MƐ̀KÌKÌÌ MƐ ƁƐKƐ̀NÌ-FÌTOM 10:2 - Bafia Nouveau Testament

² Ŋwaànɛ̀n à falɛ̀ngà ɓi ɓìɓan ɓi righerɛ̀n, àa nki risàg Bɛ̀ll lɛ rì nyi ɗì rìmɛɛ ɗii ɗicèm, à ki fafa Ɓɛ̀yudɛ̀n ɓɛ ɓɛ ɓaghà nyìighnyìg ɓyom lɛɛ̀gwey, à ɓɔ̀ɔ̀ɓɔ̀ŋzàg Bɛ̀ll ɓyààmɛ̀n ɓìcèm.

MƐ̀KÌKÌÌ MƐ ƁƐKƐ̀NÌ-FÌTOM 10:2 Iomraidhean Croise

MATYOO 25:17

Roànɛ ɓɛ faghà tìraŋ̀ tiɓɛɛ̀, à kì girig dùne, à fɔ̀ɔ̀dì tidɛŋ tiɓɛɛ̀.

LUKAS 18:1

Yeesus à tekà ɓɔ dàɗkì lɛ a resi ɓɔ lɛ, ɓɛ ghɛɛ̀sɛɛ kì ɓɔ̀ŋzag ɓyààmɛ̀n ɓìcèm, kɛ̀ ɓɛɛ̀ fɔɛy.

LUKAS 2:25

Ɓi mɛ̀ru mɛ̀n, ŋwaàdɛŋ à ɓaghà a Yorisalɛm ɗii lɛ Simeyɔŋ, à ɓaghà syeesyee à mum, ànɛ àa nti à risàg Bɛ̀ll; à ɓoŋɓòŋgà gòri ì Isirayɛl, à ɓaghà rì Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 10:22

Nni ɓɛ ɓakà nyi lɛ: Tì yùu yì fɛ lɛ ǹkɔ̀mɛ̀n ɓɛ̀sujàà ànɛ lɛ Kɔrinɛy yɛɛ romiì ɓìsi a lɔ̀ŋkɔɔ, àncèm à rì saaɗ à mum ànɛ à ti à risàg Bɛ̀ll, à ki rì tì ŋwaànɛ Ɓɛ̀yudɛ̀n ɓɛ̀cèm ɓɛɛ̀ Sɛsɛ̀g; ŋwaà-fìtom a Bɛ̀ll àa ǹkpaa nyi lɛ a regiì wɔ̀ a mɛɛ mii, a wog jɛ̀ɛ̀ ìnɛ ù rì lɛ ù kpaa nyi.

MƐ̀KÌKÌÌ MƐ ƁƐKƐ̀NÌ-FÌTOM 10:31

Kɔrinɛy Bɛ̀ll àa nwoogh bɔ̀ŋzɛ̀n yɔ̀ɔ̀, à ki yiti gɛ ɓyom ànɛ ù ti ù fafà ɓum ɓɛ nyìighnyìg.

MƐ̀KÌKÌÌ MƐ ƁƐKƐ̀NÌ-FÌTOM 10:35

ǹki ghɛɛ̀di lɛ, mum bimiɗ ànɛ à risii Bɛ̀ll à ki kìki ɓiɓan ɓi saaɗ, Bɛ̀ll à rì nyi ɓiì keesii àa soo rì ŋwaànɛ ɓi kìlɔ̀ŋ ki be.

MƐ̀KÌKÌÌ MƐ ƁƐKƐ̀NÌ-FÌTOM 10:4

Nni à fiɓìghà ŋwaà-fìtom lɛ fyɛɛɛyi, à risì, à tɔg nyi lɛ: La yɛɛ ri Kan? Ŋwaàfìtom a ɓàg nyi lɛ: Bɛ̀ll àa ǹghàɓi lɛ, rì bɔ̀ŋzɛ̀n yɔɔ, rì gɛ ɓyom ànɛ ù ti ù fafà ɓum ɓɛ nyìighnyìg, fɔɔnnɛ à ɗimzɛɛ ɓi wɔ.

MƐ̀KÌKÌÌ MƐ ƁƐKƐ̀NÌ-FÌTOM 10:7

Lɔŋ yɛ̀ɛ ŋwaà-fìtom ànɛ à tòtòkà ɗì nyi à ghaghìghà, Kɔrinɛy à ghàs kì reŋii ɓɛ̀kìì-ɓìsay ɓii ɓɛɓɛɛ̀ rì kìbog ki ɓi ɓɛ̀sujàà ɓɛ à làmìghà, sujàà ànɛ̀n à ɓaghà ǹfalɛn ɓi rìgherɛ̀n;

MƐ̀KÌKÌÌ MƐ ƁƐKƐ̀NÌ-FÌTOM 11:14

nyɛɛ ri wɔ̀ ɓiì kpaa ɓìɓan ɓi ɓi ri ɓiì ghɛɓsii lɛ, rì wɔ̀, rì naa yɔ̀ɔ̀ ì ɓum bimiɗ

MƐ̀KÌKÌÌ MƐ ƁƐKƐ̀NÌ-FÌTOM 13:16

Nni Pol à pɛ̀sɛ̀ngà aɗyoo, à maasì ɓum ɗì càg, à kpaa lɛ: Mìni ɓɔn ɓɛ Isirayɛl rì mìni ɓɛ ɓi risag Bɛ̀ll, ramina mɛ̀reè!

MƐ̀KÌKÌÌ MƐ ƁƐKƐ̀NÌ-FÌTOM 13:26

Ɓɔɔsoŋ̀! Mìni dòò yi Abiraham rì mìni ɓum ɓɛ zɛy ɓɛ ɓì ti ɓì risàg Bɛ̀ll, ɓɔlɛ à cɛɓ ànɛ, à rì ɓisu wis ɓɛsɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 13:50

Kìɓan kifog, Ɓɛ̀yudɛ̀n ɓɛ toosìghà lɛ, rì ɓìtèetèɗ ɓi ɓɛ̀yiɓ ɓi ɓi falɛ̀ngà ɓi rìgherɛ̀n rì gìni-ɓum yi ɓi bàn ìnɛn lɛ ɓɛɛ ɓigti paàzì rì ɓɛ̀-Pol ɓɛɛ̀ Ɓarinaɓas; fɔɔnnɛ ɓɛ kpagà ɓɔ rìbaŋì, ɓɛ ki nàɓ ɓɔ ɓi kìlɔ̀ŋ kaa.

MƐ̀KÌKÌÌ MƐ ƁƐKƐ̀NÌ-FÌTOM 18:8

Nsoò fɔlɔɔ, rìfòm ɗi naà-bɔ̀ŋzɛ̀n, ɗii lɛ Kirispus ɗi gherɛ̀ngà Kan, rì rìmɛɛ ɗii ɗicèm, fɔlɔɔ nnɛ ɓumɓɛ a Kɔrɛŋt lɛɛ̀gwey ɓɛ ɓɛ wokà ɓìɓan ɓi Pol ɓɛ gherɛ̀ngà girig, ɓɛ ki ɓàɓtag.

MƐ̀KÌKÌÌ MƐ ƁƐKƐ̀NÌ-FÌTOM 2:5

Wɔ̀lɛ Ɓɛ̀yudɛ̀n ɓɛ ɓɛ falɛ̀ngà ɓi rìgherɛ̀n ɓɛ ɓaghà girig a Yorisalɛm, di ɓɛ pɛsaagh yì ɓi ɓìlɔ̀ŋ ɓìcèm ɓi ɓi ziinɛ.

MƐ̀KÌKÌÌ MƐ ƁƐKƐ̀NÌ-FÌTOM 22:12

Ŋwaàdɛŋ à ɓaghà wɔɔ ɗii lɛ Ananyas, à ɓaghà ŋwaànɛ à falɛ̀ngà ɓi rìgherɛ̀n à ki nɔ̀ɔnɔɔ̀tì ɓìdɔ̀gsɛna ɓis, Ɓɛ̀yudɛ̀n ɓɛ̀cèm ɓɛ ɓɛ ɓaghà a Damas, ɓɛ sɛsɛ̀kà nyi.

MƐ̀KÌKÌÌ MƐ ƁƐKƐ̀NÌ-FÌTOM 8:2

Ɓumɓɛ ɓɛ ɓaghà ɓɛ̀falɛn ɓi rìgherɛ̀n ɓɛ ɓomgà Ityɛn, ɓɛ ki rèn nyi lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 9:11

Kan à kpaa tì nyi lɛ: Pɛ̀sɛn aɗyoo, u kɛǹ ɓi bee ì mɛ̀rɛy, u kpaŋ a mɛɛ mɛ Zyudas, u tɔg ŋwaàdɛŋ wɔɔ lɛ Sol, ànɛ à yalɛ̀ngà a Tarisi àncèm a kìki bɔ̀ŋzɛ̀n ɓigomìnɛ;

MƐ̀KÌKÌÌ MƐ ƁƐKƐ̀NÌ-FÌTOM 9:31

Kìseŋi ki ɓaghà lɛ fyòoog, ɓi zi ì Zyude bimiɗ, a Galile rì a Samari; kìseŋi ki tetèkà ìtèɗ, ki kikì Kan mɛ̀wog, ki ki tèeghteghɛ̀n rì ǹghɛɓsɛn wu Kitɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 9:36

Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg.

KÒLÒSYƐŊ 4:2

Sììrɛɛna ɓi bɔ̀ŋzɛ̀n; ɓì ɓa cem miì ɓi rìfafà ɗi Bɛ̀ll ɓìtògsɛ̀n.

TÈSÀLÒNÌSYƐŊ 5:17

Ɓì ɓɔ̀ɔ̀ɓɔ̀ŋzì Bɛ̀ll kɛ̀ ɓi fɔy.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ÀPÒKÀLIƁSƐ̀ 15:4

Kan ghɛn yɛɛ ri lɛ à rɔ̀ɓ lɛ à risii ɓi ɗii ɗyɔɔ, kɛ̀ɛ ki kemzi ɗyɔ? Ɓisuulɛ, lɔŋ wɔ̀ cɛ̀ncɔɔ yɛɛ ri ǹtɛnɛn. Ɓìlɔ̀ŋ ɓìcèm ɓi ri ɓiì yùu, ɓi ɓag wɔ̀ mɛ̀ɗu asu, lɛ saaɗ wɔ̀ɔ̀ a mɛ rèsɛ̀n.