2 TÈSÀLÒNÌSYƐŊ 3:6 - Bafia Nouveau Testament

⁶ Ɓɔɔsoŋ̀! tì tɔɔgh mìni ɓi ɗii ɗi Kan wìs Yeesus Kiris lɛ: Kɛ̀ ɓi wuɓsɛn ɓɛgeni ɓin ɓɛ ɓɛ ri ɓɛ̀ɓɔɓwɛɗ, ɓɛ ɓɛ ɓeni kì nɔ̀ɔ̀tii ɓiɓan ɓi tì rèsìghà mìni.

2 TÈSÀLÒNÌSYƐŊ 3:6 Iomraidhean Croise

MATYOO 18:17

I à ɓèèdii tì ɓɔ kì woògh, ù kalì kìɓan kiǹ ɓi nyìinyìm à kìseŋi. I à rɔ̀ɓtii kɛ̀ɛ wog rikpaa ɗi kiseŋi, tera nyi fɛlɛ yɛ̀ɛ ŋwaànɛ à yin ǹgherɛ̀n nsoò lɛ yɛ̀ɛ ǹterì-làmpoŋ̀.

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

1 KƆ̀RƐ̀ŊTYƐŊ 11:2

Ǹsɛɛgh mìni yɛ̀ɛ ɓi yiiyitàg mɛ̀ ɓyààmɛ̀n ɓìcèm, rì yɛ̀ɛ ɓi ɓèŋɓeŋ deɓ yɛm̀ lɔŋ yɛ̀ɛ mɛ̀ ǹfaghà mìni yɔ.

1 KƆ̀RƐ̀ŊTYƐŊ 5:4

Lɛ ɓi ɗii ɗi Kan Yeesus, rì ɓi-tèɗ wii, tì ri taŋzɛ̀n, mɛ̀ m̀ɓa ɓi nyìinyìm wìn ɓi nghay;

1 KƆ̀RƐ̀ŊTYƐŊ 5:9

Mɛ̀ɛ ǹkàniì mìni ɓi kaàtà wɛ̀m lɛ, kɛ̀ ɓi ràrɛn ri ɓɛ̀kìì-tìsɔ̀mɔ̀g,

2 KƆ̀RƐ̀ŊTYƐŊ 2:10

I ɓì cenɛɛ ŋwaànɛ à sɛ̀rii kìɓan, mɛ̀ ǹcenɛ̀n girig nyi; lɛ kìɓan ki mɛ̀ɛ ncenɛɛ, i mɛ̀ɛ nghɛ̀ɛ̀sɛɛ lɛ ǹcenɛ̀n kìɓan kidɛŋ, mɛ̀ɛ nkìi fɔlɔɔ ɓisu win ɓi mis mɛ Kiris,

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

KÒLÒSYƐŊ 3:17

Com kìcèm ki ɓì rì lɛ ɓì kpaa, nsoò lɛ ɓì kì, kìina kɔ ɓi ɗii ɗi Kan Yeesus, ɓì fafà Bɛ̀ll à Seŋi wìs ɓìtògsɛ̀n rì ɗii ɗìì.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

TÈSÀLÒNÌSYƐŊ 4:11

Ɓì foŋ ǹɗem ɓi kìɓan ki lɛ ɓi ghɛ̀ɓ lɛ fyòoog, ɓì kìkì ɓìɓan ɓin ɓi mìniìɓɔmìɗ, ɓì ki sasay ri ɓyàg ɓin lɔŋ yɛ̀ɛ tì siŋdɛ̀ngà mìni;

TÈSÀLÒNÌSYƐŊ 5:14

Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.

2 TÈSÀLÒNÌSYƐŊ 2:15

Fɔɔnnɛ sììrɛɛna lɔŋ ɓɔɔsoŋ̀, ɓì ɓèŋ ɓìɓan ɓi tì rèsàkà mìni, rì ŋwɔm nsoò lɛ ɓi kaàtà ànɛ tìi nkàniì mìni.

2 TÈSÀLÒNÌSYƐŊ 3:7

Mìniìɓɔmiɗ ɓì yii lannɛ ɓì ghɛ̀ɛ̀sɛɛ kì kìi lɛ ɓi nɔɔ̀ti mɛ̀kòò mis, lɛ ɓìsii ɓaghà ɓi ɓɛ̀ɓɔɓwɛɗ yɛ̀ɛ tì ghɛɓkà a lɔ̀ŋkin.

TIMOTE 5:21

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris, rì ɓi mis mɛ ɓum ɓɛ titom ɓɛ ɓɛ ri ɓɛ̀ɓɔ̀nɛn lɛ, u ɓeŋ̀ ɓìɓan ɓi ǹsiitaagh wɔ̀ ɓiǹ, kɔ̀ɔ saa mum ìsu, kɔ̀ɔ ki ɓa ri nɗèè wu nɗem.

TIMOTE 6:5

rì nyoey yi yɛ̀ kɛɛ̀ ren ɓi nyìinyìm à ɓumɓɛ mɛ̀yitì maa mɛ ti ɓigɛŋ, ɓɛ̀ kɛɛ̀ yi saaɗ, ɓɛ ki fèki lɛ rìfalɛ̀n ɗi ɓi rìgherɛ̀n ɗi ri kìɓan ki mum à rì lɛ à fɔ̀nfɔ̀n miì.

2 TIMOTE 3:5

ɓɛ ri rɔ̀ɓ ɓɛgherɛ̀n ɓi rìseesèè ɗi ɓidan, kìɓan kifog ɓɛ roòzɛ̀n com ki ki ri ìtèɗ wu righerɛ̀n. Ràɓsɛn mɛ̀kuu mɛ ɓum mɛ fɔlɔɔ.

2 TIMOTE 4:1

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris ànɛ à ghɛ̀ɛ̀sɛɛ kì yɔ̀mi lɛ rì ɓum ɓɛ cem rì ɓìloŋ, rì ɓi ɗii ɗi risugtìì ɗii, rì kìlɔ̀ŋ kii,

2 ZYAŊ 1:10

Nni i mum à yùu yì a lɔ̀ŋkin, kɛ̀ɛ ɓay ɗì rìrèsì ɗiǹ, kɛ̀ ɓi ghàɓ nyi ɓi naa yìn, kɛ̀ ɓi ki tògsi nyi;