MƐ̀KÌKÌÌ MƐ ƁƐKƐ̀NÌ-FÌTOM 13:1 - Bafia Nouveau Testament

¹ Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 13:1 Iomraidhean Croise

MATYOO 27:32

Yɛ̀ɛ ɓɛ kpaŋkpàŋgày ɓi naa ì gɔmìnà, nni ɓɛ tuusɛ̀ngà rì ŋwaànɛ a Sirɛn ɗii lɛ Simɔn, ɓɛ kaŋ̀ nyi lɛ a tɛg kɔrɔs à Yeesus.

LUKAS 3:1

Di Tìɓɛr ànɛ à ɓaghà rìfòm ɗigwey a ti ɓèg ǹtɛ̀ɗ rì yitaǹ ɓi rìlàmì, cààmɛ̀n kiǹ kɛɛ̀ki Pɔŋs-Pilat à ɓaa gɔmìnà ànɛ a Zyude, Eroodɛ à làlamì Galile, geni ànɛ lɛ Filiɓ nyii lalàmì ɓìden ɓi zi ɓi lɛ, rì Iture rì Tirakonit, Lizanyas nyii lalàmì Abilɛn

MƐ̀KÌKÌÌ MƐ ƁƐKƐ̀NÌ-FÌTOM 11:30

Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.

MƐ̀KÌKÌÌ MƐ ƁƐKƐ̀NÌ-FÌTOM 12:25

Yɛ̀ɛ ɓɛ̀ Ɓarinaɓas ɓɛɛ̀ Sol ɓɛ lègsìghà fìtom fi ɓɛ kɛngà a Yorisalɛm, nni ɓɛ sugtìghà; ɓɛ ɓasɛ̀n yì ɗì Zyaŋ ànɛ ɓɛ nkpɔgì lɛ Marikus.

MƐ̀KÌKÌÌ MƐ ƁƐKƐ̀NÌ-FÌTOM 13:9

Fɔɔnnɛ Sol ànɛ à ɓatìghà ɗii lɛ, Pol à ɓaghà ǹɗonɛn ri Kìtɛntɛ̀ɛ̀n ki Nghay; à fiɓìghà ŋwaànɛ̀n lɛ fyɛɛɛyi

MƐ̀KÌKÌÌ MƐ ƁƐKƐ̀NÌ-FÌTOM 15:32

Zyuudɛ ɓɛɛ̀ Silas ɓɛ ɓaghà ɓɛ̀kpaŋzì-ɓìɓan, fɔɔnnɛ ɓɛ tokàkà rì ɓɛ̀geni ɓaa ɓɛǹ lɛɛ̀gwey ɓɛ teèsì ɓɔ nyoo, ɓɛ ki sììrag ɓɔ ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 15:35

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ rɔ̀ɓkà a Aŋtyos, ɓɛ ɓasɛ̀n ɗì ɓum ɓɛdɛŋ ɓi rìrèrèsì rì ɓi rìkakàlì ɗi Syeesyee à Ɓɔlɛ à Kan.

MƐ̀KÌKÌÌ MƐ ƁƐKƐ̀NÌ-FÌTOM 19:6

Fɔɔnnɛ Pol à saghìghà ɓɔ ɓyàg ɓi nyoo, Kìtɛntɛ̀ɛ̀n ki Nghay ki sɛn yì ɓi ɓɔ, ɓɛ tumɛ̀n ɗìtòg ɗi ɓìkènekènè ɓi ɓitòkì di ɓɛɛ̀ kpaakpaa ɓiɓan ɓi Bɛ̀ll à rèrèsìghà ɓɔ lɛ, ɓɛɛ kpaà.

MƐ̀KÌKÌÌ MƐ ƁƐKƐ̀NÌ-FÌTOM 21:9

À ɓaghà rì ɓɛ̀gɔ̀n ɓɛnin, ɓɛ ɓɛ ɓaghà di ɓɛ ka yi ɓi ɓɛbaŋì, ɓɛ ki ɓa ti ɓɛkpaŋzì-ɓìɓan.

MƐ̀KÌKÌÌ MƐ ƁƐKƐ̀NÌ-FÌTOM 4:36

Yoosɛɓ ànɛ à ɓaghà ɓi boo ì ɓum ì Levi ìnɛ ɓi ban ìnɛ lɛ Siipirɛ, nyi nnɛ ɓɛ̀kɛ̀nì-fìtom ɓɛ nkpɔgì lɛ Ɓarinaɓas, yɛɛ lɔɔ lɛ ŋwaà-mɛ̀fegsɛn,

MƐ̀KÌKÌÌ MƐ ƁƐKƐ̀NÌ-FÌTOM 9:1

Yɛ̀ɛ sol à ɓaghà di à kaka rì coo ǹɗem wu rìgɛn wulɛ, a cuùcùùsì ɓɛ̀gherɛ̀n ɓɛ Kan, nni à kɛ̀ngà kì ghɛɛ̀ ǹkɔ̀mɛ̀n ɓɛ̀pìrɛɛtìrɛ̀ àgwey,

RÒMƐŊ 16:21

Timote ànɛ ti kìki kisay ri nyi nɗaŋ à tògsaghiì mìni, nsoò Lusyus rì Jazɔŋ rì Sosipatɛr ɓɛ ɓɔɔseŋi ɓɛ̀m.

1 KƆ̀RƐ̀ŊTYƐŊ 11:4

Baŋì bimiɗ ìnɛ yɛɛ̀ kìki bɔ̀ŋzɛ̀n nsoò lɛ ìnɛ yɛɛ̀ kpaakpaŋzì ɓìɓan ɓi Bɛ̀ll à rèsii nyi, di ì rì rì tàm ɓi nto ì yin ɗi bɔgsɛ̀n ɓi san ànɛ yɛ̀ɛ rifòm ɗii.

1 KƆ̀RƐ̀ŊTYƐŊ 13:2

Nsoò màa rì rì rìfa ɗi Nghay ɗi lɛ nkpaàkpàŋzì ɓìɓan ɓi Bɛ̀ll, màa soo yii dàm yi ɓiɓan yicèm yi a rìnyam, ǹki yi ɓiɓan ɓìcèm, nsoò màa rì kɔm̀ ɗì rìgherɛ̀n ɗi ɗi ri lɛ ɗi pɛsì dòn lɛ yɛ̀ɛ, pɛsɛn jàŋ inɛ ì rì, i ǹ-yin ɗi ǹkɔ̀nɛ̀n, di ǹɗì lɔŋ com ki zɛy.

1 KƆ̀RƐ̀ŊTYƐŊ 13:8

Ǹkɔ̀nɛ̀n à yin ɗi rìlèg; rìkpaŋzì ɗi ɓiɓan ɓi Bɛ̀ll ɗi ri lèg, rìtòtòg ɗi ɓìkènekènè ɓi ɓitòkì ɗi leg, rìyi ɗi ɓiɓan ɗi sugtɛ̀n,

1 KƆ̀RƐ̀ŊTYƐŊ 14:29

Ɓi ɓɛg ànɛ a ɓɛ̀kpaŋzì-ɓìɓan, ɓɛ̀sɛ̀ɛ̀ ɓɛɓɛɛ̀ nsoò lɛ ɓɛraa ɓɛ ghɛɛ̀sɛɛ kì tòòghrɛɛ, ɓɛ̀ro ɓɛmbog ɓɔɔ fifìɓì ɓìɓan ɓi ɓɛ̀roɓɛ̀n ɓɛɛ̀ kpaakpàà.

1 KƆ̀RƐ̀ŊTYƐŊ 14:32

Ǹkpaŋzì-ɓìɓan a ghɛ̀ɛ̀sɛɛ kì làmii ǹghay à rìkpaŋzì ɗi ɓiɓan anɛ a sasay ɓi nyi.

1 KƆ̀RƐ̀ŊTYƐŊ 9:6

Gìn lɔŋ rì mɛ̀ rì Ɓarinaɓas ɓìsi cɛ̀ncis yɛɛ ghɛɛ̀sɛɛ kìsaayii lɛ ti tanɛn rì ɓìɗilàg!

GÀLAT 2:13

Nni ɓɛ̀gherɛ̀n ɓɛmbog ɓɛ ɓɛ ɓaghà Ɓɛ̀yudɛ̀n ɓɛ nɔɔ̀tìghà ìkòò wu Pyɛɛri wiǹ, à kpaŋ yɛ̀ɛ ɓɛ syogà girig Ɓarinaɓas, ɓi mɛ̀ghèy mɛ ɓɛ kikìghà mɛǹ.

GÀLAT 2:9

Fɔɔnnɛ ɓɛ gherɛ̀ngà lɛ Bɛ̀ll à kìghà mɛ̀ geesɛ̀n; ɓɛ̀-Zyag, rì Sefas rì Zyaŋ ɓɛ ɓɛ ɓaghà fɛlɛ yɛ̀ɛ ɓɛ̀ǹtɔn ɓaa, ɓɛ tukàkà ɓìsi ɓyàg lɛ rì mɛ̀ rì Ɓarinaɓas, lɛ ɓɛɛ resi lɛ, tì rì ɓɛ̀ɓùtɛn ɗi ɓɔ; fɔɔnnɛ ɓìsii ghɛɛ̀sɛ̀ngà kì kɛ̀ɛ a ɓumɓɛ ɓɛ yin Ɓɛ̀yudɛ̀n, ɓɔɔ kɛǹ a Ɓɛ̀yudɛ̀n.

EFÈZYƐŊ 4:11

Nnyɛɛ faghà ɓɛ̀ro ɓɛdɛŋ lɛ ɓɛɛ ɓa ɓɛ̀kɛ̀nì-fìtom, ɓɛ̀ro ɓɛmbog ɓɛ̀kpaŋzì-ɓìɓan, ɓɛmbog ɓɛ̀kalì-Syeesyee à Ɓɔlɛ, ɓɛmbog ɓɛ̀pàstɛɛ̀rì nsoò lɛ ɓɛ̀rèsàg.

FÌLÌPYƐŊ 4:22

Ɓum ɓɛ Bɛ̀ll ɓɛ̀cèm ɓɛ togsii mìni à ɓiisɛ̀n ɓɛ ɓi naa ì Kaaza.

TÈSÀLÒNÌSYƐŊ 5:20

Kɛ̀ ɓi sɛɛti ɓiɓan ɓi ɓum ɓɛ kpaŋzii rì ìtèɗ wu Nghay à Bɛ̀ll.