MƐ̀KÌKÌÌ MƐ ƁƐKƐ̀NÌ-FÌTOM 8:1 - Bafia Nouveau Testament

¹ Sol à ghɛngà lɛ rìwey di ɓɛ wolà Ityɛn ɗi ɓaghà syeesyee à kìɓan. Ŋwos àǹcèm ànɛn, wɛ̀y wu pɛsɛ̀ngày ɓisuu kiseŋi ki ki ɓaghà a Yorisalɛm, fɔɔnnɛ ɓɛ̀gherɛ̀n ɓɛ̀cèm ɓɛ saàtɛ̀ngà ɓi ɓɔɔ bàn ɓɛ a Zyude, rì ɓɛ a Samari, lɔŋ ɓɛ̀kɛ̀nì-fìtom cɛ̀ncaa ɓɛɛ rɔɓkà a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 8:1 Iomraidhean Croise

MATYOO 22:6

Ɓɛ̀ro ɓɛmbog ɓɛ sɛn ɓi ɓɛ̀kìì-ɓìsay ɓɛ rifòm, ɓɛ ɓog ɓɔ, ɓɛ ki cuusi ɓɔ.

MATYOO 23:34

Kìɓan kiǹ kɛɛ̀ki ǹɗì mìni ɓiì romiì lɛ: rì ɓɛ̀kpaŋzì-ɓìɓan, rì ɓum ɓɛ ɗyomzɛ̀n, rì ɓɛ̀yiì-ɓìɓan; ɓì ɓiì kìi lɛ: ɓì wey ɓɛ̀roɓɛ, ɓì ghɛ̀rì ɓɔ ɓi ɓɛ̀kɔrɔs, ɓi ɓog ɓɛ̀ro ɓɛmbog ɓi kìtòn ɓi naa yin yi bɔ̀ŋzɛ̀n, ɓì ki kìki ti ɓɛ̀ro ɓɛmbog ǹtɔɓ lɛ i ɓì pɛ̀sɛɛ ɓi bàn ìnɛ, ɓì cee ɓi ìmbog.

MATYOO 5:13

Mìni yɛɛ rì kìkòn ki ɓi ziinɛ, nni i kìkòn ki mɛ rɔ̀ɓ kɛ̀ kɛɛ̀ yɛ̀ɛ̀ti, cɛ kɛɛ̀ki ɓɛ ɓiì kìi lɛ kɛɛ yɛɛ̀ti? Ki rɔɓi lɔŋ lɛ, ɓɛɛ sòɓ kɔ ɓidan, ɓum ɓɛɛ nyɔɔ̀ kɔ rì mɛ̀kòò.

ZYAŊ 15:20

Yitiina jɛ̀ɛ̀ ìnɛ ǹkpaaghà mìni lɛ: Ǹkìì-kìsay a cee ɓi masà wìì. I ɓɛ yeesìghà mɛ̀, ɓɛ ri yeesi girig mìni. I ɓɛ ɓegà ɓìɓan ɓyɛm̀, ɓɛ ɓiì ɓèŋi girig ɓiŋkìn.

ZYAŊ 16:2

Ɓɛ ri nàɓ mini ɓi naa yi bɔ̀ŋzɛ̀n; cààmɛ̀n ki riì kɔm̀, kɔ yɛɛ ri ɓa lɛ, i mum à woli kìbog ki ɓi mìni, à fèkì lɛ à kìi Bɛ̀ll kìsay.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 13:36

Wɔ̀lɛ, Davit à kìghà rìkɔ̀n ɗi Bɛ̀ll ɓi cààmɛ̀n kii nni à wughà, ɓɛ ɓom̀ nyi ɓi jàŋ inɛ ɓɛ ɓomgà ɓɛ̀seŋi ɓii, à ki ɓwɛ̀y ɓi zɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 2:47

Ɓɛ mɓɔgsàg Bɛ̀ll, ɓum ɓɛ̀cèm ɓɛ ki keekeèsì ɓɔ, fɔɔnnɛ Kan à tèèghtègsìghà ǹɗaŋ waa ɓɛ ŋwos ɓɛ̀cèm rì ɓum ɓɛ ki kɔngà Bɛ̀ll lɛ a ghɛɓsi.

MƐ̀KÌKÌÌ MƐ ƁƐKƐ̀NÌ-FÌTOM 22:20

Yɛ̀ɛ ɓɛ wowɔlà wusìnɛ̀ɗ wɔ̀ɔ̀ ànɛ lɛ Ityɛn mɛɛ̀miɗ m̀ɓaghà wɔɔ, mɛ̀ m̀ɓaghà girig ɓijɛ̀m ì ɓɛ̀roɓɛ ɓɛ wolà nyi ɓɛ̀n, mɛ̀ yɛɛ ki ɓèŋɓèŋgà ɓìlàà ɓyaa.

MƐ̀KÌKÌÌ MƐ ƁƐKƐ̀NÌ-FÌTOM 26:10

Kìsay kiǹ kɛɛ̀ki ǹkìghà a Yorisalɛm lɛ mɛ̀ɛmiɗ m̀pìkà ɓɛ̀gherɛ̀n lɛɛ̀gwey ɓi naà-zày rì ìtèɗ wu ɓɛ̀pìrɛɛtìrɛ̀ ɓɛgwey ɓɛ faghà mɛ̀. Mɛ̀ɛ nki ti m̀ɓɛmdàg fèg wàà di ki kpaŋi lɛ ɓɛɛ wey ɓɛ̀gherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 5:18

Ɓɛ ɓangì ɓɔ, ɓɛ pig ɓɔ ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 5:20

Kɛ̀ɛna ɓi naà-Bɛ̀ll, ɓi kakali ɓum ɓìɓan ɓìcèm ɓi ɓi komi cɛɓ ki.

MƐ̀KÌKÌÌ MƐ ƁƐKƐ̀NÌ-FÌTOM 5:33

Fɔɔnnɛ bim i kìghà ɓumɓɛ ɓi ǹtaŋzɛn wiǹ lɛɛ̀gwey yɛ̀ɛ ɓɛ wokà ɓìtòkì ɓiǹ, ɓɛ feg lɛ ɓɛɛ cuusi ɓɛ̀kɛ̀nì-fìtom,

MƐ̀KÌKÌÌ MƐ ƁƐKƐ̀NÌ-FÌTOM 5:40

Fɔɔnnɛ ɓum ɓɛmbog ɓɛ sɛkà rìkpaa ɗi Gamalyɛl ɗiǹ, nni ɓɛ reŋìghày tì ɓɛ̀kɛ̀nì-fìtom, ɓɛ ɓog ɓɔ ɓi kìtòn, ɓɛ rɔgsɛ̀n ɓɔ lɛ, ɓɛ̀ kɛɛ̀ kpaati ɓum kìɓan ki Yeesus, ɓɛ ki càɗ min ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 7:38

Yɛ̀ɛ kìlɔ̀ŋ ki taŋzɛ̀ngà ɓi-reɓ, Moyis yɛɛ ɓaghà ɓi nyìinyìm ànɛ lɛ, rì ɓɛ̀seŋi ɓis rì ŋwaà-fìtom anɛ à tòtòkà ɗì nyi ɓi dòn ì Sinayi. Nnyɛɛ ghaɓkà jɛ̀ɛ̀ yi Bɛ̀ll yi yi ri cem lɛ a ghagsi mìni yɔ.

MƐ̀KÌKÌÌ MƐ ƁƐKƐ̀NÌ-FÌTOM 7:54

Yɛ̀ɛ ɓumɓɛ ɓi Sànèdìrɛŋ ɓɛ wokà ɓìtòkì ɓi Ityɛn ɓiǹ bim i naasàg ɓɔ, ɓɛ tum rìŋààŋààdì ɗi min lɛ bim inɛ ɓɛ wokà rì Ityɛn.

MƐ̀KÌKÌÌ MƐ ƁƐKƐ̀NÌ-FÌTOM 7:58

Ɓɛ kɛǹ ɗì nyi fìràɓ ɗi bàn, ɓɛ tumɛ̀n nyi rìrogì ɗi gɔ̀g lɛ ɓɛɛ wey nyi. Ɓɛ̀wusìnɛ̀ɗ ɓɛ ɓi kìɓan kiǹ ɓɛ reɓsɛ̀ngà ɓìlàà ɓyaa ri dɛlìì mum ìdɛŋ ɗii lɛ Sol.

MƐ̀KÌKÌÌ MƐ ƁƐKƐ̀NÌ-FÌTOM 8:14

Yɛ̀ɛ ɓɛ̀kɛ̀nì-fìtom ɓɛ ɓɛ rɔɓkày a Yorisalɛm, ɓɛ wokà lɛ ɓum ɓɛ a Samari ɓɛ ghaɓi jɛ̀ɛ̀ ì Bɛ̀ll lɛ syeesyee, nni ɓɛ romgà lɛ rì Pyɛɛri rì Zyaŋ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 8:2

Ɓumɓɛ ɓɛ ɓaghà ɓɛ̀falɛn ɓi rìgherɛ̀n ɓɛ ɓomgà Ityɛn, ɓɛ ki rèn nyi lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 8:4

Ɓɛ̀gherɛ̀n ɓɛ ɓɛ Saàtɛ̀ngà ɓɛǹ, ɓɛ Kɛɛ̀kɛ̀ɛ̀ghà jàŋ lɛ jàŋ di ɓɛɛ̀ ghaaghagsì ɓum Syeesyee à Ɓɔlɛ.

MƐ̀KÌKÌÌ MƐ ƁƐKƐ̀NÌ-FÌTOM 8:5

Fɔɔnnɛ Filiɓ à Sɛngà ɓi bàn ìdɛŋ ìnɛ a Samari à kakàlì ɓumɓɛ wɔɔ kiɓan ki ǹghɛɓsì ɓum.

MƐ̀KÌKÌÌ MƐ ƁƐKƐ̀NÌ-FÌTOM 9:31

Kìseŋi ki ɓaghà lɛ fyòoog, ɓi zi ì Zyude bimiɗ, a Galile rì a Samari; kìseŋi ki tetèkà ìtèɗ, ki kikì Kan mɛ̀wog, ki ki tèeghteghɛ̀n rì ǹghɛɓsɛn wu Kitɛntɛ̀ɛ̀n ki Nghay.

RÒMƐŊ 1:32

Nsoò yɛ̀ɛ ɓɛ yii lɛ Bɛ̀ll à rengà lɛ ɓumɓɛ ɓɛɛ̀ kìki mɛkuu mɛ ɓiɓan mɛǹ, ɓɛ ghɛɛ̀sɛɛ dì rìwu, ɓɔɔ kɛnkɛ̀n lɔŋ asu ɓɛ kikì ɓyɔ, ɓɛ̀ kɛɛ̀ ki sugtɛn foo, ɓɛ kɛɛ̀dì asu ɓɛ sɛsɛ̀g ɓumɓɛ ɓɛɛ̀ kìki girig ɓìɓan ɓi fɔ̀lɔ̀ɔ̀.

FÌLÌPYƐŊ 1:12

Ɓɔɔsoŋ̀, ki kɔni mɛ̀ lɛ di ɓyàa yii lɛ, kìɓan ki ki nkìi mɛ̀, ki nghɛɓsii kɔm̀ lɛ Syeesyee à Ɓɔlɛ a kɛɛ̀di beèbɛ̀y.

EBIREEGH 11:27

Lɛ rìgherɛ̀n innɛ à pɛ̀sɛ̀ngày a Egiɓtɛn, kɛ̀ɛ risi bim inɛ rìfòm ɗi ɓaghà lɛ ɗi wog, à sììrɛ̀ngà lɔŋ ɓi nɗɛli wii yɛ̀ɛ ɓɛɛ̀ kali lɛ, a seesee Bɛ̀ll ànɛ ɓaà ghɛn ɓi.