MƐ̀KÌKÌÌ MƐ ƁƐKƐ̀NÌ-FÌTOM 8:3 - Bafia Nouveau Testament

³ Wɔ̀lɛ, ɓi ɓɛg ànɛ yɛ̀ɛ Sol nyii kɛnkɛ̀ngà lɔŋ asu à tɔtɔ̀ɓ ɓɛ̀gherɛ̀n; à ɗiɗìŋìghà ɓi ɓɛ̀naa, di a Kpaakpàŋzìì lɛ, rì ɓɛ̀yiɓ ɗì ɓɛ̀baŋì ɓi-tèɗ à ki foŋfoŋ ɓɔ ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 8:3 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 16:19

Yɛ̀ɛ ɓɛ̀masà ɓɛ giɓ anɛ̀n ɓɛ ghɛngà lɛ bee yaà ì rìfɔ̀n ìnɛn ì simɓɛɛ, nni ɓɛ ɓangà lɛ, rì Pol rì Silas, ɓɛ kɛǹ ɗì ɓɔ ɓi jàŋ ì ɓɛ̀yɔ̀m ɓi mis mɛ ɓɛyɔ̀mì-ɓìɓan.

MƐ̀KÌKÌÌ MƐ ƁƐKƐ̀NÌ-FÌTOM 22:19

Nni ǹkpaaghà lɛ: Kan, ɓɔmiɗ ɓɛ yii lɛ, mɛ̀ɛ nkɛ̀ngì ɓi naa yi bɔ̀ŋzɛ̀n, di mɓanɓan yi ɓumɓɛ ɓɛ gherɛɛ wɔ̀, m̀pìpìg ɓɔ ɓi naà-zày, ǹki reereɓsì lɛ ɓɛɛ ɓog ɓɔ kìtòn.

MƐ̀KÌKÌÌ MƐ ƁƐKƐ̀NÌ-FÌTOM 7:58

Ɓɛ kɛǹ ɗì nyi fìràɓ ɗi bàn, ɓɛ tumɛ̀n nyi rìrogì ɗi gɔ̀g lɛ ɓɛɛ wey nyi. Ɓɛ̀wusìnɛ̀ɗ ɓɛ ɓi kìɓan kiǹ ɓɛ reɓsɛ̀ngà ɓìlàà ɓyaa ri dɛlìì mum ìdɛŋ ɗii lɛ Sol.

MƐ̀KÌKÌÌ MƐ ƁƐKƐ̀NÌ-FÌTOM 8:2

Ɓumɓɛ ɓɛ ɓaghà ɓɛ̀falɛn ɓi rìgherɛ̀n ɓɛ ɓomgà Ityɛn, ɓɛ ki rèn nyi lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 9:21

Ɓum ɓɛ̀cèm ɓɛ ɓɛ wowòkà di a kpaakpaa fɔlɔɔ, ɓɛ Kuuràkà, ɓɛ tɔtɔ̀g lɛ: Àa ŋwaànɛ yɛɛ ǹ-yeèyèèsì ɓum ɓɛ̀cèm ɓɛ ɓɛɛ kpɔŋkpɔŋ ɗii ɗi Yeesus a Yorisalɛm? Àncèm aà n-yuyuu yì ɓi fɛ rì fèg ànɛ lɛ, a ɓangi bɔ, a fogi ɓɔ ɓi ɓìsɔŋ, di a kɛǹ ɗì ɓɔ a ɓɛ̀pìrɛɛtìrɛ̀ ɓɛgwey?

1 KƆ̀RƐ̀ŊTYƐŊ 15:9

ɓisuulɛ ǹɗì ŋwaà siitòn ɓi nɗaŋ wu ɓɛ̀kɛ̀nì-fìtom; ǹghɛ̀ɛ̀sɛɛ ɓi lɛ ɓɛ reŋì mɛ̀ lɛ ǹkɛ̀nì-fìtom ɓisuulɛ ǹ-yeesìghà kìseŋi ki ɓɔn ɓɛ Bɛ̀ll.

GÀLAT 1:13

Ɓì yii cɛɓ ki ǹghɛghɛ̀ɓkà abɛ̀y di ǹkaka ɓi rìgherɛ̀n ɗi Ɓɛ̀yudɛ̀n? Lɔŋ yɛ̀ɛ ǹ-yeeyèèsìghà Kìseŋi ki ɓɛgherɛ̀n Bɛ̀ll rì rìgɛn, rì yɛ̀ɛ ǹkaakààghà lɛ ntiìsi kɔ.

FÌLÌPYƐŊ 3:6

Bi ɓɛg anɛ a coo rifalɛ̀n ɗi ɓi rìgherɛ̀n ɗis, ǹɗì ŋwaànɛ à yeèyèèsìghà kìseŋi ki Kiris. Ɓi ɓɛg ànɛ a rìɓa ɗi saaɗ yɛ̀ɛ ɓìdɔ̀gsɛna ɓyɛɛ̀ kpaakpàà, com ki ŋwaà rì lɛ à kpaa à ràɗ rì mɛ̀, ki yin.

TIMOTE 1:13

Màànɛ ǹfeèfèngàkà nyi abɛ̀y, ǹ-yeèyèèsì ɓɛ̀gherɛ̀n, ǹkìkì rìbaŋì, mɛ̀ ànɛ̀n innɛ Bɛ̀ll à wokà nyìinyìg ɓisuulɛ ǹ-yighà ɓi com ki ǹkìkìghà, lɛ m̀ɓaghà kɛ̀ɛ̀ kìgherɛɛ.

ZYAG 2:6

Nni i mìnii mɛ sɛɛti soghàsogha! Àa ɓɛ̀guŋgum ɓɛɛ ti ɓɛ yeesàg mìni, ɓɛ kɛnkɛ̀n ɗì mìni ɓi naa yi ɓɛyɔ̀m?