KÒLÒSYƐŊ 3:3 - Bafia Nouveau Testament

³ Ɓisuulɛ, ɓì rì ɓìloŋ, cɛɓ kin ki ri kì nyamɛn nɗaŋ ɗi Kiris ɓi Bɛ̀ll.

KÒLÒSYƐŊ 3:3 Iomraidhean Croise

MATYOO 11:25

Nni ɓi cààmɛ̀n kiǹ, Yeesus à pɛ̀sìghà ɓìtòkì à kpaa lɛ: Tààta, wàànɛ ù lamii lɛ rì ɗyoo rì zi, ǹfaa wɔ̀ ɓìtògsɛ̀n ɓisuulɛ ù nyamgàkà ɓɛ̀yiì-ɓìɓan rì ɓum ɓɛ ɗyomzɛ̀n ɓìɓan ɓi, ù rèsì ɓɔɓti ɓɛsàg ɓyɔ.

ZYAŊ 14:19

Cààmɛ̀n lɛsàg ziinɛ yàa ghɛɛ̀di ɓi mɛ, lɔŋ mìni yɛɛ ri mɛ̀ ɓiì seesee ɓisuulɛ ǹɗì cem, nni mìni girig ɓì ɓiì ɓaà rì cɛɓ.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 5:21

Lɛ fɛlɛ yɛ̀ɛ Seŋi à ti à ghèmzàg ɓìloŋ, à fa ɓyɔ cɛɓ, fɔlɔɔ nnɛ Man à ti à falàg girig ɓumɓɛ à kɔ̀ni cɛɓ.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 5:40

Nsoò fɔlɔɔ, ɓì kɔ̀ni ɓi lɛ di ɓyàa yùu yì a lɔ̀ŋkɛm̀ lɛ ɓi ghɛǹ cɛɓ.

RÒMƐŊ 5:10

Tì ɓaghà ɓɛ̀bènàbena ɓɛ Bɛ̀ll, wɔ̀lɛ à pègsɛ̀ngà paàzì ànɛ lɛ rì ɓìsi rì nyi ɓi rìwu ɗi Man wiì. Nni ɓigomìnɛ yɛ̀ɛ tì ti min lɛ syeesyee rì nyi, cɛɓ ki Man wiì ki ɓiì ghɛɓsii ɓisì.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

RÒMƐŊ 6:11

Fɔlɔɔ nnɛ mìni girig, ghɛɛna mìniìɓɔmiɗ fɛlɛ yɛ̀ɛ ɓumɓɛ ɓɛ ti ɓìloŋ ɓi san ànɛ a kìɓe, ɓɛ ki ɓa cem ɓisuu Bɛ̀ll, ɓi Yeesus Kiris ɓi ɗùm.

RÒMƐŊ 6:2

Èe èe. Tì rì ɓìloŋ ɓi san ànɛ a kìɓe, nni lannɛ tì rì lɛ tì ghɛɓtì ɓi kìɓe?

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

1 KƆ̀RƐ̀ŊTYƐŊ 15:45

Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

1 KƆ̀RƐ̀ŊTYƐŊ 2:14

Ŋwaànɛ à yin ɗi Ǹghay à Bɛ̀ll, à yin lɛ à teɗ ɓìɓan ɓi Ǹghay à Bɛ̀ll a rìì rì ɓyɔ ɓisuulɛ ɓìɓan ɓiǹ ɓi ri ɓìyèg ɓi ɓiɓan ɓi rìghɛn ɗii, fɔɔnnɛ à yin lɛ à yi ɓyɔ̀, lɛ ɓi ri ɓìɓan ɓi ɓɛɛ̀ fiɓɓag ri Ǹghay.

2 KƆ̀RƐ̀ŊTYƐŊ 5:14

Lɛ ǹkɔ̀nɛ̀n à Kiris à ɓanɓani ɓìsi rì ìtèɗ ɓisuulɛ ɓìsiì fèki lɛ, i mum bog à wughà ɓisuu ɓum ɓɛ̀cèm, di ɓum ɓɛ̀cèm ɓɛ ri min ɓilòŋ.

2 KƆ̀RƐ̀ŊTYƐŊ 5:7

lɛ ɓìsii yin ɓiì kɛ̀ɛ̀kɛɛ lɛ yɛ̀ɛ ti seesee ɓyom, ti kɛ̀ɛ̀kɛɛ lɛ rìgherɛ̀n.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

EFÈZYƐŊ 3:9

Lɛ nɗesi ɓi kìtɛɛtɛn yɛ̀ɛ Bɛ̀ll a rooroòzì fèg wìì anɛ a maà ɓa ǹnyamɛn, cààmɛ̀n kìcèm. Bɛ̀ll ànɛ à kìghà ɓyom ɓìcèm, nnyaà nyamnyàm fèg ànɛ̀n nyimiɗ.

FÌLÌPYƐŊ 4:7

Fɔɔnnɛ fyòoog à Bɛ̀ll ànɛ ɓum ɓɛ yin ɗi ìtèɗ wulɛ ɓɛ wog, à ɓiì ɓèŋi mɛrem min rì mɛ̀yitì min ɓi Yeesus Kiris ɓi ɗùm.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

KÒLÒSYƐŊ 2:20

I ɓì wughà ǹɗaŋ ri Kiris ɓi ɓɛg ànɛ a mɛ̀tèɗ mɛ mɛghay mɛ ɓi ziinɛ, ɓisuucɛ nnɛ ɓɛ kaŋkàŋ tì mìni rì ɓìɓan ɓiǹ yɛ̀ɛ ɓɛɛ̀ kali lɛ ɓì kaka ɓì ghɛghɛ̀ɓ ɓi ɓìsyɔ̀ɔ̀ ɓi ɓi ziinɛ?

KÒLÒSYƐŊ 2:3

Ɓi Kiris ànɛ̀n nnɛ ìkum wu ɗyomzɛ̀n wùcèm rì wu riyi ɗi ɓiɓan wu ri wù nyamɛn.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

1 PYƐƐRI 3:4

kìɓan kifog ǹɗɛ̀ŋ wu ɓì ghɛɛ̀sɛɛ kìɓaà rì wɔ wu ri wu wu ri wù nyamɛn ɓi nɗem, wɛɛ ri ǹɗɛ̀ŋ wu wu yin lɛ wu ɗyoŋ, lɛ wu ri ǹɗɛ̀ŋ wu nghay wu wu ri lɛ tɛ̀tɛ̀rɛ̀ɛ̀, wɔ tì lɛ fyòoog, rìkuu ɗìn ɗyɛɛ ri gìn i com ɓi mis mɛ Bɛ̀ll.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

ÀPÒKÀLIƁSƐ̀ 2:17

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali ɓiseŋi ɓi Kiris. Ŋwaànɛ à ɓiì yagsaagh ǹfa nyi manà mɛ mɛ ri mɛ̀ nyamɛn, rì gɔ̀g ìmpuɓ; gɔ̀g ìnɛn ì rì rì ɗii ɗi nyɔn miì ɗìkànɛn ɗi ŋwaàdɛŋ à yii ɓi, i ki cee ɓi lɛ ŋwaànɛ ɓɛ faa gɔ̀g ìnɛn.