MƐ̀KÌKÌÌ MƐ ƁƐKƐ̀NÌ-FÌTOM 6:3 - Bafia Nouveau Testament

³ Fɔɔnnɛ mìni ɓɔɔsoŋ̀, ɓì ghɛ̀ɛ̀sɛɛ kì ɓɔ̀ni ɓum taàɓɛ̀ɛ̀ ɓi nyìinyìm wiǹ, ɓɛ ɓum ɓɛ yii lɛ, ɓɛ rɔɔtaagh ɓìsyɔ̀ɔ̀, ɓɛ ki ɓa ɓɛronɛn ɗì Kìtɛntɛ̀ɛ̀n ki Nghay, rì ɗyomzɛ̀n, ɓɛɛ̀ ɓɛ ti fa kìsay ki rikàɓsì ɗi ɓiɗilàg.

MƐ̀KÌKÌÌ MƐ ƁƐKƐ̀NÌ-FÌTOM 6:3 Iomraidhean Croise

MATYOO 23:8

Wɔ̀lɛ mìnii ghɛɛ̀sɛɛ ɓi ki gherɛɛ lɛ, ɓɛɛ rereŋi mìni lɛ ɓɛ̀rèsàg ɓisuulɛ, ɓì rì lɔŋ ri ǹɗèsàg bog, miniìcèm ɓì ki ɓa ti ɓi rìgeni.

ZYAŊ 21:23

Ɓi jɛ̀ɛ̀ ìnɛn nnɛ ɓɔlɛ à sààghà ɓi nyìinyìm à ɓɛ̀geni ɓɛ ɓi rìgherɛ̀n lɛ ǹ-yilàg ànɛ̀n àa wu ɓi; kɔm̀ lɛ Yeesus à kpaaghà ɓi Pyɛɛri lɛ ǹ-yilàg ànɛ̀n àa wu ɓi. À kpaaghà lɔŋ lɛ: I ǹkɔ̀ni lɛ a ɓaɓa ɓi cɛɓ à kpaŋ yɛ̀ɛ ǹɗi sugtiì ki ri wɔ̀ a cɛ?

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 1:21

Ki ghɛɛ̀sɛɛ lɛ, yɛ̀ɛ ɓum ɓɛdɛŋ ɓɛ kɛɛ̀kɛ̀ɛ̀ghà rì ɓìsi cààmɛ̀n kìcèm ki Kan Yeesus à rerènìghà kìlɔ̀ŋ nɗaŋ ri ɓìsi,

MƐ̀KÌKÌÌ MƐ ƁƐKƐ̀NÌ-FÌTOM 10:22

Nni ɓɛ ɓakà nyi lɛ: Tì yùu yì fɛ lɛ ǹkɔ̀mɛ̀n ɓɛ̀sujàà ànɛ lɛ Kɔrinɛy yɛɛ romiì ɓìsi a lɔ̀ŋkɔɔ, àncèm à rì saaɗ à mum ànɛ à ti à risàg Bɛ̀ll, à ki rì tì ŋwaànɛ Ɓɛ̀yudɛ̀n ɓɛ̀cèm ɓɛɛ̀ Sɛsɛ̀g; ŋwaà-fìtom a Bɛ̀ll àa ǹkpaa nyi lɛ a regiì wɔ̀ a mɛɛ mii, a wog jɛ̀ɛ̀ ìnɛ ù rì lɛ ù kpaa nyi.

MƐ̀KÌKÌÌ MƐ ƁƐKƐ̀NÌ-FÌTOM 15:23

Fɔɔnnɛ ɓɛ romgà ɓɔ rì kaàtà ànɛ à ɓaghà ǹkànɛn fɛlɛ̀: Ɓɛ̀geni ɓin ɓɛ lɛ, rì ɓɛ̀kɛ̀nì-fìtom, rì ɓɛ̀sɛ̀ɛ̀mɛn, ɓɛ togsaghiì mìni ɓɛ̀geni ɓaa, ɓɛ ɓì yin Ɓɛ̀yudɛ̀n, ɓɛ ɓì kɔ̀kɔrii a Aŋtyos, rì a Sirii, ri a Silisii.

MƐ̀KÌKÌÌ MƐ ƁƐKƐ̀NÌ-FÌTOM 16:2

ɓɛ̀gherɛ̀n ɓɛ a Listirɛ rì ɓɛ a Ikonyɔm ɓɛ sɛsɛ̀kà nyi.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

MƐ̀KÌKÌÌ MƐ ƁƐKƐ̀NÌ-FÌTOM 22:12

Ŋwaàdɛŋ à ɓaghà wɔɔ ɗii lɛ Ananyas, à ɓaghà ŋwaànɛ à falɛ̀ngà ɓi rìgherɛ̀n à ki nɔ̀ɔnɔɔ̀tì ɓìdɔ̀gsɛna ɓis, Ɓɛ̀yudɛ̀n ɓɛ̀cèm ɓɛ ɓɛ ɓaghà a Damas, ɓɛ sɛsɛ̀kà nyi.

MƐ̀KÌKÌÌ MƐ ƁƐKƐ̀NÌ-FÌTOM 28:14

Tì tanɛ̀ngà ɓɛ̀geni ɓis ɓɛ righerɛ̀n wɔɔ ɓi jàŋ inɛ̀n, ɓɛ tɔg ɓìsi lɛ ti lay mɛ̀ru taàɓɛ̀ɛ̀ a lɔ̀ŋkaa, fɔɔnnɛ tì ki kɛ̀ngà a Rom.

MƐ̀KÌKÌÌ MƐ ƁƐKƐ̀NÌ-FÌTOM 6:2

Ɓɛ̀kɛ̀nì-fìtom ǹtɛ̀ɗ ɗì ɓɛɓɛɛ̀ ɓɛ taŋzɛ̀ngà ɓɛ̀kìristɛ̀n ɓɛ̀cèm ɓɛ kpaa lɛ: Ki ghɛɛ̀sɛɛ ɓi lɛ, ti caɗ rìghagsì ɗi jɛ̀ɛ̀ ì Bɛ̀ll, lɛ ti kaàkàɓsì ɓum ɓìɗilàg.

MƐ̀KÌKÌÌ MƐ ƁƐKƐ̀NÌ-FÌTOM 6:5

Fèg ànɛn à kɔ̀ngà ǹɗaŋ wu ɓɛgherɛ̀n wùcèm nni ɓɛ ɓɔngà min lɛ, rì Ityɛn ànɛ à ɓaghà rì coo righerɛ̀n à ki ɓati ǹɗonɛn ri Kìtɛntɛ̀ɛ̀n ki Nghay, rì Filiɓ, rì Pikɔɔri, rì Nikanɔɔri, rì Timɔŋ, rì Parimenas, rì Nikola ànɛ à ɓaghà a Aŋtyos, à ki lɔ̀ɔ̀ghrɛn à ɗiŋì ɓi rìgherɛ̀n ɗi Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 6:6

Nni ɓɛ yughày rì ɓumɓɛ kitaàɓɛ̀ɛ̀, ɓɛ resì ɓɛ̀kɛ̀nì-fìtom, ɓɛ̀kɛ̀nì-fìtom, ɓɛ ɓɔŋzàg Bɛ̀ll, ɓɛ ki saaghràg ɓɔ ɓyàg ɓi nyòò.

MƐ̀KÌKÌÌ MƐ ƁƐKƐ̀NÌ-FÌTOM 9:30

Yɛ̀ɛ ɓɛ̀geni ɓɛ Sol ɓɛ righerɛn ɓɛ wokà fɔlɔɔ, fɔɔnnɛ ɓɛ kɛngà ɗì nyi a Sezare; yɛ̀ɛ ɓɛ kpagà wɔɔ, ɓɛ càɗ nyi lɛ a ghaàgh a Tarisi.

1 KƆ̀RƐ̀ŊTYƐŊ 12:8

Lɛ Nghay à ti à falàg ŋwaàdɛŋ ɗyomzɛ̀n, m̀bobog à Ǹghay ànɛ̀n à fa roàmbog ɓìtòkì ɓi riyi ɗi ɓiɓan.

1 KƆ̀RƐ̀ŊTYƐŊ 16:3

Yɛ̀ɛ mɓiì yùu ǹɗì ɓiì romì ɓumɓɛ ɓì ɓiì ɓɔ̀ni, ri ɓɛ̀kaàtà lɛ ɓɛɛ kɛǹ kìfaà ɓyom ɓi syɔ̀ɔ̀ a Yorisalɛm.

EFÈZYƐŊ 5:18

Kɛ̀ ɓi ŋwagi mɛrɔ̀g lɛ fɔlɔɔ a ti à syògìì cɛɓ ki ɓùùɓuu; kìɓan kifog, ɓaana ɓɛ̀ronɛn ri Kìtɛntɛ̀ɛ̀n ki Nghay.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

ZYAG 1:17

Com ki syeesyee kìcèm ki ɓɛ ri lɛ ɓɛ fa ɓìsi, rì rìɓòò ɗìcèm ɗi ɗi rɔɔtɛɛ lɛ kɔɔ̀kɔɔ̀, ɓi ti ɓi ɓalàg yì aɗyoo, yɛ̀ɛ Seŋi ànɛ à rì rì kìtɛɛtɛn, ànɛ à ti kɛ̀ɛ cenɗɛn, nsoò kìfìì ki lɛ à rì lɛ à lɔ̀gtɛ̀n, ki yin a lɔ̀ŋkii.

3 ZYAŊ 1:12

Ɓum ɓɛ̀cèm ɓɛɛ̀ sɛsɛg Demetiriyus, saaɗ nyimiɗ a sɛsɛg girig nyi, nsoò ɓìsi girig ti sɛsɛg nyi, ù ki yii lɛ, com ki ti kpaakpàà ki ri saaɗ.