MƐ̀KÌKÌÌ MƐ ƁƐKƐ̀NÌ-FÌTOM 13:3 - Bafia Nouveau Testament

³ Fɔɔnnɛ ɓɛ kighà lɛ, ɓaa cèli ɓiɗilàg, ɓɛ ɓɔŋzàg Bɛ̀ll, ɓɛ ki saaghrag ɓɔ ɓyàg ɓi nyoo, ɓɛ càɗ min ɓɔ lɛ ɓɛɛ ghaàgh.

MƐ̀KÌKÌÌ MƐ ƁƐKƐ̀NÌ-FÌTOM 13:3 Iomraidhean Croise

LUKAS 2:37

Fɔɔnnɛ à rɔ̀ɓkà ǹkpɔɓ; yɛ̀ɛ à ɓaghà min di à ti bèg mɛ̀tin mɛnin rì bèg yinin, nni à kɔ̀rìghà ɓi naà-Bɛ̀ll ìsuùcèm, à kìkì Bɛ̀ll kìsay lɛ, rì ìru rì ŋwos; àa ǹti à cèlàg ɓìɗilàg ɓyààmɛ̀n lɛɛ̀gwey, à ki ɓɔ̀ɔɓɔŋzàg.

MƐ̀KÌKÌÌ MƐ ƁƐKƐ̀NÌ-FÌTOM 1:24

Nni ɓɛ ɓɔŋzìghà Bɛ̀ll ɓɛ kpaa lɛ: Kan, wɔ̀ yɛɛ yii mɛ̀rem mɛ ɓum ɓɛ̀cèm, rèsi ɓìsi ghɛn innɛ ù ɓɔ̀ni ɓi ɓum ɓɛ kiɓɛ̀ɛ̀ ɓɛ

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 13:4

Yɛ̀ɛ Kìtɛntɛ̀ɛ̀n ki Nghay ki romgà Sol ɓɛɛ̀ Ɓarinaɓas fɔlɔɔ, fɔɔnnɛ ɓɛ sɛngà a Silisii, wɔɔnnɛ ɓɛ ɓɔkà kìkɔm lɛ ɓɛɛ kɛǹ a Siipirɛ.

MƐ̀KÌKÌÌ MƐ ƁƐKƐ̀NÌ-FÌTOM 14:23

Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 14:26

Wɔɔnnɛ ɓɛ teri min kikɔm lɛ, ɓɛɛ kɛǹ a Aŋtyos ànɛ ɓɛ pɛsɛ̀ngày wɔɔ, jàŋ inɛ ɓɛ reɓsɛ̀ngà ɓɔ rì Bɛ̀ll à geesɛ̀n, ɓisuu kisay ki ɓɛ kighày kiǹ.

MƐ̀KÌKÌÌ MƐ ƁƐKƐ̀NÌ-FÌTOM 15:40

Pol nyii tekà Silas ɓɔɔ kɛǹ, dì ɓɛ̀geni ɓaa ɓɛ mɛ reɓsɛn ɓɔ rì geesɛ̀n ì Kan.

MƐ̀KÌKÌÌ MƐ ƁƐKƐ̀NÌ-FÌTOM 6:6

Nni ɓɛ yughày rì ɓumɓɛ kitaàɓɛ̀ɛ̀, ɓɛ resì ɓɛ̀kɛ̀nì-fìtom, ɓɛ̀kɛ̀nì-fìtom, ɓɛ ɓɔŋzàg Bɛ̀ll, ɓɛ ki saaghràg ɓɔ ɓyàg ɓi nyòò.

MƐ̀KÌKÌÌ MƐ ƁƐKƐ̀NÌ-FÌTOM 9:17

Fɔɔnnɛ Ananyas à kɛ̀ngà min wɔɔ; nni yɛɛ̀ à ɗiŋìghà ɓi naa ìnɛ Sol à ɓaghà miì, à saagh nyi ɓyàg ɓi nyoo a ki kpaa nyi lɛ: Geni wɛ̀m Sol, Kan Yeesus ànɛ àa ǹɗèsɛɛ yì wɔ̀ ɓi bee di u yùyuiy fɛ, yɛɛ romiì mɛ̀ a lɔ̀ŋkɔɔ, lɛ mɛ̀ nsaagh wɔ̀ ɓyàg ɓi nyoo di wɔ̀ɔ ghɛnɛn tì, ù ki ɓa nɗonɛn ɗi Kìtɛntɛ̀ɛ̀n ki Nghay.

RÒMƐŊ 10:15

Nni lannɛ mum à rì ɓiì kɛ̀ɛ ki kpaakpaa di ɓɛ romi ɓi nyi? Fɛlɛ yɛ̀ɛ ki ri kìkànɛn lɛ: Ki rɔɔtɛɛ yɛ̀ɛ mɛ̀nɔ̀ɓɔ̀ lɛ u ghɛǹ ɓumɓɛ ɓɛ riì rì ɓɛ̀syeesyee ɓɛ ɓɛ̀ɓɔlɛ di ɓɛɛ yùyuiy.

TIMOTE 4:14

Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

TIMOTE 5:22

Kɔ̀ɔ fyɛ̀ɗmag kisaghii mum ɓyàg ɓi nyoo lɛ duri yàa tani, kɔ̀ɔ ɓɛmdag ɓiɓe ɓi ɓum ɓɛdɛŋ, ɓèŋɗɛn wɛ̀ɛmiɗ ntɛnɛn.

2 TIMOTE 1:6

Kìɓan kiǹ kɛɛ̀ki ǹtɔɔgh wɔ̀ lɛ, u lɔŋ̀zi tì ɗuu ɗi ɓi rìfa ɗi Bɛ̀ll ɗi ù tekà yɛ̀ɛ ǹsaghìghà wɔ̀ ɓyàg ɓi nyòò.

2 TIMOTE 2:2

Kìɓan ki ù wokà mɛ̀ di nkakàlì ɓi mis mɛ ɓɛwusìnɛ̀ɗ lɛɛ̀gwey, ghagsi kɔ rì ɓum ɓɛ ntyweeyi ɓɛ ɓɛ ri rì ìtèɗ wulɛ ɓɛ resàg girig ɓɛ̀ro ɓɛdɛŋ.

3 ZYAŊ 1:6

Ɓɛ nsɛɛgh geesɛ̀n yɔ̀ɔ̀ ɓi nyìinyìm à ɓum ɓi Kìseŋi ki Kiris. Ki ri ɓiì ɓaà lɛ syeesyee di ù pègsɛɛ ɓɔ rìkɛ̀ɛ̀ lèg ànɛ ki ri lɛ ki rɔɔ Bɛ̀ll.

3 ZYAŊ 1:8

Ɓìsi ɓɛ̀gherɛ̀n, tì ghɛ̀ɛ̀sɛɛ min ki lèmi rikuu ɗi ɓum ɗìn, lɛ ti kaɓɓɛn kìsay ki ɓɛɛ̀ kìki kiǹ ɓisuu saaɗ.