MƐ̀KÌKÌÌ MƐ ƁƐKƐ̀NÌ-FÌTOM 11:1 - Bafia Nouveau Testament

¹ Ɓɛ̀kɛ̀nì-fìtom rì ɓɛ̀geni ɓaa ɓɛ righerɛ̀n ɓɛ ɓɛ kɔkɔ̀rìghà a Zyude ɓɛ wokà lɛ, ɓumɓɛ ɓi mɛ̀kuu mɛm̀bog ɓɛ ǹghàɓi girig jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 11:1 Iomraidhean Croise

MATYOO 2:1

Yɛ̀ɛ Yeesus à yalɛ̀ngà a Bɛtilɛhɛm ɓi ziì Zyude, ɓi cààmɛ̀n ki Eroodɛ à ɓaghà rìfòm, nni ɓɛ̀yiì-ɓìɓan ɓɛ Pɛsɛ̀ngày ɓi jàŋ ìnɛ ŋ̀wos a kpagii, ɓɛ yuiy a Yorisalɛm

MATYOO 8:11

Wɔ̀lɛ ǹkalii mìni lɛ, ɓum lɛɛ̀gwey ɓɛ pɛ̀sɛɛ gɛy lɛ rì a rìkpagìì ɗi ŋwos rì a rìnɔ̀ŋɗàg ɗi ŋwos, ɓɛ yu kì kɔ̀rii ɓi teɓèrè ǹɗaŋ ri Abiraham rì Isag rì Yakɔɓ, ɓi kìlɔ̀ŋ ki aɗyòò.

MARIKUS 16:5

Fɔɔnnɛ ɓɛ ɗiŋìghà ɓi zɔ̀ŋ, ɓɛ ghɛn dɛlì ì mum ǹkɔ̀kɔriyɛn ɓi ɓɛg à weèlem, rì rìga à mpuɓ, ìris wu ɓan ɓɔ.

LUKAS 2:32

À rì kìtɛɛtɛn ki kii ɓiì kìi lɛ ɓìlɔ̀ŋ ɓi ɓi ziinɛ ɓyɛ yi wɔ̀, ki ki fa Isirayɛl à kìlɔ̀ŋ kɔɔ rikem.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 11:29

Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì.

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 15:3

Kìseŋi ki ki a Aŋtyos ki faghà ɓɔ ɓyom ɓi ɓi kɔ̀ɔ̀kɔ̀nɛ̀ngà ɓi rìkɛ̀ɛ̀ ɗyaa: Fɔɔnnɛ ɓɛ fyeeghà a Fenisii rì a Samari di ɓɛɛ̀ kpaakpaa ɓɛgeni ɓaa rilɔ̀ɔ̀ghrɛ̀n ɗi ɓum ɓɛ zɛy ɓɛ lɔɔ̀ghrɛ̀ngà, ɓɛ gherɛ̀n Bɛ̀ll. Ɓɔlɛ ànɛ̀n à faghà ɓɛ̀geni ɓaa ɓɛǹ coo kinyàà ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 28:15

Yɛ̀ɛ ɓɛ̀geni ɓis ɓɛ righerɛ̀n ɓɛ a Rom ɓɛ wokà lɛ tì kpaŋi, ɓɛ yughà ɓìsi kì ɓoŋì a fyèè fi Apiyus, rì ɓi jàŋ inɛ ì ɓaghà ɗii lɛ: Naa yi ɓɛ̀kèn yiraa. Yɛ̀ɛ Pol à ghɛngà ɓɔ, à tògsàg Bɛ̀ll, nyoo yìì i tèèsɛ̀n.