KÒLÒSYƐŊ 4:3 - Bafia Nouveau Testament

³ Ɓì ɓɔ̀ŋzàg girig Bɛ̀ll ɓisu wis lɛ a nɛm̀ ɓìsi bee inɛ ti lamɓɛn jɛ̀ɛ̀ yìì, di fɔɔnnɛ mɛ̀ɛ nghagsi ɓum dwìɗ inɛ ì seesee Kiris, lɛ kiɓan kiǹ kɛɛ̀ki ǹɗì miì nkàgakɛn bɛn.

KÒLÒSYƐŊ 4:3 Iomraidhean Croise

MATYOO 13:11

Yeesus à ɓàg ɓɔ lɛ: Ntòtog ri ɓɔ ɓi dàɗkì lɛ mìniìɓɛ ki ri kì fayɛn lɛ ɓi yi ɓìɓan ɓi ɓi kìlɔ̀ŋ ki aɗyoo ɓi ɓi ri ɓìnyamɛn, wɔ̀lɛ ɓi ɓɛg wàa, ki yin ɓɔ kì fayɛn lɛ ɓɛɛ yi ɓìɓan ɓiǹ.

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

1 KƆ̀RƐ̀ŊTYƐŊ 16:9

Ɓisuulɛ syeesyee à kìtuɓi àa nghɛnɛɛ ɓisuu kisay ki nkìkì, nni ɓɛ̀bènàbena ɓɛ teghɛɛ.

1 KƆ̀RƐ̀ŊTYƐŊ 4:1

Ɓì ghɛ̀ɛ̀sɛɛ min ɓisi kì seesee yɛ̀ɛ ɓɛ̀kìì-ɓìsay ɓɛ Kiris, ɓɛ ɓɛ ri ɓɛ̀ɓèŋì ɓɛ ɓɛkɔɔ̀kɔɔ̀ ɓɛ ɓiɓan ɓɛ Bɛ̀ll à nyamgà.

2 KƆ̀RƐ̀ŊTYƐŊ 2:12

Yɛ̀ɛ ǹkpagà a Tirowas lɛ nghagsi Syeesyee à Ɓɔlɛ à Kiris wɔɔ, ki soo ɓaghà lɛ Kan à nɛmgà mɛ̀ bee lɛ syeesyee lɛ nki kìsay kiǹ wɔɔ.

EFÈZYƐŊ 3:1

Kìɓan kiǹ kɛɛ̀ki mɛ̀ Pol ànɛ ǹɗì kìmbùŋ ki Yeesus Kiris ɓisuu win mìni ɓɛ ɓì yin Ɓɛ̀yudɛ̀n mɓɔ̀ɔɓɔŋzì Bɛ̀ll.

EFÈZYƐŊ 3:3

Mɛ̀ n-yii fèg à Bɛ̀ll ànɛ a rìnyam fɛlɛ yɛ̀ɛ màa fèèghrɛɛ mìni kì còŋi lɛsàg lɛ nnyɛɛ resii mɛ̀ fèg ànɛn.

EFÈZYƐŊ 3:4

I ɓì ɓàli gàɓ ì ɓìɓan inɛ màa kàni, ɓì rì lɛ ɓì ghɛn lèg ànɛ yɛ̀ɛ ǹ-yii ɓìɓan ɓi a rìnyam ɓi ɓi seesee Kiris.

EFÈZYƐŊ 3:9

Lɛ nɗesi ɓi kìtɛɛtɛn yɛ̀ɛ Bɛ̀ll a rooroòzì fèg wìì anɛ a maà ɓa ǹnyamɛn, cààmɛ̀n kìcèm. Bɛ̀ll ànɛ à kìghà ɓyom ɓìcèm, nnyaà nyamnyàm fèg ànɛ̀n nyimiɗ.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

FÌLÌPYƐŊ 1:19

ɓisuulɛ ǹ-yii lɛ, kìɓan kiǹ ki ɓiì lɔ̀ɔ̀ghrɛɛ ɓi bee inɛ lɛ mɛ̀ ǹghɛɓ lɛ bɔ̀ŋzɛ̀n yin, rì ǹghɛɓsɛn wu Ǹghay à Yeesus Kiris à ti à yùlàg rì wɔ.

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

KÒLÒSYƐŊ 1:26

yɛ̀ɛ ri kìɓan ki Bɛ̀ll à ɓègà a rìnyam fìɗyàɓ fikɔ̀ɔ̀, lɛ gbàà yi ɓum yìcèm yɛ̀ kɛɛ̀ yi, wɔ̀lɛ kɛɛ̀ki à mɛ rèsi ɓum ɓii ɓi cààmɛ̀n ki,

KÒLÒSYƐŊ 4:18

Mɛ̀ɛmiɗ Pol yɛɛ kaniì mìni ɓìtɔkì rì càg kɛm̀, kɛ̀ ɓi ɗimzɛn lɛ ǹɗì ɓi naà-zày. Geesɛ̀n ì Bɛ̀ll yɛ̀ɛ ɓa rì mìni!

TÈSÀLÒNÌSYƐŊ 5:25

Ɓɔɔsoŋ̀, ɓì ɓɔ̀ŋzàg girig ɓisu wis.

2 TIMOTE 1:16

Kan à ghɛ̀ɛ̀sɛɛ kì rèsii ǹɗem wii wu nyìinyìg ɓi naa ì ɓum ì Onezifɔɔr ɓisuulɛ ɓyaàmɛ̀n lɛɛ̀gwey, a fɔɔsag mɛ nɗem, kɛ̀ɛ wog ntoòrìɗ ri naà-zày ìnɛ ǹɗì miì.

2 TIMOTE 2:9

Syeesyee à Ɓɔlɛ ànɛ̀n nnɛ nwowog mɛtɔɓ miì à kpaŋ ɓi lèg ànɛ lɛ ɓɛɛ kaŋ̀ mɛ̀ bɛn lɔŋ yɛ̀ɛ ǹwolì-ɓum, kìɓan kifog jɛ̀ɛ̀ ì Bɛ̀ll yɔ̀ɔ̀ yin nkàŋɛn bɛn.

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

FILEMƆŊ 1:22

Ǹkpaatii wɔ̀ lɛ u pegsɛn mɛ̀ kìden ki naa ɓisuulɛ ǹɗì rì dyàɓɛn lɛ bɔ̀ŋzɛ̀n yin yi ri ɓiì kìi lɛ ɓɛɛ pɛɛ̀ziì mɛ̀ a lɔ̀ŋkin.