MƐ̀KÌKÌÌ MƐ ƁƐKƐ̀NÌ-FÌTOM 10:1 - Bafia Nouveau Testament

¹ Ŋwaàdɛŋ à ɓaghà a Sezare ɗii lɛ Kɔrinɛy, à kɔ̀mɛ̀ngà ɓɛ̀sujàà mɛ̀tin mɛtaǹ ɓi ǹɗaŋ wu ɓɛsujàà wu a Italii.

MƐ̀KÌKÌÌ MƐ ƁƐKƐ̀NÌ-FÌTOM 10:1 Iomraidhean Croise

MATYOO 27:27

Ɓɛ̀sujàà ɓɛ gɔmìnà ɓɛ kɛngà rì Yeesus ɓi naa ì gɔmìnà, ǹɗaŋ waa wucèm wu kɔmzɛ̀n nyi.

MATYOO 27:54

Yɛ̀ɛ ǹkɔ̀mɛ̀n ɓɛ̀sujàà, rì ɓumɓɛ à ɓaghà ɓiì ɓèŋɓeŋi Yeesus rì ɓɔ ɓɛ ghɛngà di zi i nyɛ̀ŋɗɛɛ, ɓɛghɛɛdi ɓìɓan ɓimbog ɓi ɓi kilɛ̀ngà ɓiǹ, nni ɓɛ risìghà lɛɛ̀gwey, ɓɛ kpaa lɛ: Yeesus àa ǹɗì Man à Bɛ̀ll a tààkaà.

MARIKUS 15:16

Ɓɛ̀sujàà ɓɛ tekà Yeesus, ɓɛ kɛǹ ɗì nyi ɓi kìkpanà ki ɓɛyɔ̀m ki ɓi naa ì gɔmìnà. Ɓɛ reŋɗɛ̀n yì ǹɗaŋ wu ɓɛsujàà wùcèm.

LUKAS 7:2

Muu Ròmɛŋ àdɛŋ ànɛ à ɓaghà ǹkɔ̀mɛ̀n-ɓɛ̀sujàà, à ɓaghà rì ǹkìì-kìsay anɛ à keesìghà lɛɛ̀gwey; nni ǹkìì-kìsay anɛ̀n à roròɓkà, di à ti ɓiì kɔ̀ɔkɔɔ̀sì.

ZYAŊ 18:12

Fɔɔnnɛ ǹɗaŋ wu ɓɛsujàà wiǹ, rì Ǹkɔ̀mɛ̀n wàà, rì Ɓɛ̀yudɛ̀n ɓɛ ɓɛ mɓègì naà-Bɛ̀ll ɓɛ ɓangà Yeesus, ɓɛ kaŋ̀ nyi bɛn.

ZYAŊ 18:3

Nni Zyudas à tekà lɛ rì nɗaŋ wu ɓɛsujàà, rì ɓɛ̀ɓèŋì-naà-Bɛ̀ll, ɓɛ ɓɛ̀pìrɛɛtìrɛ̀ ɓɛgwey rì Ɓɛ̀fàrìzyɛŋ ɓɛ romgày, à yùy rì ɓɔ wɔɔ ɓi dɛm inɛ̀n. Ɓɛ ɓaghày lɛ rì ɓɛ̀lamɓà, rì tìŋwɔkì rì ɓyom ɓi ribaŋì.

MƐ̀KÌKÌÌ MƐ ƁƐKƐ̀NÌ-FÌTOM 10:24

Nni ŋwos anɛ à ɓɔ̀ɓkà ànɛn nnɛ ɓɛ kpagà a Sezare, Kɔrinɛy à ɓoŋɓòŋgà ɓɔ lɛ rì naa yìì ì ɓum, rì mɛ̀ghan mii mɛ à reŋɗɛ̀ngà.

MƐ̀KÌKÌÌ MƐ ƁƐKƐ̀NÌ-FÌTOM 21:31

Yɛ̀ɛ ɓɛ kaakààghà bee inɛ ɓɛɛ wey nyi, nni ɓɔlɛ à kɛ̀ngà kì kpaŋì ɓi mɛ̀reè mɛ ǹkɔ̀mɛ̀n ɓɛ̀sujàà àgwey lɛ: Kìyoòyòò ki ti ɓi bàn ì Yorisalɛm bimiɗ.

MƐ̀KÌKÌÌ MƐ ƁƐKƐ̀NÌ-FÌTOM 21:8

Ɓi duri tana nnɛ tì pɛ̀sɛ̀ngà tì kɛ̀n a Sezare, wɔɔnnɛ tì kɛ̀ngà a mɛɛ mɛ Filiɓ ànɛ à ɓaghà ǹkalì-ɓɔlɛ, à ki ɓati kibog ki ɓi ɓum taàɓɛ̀ɛ̀ ɓɛ ɓɛ rɛsìghà a Yorisalɛm; a lɔ̀ŋkii nnɛ tì kɔ̀rìghà.

MƐ̀KÌKÌÌ MƐ ƁƐKƐ̀NÌ-FÌTOM 22:25

Yɛ̀ɛ ɓɛ mɛɛ̀ kuɓsìghà Pol lɛ ɓɛɛ ɓog nyi kìtòn, nni à tɔkà ǹkɔ̀mɛ̀n ɓɛ̀sujàà àsàg lɛ: Ɓì rì lɛ ɓì ɓog muu Ròmɛŋ di ɓɛ ka yɔ̀mzi ɓi nyi?

MƐ̀KÌKÌÌ MƐ ƁƐKƐ̀NÌ-FÌTOM 23:23

Nni ǹkɔ̀mɛ̀n ɓɛ̀sujàà àgwey à reŋìghà ɓɛ̀kɔ̀mɛ̀n ɓɛsàg ɓɛɓɛɛ̀, à kpaa ɓɔ lɛ: Terina ɓɛ̀sujàà lɛ: ɓɛ zɛy ɓɛ̀hɔnɗɛ̀ɗ ɓɛɓɛɛ̀, ɓɛ ɓi zòm yi kimbɛ̀rɛ̀ aɗyoo mɛ̀tin mɛraa rì ǹtɛ̀ɗ, ɓɛ̀roɓɛ mɛkɔ̀ŋ ɓɛ̀hɔnɗɛ̀ɗ ɓɛɓɛɛ̀; ɓi pegsɛn lɛ, ɓì rì ɓiì pɛ̀sɛɛ mɛkɛ̀ɛ̀ taànìn à rììru, ɓi rìkɛ̀n ɗi a Sezare.

MƐ̀KÌKÌÌ MƐ ƁƐKƐ̀NÌ-FÌTOM 23:33

Yɛ̀ɛ ɓɛ̀sujàà ɓɛ ɓi zòm yi kìmbɛ̀rɛ̀ ɓɛ kpagà a Sezare, ɓɛ fa gɔmìnà kaàtà, ɓɛ ceesì Pol ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 25:1

Wɔ̀lɛ ajɛ̀m ì mɛ̀ru mɛraa ànɛ gɔmìnà ànɛ lɛ Fɛstus à kpagà ɓi kìden ki zi ki à kɔ̀mɛ̀ngà, à pɛ̀sɛ̀ngà a Sezare, à ɓɔg a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 25:13

Yɛ̀ɛ ɓɔɔ mɛru ɓɛ ghaghìghà, nni rìfòm ɗi lɛ Agiripa ɓɛɛ Berenis, ɓɛ yughày a Sezare lɛ ɓɛɛ togsi Fɛstus.

MƐ̀KÌKÌÌ MƐ ƁƐKƐ̀NÌ-FÌTOM 27:1

Yɛ̀ɛ ɓɛ rengà lɛ tì ghɛ̀ɛ̀sɛɛ kì kɛ̀ɛ a Italii ɓi fìtimà, nni ɓɛ tekà lɛ rì Pol, rì ɓum ɓɛdɛŋ, ɓɛ fa ɓɔ rì ǹkɔmɛ̀n-ɓɛ̀sujàà àsàg ànɛ ɓi kìtuu ki ɓɛsujàà ki ɓɛ nɗegì lɛ, ɓɛ̀sujàà ɓɛ Kaaza ànɛ a Italii ɗii lɛ: Zyulyus.

MƐ̀KÌKÌÌ MƐ ƁƐKƐ̀NÌ-FÌTOM 27:31

Pol à kalì ǹkɔ̀mɛ̀n-ɓɛ̀sujàà lɛ: I ɓumɓɛ ɓɛ rɔɓi ɓi fɛ ɓi fìtimà, di ɓyàa ghɛɓ ɓi.

MƐ̀KÌKÌÌ MƐ ƁƐKƐ̀NÌ-FÌTOM 27:43

Kìɓan kifog yɛ̀ɛ ǹkɔ̀mɛ̀n-ɓɛ̀sujàà à kɔ̀nkɔ̀ngà lɛ a ghɛɓsi Pol, nni à rèkà ɓɛ̀sujàà ɓɛǹ lɛ ɓɛ̀ kɛɛ̀ kì fɔlɔɔ. Fɔɔnnɛ à reɓsìghà min ɓɛroɓɛ ɓɛ yighà kìwɔg lɛ, ɓɛɛ log kì kpìi ɓi rìɓày ɓɛɛ wɔg ɓɛɛ kpaŋ̀ a cɛɗ.

MƐ̀KÌKÌÌ MƐ ƁƐKƐ̀NÌ-FÌTOM 8:40

Filiɓ à sìgmɛ̀ngà di à ti a Azɔt, à pɛ̀sɛ̀n wɔɔ, à kɛ̀n a Sezare, à kakàlì ɓum Ɓɔlɛ à Bɛ̀ll, ɓi bàn yìcèm yi à ghaghìghà ɓi bee.