EBIREEGH 1:2 - Bafia Nouveau Testament

² nni ɓi mɛ̀ru mɛ siitòn mɛ, àa ntòòghrɛɛ rì ɓìsi ɓi ŋwɔm wu Man wiì, man ànɛ̀n innɛ à rɛsìghà lɛ a teɗ ɓìɓan ɓicèm; rì nyi nnɛ Bɛ̀ll à kìghà lɛ rì ɗyoo rì zi.

EBIREEGH 1:2 Iomraidhean Croise

MATYOO 13:39

Bènàbena anɛ à mìskà kìɓeɓtàg ki boo yɛɛ rì Satàn; mɛ̀saŋ mɛɛ ri rìlèg ɗi zi, ɓɛ̀saŋì-mɛ̀saŋ ɓɛɛ ri ɓum ɓɛ titòm.

MATYOO 17:5

Yɛ̀ɛ Pyɛɛri à ɓaghà di a ka tòtog fɔlɔɔ nni coo kikwìɗ ki lònlomɛn ki sìgtɛ̀ngà ɓɔ. Fɔɔnnɛ jɛ̀ɛ̀ ì tòòghrɛ̀ngày ɓi kìkwìɗ kiǹ, ì kpaa lɛ: Roànɛ à rì Man wɛm̀ à nɗem , ɓi nyi innɛ ǹfogà ǹkɔ̀nɛ̀n wɛ̀m bimiɗ, wooghna nyi.

MATYOO 21:38

Wɔ̀lɛ yɛ̀ɛ ɓɛ̀kìì-ɓìsay ɓɛǹ ɓɛ mɛɛ ghɛngày man à ŋwaànɛ̀n, ɓɛ kpaa wɔɔ ɓɔ rì ɓɔ lɛ: Nnyɛɛ ghɛɛ̀sɛɛ kì rɔ̀ɓi ri dɛm i seŋì, yùuna ti wey nyi, di fɔɔnnɛ dɛm yɛ̀ɛ woòghrɛn rì ɓìsi.

MATYOO 26:63

Wɔ̀lɛ Yeesus à maamààghà lɔŋ. Nni ǹlàmì-ɓɛ̀pìrɛɛtìrɛ̀ àgwey à tɔgtìghà nyi lɛ: Ɓi ɗii ɗi Bɛ̀ll ànɛ à rì cencem ǹtɔɔgh lɛ ù kali ɓìsi ù ki kànɛn bɛ̀ɗ ǹkòo wɔ̀ yɛɛ ri Kiris Man à Bɛ̀ll

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

MATYOO 3:17

Nni jɛ̀ɛ̀ ì ɓaghày ɓi ɗyoo ì kpaa lɛ: Roànɛ à rì Man wɛm̀ ànɛ ǹkeesii, ɓi nyi nnɛ ǹfogà ǹkɔ̀nɛ̀n wɛ̀m bimiɗ.

MARIKUS 1:1

Rìtumɛ̀n ɗi Syeesyee à Ɓɔlɛ à Yeesus Kiris Man à Bɛ̀ll.

MARIKUS 12:6

Lɔŋ m̀bobog à mum ànɛ ŋwaàdɛm à ɓaghà di à mɛ rɔ̀ɓ ri nyi à ɓaghà lɔŋ lɛ man wiì ànɛ à keesìghà lɛɛ̀gwey; nyi nnɛ à siitɛ̀ngà kì romì a ɓɛ̀kìì-ɓìsay ɓɛ ɓi dɛm yiì, à fèkì lɛ, ɓɛ ri ɓiì kuuraagh man wiì.

MARIKUS 12:7

Wɔ̀lɛ ɓɛ̀kìì-ɓìsay ɓɛ wɔrɛ̀ngà ɓɛ kpaa lɛ: Roànɛ yɛɛ ri ɓiì rɔ̀ɓi ri dɛm i seŋì; yùuna, ti wey nyi di dɛm yɛ̀ɛ woòghrɛn rì ɓìsi.

ZYAŊ 1:10

Jɛ̀ɛ̀ ì ɓaghà ɓi ziinɛ, yɛ̀ɛ ki kìghà ziinɛ, wɔ̀lɛ ziinɛ ì yitìghà ɓi yɔ̀.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:3

Jɛ̀ɛ̀ ìnɛn yɛ̀ɛ kighà ɓyom ɓìcèm, nni ɓi ɓyom ɓi ɓi kilɛ̀ngà, kidɛŋ ki kilɛ̀ngà ɓi kɛ̀ɛ̀ yɔ̀.

ZYAŊ 13:3

Yeesus à yighà lɛ Seŋi à faghà ɓìɓan ɓìcèm ɓi ɓyàg ɓii, à ki yi lɛ à pɛ̀sɛ̀ngày yɛ̀ɛ Bɛ̀ll, nni wɔɔ nnɛ à yùu kì sugtii,

ZYAŊ 13:32

I Bɛ̀ll à mɛ kem ɓi nyi, cààmɛ̀n lɛsàg Bɛ̀ll à rì girig nyi ɓiì kemzii ɓi nyimiɗ.

ZYAŊ 15:15

Màa reŋdi ɓi mini lɛ ɓɛ̀kìì-ɓìsay, ɓisuulɛ, ǹkìì-kìsay a ti kɛ̀ɛ yi com ki masà wìì a kìkì. Wɔ̀lɛ ǹɗeŋii mìni lɛ mɛ̀ghan mɛm̀ ɓisuulɛ m̀mɛ rèsag mìni ɓìɓan ɓìcèm ɓi ǹwokà rì Seŋi wɛ̀m.

ZYAŊ 16:15

Ɓìɓan ɓìcèm ɓi Tààta à rì rì ɓyɔ, ɓi ri ɓiŋkɛ̀m, fɔlɔɔ nnɛ màa kpaa miì lɛ, Nghay à ri teɗ ɓiɓan ɓyɛm̀, à kpaa mìni ɓyɔ̀.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 3:25

Nni nyoey yi kpighà lɛ rì ɓɛ̀yilàg ɓɛ Zyaŋ, rì muu Ɓɛ̀yudɛ̀n ɓi kìɓan ki ritɛn, ɓi ɓìsyɔ̀ɔ̀ ɓi righerɛ̀n ɗi Ɓɛ̀yudɛ̀n.

ZYAŊ 5:26

Lɛ fɛlɛ yɛ̀ɛ Seŋi à rì rì ìtèɗ wu fayɛn cɛɓ, fɔɔnnɛ à kìghà lɛ, Man a ɓa girig rì ìtèɗ wu fayɛn cɛɓ.

ZYAŊ 5:27

À faghà nyi ìtèɗ wulɛ a yɔm̀ ɓìɓan ɓi ɓum lɛ, à rì Man à mum.

ZYAŊ 9:29

Tì yii lɛ, Bɛ̀ll à tòòghrɛ̀ngà rì Moyis; wɔ̀lɛ roànɛ, tì yii ɓi fennɛ à pɛ̀sɛɛ yì.

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

MƐ̀KÌKÌÌ MƐ ƁƐKƐ̀NÌ-FÌTOM 2:17

Ɓi mɛ̀ru mɛ siitòn, ǹɗomigɛy Ǹghay wɛ̀m ɓi mum bimiɗ, fɔɔnnɛ ɓɛ̀dɛlì ɓin rì ɓɛ̀gɔ̀n ɓin ɓɛ ɓaà gɛ ɓɛ̀kpaŋzì-ɓìɓan ɓɔn ɓin ɓɛ ghɛnghɛ̀n dàm yi ɓiɓan rì ìtèɗ wu Nghay à Bɛ̀ll, ɓìdɛ̀ndɛm ɓi kikì ɓìtùg ɓin ɓi ɓum.

RÒMƐŊ 1:4

Ɓi san ànɛ a Kìtɛntɛ̀ɛ̀n ki Nghay, ki ghɛnɛ̀n lɛ à rì Man à Bɛ̀ll, rì ìtèɗ, ɓi rìghèmɓɛ̀n ɗi à ghèmɓɛ̀ngày a ɓìloŋ.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

1 KƆ̀RƐ̀ŊTYƐŊ 2:7

Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

1 KƆ̀RƐ̀ŊTYƐŊ 8:6

nsoò fɔlɔɔ, ɓi ɓɛg ànɛ a lɔ̀ŋkis, Bɛ̀ll à rì lɔŋ bog, nnyɛɛ ri Seŋi ànɛ à kìghà ɓyom ɓìcèm, ɓisu wii nnɛ ɓìsiì ghɛghɛ̀ɓ. Fɔɔnnɛ Kan à rì girig bog lɛ Yeesus Kiris, ànɛ à ti à kìlàg lɛ ɓyom ɓìcèm ɓyɛɛ ɓa, ɓìsii ki ghɛghɛɓ lɛ nyi.

GÀLAT 4:4

Nni yɛ̀ɛ cààmɛ̀n ki Bɛ̀ll nyimiɗ a fèkà ki ghɛɛ̀sɛ̀ngà, nni à romgày Man wiì, à yalɛ̀n ɓi ɗùm ɗi giɓ, à ghɛɓ ɓi rìlàmì ɗi ɓidɔ̀gsɛna ɓi Ɓɛ̀yudɛ̀n,

EFÈZYƐŊ 1:10

Kìɓan kiǹ, Bɛ̀ll à ɓiì ràtɛɛ kɔ kì kìi, di cààmɛ̀n ki mɛ ghɛ̀ɛ̀sɛ̀n; à taŋzɛ̀n ɓyom ɓìcèm ɓi ɓi ri aɗyoo, rì ɓi ɓi ziinɛ lɛ ɓyɛɛ ɓa rìfòm ɗifog lɛ Kiris.

EFÈZYƐŊ 3:9

Lɛ nɗesi ɓi kìtɛɛtɛn yɛ̀ɛ Bɛ̀ll a rooroòzì fèg wìì anɛ a maà ɓa ǹnyamɛn, cààmɛ̀n kìcèm. Bɛ̀ll ànɛ à kìghà ɓyom ɓìcèm, nnyaà nyamnyàm fèg ànɛ̀n nyimiɗ.

EBIREEGH 1:5

Ɓisuulɛ Bɛ̀ll à ka kpaaghà ɓi ŋwaà fìtom adɛŋ lɛ: Ù rì Man wɛm̀, à tumɛ̀n gɛɛ̀nɛ, ǹti soŋì, nsoò lɛ: Mɛ̀ ǹɗì nyi ɓiì ɓaà Seŋi, nyii ɓa mɛ̀ Man.

EBIREEGH 1:8

Wɔ̀lɛ ɓi ɓɛg ànɛ yɛ̀ɛ Man, à kpaa lɛ: wɔ̀ Bɛ̀ll ìkɔ̀ɔ̀ wɔɔ wu rilàmì wu ri fiɗyàɓ fikɔ̀ɔ̀, kìgeŋ kɔɔ ki rilàmì, ki ri kìgeŋ ki rilàmì ɗi saaɗ.

EBIREEGH 11:3

Lɛ rìgherɛ̀n nnɛ tì ti tì yilàg lɛ Bɛ̀ll à kìghà zi ri jɛ̀ɛ̀ yìì, ɓi lèg ànɛ lɛ ɓyom ɓìcèm ɓi ti seesee ɓi kilɛ̀ngà rì com ki ŋwaà ghɛɛ ɓì.

EBIREEGH 2:3

Nni lannɛ tì rì ɓiì kìi lɛ tyɛ̀ ki teɗ deɓ di tì sɛɛtii coo gòri yɛ̀ɛ ìnɛ? Kan nyimiɗ a lokà kìkpaà kìɓan ki gòri ìnɛ̀n, fɔɔnnɛ ɓumɓɛ ɓɛ wokà di a kpaakpàà ɓɛ siìràkà ɓìsi kì rèsii saaɗ ànɛ miì.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

EBIREEGH 4:14

Yɛ̀ɛ tì rì min ri nkɔ̀mɛ̀n-ɓɛ̀pìrɛɛtìrɛ̀ àgwey lɛ Yeesus ànɛ à rì Man à Bɛ̀ll ànɛ à ɓɔkà aɗyoo yɛ̀ɛ Bɛ̀ll, tì ghɛ̀ɛ̀sɛɛ kì sììrɛɛ lɛ syeesyee ɓi ɓìɓan ɓi tì gherɛɛ ɓyɛɛ̀ɓi tì ti tì kakàlì ɓum.

EBIREEGH 5:8

Nsoò yɛ̀ɛ à ɓaghà Man à Bɛ̀ll, à yilàkà com ki lɛ mɛ̀wog, ɓi mɛ̀tɔɓ mɛ̀cèm mɛ à wokà;

EBIREEGH 7:28

Ɓumɓɛ ɓìdɔ̀gsɛna ɓi Moyis ɓi nfalàg ìkɔ̀ɔ̀ wu ǹlàmì-ɓɛ̀pìrɛɛtìrɛ̀ àgwey, ɓɛ ɓaghà lɔŋ ɓumɓɛ ɓɛ ri lɛ ɓɛ ki kìɓe; wɔ̀lɛ jɛ̀ɛ̀ ìnɛ ì rì ɓi bɛ̀ɗ inɛ Bɛ̀ll à kànɛ̀ngà ajɛ̀m ì ɓìdɔ̀gsɛna ɓi Moyis, ì ɓɔgsìghà Man à Bɛ̀ll ǹlàmì-ɓɛ̀pìrɛɛtìrɛ̀ àgwey ànɛ à ti ɓi nɗɛli wulɛ kɛ̀ɛ nààdi isuùcèm.

EBIREEGH 7:3

À rì kɛ̀ɛ̀ seŋi, kɛ̀ɛ̀ jɛɛ, kɛ̀ɛ̀ rìfuuyì; ɓɛ ɓuŋi ɓi kiɓan ki riyalɛ̀n ɗii, nsoò ki riwù ɗii jàŋ idɛŋ, à pisɛɛ Man à Bɛ̀ll ànɛ à rì lɔŋ pìrɛɛtìrɛ̀ fìɗyàɓ fikɔ̀ɔ̀.

EBIREEGH 9:26

I kɛɛ ɓa fɔlɔɔ, di ki ghɛɛ̀sɛ̀ngà min lɛ Kiris a wog rìkɛŋ gɛ̀n lɛ gɛ̀n à tumɛ̀n yɛ̀ɛ zi i kìlɛ̀ngà. Wɔ̀lɛ ɓi cààmɛ̀n ki, à yùghà gɛ̀n bog ɓi gɛ̀n yicèm, di mɛ̀ru mɛ siitòn mɛɛ̀ kɛ̀ɛ̀kɛɛ yi lɛ a legsi kìɓe di à fùnɛɛ nyimiɗ.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

2 PYƐƐRI 3:3

Ka looghna kì yiì lɛ, ɓi mɛ̀ru mɛ siitòn, ɓum ɓɛdɛŋ ɓɛ ɓiì pee yì, ɓɛ ghɛghɛ̀ɓ lɔŋ yɛ̀ɛ mɛ̀rem maa mɛɛ̀ kɔ̀nkɔ̀n, ɓɛ wɔwɛ̀y mìni

ZYUUDƐ 1:18

Ɓɛ kpaaghà mìni lɛ: Ɓi mɛ̀ru mɛ siitòn, ɓum ɓɛdɛŋ ɓɛ ɓaa gɛ, ɓɛ wɔwɛ̀y mìni, ɓɛ ki ghɛghɛɓ ɓi kìɓe lɔŋ yɛ̀ɛ ǹɗem waa wɛɛ̀ kɔ̀nkɔ̀n.