MƐ̀KÌKÌÌ MƐ ƁƐKƐ̀NÌ-FÌTOM 1:16 - Bafia Nouveau Testament

¹⁶ Ɓɔɔsoŋ̀! kìɓan ki Kìtɛntɛ̀ɛ̀n ki Nghay ki lokà kì rèsii ɓi kaàtà à Bɛ̀ll, ɓi ŋwɔm wu Davit, ki rarɛ̀n ɗì Zyudas ànɛ à syògày ɓumɓɛ ɓɛ ɓangà Yeesus bee, ki ghɛɛ̀sɛ̀ngà lɛ kɛɛ kilɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 1:16 Iomraidhean Croise

MATYOO 26:14

Fɔɔnnɛ Zyudas Iskariyot, kìbog ki ɓi ɓɛ̀yilàg ɓɛ Yeesus ǹtɛ̀ɗ rì ɓɛɓɛɛ̀, à kɛ̀ngà a ɓɛ̀pìrɛɛtìrɛ̀ ɓɛgwey

MATYOO 26:47

Yeesus à kaka à kpaakpàà fɔlɔɔ, nni Zyudas ànɛ à ɓaghà kìbog ki ɓi ɓɛ̀yilàg ɓii ǹtɛ̀ɗ rì ɓɛɓɛɛ̀, à ghàskà kì kpaŋì. A ɓaghày rì coo kituu ki ɓum ki ɓɛ̀pìrɛɛtìrɛ̀ ɓɛgwey rì ɓɛ̀sɛ̀ɛ̀mɛn ɓɛ romgày; ɓumɓɛ̀n ɓɛ yughày lɛ rì gàfàg, rì ɓìgeŋ.

MATYOO 26:54

Lannɛ rìkalì ɗi kaàtà à Bɛ̀ll ɗi ri min ɓiì ronì? Lɛ kaàtà à Bɛ̀ll a kalag lɛ, ki ghɛɛ̀sɛɛ kì kìlɛɛ fɔɔlɔɔ.

MATYOO 26:56

Wɔ̀lɛ ɓìɓan ɓiǹ ɓìcèm ɓi kilɛ̀ngà fɔlɔɔ lɛ di ɓìɓan ɓi ɓɛ̀kpaŋzì-ɓìɓan ɓɛ kangà ɓyɛɛ roǹ. Fɔɔnnɛ ɓɛ̀yilàg ɓɛ rinìghà nyi ɓɛ̀sɛ̀ɛ̀ ɓɛ̀cèm, ɓɛ ghɛŋɗàg.

MARIKUS 12:36

Davit nyimiɗ a kpaaghà, di Kìtɛntɛ̀ɛ̀n ki Nghay ki mɛ fa nyi ɗyomzɛ̀n lɛ: Kan àa ǹkpaa Kan wɛ̀m lɛ: Kɔ̀ri mɛ̀ fɛ ɓi weèlem à kpaŋ yɛ̀ɛ ǹɗì ɓiì ghaasii ɓɛ̀bènàbena ɓɔɔ com ki rɛsakɛn mɛkòò mɔɔ miì.

MARIKUS 14:43

Yeesus à kaka à tòtòg fɔlɔɔ, Zyudas ànɛ à ɓaghà kìbog ki ɓi ɓɛ̀yilàg ǹtɛ̀ɗ ɗì ɓɛɓɛɛ̀ à ghàs kì kpaŋì. A ɓaghày rì kìtuu ki ɓum ki ki yughày lɛ rì gàfàg rì ɓìgeŋ; ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna rì ɓɛ̀sɛ̀ɛ̀mɛn ɓɛ ɓi naà-Bɛ̀ll ɓɛɛ romgày ɓɔ.

LUKAS 22:47

Yeesus à kaka à kpaakpàà fɔlɔɔ, nni coo kituu ki ɓum ki yughày, kìbog ki ɓi ɓɛ̀yilàg ɓii ntɛ̀ɗ rì ɓɛɓɛɛ̀ ɗii lɛ Zyudas kɛɛ syogày bee. À tyòŋdɛ̀ngà Yeesus a nyoo lɛ a lɔɛɗ nyi.

ZYAŊ 10:35

Tì yii lɛ mum à yin lɛ à pisì kìɓan ki ki ri kìkànɛn; nni i mɛ̀kànì mɛ regii ɓumɓɛ Bɛ̀ll à tòòghrɛ̀ngà rì ɓɔ lɛ bɛ̀ll,

ZYAŊ 13:18

Àa ɓisuu miniìcèm nnɛ ǹkpaa kìɓan kiǹ. Mɛ̀ ǹ-yii ɓɛ̀roɓɛ m̀ɓɔ̀ngà wɔ̀lɛ, ki ghɛɛ̀sɛɛ lɛ jɛ̀ɛ̀ ìnɛ ì rì ǹkànɛn lɛ: Roànɛ ti ɗiɗi bìrɛs yɛ̀m ɓɛɛ̀ nyi à ghali mɛ̀ ŋaŋ-ŋaŋ ɓi nyoo, yɛ̀ɛ roǹ.

ZYAŊ 17:12

Cààmɛ̀n ki mɛ̀ɛ nɗì rì ɓɔ, mɛ̀ɛ mɓèŋɓeŋi ɓɔ, ɓì ɗii ɗyɔɔ, mɛ̀ɛ nkàakàmɛ̀n ɗì ɓɔ, nsoò kìbog ki ɓi ɓɔ kɛ̀ kɛɛ̀ ɗyaŋ; i ki cee ɓi lɛ roànɛ à ghɛ̀ɛ̀sɛ̀ngà kìɗyaŋì lɛ mɛ̀kànì mɛɛ roǹ.

ZYAŊ 19:36

Ki kilɛ̀ngà fɔlɔɔ lɛ, kɛɛ ɓa yɛ̀ɛ ki ri kìkànɛn lɛ nsoò kìwoɓ kii kifog, ɓaa ɓun ɓi.

MƐ̀KÌKÌÌ MƐ ƁƐKƐ̀NÌ-FÌTOM 1:20

Wɔ̀lɛ ki ri kì kànɛn ɓi kaàtà à Ɓɛ̀sam lɛ: Ɓɛ ghɛɛ̀sɛɛ kì rinii mɛɛ mii, mum kɛ̀ɛ kɔ̀ri miì, ri tì lɛ: Ŋwaàdɛŋ à ghɛ̀ɛ̀sɛɛ kì terì ìkɔ̀ɔ̀ wii wu kisày.

MƐ̀KÌKÌÌ MƐ ƁƐKƐ̀NÌ-FÌTOM 13:15

Yɛ̀ɛ ɓɛ lègsìghà ki ɓàli kaàtà à Bɛ̀ll, ɓi kaàtà à ɓìdɔ̀gsɛna ɓi Moyis rì ɓi à ɓɛ̀kpaŋzì-ɓìɓan, nni ɓɛ̀làmì naà-bɔ̀ŋzɛ̀n ɓɛ romgà mum lɛ a kali ɓɛ̀-Pol lɛ: Bɔɔsoŋ! ì ɓì rì rì deɓ yidɛŋ yi ɓì rì lɛ ɓì fa ɓum, tòòghrɛɛna ɓigominɛ.

MƐ̀KÌKÌÌ MƐ ƁƐKƐ̀NÌ-FÌTOM 13:38

Ɓɔɔsoŋ̀! Konaaghna kì yiì lɛ ɓisu wii nnɛ ɓɔlɛ ànɛ lɛ, Bɛ̀ll à rì ɓiì cenɛɛ ɓum ɓìɓe ɓyaa, a kpaakpaàrɛ̀n a lɔ̀ŋkin.

MƐ̀KÌKÌÌ MƐ ƁƐKƐ̀NÌ-FÌTOM 15:13

Yɛ̀ɛ ɓɛ lègsìghà ɓìtòkì, nni Zyag à pɛ̀sɛ̀ngà aɗyoo, à kpaa lɛ: Ɓɔɔsoŋ̀! Wooghna girig rìkpaa ɗyɛ̀m!

MƐ̀KÌKÌÌ MƐ ƁƐKƐ̀NÌ-FÌTOM 15:7

Di ɓaa nyolɛn lɛɛ̀gwey, nni Pyɛɛri à pɛ̀sɛ̀ngà aɗyoo, à kpaa ɓɔ lɛ: Ɓɔɔsoŋ̀! Ɓì yii lɛ Bɛ̀ll à ɓɔ̀ngà mɛ̀ ɓi nyìinyìm wìn lɔŋ a rìtumɛ̀n lɛ, nkali Syeesyee à Ɓɔlɛ a ɓum ɓɛ ɓɛ yin Ɓɛ̀yudɛ̀n, lɛ i ɓɛ woogh Syeesyee à Ɓɔlɛ ànɛ̀n, ɓɛɛ gherɛn Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 2:23

Yeesus ànɛn innɛ ɓɛ nkàɓi lɔŋ yɛ̀ɛ ki ɓaghà kìkaliyɛn, lɔŋ yɛɛ̀ Bɛ̀ll à fèkà ɓi coo ɗyomzɛ̀n ɗii, nyi nnɛ ɓìi nkpani ɓi kɔrɔs aɗyoo, ɓì ki fa nyi rì ɓɛ̀kìì-kìɓe lɛ ɓɛɛ wey.

MƐ̀KÌKÌÌ MƐ ƁƐKƐ̀NÌ-FÌTOM 2:37

Yɛ̀ɛ ɓɛ wokà ɓìtòkì ɓi Pyɛɛri ɓiǹ, ɓi ɗiŋì ɓɔ ɓi ǹɗem lɛ kɔɔ̀kɔɔ̀, nni ɓɛ tɔkà Pyɛɛri ri ɓɛ̀kɛ̀nì-fìtom ɓɛm̀bog lɛ: Ɓɔɔsoŋ̀, ki ghɛ̀ɛ̀sɛɛ min lɛ ti ki la?

MƐ̀KÌKÌÌ MƐ ƁƐKƐ̀NÌ-FÌTOM 22:1

Mìni ɓɛ̀geni ɓɛ̀m rì ɓɛ̀seŋi ɓɛ̀m, ɓigomìnɛ ramina mɛ̀reè, ɓi wog com ki ǹɗì lɛ ǹɗèsì mìni.

MƐ̀KÌKÌÌ MƐ ƁƐKƐ̀NÌ-FÌTOM 23:1

Pol à pɛ̀ɛ̀zìghà mis rì ɓumɓɛ ɓi Sànèdìrɛŋ à kpaa lɛ: Ɓɔɔsoŋ̀, à kpaŋ gɛɛ̀nɛ, ǹɗem wu yin mɛ rì mɛ̀riighrikì nsoò lɛsàg, ɓi rìba ɗi lɛ rì mɛ̀ rì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 23:6

Yɛ̀ɛ Pol à yighà lɛ ɓumɓɛ̀n ɓɛ ri mɛ̀raŋ mɛɓɛɛ̀ lɛ, rì Ɓɛ̀fàrìzyɛŋ rì Ɓɛ̀sàdùsyɛŋ, fɔɔnnɛ à kpaaghà jɛ̀ɛ̀ aɗyoo ɓi nyìinyìm wàà lɛ: Ɓɔɔsoŋ̀, mɛ̀ ǹɗì Fàrìzyɛŋ, man à Fàrìzyɛŋ nni ɓɛɛ̀ sɔmag mɛ ɓisuulɛ, ǹɗì rì ǹtyweeyi lɛ ɓìloŋ ɓi ri ɓiì ghèmɓɛɛ.

MƐ̀KÌKÌÌ MƐ ƁƐKƐ̀NÌ-FÌTOM 28:17

Ajɛ̀m ì mɛ̀ru mɛ̀ra, Pol à lààghràkà ɓɛ̀sɛ̀ɛ̀mɛn ɓɛ Ɓɛ̀yudɛ̀n. Yɛ̀ɛ ɓɛ taŋzɛ̀ngà, nni Pol à kpaaghà ɓɔ lɛ: Ɓɔɔsoŋ̀, ǹkìi ɓi ɓumɓɛ ɓi kìlɔ̀ŋ kis kiɓan kiɓeɓtɛn, kɛ̀ɛ nki yogsi ɓìsyɔ̀ɔ̀ ɓi ɓɛseŋi ɓis. Nsoò fɔlɔɔ, ɓɛ ɓangà mɛ̀ a Yorisalɛm, ɓɛ kaàɓ mɛ̀ rì Ɓɛ̀ròmɛŋ.

MƐ̀KÌKÌÌ MƐ ƁƐKƐ̀NÌ-FÌTOM 28:25

Nni yɛ̀ɛ ɓɛ pɛsɛ̀ngà rìsug, di ɓɛ mɛ rɔ̀ɓ kɛ̀ ɓɛɛ̀ wooghrɛn jɛ̀ɛ̀, com ki Pol à kpaatìghà ɓɔ ki ɓaghà lɛ: Kìtɛntɛ̀ɛ̀n ki Nghay ki kpaghà lɔŋ saaɗ yɛ̀ɛ ki kalìghà rì ɓɛ̀seŋi ɓin ɓi ŋwɔm wu ǹkpaŋzì-ɓìɓan Ezayii lɛ:

MƐ̀KÌKÌÌ MƐ ƁƐKƐ̀NÌ-FÌTOM 7:2

Ityɛn à ɓàg lɛ: Mìni ɓɛ̀geni ɓɛ̀m, rì ɓɛ̀seŋi ɓɛ̀m, ramina mɛ̀ree ɓi konag kìwoògh lɛ: Bɛ̀ll ànɛ à rì ǹkeŋkèmì à rèsɛ̀ngà yɛ̀ɛ Abiraham à seŋi wìs a ǹsɛ̀ɛ̀, cààmɛ̀n ki à ɓaghà a Mɛzopotamii, di à ka kɛn ɓi ki kɔ̀rii a Haraŋ.

1 PYƐƐRI 1:11

Ɓɛ siìrɛ̀ngà lɛ ɓɛɛ yi lɛ rì zìŋɛn, rì ɓìɓan ɓi ɓi koŋkomi ɓìɓan ɓi Ǹghay à Kiris ànɛ à ɓaghà ɓi ɓɔ à rerèɓkà ɓɔ abɛ̀y; à rèsìghà mɛ̀tɔɓ mɛ Kiris à ghɛ̀ɛ̀sɛ̀ngà kìwoògh, rì rìkem ɗi ɗi ghɛɛ̀sɛ̀ngà kì ɓɔ̀ɓiì mɛ̀tɔɓ mɛ̀n.

2 PYƐƐRI 1:21

ɓisuulɛ ɓum ɓɛ ti kɛ̀ ɓɛɛ̀ kpaŋzi-ɓiɓan ɓi Bɛ̀ll ɓi rìkɔ̀n ɗyaa ɗi ɓɔmiɗ, kìɓan kifog ɓum ɓɛ toòghrɛ̀ngà ɓi ɗii ɗi Bɛ̀ll lɛ Kìtɛntɛ̀ɛ̀n ki Nghay ki tinìghà ɓɔ lɛ ɓɛɛ toòghrɛn.

2 PYƐƐRI 2:21

Lɛ ki ɓaghà lɛ ki ɓa tì rì ziŋ ɓi san wàà lɛ ɓɛ̀ kɛɛ̀ yi bee ì saaɗ, à cee lɛ i ɓaa yi yɔ̀, ɓɛɛ lɔɔgh tì jɛ̀m rì kìdɔ̀gsɛna ki tɛnɛn ki ɓɛ faghà ɓɔ.