MƐ̀KÌKÌÌ MƐ ƁƐKƐ̀NÌ-FÌTOM 26:2 - Bafia Nouveau Testament

² Rìfòm Agiripa, ǹɗì rì kìnyàà lɛ nɗɛli gɛɛ̀nɛ ɓi mis mɔɔ, lɛ n-yɔm̀ ɓìɓan ɓi Ɓɛ̀yudɛ̀n ɓɛ ti ɓɛ sɔɔ̀sɔ̀mɛ̀n mɛ̀ miì

MƐ̀KÌKÌÌ MƐ ƁƐKƐ̀NÌ-FÌTOM 26:2 Iomraidhean Croise

MATYOO 10:19

Kìɓan kifog, i ɓɛ ɓani mìni, mɛ̀rem min mɛ̀ kɛɛ̀ cɛɛcɛɛ̀rɛ̀n rì com ki ɓì rì lɛ ɓì kpaa, nsoò lɛ lannɛ ɓì ɓiì pɛ̀sii ɓitòkì; ɓìɓan ɓi ɓì ghɛ̀ɛ̀sɛɛ kì kpaà ɓi ri mìni ɓiì ɓɔghìì ɓi mɛ̀rem ɓi cààmɛ̀n kɔm̀ kiǹ.

LUKAS 12:11

Nni cààmɛ̀n kìcèm ki ɓɛ ɓiì kɛ̀ɛ ri mìni a ɓɛ̀yɔ̀m ɓi naa yi bɔ̀ŋzɛ̀n, ɓi mis mɛ ɓɛ̀làmì ɓɛ kilɔ̀ŋ, mɛ̀rem min mɛ̀ kɛɛ̀ cɛɛcɛɛ̀rɛ̀n lɛ ɓi fèfeg lannɛ ɓì rì ɓiì yɔ̀mi, rì cɛ kɛɛ̀ki ɓì rì ɓiì kpaà.

LUKAS 21:12

Wɔ̀lɛ di ɓìɓan ɓiǹ ɓìcèm ɓi ka ghɛnɛn ɓi, ɓɛ ri mìni ɓiì ɓangii, ɓɛ ki mìni mɛ̀tɔɓ; ɓɛ ri mìni ɓiì faà rì ɓɛ̀rɛlì-asu ɓɛ ɓi naa yi bɔ̀ŋzɛ̀n lɛ ɓɛɛ yɔm̀ mìni, ɓɛ ki pìg mini ɓi naà-zày; ɓɛ ɓiì kɛ̀ɛ ri mìni a ɓɛ̀làmì rì a ɓɛ̀gɔmìnà ɓisu wɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 25:26

Wɔ̀lɛ ǹka yin ɗi bimiɗ à kìɓan anɛ ǹɗì lɛ ǹkàn Kaaza ɓi kìɓan ki ǹwaànɛ, fɔlɔɔ nnɛ ǹɗɛsii nyi fɛ ɓi mis min, a ɓiisɛ̀n ɓi mis mɔɔ, wɔ̀ rìfòm Agiripa lɛ i tyàa mɔ̀ɔmɔmgì kìɓan kii, fɔɔnnɛ mɛ̀ ǹ-yi cɛ kɛɛ̀ki ǹɗì lɛ ǹkàn Kaaza;

MƐ̀KÌKÌÌ MƐ ƁƐKƐ̀NÌ-FÌTOM 26:1

Nni Agiripa à kpaaghà Pol lɛ: Tì faa wɔ̀ ìtèɗ wulɛ, u kpaàsɛn. Fɔɔnnɛ Pol à nàmgà càg, à tumɛ̀n mɛ̀kpaà lɛ:

MƐ̀KÌKÌÌ MƐ ƁƐKƐ̀NÌ-FÌTOM 26:19

Rìfòm Agiripa, fɔlɔɔ nnɛ ǹkìghà ɓi ɓɛ̀lɔg ɓi kìɓan ki ki resɛ̀ngày mɛ̀ kiǹ aɗyòò.

MƐ̀KÌKÌÌ MƐ ƁƐKƐ̀NÌ-FÌTOM 26:26

Rìfòm ɗi yii ɓìɓan ɓi fɔɔnnɛ nkakali nyi ɓyɔ lɛ fwàafwàày lɛ ǹkonaagh kì yiì lɛ à còmɛɛ ɓi kiɓan miì nsoò kìfog, ɓyɛ̀ kɛɛ̀ ki ɓa ɓiɓan ɓi ɓi kilɛ̀ngà a rìnyam.

MƐ̀KÌKÌÌ MƐ ƁƐKƐ̀NÌ-FÌTOM 26:3

ɓisuulɛ, ù yii ɓìsyɔ̀ɔ̀ ɓi Ɓɛ̀yudɛ̀n ɓìcèm lɛ syeesyee, rì ɓìɓan ɓi ɓi ti ɓi syogàg yì nyoey ɓi nyìinyìm wàà, fɔɔnnɛ m̀ɓɔ̀ŋzaagh wɔ̀ lɛ, u maàsi ǹɗem, u woòg kìtòkì kɛm̀.

MƐ̀KÌKÌÌ MƐ ƁƐKƐ̀NÌ-FÌTOM 26:7

Nkàg wiǹ wɛɛ̀wu mɛ̀kuu mis mɛcèm ntɛ̀ɗ ɗì mɛɓɛɛ̀rɛn mɛ mɛɛ̀ ɓɔɔɓɔgsì Bɛ̀ll lɛ rì ìru rì ŋwos kɛ̀ɛ̀ rìfɔɛy, mɛ tyweetywèèyì lɛ wu ri ɓiì roni rìfòm, ɓisuu ntyweeyi wiǹ innɛ Ɓɛ̀yudɛ̀n ɓɛɛ̀ sɔmag mɛ.