔɓɔ̀ŋzì ɓisu wìs.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

KÒLÒSYƐŊ 3:1

I ɓì mɛ ghèmɓɛn min nɗaŋ ri Kiris, kaakaana ɓìɓan ɓi aɗyoo, jàŋ inɛ Kiris à rì ǹkɔ̀kɔriyɛn ɓi weèlem à Bɛ̀ll.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 1:13

Bɛ̀ll à ka kpaaghà ɓi ŋwaà fìtom adɛŋ lɛ: Kɔ̀ri mɛ̀ fɛ ɓi weèlem à kpaŋ yɛ̀ɛ ǹɗì ɓiì ghaasii ɓɛ̀bènàbena ɓɔɔ kiɓoŋ ki u rɛsag mɛ̀kòò miì.

EBIREEGH 10:12

Wɔ̀lɛ Kiris à faghà kìfùna kifog ɓisuu ɓiɓe, à ki kɔ̀ri min ɓi weèlem à Bɛ̀ll fìɗyàɓ fikɔ̀ɔ̀.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 4:14

Yɛ̀ɛ tì rì min ri nkɔ̀mɛ̀n-ɓɛ̀pìrɛɛtìrɛ̀ àgwey lɛ Yeesus ànɛ à rì Man à Bɛ̀ll ànɛ à ɓɔkà aɗyoo yɛ̀ɛ Bɛ̀ll, tì ghɛ̀ɛ̀sɛɛ kì sììrɛɛ lɛ syeesyee ɓi ɓìɓan ɓi tì gherɛɛ ɓyɛɛ̀ɓi tì ti tì kakàlì ɓum.

EBIREEGH 7:27

Ɓɛ̀làmì ɓɛ̀pìrɛɛtìrɛ̀ ɓɛgwey ɓɛ ghɛɛ̀sɛ̀ngà kì fùnɛɛ ɓituwe ɓɛŋwos ɓɛ̀cèm ɓi rìlɛɛghràg ɗi Bɛ̀ll ɓisuu ɓiɓe ɓyaa ɓi ɓɔmiɗ, rì ɓisuu ɓiɓe ɓi ɓum ɓɛ kilɔ̀ŋ. Wɔ̀lɛ Yeesus à ghɛ̀ɛ̀sɛɛ ɓi ki kìkii yɛ̀ɛ ɓɔ, ɓisuulɛ nyii lɛɛghràkà Bɛ̀ll gɛ̀n bog ɓi gɛ̀n yicèm yɛ̀ɛ à faghà nyimiɗ ɓi sìg à kìtuwe ki mɛlɛɛ̀ghlɛɛgh.

EBIREEGH 8:1

Ɓi ɓìɓan ɓi ti kpaakpàà, ki ki cee kɛɛ ri lɛ, tì rì rì ǹlàmì-ɓɛ̀pìrɛɛtìrɛ̀ àgwey ànɛ, à kɛ̀ngà kì kɔ̀rii ɓi weèlem à rìlàmì ɗi Bɛ̀ll, ɓi ɗyoo ɓi ɗùm,

EBIREEGH 9:16

Ɓisuulɛ jàŋ inɛ kaàtà ànɛ mum à reɓsàkà rìwu ɗii miì à rì, ki ghɛɛ̀sɛɛ lɛ ɓɛɛ yi lɛ mum nyimiɗ anɛ à reɓsàkà rìwu ànɛ̀n à mɛ wu.

EBIREEGH 9:26

I kɛɛ ɓa fɔlɔɔ, di ki ghɛɛ̀sɛ̀ngà min lɛ Kiris a wog rìkɛŋ gɛ̀n lɛ gɛ̀n à tumɛ̀n yɛ̀ɛ zi i kìlɛ̀ngà. Wɔ̀lɛ ɓi cààmɛ̀n ki, à yùghà gɛ̀n bog ɓi gɛ̀n yicèm, di mɛ̀ru mɛ siitòn mɛɛ̀ kɛ̀ɛ̀kɛɛ yi lɛ a legsi kìɓe di à fùnɛɛ nyimiɗ.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 PYƐƐRI 3:22

à ɓɔg aɗyoo, à rì ɓi weèlem à Bɛ̀ll; wɔɔ a làlami lɛ rì ɓum ɓɛ titom, rì mɛ̀tèɗ mɛ ɓi ɗyoo mɛ̀cèm.

2 PYƐƐRI 1:16

Lɛ yɛ̀ɛ tì rèsìghà mìni kìɓan ki lɛ Kan wìs Yeesus Kiris à rì ɓiì sugtii yi, à ɓay rì ìtèɗ, tì ɓaàdɛ̀ngà ɓi ɓi mɛ̀kànkàn mɛ ɓum ɓɛ konaagh kì syaàgh, tì rèsìghà lɔŋ mini kìɓan kiǹ ɓisuulɛ ɓìsiìɓɔmiɗ tì ghɛngà rìgwey ɗii fɛlɛ rì mis mìs.

2 PYƐƐRI 1:17

Ɓisuulɛ à tekà lɛ rì ǹnyaasɛ̀n rì rìkem yɛ̀ɛ Bɛ̀ll à Seŋi wìs ɓi cààmɛ̀n ki jɛ̀ɛ̀ ìnɛ ì ɓaghày ɓi jàŋ inɛ rìkem ɗi Bɛ̀ll ɗi ɗi cee ɗi ri, lɛ: Roànɛ à rì man wɛm̀ à nɗem ànɛ à ti à rɔɔghì mɛ̀.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.

1 ZYAŊ 3:5

Ɓì yii lɛ Yeesus Kiris à yùghày lɛ a pisi ɓìɓe, nni kìɓe ki yin a lɔ̀ŋkii.

ZYUUDƐ 1:25

rìgwey, rì m̀ɓɔg, rì ìtèɗ rì rìlàmì ɓi ghɛɛ̀sɛɛ rì m̀bobog à Bɛ̀ll ànɛ à rì ǹghɛɓsì wìs, lɛ Yeesus Kiris, à tumɛ̀n ɓi ɓyààmɛ̀n ɓi ɓi ghaghighà ɓìcèm à kpaŋ gɛɛ̀nɛ rì fìɗyàɓ fikɔ̀ɔ̀. Ààmɛ̀n.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.

ÀPÒKÀLIƁSƐ̀ 4:11

Wɔ̀ Kan wìs, Bɛ̀ll wìs, ù ghɛ̀ɛ̀sɛɛ lɛ, ɗì rìkem, rì bɔgsɛ̀n, rì ìtèɗ, ɓisuulɛ wɔ̀ yɛɛ kighà ɓyom ɓìcèm, yɛ̀ɛ ki kɔngà wɔ̀ lɛ ɓyom ɓìn ɓyɛɛ ɓa, nnɛ ɓi kilɛ̀ngà.