MƐ̀KÌKÌÌ MƐ ƁƐKƐ̀NÌ-FÌTOM 1:11 - Bafia Nouveau Testament

¹¹ ɓɛ kpaa ɓɔ lɛ: Mini ɓumɓɛ a Galile ɓɛ! Ɓi cɛ nnɛ ɓi cɛɛnɛɛ foo mis aɗyoo? Yeesus ànɛ à pɛ̀sɛɛ ànɛn ɓi nyìinyìm wìn, à ɓɔg aɗyoo, à ri sugtiigɛy lɔŋ yɛ̀ɛ ɗi ɓì ghɛɛ nyi ɗìn di a ɓɔɓɔg aɗyoo.

MƐ̀KÌKÌÌ MƐ ƁƐKƐ̀NÌ-FÌTOM 1:11 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 16:28

Ǹkalii mìni ɓi saaɗ lɛ, ɓum ɓɛdɛŋ ɓi ɓumɓɛ ɓɛ ri fɛ, ɓaa cuu ɓi, di ɓɛ ka ghɛn ɓi yɛ̀ɛ Man à mum a yùyuiy ɓi rìlàmì ɗii.

MATYOO 24:30

Fɔɔnnɛ kìfèèghrɛnà ki Man à mum ki ɓiì resɛɛ yi aɗyòò, mɛ̀kuu mɛ ɓum mɛ̀cèm mɛ ɓi ziinɛ mɛ ɓiì seeghkɛɛ mɛ ki ghɛn di Man à mum a sɛnsɛn yi aɗyòò ɓi ɓìkwìɗ, ǹɗonɛn rì coo ìtèɗ, rì coo rikèm.

MATYOO 25:31

Yɛ̀ɛ Man à mum à rì ɓiì yùu, ɓì rìgwey ɗii, ǹɗaŋ ri ɓum ɓɛ titom ɓɛ̀cèm, à ɓiì kɔ̀rii ɓi-kɔ̀ɔ̀ wii wu rilàmì wu rikem.

MARIKUS 13:26

Fɔɔnnɛ ɓum ɓɛ ghɛɛ gɛ ɗi Man à mum à rìì ɓi ɓìkwìɗ rì coo itèɗ, rì rìgwey.

MARIKUS 14:70

Pyɛɛri à roodì tì; yɛ̀ɛ maa cààmɛ̀n à mɛɛ ghaàgh, ɓumɓɛ ɓɛ ɓaghà wɔɔ ɓɛ kpaatì Pyɛɛri lɛ: Ki ri lɔŋ saaɗ lɛ wɔ̀ girig ù rì ŋwaànɛ ɓi ǹɗaŋ wu ɓumɓɛ̀n, ɓisuulɛ, ù rì ŋwaànɛ a Galile.

MARIKUS 16:19

Yɛ̀ɛ Kan à tòkàkà fɔlɔɔ ri ɓɔ, nni à ɓɔkà aɗyoo, à kɔ̀rì ɓi weèlem à Bɛ̀ll.

LUKAS 21:27

Fɔɔnnɛ ɓɛ ri min ɓiì ghɛɛ̀ Man à mum di à rìì ɓi kìkwìɗ, lɛ rì coo-tèɗ, rì coo rigwey.

LUKAS 24:5

Ìris wu ɓan ɓɔ, ɓɛ ruusàg mɛ̀su ɓi zi, wɔ̀lɛ ɓumɓɛ̀n ɓɛ tɔg ɓɔ lɛ: Ɓisuucɛ nnɛ ɓi kaakaa roànɛ à ti cem ɓi nyìinyìm à ɓìloŋ?

ZYAŊ 14:3

M̀ɓiì ɓaà lɛ, i ǹkɛ̀ɛ, i m̀mɛ pègsɛn mini jàŋ, ǹsugtìì lɛ nteɗ mìni a lɔ̀ŋkɛm̀, lɛ di mìni girig, ɓi ɓa jàŋ inɛ mɛ̀ ǹɗì.

MƐ̀KÌKÌÌ MƐ ƁƐKƐ̀NÌ-FÌTOM 1:2

à kpaŋ ŋwos anɛ à ɓaa lɛ, à mɛ reɓsag ɓiɓan ɓii rì ìtèɗ wu Kitɛntɛ̀ɛ̀n ki Nghay rì ɓɛ̀kɛ̀nì-fìtom ɓɛ̀ à ɓɔ̀ngà, à ɓɔg min aɗyoo.

MƐ̀KÌKÌÌ MƐ ƁƐKƐ̀NÌ-FÌTOM 1:22

à tumɛ̀n lɔŋ yɛ̀ɛ Zyaŋ à ɓàɓtìghà nyi à kpaŋ yɛ̀ɛ àa m̀pɛsɛɛ ɓi nyìinyìm wìs a ɓɔg aɗyoo, kìbog ki ɓi ɓɔ kɛɛ ɓasɛn ɗì ɓìsi lɛ kɛɛ ɓa wusìnɛ̀ɗ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 1:9

Lɔŋ yɛ̀ɛ à kpaaghà fɔlɔɔ, nni à tumɛ̀ngà rìɓɔg aɗyoo, ɓɛ̀roɓɛ̀n ɓɛ seesèè yɛ̀ɛ à ɓɔɓɔ̀kà à ràm à ɗim ɓɔ ɓi mis, di kìkwìɗ ki mɛ lɔg nyi.

MƐ̀KÌKÌÌ MƐ ƁƐKƐ̀NÌ-FÌTOM 13:31

Fɔɔnnɛ à rèsɛ̀ngà bàlì ì mɛ̀ru lɛɛ̀gwey a ɓumɓɛ à pɛ̀sɛ̀ngày rì ɓɔ a Galile ɓɛ ɓɔg a Yorisalɛm ǹɗaŋ, ɓɔ yɛɛ ti ɓɛ̀wusìnɛ̀ɗ ɓɛ ɓɛɛ̀ tɛɛtɛɛ̀zì ɓumɓɛ a Isirayɛl kìɓan kii.

MƐ̀KÌKÌÌ MƐ ƁƐKƐ̀NÌ-FÌTOM 2:7

Ɓɛ̀sɛ̀ɛ̀ ɓɛ̀cèm ɓɛ kuuràkà ɓɛ rɔɓ myɔm ɓìkpaŋ. Fɔɔnnɛ ɓɛ tɔɔ̀tɔ̀ɔ̀ghrɛ̀ngà ɓɔrìɓɔ lɛ: Nti ɓum ɓɛ̀cèm ɓɛ ɓɛɛ̀ tòtog ɓɛ, ɓɛ rì ɓumɓɛ a Galile?

MƐ̀KÌKÌÌ MƐ ƁƐKƐ̀NÌ-FÌTOM 3:12

Yɛ̀ɛ Pyɛɛri à ghɛngà fɔlɔɔ, nnɛ à kalìghà ɓumɓɛ̀n lɛ: Mìni ɓumɓɛ a Isirayɛl, ɓi cɛ nnɛ ɓì rì ri mɛ̀kuùkuugh ɓi kìɓan ki? Ɓisuucɛ nnɛ ɓi fifiɓi ɓisi lɔŋ yɛ̀ɛ ɓɛɛ̀ kali lɛ tì kɛ̀ɛ̀sii ŋwaànɛ rì ìtèɗ wis, nsoò lɛ ɗì rìfalɛ̀n ɗis ɗi ɓi rìgherɛ̀n?

MƐ̀KÌKÌÌ MƐ ƁƐKƐ̀NÌ-FÌTOM 3:21

Yeesus ànɛ à ka ghɛ̀ɛ̀sɛɛ kì kɔ̀kɔrii aɗyoo, à kpaŋ ɓi cààmɛ̀n ki ɓɛ ri ɓiì pɛ̀ɛ̀zii ki rɛsii ɓyom ɓìcèm ɓi mɛ̀rɛli mɛ ɓyɔ, lɔŋ yɛ̀ɛ Bɛ̀ll à kpaaghà fìɗyàɓ ɓi myɔm mɛ ɓɛkpaŋzì-ɓìɓan ɓii ɓɛ ɓɛ ɓaghà ɓɛ̀ tɛnɛn.

TÈSÀLÒNÌSYƐŊ 1:10

ɓì ɓoŋɓòŋ lɛ Man wiì Yeesus, ànɛ à ghèmzìghày a ɓìloŋ, a sɛǹ yì aɗyoo, di a kweɗ ɓìsi ɓi rìbaŋì ɗi Bɛ̀ll ɗi ɗi riì.

TÈSÀLÒNÌSYƐŊ 4:16

Ɓisuulɛ, yɛ̀ɛ jɛ̀ɛ̀ ì rì ɓìì toòghrɛɛ, jɛ̀ɛ̀ ì coo ŋwaà-fìtom, ɗyam ɗi Bɛ̀ll ɗi rɔŋ, Kan nyimiɗ a ɓiì sɛnìì aɗyòò; fɔɔnnɛ ɓìloŋ ɓi ɓi Kiris ɓi ɓiì loògh kì ghèmɓɛɛ.

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.