MƐ̀KÌKÌÌ MƐ ƁƐKƐ̀NÌ-FÌTOM 2:9 - Bafia Nouveau Testament

⁹ À tumɛ̀n lɛ ɓɛ̀-Paritɛ, ɓɛ̀-Mɛɛɗɛ, ɓɛ̀-Elamit, ɓumɓɛ a Mɛzopotamii, ri ɓɛ a Zyude rì ɓɛ a Kapados, rì ɓɛ a Pɔŋ, rì ɓɛ a Azii,

MƐ̀KÌKÌÌ MƐ ƁƐKƐ̀NÌ-FÌTOM 2:9 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 18:2

A tuusɛ̀ngà wɔɔ ri muu Ɓɛ̀yudɛ̀n àdɛŋ ɗii lɛ Akilas; ŋwaànɛ̀n à yalɛ̀ngà ɓi kìlànà ki zi ki lɛ Pɔŋ. A pɛ̀sɛ̀ngày a Italii ɓɛɛ̀ Pirisilya à giy, ɓisuulɛ rìfòm ɗi lɛ Kiloodɛ ɗi rengà lɛ Ɓɛ̀yudɛ̀n ɓɛ̀cèm ɓɛ a Rom ɓɛɛ pɛsɛn wɔɔ. Fɔɔnnɛ Pol à ràrɛ̀ngà rì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 19:10

Kìɓan kiǹ ki finɛ̀ngà bèg yiɓɛɛ̀, kɛɛ kighà lɛ, ɓum ɓɛ̀cèm ɓɛ a Azii, à tumɛ̀n lɛ Ɓɛ̀yudɛ̀n à kpaŋ lɛ Gìrɛg, ɓɛ wokà jɛ̀ɛ̀ ì Kan.

MƐ̀KÌKÌÌ MƐ ƁƐKƐ̀NÌ-FÌTOM 19:27

Kìɓan ki ki ɓeɓtɛɛ miì, ki yin lɔŋ lɛ, kìsay kis ki ri ɓiì sòo, ki ri girig lɛ mɛɛ mɛ coo bɛ̀ll yìs i giɓ inɛ lɛ Aritemis mɛ rì ɓiì ghalì com ki zɛy, nsoò rìgwey ɗi bɛ̀ll ìnɛn, ìnɛ ɓɛɛ̀ ɓɔɔɓɔgsì ɓi ziì Azii bimiɗ, rì ziinɛ ǹcèm ɗi ri ɓiì lèegh.

MƐ̀KÌKÌÌ MƐ ƁƐKƐ̀NÌ-FÌTOM 19:31

Mɛ̀fòm mɛdɛŋ mɛ a Azii mɛ mɛ ɓaghà mɛ̀ghan mɛ Pol, mɛ romgà nyi jɛ̀ɛ̀ lɛ: Kɛ̀ɛ fèèghrɛn ki yùu ɓi naà-tìcàɓ.

MƐ̀KÌKÌÌ MƐ ƁƐKƐ̀NÌ-FÌTOM 2:8

Nni cɛ kɛɛ kiì lɛ, mum bimiɗ ànɛ ɓi ɓìsi a wowog di ɓɛɛ̀ tòtog kitòkì kii?

MƐ̀KÌKÌÌ MƐ ƁƐKƐ̀NÌ-FÌTOM 20:16

Pol à ɓaghà ǹsììrɛn lɛ kɛ̀ɛ rɛli a Efɛɛzɛ lɛ, cààmɛ̀n ki ri nyi ɓiì cee a Azii. À ɓòòɓòòzɛ̀ngà lɛ, a ɓa a Yorisalɛm ɓi ŋwosi Pàŋtèkot, di bee i ɓaa.

MƐ̀KÌKÌÌ MƐ ƁƐKƐ̀NÌ-FÌTOM 20:18

Yɛ̀ɛ ɓɛ̀roɓɛ̀n ɓɛ yughày, à kpaa ɓɔ lɛ: Ɓì yi yɛ̀ɛ mɛ̀ɛ ǹghɛghɛɓi rì mìni cààmɛ̀n kìcèm ki mɛ̀ɛ nɗì rì mìni, à tumɛ̀n lɔŋ ɓi ŋwos à ǹtonto ànɛ ǹkpagà ɓi kìlànà ki zi ki a Azii.

MƐ̀KÌKÌÌ MƐ ƁƐKƐ̀NÌ-FÌTOM 20:4

Ɓumɓɛ Pol à ɓaghà ǹɗaŋ ɗi ɓɔ, ɓɛ ɓaghà lɛ: Sopatɛr, ànɛ à ɓaghà man à Pirus ànɛ a Bere, rì Aristarikɛ ɓɛɛ̀ Sekunɗus ɓumɓɛ a Tesalonika, Gayus ànɛ à ɓaghà ŋwaànɛ a Dɛriɓɛ, rì Timote, rì Tisig, rì Tirofim ɓɛ̀roɓɛ̀n ɓɛ̀sɛ̀ɛ̀ ɓɛ̀cèm ɓɛ ɓaghà ɓumɓɛ a Azii.

MƐ̀KÌKÌÌ MƐ ƁƐKƐ̀NÌ-FÌTOM 21:27

Di ɓɛ ti lɛ ɓɛɛ lɔgsi mɛ̀ru taàɓɛ̀ɛ̀ ɓi zòghɛ̀n yàà, nni Ɓɛ̀yudɛ̀n ɓɛ a Azii ɓɛ ghɛngà Pol ɓi naà-Bɛ̀ll, ɓɛ toosàg ɓum ɓɛ kilɔ̀ŋ, ɓɛ ɓan Pol

MƐ̀KÌKÌÌ MƐ ƁƐKƐ̀NÌ-FÌTOM 24:18

Nni fɔɔnnɛ ɓɛ ntanɛɛ mɛ̀ ɓi naà-Bɛ̀ll di ǹti ɓiì lègsii zòghɛ̀n yɛ̀m, nsoò cììba ki ɓum, nsoò kìyoòyòò, com ɗì com ki n-yìn.

MƐ̀KÌKÌÌ MƐ ƁƐKƐ̀NÌ-FÌTOM 27:2

Nni tì ɓɔkà fìtimà fi a Adiramit, lɛ fyɔ yɛɛ ghɛɛ̀sɛ̀ngà kìsòrii bèn ì rìɓày ìnɛ a Azii, fɔɔnnɛ tì pɛ̀sɛ̀ngà rì rìkɛ̀ɛ̀, tì ɓaghà ǹɗaŋ ɗi Aristarikɛ, ŋwaànɛ a Tesalonika, ɓi kìden ki zi ki a Masedwan.

MƐ̀KÌKÌÌ MƐ ƁƐKƐ̀NÌ-FÌTOM 6:9

Fɔɔnnɛ gàɓ ì ɓum ìdɛŋ ìnɛ ɓi naà-bɔ̀ŋzɛ̀n, ìnɛ ì ɓaghà naa ì ɓumɓɛ ɓɛ ka ɓaghà ɓɛ̀kpàn, ɓɛ nyoònyòlɛ̀ngà rì Ityɛn, ɓumɓɛ̀n ɓɛ ɓaghà Ɓɛ̀yudɛ̀n ɓɛ ɓi ɓìlɔ̀ŋ ɓi lɛ: rì Sirɛn rì Alɛgsaŋdirii, rì ɓumɓɛ a Silisii, rì ɓɛ a Azii.

MƐ̀KÌKÌÌ MƐ ƁƐKƐ̀NÌ-FÌTOM 7:2

Ityɛn à ɓàg lɛ: Mìni ɓɛ̀geni ɓɛ̀m, rì ɓɛ̀seŋi ɓɛ̀m, ramina mɛ̀ree ɓi konag kìwoògh lɛ: Bɛ̀ll ànɛ à rì ǹkeŋkèmì à rèsɛ̀ngà yɛ̀ɛ Abiraham à seŋi wìs a ǹsɛ̀ɛ̀, cààmɛ̀n ki à ɓaghà a Mɛzopotamii, di à ka kɛn ɓi ki kɔ̀rii a Haraŋ.

RÒMƐŊ 16:5

Ɓì tɔkì girig kìseŋi ki Kiris ki ki ti ki taŋzàg ɓi naa yàà, ɓì tɔkì mɛ̀ Epayinɛt, mum wɛm̀ à ǹɗem, ànɛ à ɓaghà ǹtonto à mum ànɛ a gherɛn Kiris ɓi kìlànà ki zi ki a Azii.

1 KƆ̀RƐ̀ŊTYƐŊ 16:19

Ɓìseŋi ɓi Kiris ɓi a Azii ɓi togsaagh yì mìni. Ɓɛ̀ Akilas ɓɛɛ̀ Pirisilya, rì kìseŋi ki ɓi naa yàà, ɓɛ togsaagh yì mìni ɓi Kan ɓiɗùm.

2 KƆ̀RƐ̀ŊTYƐŊ 1:8

Lɛ tì kɔ̀ni ɓi lɛ, ti caɗ mìni lɛ dùŋdùŋ, ɓɔɔsoŋ̀, ɓi kìɓan ki ki seesee ǹtɔɓ wu tìi ntanɛɛ rì wɔ a Azii. Tìi nghɛɛ ǹtɔɓ wu wu nɗìri ɓìsi ɓi nyoo lɛɛ̀gwey, wu cee gì ɓìsi ɓi-tèɗ, ɓi lèg ànɛ lɛ tìi n-yiìdi kɔm̀ rì ǹtyweeyi wulɛ tì rì ɓiì ɓatii ti ɓi cɛɓ.

2 TIMOTE 1:15

Ù yii lɛ ɓum ɓɛ̀cèm ɓɛ ɓɛ ri a Azii ɓɛ nagà mɛ̀, ɓumɓɛ lɛ rì Fizyɛl rì Ɛrimozyɛn ɓɛ ri ɓi bàlì ì ɓumɓɛ̀n.

1 PYƐƐRI 1:1

Mɛ̀ Pyɛɛri ànɛ ǹɗì ǹkɛ̀nì-fìtom a Yeesus Kiris, ǹkànì ɓumɓɛ Bɛ̀ll à ɓɔ̀ngà, ɓɛ ɓɛ ri a gwèɗ, ɓɔ ɓɛ̀sààtakɛn ɓi ɓìlànà ɓi zi ɓi lɛ rì Pɔŋ, rì Galasi, rì Kapados, rì Azii, rì Bitinii.

ÀPÒKÀLIƁSƐ̀ 1:11

jɛ̀ɛ̀ ì kpaakpààghà lɛ: Kàna com ki ù ghɛɛ ɓi bimiɗ à kaàtà, u rom̀ kaàtà ànɛ̀n a Ɓìseŋi ɓi kitaàɓɛ̀ɛ̀ ɓi a Efɛɛzɛ, rì a Simirinɛ, rì a Pɛrigam, rì a Tyatiir rì a Saridɛ, rì a Filadɛlfii, rì a Lawodise.

ÀPÒKÀLIƁSƐ̀ 1:4

Zyaŋ yɛɛ kani Ɓìseŋi ɓi Kiris ɓi kitaàɓɛ̀ɛ̀ ɓi ɓi ri a Azii. Ɓaana lɛ, rì geesɛ̀n, rì fyòoog lɛ rìfa ɗi roànɛ à rì, ànɛ à ɓaghà, ànɛ a ki yùyuiy, rì mɛ̀ghay mɛ kitaàɓɛ̀ɛ̀ mɛ mɛ rɛrɛlii ìkɔ̀ɔ̀ wii wu rilàmì asu,