2 TÈSÀLÒNÌSYƐŊ 3:16 - Bafia Nouveau Testament

¹⁶ Kan ànɛ a falag fyòoog, nnyɛɛ fa mìni fyòoog nyimiɗ ɓyààmɛ̀n ɓìcèm, bee yicèm; Kan a ɓa rì mìni ɓɛ̀sɛ̀ɛ̀ ɓɛ̀cèm.

2 TÈSÀLÒNÌSYƐŊ 3:16 Iomraidhean Croise

MATYOO 1:23

Ghɛna! Gɔ̀n ì giɓ ìnɛ ì ka yi ɓi ɓɛbaŋì ì ɓiì terì ɗyem, ì yay man à baŋì, ɓɛ roò nyi ɗii lɛ Emanuɛl; ɗii ɗìn ɗi ri azi lɛ: Bɛ̀ll rì ɓìsi.

MATYOO 28:20

ɓì rèsàg ɓɔ rìɓèŋ ɗi ɓiɓan ɓìcèm ɓi nsiŋdɛ̀ngà mìni; ɓì ki yi lɛ, ǹɗì ɓiì ɓaà nɗaŋ ri mìni ɓɛ̀ŋwos ɓɛ̀cèm à kpaŋ ɓi rìlèg ɗi zi.

LUKAS 2:14

Rìkem ɗyɛɛ ki Bɛ̀ll ɓi ɗyoo ɓi ɗùm, fyòoog à ɓa rì ɓumɓɛ ɓi ziinɛ ɓɛ Bɛ̀ll à keesii.

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 15:33

Bɛ̀ll à fyòoog a ɓa rì mìni ɓɛ̀sɛ̀ɛ̀ ɓɛ̀cèm. Ààmɛ̀n.

RÒMƐŊ 16:20

Cààmɛ̀n lɛsàg, Bɛ̀ll ànɛ à ti à falàg fyòoog, à rì ɓiì turii Satàn a mɛ̀kòò min zi. Geesɛ̀n ì Kan wìs Yeesus yɛ̀ɛ ɓa rì mìni.

1 KƆ̀RƐ̀ŊTYƐŊ 14:33

Ɓisuulɛ Bɛ̀ll à yin Bɛ̀ll à kìɓùùsì, à rì lɔŋ Bɛ̀ll à fyòoog. Lɔŋ yɛ̀ɛ ki ti ki ɓalàg ɓi mɛ̀taŋzɛn mɛ ɓɛgherɛ̀n Bɛ̀ll mɛ̀cèm

2 KƆ̀RƐ̀ŊTYƐŊ 13:11

Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

EFÈZYƐŊ 6:23

Ɓɔɔsoŋ̀, Bɛ̀ll à Seŋi wìs, ɓɛɛ̀ Kan Yeesus Kiris ɓɛɛ fa ɓɛ̀geni ɓis ɓɛ̀cèm fyòoog, rì ǹkɔ̀nɛ̀n, bas ɗì rìgherɛ̀n.

TÈSÀLÒNÌSYƐŊ 3:11

Bɛ̀ll à Seŋi wìs nyimiɗ, rì Kan wìs Yeesus, ɓɛɛ ɓaà ɓìsi bee ìnɛ tì rì lɛ tì kpaŋ miì a lɔ̀ŋkin.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

2 TÈSÀLÒNÌSYƐŊ 3:18

Geesɛ̀n ì Kan wìs Yeesus Kiris yɛ̀ɛ ɓa rì mìni ɓɛ̀sɛ̀ɛ̀ ɓɛ̀cèm.

2 TIMOTE 4:22

Kan a ɓeŋ̀ ǹghay wɔɔ! Geesɛ̀n ì Bɛ̀ll yɛ̀ɛ ɓa rì mìni ɓɛsɛ̀ɛ̀ ɓɛ̀cèm. Ààmɛ̀n.

FILEMƆŊ 1:25

Geesɛ̀n ì Kan Yeesus Kiris yɛ̀ɛ ɓa rì mìni.

EBIREEGH 13:20

Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,

EBIREEGH 7:2

Rì nyi nnɛ Abiraham à faghà gàɓ ì kìntɛ̀ɗ ìnɛ ɓi ɓyom ɓii ɓìcèm. Ɗii ɗi lɛ Mɛlkisedɛg àncèm ɗi ka rèsii lɛ à rì rìfòm ɗi saaɗ, à ki ɓa ti lɛ rìfòm ɗi Salɛm yɛɛlɔɔ lɛ rìfòm ɗi fyòoog.