MƐ̀KÌKÌÌ MƐ ƁƐKƐ̀NÌ-FÌTOM 22:3 - Bafia Nouveau Testament

³ Ǹɗì muu Ɓɛ̀yudɛ̀n, ǹ-yalɛ̀ngà a Tarisi ɓi kìlànà ki zi ki a Silisii. Kìɓan kifog, fɛ ɓi bàn ìnɛ nnɛ ǹtɔɔ, ǹki yilag ɓisyɔ̀ɔ̀ ɓi ɓɛseŋi ɓis yɛ̀ɛ ki ghɛɛ̀sɛɛ, a mɛ̀kòò mɛ Gamalyɛl; m̀ɓaghà girig ǹfalɛn ɗi Bɛ̀ll lɔŋ fɛlɛ yɛ̀ɛ mìni girig ɓì rì ɓɛ̀falɛn ɓɛsɛ̀ɛ̀ ɓɛ̀cèm gɛɛ̀nɛ.

MƐ̀KÌKÌÌ MƐ ƁƐKƐ̀NÌ-FÌTOM 22:3 Iomraidhean Croise

LUKAS 10:39

Giɓ anɛ̀n à ɓaghà rì geni a giɓ ɗii lɛ Marii, nnyɛɛ kɔ̀righà Kan a mɛ̀kòò, à wowòg ɓìtòkì ɓii.

LUKAS 2:46

Ɓi mɛ̀ru mɛɓɛɛ̀ nnɛ ɓɛ tanɛɛ nyi ɓi naà-Bɛ̀ll ǹkɔ̀kɔriyɛn ɓi nyìinyìm à ɓɛ̀rèsàg-ɓìdɔ̀gsɛna ɓɛ Ɓɛ̀yudɛ̀n, à tɔtɔ̀g ɓɔ mɛ̀tɔɔ̀ghtɔɔgh, à ki wowog riɓàg ɗyaa.

LUKAS 8:35

Fɔɔnnɛ ɓum ɓɛ pɛsàkày lɛ ɓɛ yuù kìghɛɛ̀ kìɓan ki ki kilɛ̀ngà kiǹ; ɓɛ tanɛ̀ngà ŋwaànɛ ɓìɓeɓtàg ɓi mɛghay ɓi pɛsɛ̀ngà ɓi nyoo ànɛ̀n di à kɔ̀kɔrii Yeesus a mɛ̀kòò, nyi rì ɓìlàà ɓi nyoo, à ki ɓa ɓi nyimiɗ, nni ɓɛ risìghà.

MƐ̀KÌKÌÌ MƐ ƁƐKƐ̀NÌ-FÌTOM 11:25

Nni Ɓarinaɓas à kɛ̀ngà min a Tarisi, à teɗ yì Sol.

MƐ̀KÌKÌÌ MƐ ƁƐKƐ̀NÌ-FÌTOM 15:23

Fɔɔnnɛ ɓɛ romgà ɓɔ rì kaàtà ànɛ à ɓaghà ǹkànɛn fɛlɛ̀: Ɓɛ̀geni ɓin ɓɛ lɛ, rì ɓɛ̀kɛ̀nì-fìtom, rì ɓɛ̀sɛ̀ɛ̀mɛn, ɓɛ togsaghiì mìni ɓɛ̀geni ɓaa, ɓɛ ɓì yin Ɓɛ̀yudɛ̀n, ɓɛ ɓì kɔ̀kɔrii a Aŋtyos, rì a Sirii, ri a Silisii.

MƐ̀KÌKÌÌ MƐ ƁƐKƐ̀NÌ-FÌTOM 15:41

Fɔɔnnɛ à fyeeghà a Sirii rì a Silisii di a tèeteèsì ɓɛ̀gherɛ̀n ɓɛ wɔɔ nyoo ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 21:20

Nni ɓɛ wokà ɓìɓan ɓiǹ, ɓɛ fa Bɛ̀ll rìkem ɓɛ ki kpaa Pol lɛ: Maasoŋ̀, ù ghɛɛ yɛ̀ɛ bàlì ì ɓɛ̀tɔɔsìm ɓɛ Ɓɛ̀yudɛ̀n ɓɛ mɛ gherɛ̀n wɔ̀lɛ, ɓɛ ki rì lɔŋ ɓɛsììrɛn ɓi ɓìdɔ̀gsɛna ɓis.

MƐ̀KÌKÌÌ MƐ ƁƐKƐ̀NÌ-FÌTOM 21:39

Nni à ɓàkà nyi lɛ: Mɛ̀ ǹɗì muu Ɓɛ̀yudɛ̀n ànɛ ɓi bàn ìnɛ a Silisii ìnɛ lɛ Tarisi; ǹɗì ŋwaànɛ ɓi bàn ìnɛ mum à yin lɛ, à còmɛ̀n, kùrùg gherɛn ɓà lɛ ǹtoòghrɛn rì ɓumɓɛ.

MƐ̀KÌKÌÌ MƐ ƁƐKƐ̀NÌ-FÌTOM 23:34

Nni gɔmìnà à ɓàlà kaàtà ànɛn à tɔg min Pol lɛ: Wɔ̀ɔ̀ rì ŋwaànɛ ɓi tum a zi abe? Ɓɛ resì nyi lɛ, ŋwaànɛ a Silisii yɛɛri.

MƐ̀KÌKÌÌ MƐ ƁƐKƐ̀NÌ-FÌTOM 23:6

Yɛ̀ɛ Pol à yighà lɛ ɓumɓɛ̀n ɓɛ ri mɛ̀raŋ mɛɓɛɛ̀ lɛ, rì Ɓɛ̀fàrìzyɛŋ rì Ɓɛ̀sàdùsyɛŋ, fɔɔnnɛ à kpaaghà jɛ̀ɛ̀ aɗyoo ɓi nyìinyìm wàà lɛ: Ɓɔɔsoŋ̀, mɛ̀ ǹɗì Fàrìzyɛŋ, man à Fàrìzyɛŋ nni ɓɛɛ̀ sɔmag mɛ ɓisuulɛ, ǹɗì rì ǹtyweeyi lɛ ɓìloŋ ɓi ri ɓiì ghèmɓɛɛ.

MƐ̀KÌKÌÌ MƐ ƁƐKƐ̀NÌ-FÌTOM 26:5

Ɓɛ yii mɛ̀ fìɗyàɓ, ɓaa ki rì lɛ, ɓɛ ɓa ɓɛ̀wusìnɛ̀ɗ ɓɛm di ɓɛ kɔnì, lɛ ǹghɛghɛ̀ɓkà yɛ̀ɛ Ɓɛ̀fàrìzyɛŋ ɓɛ ɓɛ ri ɓumɓɛ ɓɛ cìɓtaagh rìɓèŋ ɗi ɓisyɔ̀ɔ̀ ɓi ɓi rìgherɛ̀n ɗis.

MƐ̀KÌKÌÌ MƐ ƁƐKƐ̀NÌ-FÌTOM 26:9

Ɓi ɓɛg ànɛ a lɔ̀ŋkɛm̀ ǹfèfèkà lɛ, ki ghɛɛ̀sɛɛ lɛ nɗuù rì ɗii ɗi Yeesus ànɛ a Nazarɛt bee yicèm.

MƐ̀KÌKÌÌ MƐ ƁƐKƐ̀NÌ-FÌTOM 5:34

wɔ̀lɛ ŋwaàdɛŋ ànɛ ɓi ǹɗaŋ wu Ɓɛ̀fàrìzyɛŋ ɗii lɛ Gamalyɛl, ǹɗèsàg ɓìɓan ɓi Bɛ̀ll ànɛ ɓum ɓɛ̀cèm ɓɛ kuuràkà, à pɛ̀sɛ̀ngà aɗyoo ɓi nyìinyìm à Sànèdìrɛŋ, à tɔg lɛ ɓɛɛ ka kpaŋzi ɓɛ̀kɛ̀nì-fìtom ɓidan.

MƐ̀KÌKÌÌ MƐ ƁƐKƐ̀NÌ-FÌTOM 6:9

Fɔɔnnɛ gàɓ ì ɓum ìdɛŋ ìnɛ ɓi naà-bɔ̀ŋzɛ̀n, ìnɛ ì ɓaghà naa ì ɓumɓɛ ɓɛ ka ɓaghà ɓɛ̀kpàn, ɓɛ nyoònyòlɛ̀ngà rì Ityɛn, ɓumɓɛ̀n ɓɛ ɓaghà Ɓɛ̀yudɛ̀n ɓɛ ɓi ɓìlɔ̀ŋ ɓi lɛ: rì Sirɛn rì Alɛgsaŋdirii, rì ɓumɓɛ a Silisii, rì ɓɛ a Azii.

MƐ̀KÌKÌÌ MƐ ƁƐKƐ̀NÌ-FÌTOM 9:1

Yɛ̀ɛ sol à ɓaghà di à kaka rì coo ǹɗem wu rìgɛn wulɛ, a cuùcùùsì ɓɛ̀gherɛ̀n ɓɛ Kan, nni à kɛ̀ngà kì ghɛɛ̀ ǹkɔ̀mɛ̀n ɓɛ̀pìrɛɛtìrɛ̀ àgwey,

MƐ̀KÌKÌÌ MƐ ƁƐKƐ̀NÌ-FÌTOM 9:11

Kan à kpaa tì nyi lɛ: Pɛ̀sɛn aɗyoo, u kɛǹ ɓi bee ì mɛ̀rɛy, u kpaŋ a mɛɛ mɛ Zyudas, u tɔg ŋwaàdɛŋ wɔɔ lɛ Sol, ànɛ à yalɛ̀ngà a Tarisi àncèm a kìki bɔ̀ŋzɛ̀n ɓigomìnɛ;

MƐ̀KÌKÌÌ MƐ ƁƐKƐ̀NÌ-FÌTOM 9:30

Yɛ̀ɛ ɓɛ̀geni ɓɛ Sol ɓɛ righerɛn ɓɛ wokà fɔlɔɔ, fɔɔnnɛ ɓɛ kɛngà ɗì nyi a Sezare; yɛ̀ɛ ɓɛ kpagà wɔɔ, ɓɛ càɗ nyi lɛ a ghaàgh a Tarisi.

RÒMƐŊ 11:1

Nni ǹtɔɔgh lɛ, Bɛ̀ll àa m̀màagh nya kìlɔ̀ŋ kii? Èe èe, à màagh ɓi kɔ. Ɓisuulɛ, mɛ̀ ǹɗì girig kìyalì ki a Isirayɛl, dòò yì Abiraham ɓi rìpwìɗ ɗi Bɛŋzyamɛŋ.

2 KƆ̀RƐ̀ŊTYƐŊ 11:22

Ɓaa soo rì ɓɛ̀-Ebìreegh, mɛ̀ ǹɗì girig muu Ebìreegh; ɓaa soo rì ɓumɓɛ a Isirayɛl, mɛ̀ ǹɗì girig kìbog ki miì; ɓaa soo rì dòò yi Abiraham, mɛ̀ ǹɗì girig dòò yìì.

GÀLAT 1:14

Ɓì yii yɛ̀ɛ m̀ɓaghà di ǹti ǹsììrɛn ɓi rìgherɛ̀n ɗi Ɓɛ̀yudɛ̀n ǹcee ɓɛ̀gbààgbaà ɓɛm lɛɛ̀gwey rì ɓum lɛɛ̀gwey ɓɛ ɓi kìlɔ̀ŋ kɛm̀; ǹfalɛ̀ngà lɛɛ̀gwey ɓi ɓisyɔ̀ɔ̀ ɓi ɓɛseŋi ɓis.

GÀLAT 1:21

Ajɛ̀m ìnɛn, ǹkɛ̀ngà ɓi bàn yidɛŋ yi a Sirii, rì yi a Silisii.