MƐ̀KÌKÌÌ MƐ ƁƐKƐ̀NÌ-FÌTOM 2:3 - Bafia Nouveau Testament

³ Fɔɔnnɛ ɓɛ ghɛngà ɓyom yɛ̀ɛ mɛ̀ròò mɛ ɗuu, ɓincèm ɓì ghasakɛn dɛŋ-dɛ̀ŋ-dɛŋ di ɓyɛɛ̀ ɓɛ̀ɓɛli ɓɔ ɓi nyòò.

MƐ̀KÌKÌÌ MƐ ƁƐKƐ̀NÌ-FÌTOM 2:3 Iomraidhean Croise

MATYOO 3:11

Mɛ̀ɛ m̀ɓàaɓaɓtì mìni rì mɛ̀nig lɛ ɓì lɔ̀ɔ̀ghrɛɛ mɛ̀rem, kìɓan kifog roànɛ à rìì mɛ̀ ajɛ̀m à cee mɛ̀ ɓi-tèɗ; nyii ri mìni ɓiì ɓàɓtii lɛ rì Kìtɛntɛ̀ɛ̀n ki Nghay, rì ɗuu. Mɛ̀ ǹkpaŋi gì ɓi ɓi ǹkoŋ wulɛ ǹsɔ̀ŋì nyi gòò ɓi mɛ̀kòò.

MATYOO 3:15

Yeesus à ɓàg nyi lɛ: Gherɛn lɛ kɛɛ kilɛn fɔlɔɔ ɓigomìnɛ lɛ, tì ghɛ̀ɛ̀sɛɛ lɛ tì roòzì ɓìɓan ɓìcèm ɓi Bɛ̀ll a tɔtɔ̀g. Fɔɔnnɛ Zyaŋ à ki ɓunɛ̀ngà min.

LUKAS 24:32

Nni ɓɛ̀yilàg ɓɛǹ ɓɛ kpaaghà wɔɔ ɓɔ rì ɓɔ lɛ: Cààmɛ̀n ki àa tòtoogh rì ɓìsi ɓi bee, à tɛɛ̀tɛ̀ɛ̀zì ɓìsi ɓìɓan ɓi ɓi ri ɓì kànɛn, mɛ̀rem mis maa nyɛ̀ŋɗɛɛ ɓi mùm.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 2:11

ɓumɓɛ a Kirɛɗɛ, rì ɓɛ a Araɓii, cɛ kɛɛ kii lɛ, ti wowog yɛ̀ɛ ɓɛɛ̀ kakali dàm yi ɓiɓan yi Bɛ̀ll ɓi ɓìtòkì ɓis?

MƐ̀KÌKÌÌ MƐ ƁƐKƐ̀NÌ-FÌTOM 2:2

Nni ɓɛ sigmɛ̀ngà lɛ, gom ì rìì aɗyoo, ì ɓa yɛ̀ɛ gom ì coo bɛ̀ɓ ki kɛɛ̀ fɛɛfɛɓsì, ki yu kì ronì naa ìnɛ ɓɛ ɓaghà miì.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

1 KƆ̀RƐ̀ŊTYƐŊ 12:10

À fa ŋwaàdɛŋ ìtèɗ wu kìkiyɛn dàm, à fa roàmbog ìtèɗ wu kpaakpaŋzìyɛ̀n ɓìɓan ɓi Bɛ̀ll à rèsii nyi; à fa roàdɛŋ ìtèɗ wulɛ a yi rìghasì ɗi lɛ, rì ɓìɓeɓtàg ɓi mɛghay, rì syeesyee à Ǹghay, à fa tì roàdɛŋ ìtèɗ wu tòtoghɛn ɓìkènekènè ɓi ɓitòkì à ki fa roàdɛŋ ìtèɗ wulɛ a tɛɛ̀zi ɓìɓan ɓi ɓyɛɛ̀ kpaakpaàrɛ̀n ɓi ɓìtòkì ɓiǹ.

ZYAG 3:6

Rìlemàg ɗi ri fɛlɛ yɛ̀ɛ ɗuu; ɗi ri kìlɔ̀ŋ ki kɛɛ̀ kɛ̀ɛ̀kɛɛ ɓi kìtɛ̀ŋtɛ̀ŋ; ɗi ri rì ìkɔ̀ɔ̀ ɓi nyìinyìm à ɓìkàɓ ɓis, nni ɗi ti ɗi yogsàg nyoo bimiɗ, ri ki ti ri ɗigsàg cɛɓ ki mum kìcèm yɛ̀ɛ ɗyɔmiɗ ɗyɛɛ̀ lɔŋlɔŋ ri ɗuu ɗi fiɗyàɓ fikɔ̀ɔ̀.

ÀPÒKÀLIƁSƐ̀ 11:3

Fɔɔnnɛ ǹfaa gɛ ɓɛ̀wusìnɛ̀ɗ ɓɛm ɓɛ kiɓɛ̀ɛ̀ ìtèɗ wulɛ ɓɛɛ kpaŋzi ɓìɓan ɓi Bɛ̀ll mɛ̀ru tɔɔsìm ɓɛ̀hɔnɗɛ̀ɗ ɓɛɓɛɛ̀ rì mɛ̀ru mɛ̀tin mɛraa.

ÀPÒKÀLIƁSƐ̀ 14:6

Fɔɔnnɛ ǹghɛngà ŋwaà-fìtom adɛŋ di a lɛŋlɛŋ ɓi ɗyoo ɓi ɗùm, à ɓaghà rì Syeesyee à Ɓɔlɛ à fìɗyàɓ fikɔ̀ɔ̀ ànɛ lɛ a ghagsi ɓum ɓɛ̀cèm ɓɛ ɓi ziinɛ, ɓumɓɛ ɓi ɓìlɔ̀ŋ ɓìcèm, rì mɛ̀pwìɗ mɛ̀cèm, rì ɓìtòkì ɓìcèm, rì mɛ̀kuu mɛ̀cèm.