MƐ̀KÌKÌÌ MƐ ƁƐKƐ̀NÌ-FÌTOM 1:3 - Bafia Nouveau Testament

³ Ajɛ̀m ì rìwu ɗii, à rèsɛ̀ngà ɓɔ, à ki rèsi ɓɔ ɓìrèmzɛnà lɛɛ̀gwey ɓi lɛ ɓɛɛ yi lɛ à rì cem; à rèsɛ̀ngà a lɔ̀ŋkaa, mɛ̀ru mɛ̀tin mɛɓɛɛ̀, à kakàlì ɓɔ ɓìɓan ɓi ɓi seesee kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 1:3 Iomraidhean Croise

MATYOO 21:43

Kìɓan kiǹ kɛɛ̀ki ǹkalii mìni lɛ, ɓɛ ri ɓiì pisii kilɔ̀ŋ ki Bɛ̀ll a lɔ̀ŋkin, ɓɛ fa kɔ rì kìlɔ̀ŋ ki ki ri ɓiì wumì ɓìɗùn ɓi ɓi ghɛɛ̀sɛɛ rì kìlɔ̀ŋ ki Bɛ̀ll.

MATYOO 28:9

Lɔŋ wɔɔ foo, nni Yeesus à ghàskà ki yùu ki tulɛɛ ri ɓɛ̀yiɓ ɓɛǹ, à kpaa ɓɔ lɛ: Ǹtògsii mìni! Fɔɔnnɛ ɓɛ tyoŋdɛ̀ngà nyi a nyoo, ɓɛ ɓaǹ nyi ɓi mɛ̀kòò, ɓɛ ɓɔgsì nyi.

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 4:2

Yɛ̀ɛ Yeesus à ghagsighà ɓɛ̀ŋwos mɛtin mɛɓɛɛ̀ rì mɛ̀ru mɛ̀tin mɛɓɛɛ̀ wɔɔ kɛ̀ɛ ɗi com, nni zày ì kɔ̀ngà nyi.

MARIKUS 16:19

Yɛ̀ɛ Kan à tòkàkà fɔlɔɔ ri ɓɔ, nni à ɓɔkà aɗyoo, à kɔ̀rì ɓi weèlem à Bɛ̀ll.

ZYAŊ 20:26

Ajɛ̀m ì mɛ̀ru taàraa, ɓɛ̀yilàg ɓɛ Yeesus ɓɛ ɓatìghà ɓɛ̀taŋzɛn ɓi naa, Tomas à ɓaghà wɔɔ ri ɓɔ. Mɛ̀suunaa mɛ ɓaghà mɛ̀rogakɛn, nni Yeesus à yùghày, à rɛlì ɓɔ ɓi nyìinyìm, à kpaa ɓɔ lɛ: Fyòoog a ɓa rì mìni.

ZYAŊ 21:1

Ajɛ̀m ìnɛn, Yeesus à rèsɛ̀ngà tì ɓɛ̀yilàg ɓii ɓi bèn ì rìɓày ànɛ a Tiɓeriyaadɛ.

ZYAŊ 21:14

Gɛ̀n i kìraa ìnɛ lɛ Yeesus a resɛn ɓɛ̀yilàg ɓii, à tumɛ̀n yɛ̀ɛ à ghèmɓɛ̀ngà a ɓìloŋ yɛ̀ɛ ɓaghà lɔɔ.

MƐ̀KÌKÌÌ MƐ ƁƐKƐ̀NÌ-FÌTOM 13:31

Fɔɔnnɛ à rèsɛ̀ngà bàlì ì mɛ̀ru lɛɛ̀gwey a ɓumɓɛ à pɛ̀sɛ̀ngày rì ɓɔ a Galile ɓɛ ɓɔg a Yorisalɛm ǹɗaŋ, ɓɔ yɛɛ ti ɓɛ̀wusìnɛ̀ɗ ɓɛ ɓɛɛ̀ tɛɛtɛɛ̀zì ɓumɓɛ a Isirayɛl kìɓan kii.

MƐ̀KÌKÌÌ MƐ ƁƐKƐ̀NÌ-FÌTOM 19:8

Nni Pol à ɗiŋìghà ɓi naà-bɔ̀ŋzɛ̀n, à tòòghrɛ̀n wɔɔ lɛ tɛntɛ̀ɛ̀n, à kurɛ̀ngà rì ɓɔ ɓɛ̀ŋwii ɓɛraa ɓi ɓìɓan ɓi ɓi seesee kìlɔ̀ŋ ki Bɛ̀ll, à kaakàà bee inɛ a ki lɛ ɓumɓɛ ɓɛ wowòkà ɓìtòkì ɓii, ɓɛɛ gherɛn ɓìɓan ɓi à kpaakpààghà.

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

MƐ̀KÌKÌÌ MƐ ƁƐKƐ̀NÌ-FÌTOM 28:31

A lààlàmɓɛ̀n kìlɔ̀ŋ ki Bɛ̀ll, à ki rèresi ɓum ɓìɓan ɓi ɓi seesee Kan Yeesus Kiris lèg bimiɗ ànɛ ki ɓaghà lɛ ki kɔ̀n nyi, kɛ̀ɛ̀ ntɔɓ.

MƐ̀KÌKÌÌ MƐ ƁƐKƐ̀NÌ-FÌTOM 8:12

Wɔ̀lɛ, yɛ̀ɛ ɓum ɓɛ gherɛ̀ngà Syeesyee à Ɓɔlɛ ànɛ Filiɓ à kpaakpààghà ɓɔ, Syeesyee à Ɓɔlɛ à kìlɔ̀ŋ ki Bɛ̀ll, rì à ɗii ɗi Yeesus Kiris, fɔɔnnɛ ɓum ɓɛ ɓaɓtàkà lɛ, rì ɓɛ̀yiɓ, rì ɓɛ̀baŋì.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

KÒLÒSYƐŊ 1:13

À kwèɗkà ɓìsi ɓi rìkpàn ɗi mɛtèɗ mɛ birìm, à ceesì ɓìsi ɓi kìlɔ̀ŋ ki Man wiì à ǹɗem,

TÈSÀLÒNÌSYƐŊ 2:12

Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

1 ZYAŊ 1:1

Tì kàni mìni kìɓan ki jɛ̀ɛ̀ ì cɛɓ ìnɛ ì ɓaghà, a rìtumɛ̀n ɗi ɓyom ɓìcèm; tì wokà yɔ̀ di yɛɛ̀ tòtòg, tì ghɛn yɔ̀ ri mis, tì sìŋì yɔ̀, tì ki kòm yɔ̀ ri ɓyàg ɓis.