2 TÈSÀLÒNÌSYƐŊ 3:14 - Bafia Nouveau Testament

¹⁴ I mum à ɓèni kìnɔ̀ɔ̀tii ɓiɓan ɓi tì kpaa mìni ɓi kaàtà ànɛ ɓi, ɓàlina kìɓan kiǹ, ɓì lɛg ŋwaànɛ̀n miì, fɔlɔɔ nnɛ à ɓiì woògh ǹtoòrìɗ ɗi rìɓa ɗii ɗiǹ.

2 TÈSÀLÒNÌSYƐŊ 3:14 Iomraidhean Croise

MATYOO 18:17

I à ɓèèdii tì ɓɔ kì woògh, ù kalì kìɓan kiǹ ɓi nyìinyìm à kìseŋi. I à rɔ̀ɓtii kɛ̀ɛ wog rikpaa ɗi kiseŋi, tera nyi fɛlɛ yɛ̀ɛ ŋwaànɛ à yin ǹgherɛ̀n nsoò lɛ yɛ̀ɛ ǹterì-làmpoŋ̀.

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

1 KƆ̀RƐ̀ŊTYƐŊ 4:14

Nsoò ǹkàniì mìni fɔlɔɔ, ki yin lɛ nfa mìni ǹtoòrìɗ, ki ri lɔŋ lɛ nɗeɓ mìni yɛ̀ɛ ɓɔn ɓɛm ɓɛ nɗem.

1 KƆ̀RƐ̀ŊTYƐŊ 5:11

Com ki mɛ̀ɛ nkɔ̀ngi lɛ nkpaà mìni ɓi kaàtà wɛ̀m ki nɗì lɛ, ɓì ghɛ̀ɛ̀sɛɛ ɓi kiràrɛɛ ri ŋwaànɛ à rì lɛ, à reèghrèŋɗɛ̀n lɛ Kìristɛ̀n kìɓan kifog à kìkì tìsɔ̀mɔ̀g, à fa nɗem rì ìkum, à kìkì ɓìnùn, à keesì ɓɔlɛ, nyi kìnɔɔ̀-mɛ̀rɔ̀g nsoò lɛ wiiwìì; ɓì ghɛ̀ɛ̀sɛɛ ɓi gi kì ɗisɛɛ ri rìkuu ɗi mum ɗìn.

1 KƆ̀RƐ̀ŊTYƐŊ 5:9

Mɛ̀ɛ ǹkàniì mìni ɓi kaàtà wɛ̀m lɛ, kɛ̀ ɓi ràrɛn ri ɓɛ̀kìì-tìsɔ̀mɔ̀g,

2 KƆ̀RƐ̀ŊTYƐŊ 10:6

Tì rì ɓɛ̀pègsɛn lɛ ti fa ǹtoòtèɗ wucèm wu wu ri lɛ wu ghɛnɛ̀n ǹtɔɓ à tumɛ̀n ɓi cààmɛ̀n ki ɓì rì ɓiì rèsii lɛ ɓì rì rì mɛ̀wog yɛ̀ɛ ki ghɛɛ̀sɛɛ.

2 KƆ̀RƐ̀ŊTYƐŊ 2:9

Mɛ̀ɛ nkàniì girig mìni lɛ nfeèghrɛn mìni nghɛǹ nkòo ɓì rì rì mɛ̀wog ɓi ɓìɓan ɓìcèm.

2 KƆ̀RƐ̀ŊTYƐŊ 7:15

Fɔlɔɔ nnɛ ǹkɔ̀nɛ̀n ànɛ à rì rì nyi ɓi san wiǹ, à rì tì ǹtèghɛn à cee, cààmɛ̀n ki à yitii mɛ̀wog mɛ ɓì rì rì mɔ rì ɓum ɓɛ̀cèm, à ràɗ rì coo bɔgsɛ̀n bimiɗ ìnɛ ɓì ghàɓkà nyi rì yɔ̀.

FÌLÌPYƐŊ 2:12

Fɔlɔɔ nnɛ, mìni ɓum ɓɛm ɓɛ nɗem ɓɛ ɓyàa kìkì mɛ̀ mɛ̀wog, mɛ̀wog min mɛ̀ kɛɛ̀ sugtɛn lɔŋ lɛ cààmɛ̀n ki ǹɗì mìni jàŋbog, wɔ̀lɛ mɛ ghɛɛ̀sɛɛ kì ghɛnɛɛ ti à cee fɔlɔɔ, cààmɛ̀n ki ǹɗì mìni ki fìràɓ. Salina ɓisuu gòri yìn, rì coo bɔgsɛ̀n lɛɛ̀gwey.

KÒLÒSYƐŊ 4:16

I ɓɛ mɛ ɓày kaàtà ànɛ foo a lɔ̀ŋkin, ɓì ghɛ̀ɛ̀sɛɛ kì kìi lɛ ɓɛɛ ɓay girig kìseŋi ki a Lawodise nyi; fɔɔnnɛ mìni girig ɓì ghɛ̀ɛ̀sɛɛ kì ɓàli kaàtà ànɛ à rì ɓiì ɓaà yì mìni a Lawodise.

TÈSÀLÒNÌSYƐŊ 4:8

Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.

2 TÈSÀLÒNÌSYƐŊ 3:6

Ɓɔɔsoŋ̀! tì tɔɔgh mìni ɓi ɗii ɗi Kan wìs Yeesus Kiris lɛ: Kɛ̀ ɓi wuɓsɛn ɓɛgeni ɓin ɓɛ ɓɛ ri ɓɛ̀ɓɔɓwɛɗ, ɓɛ ɓɛ ɓeni kì nɔ̀ɔ̀tii ɓiɓan ɓi tì rèsìghà mìni.

Kaàtà ànɛ Pol à kàngà TIT 2:8

Ɓìtòkì ɓyɔɔ ɓyɛɛ ɓa lɛ sɛɛghi sɛɛghi, kɛ̀ɛ̀ com ki ɓɛ fen miì, lɛ di ɓɛ̀bènàbena ɓis ɓɛɛ wog ǹtoòrìɗ, ɓɛ rɔɓ kɛ̀ɛ̀ kìɓan ki ɓeɓtɛn ki ɓɛ fen a lɔ̀ŋkis.

Kaàtà ànɛ Pol à kàngà TIT 3:10

I ŋwaàdɛŋ à yùu rì kìɓùùsì ki lɛ gasɛ̀n yɛ̀ɛ kpi ɓi nyìinyìm à ɓɛ̀gherɛ̀n, rɔ̀gsɛn nyi gɛ̀n yiɓɛɛ̀, ajɛ̀m ìnɛn, foŋa nyi ɓi nwɔŋì.

FILEMƆŊ 1:21

Yɛ̀ɛ ǹɗì rì ǹtyweeyi lɛ ù ɓiì kìi com ki ǹtɔɔgh, fɔɔnnɛ ǹkàniì wɔ̀; ǹki yii lɛ ù ɓiì kìi com ki ǹkpaa, ù ceesàg.

EBIREEGH 13:17

Kìina ɓumɓɛ ɓɛɛ̀ kɛ̀ɛkɛɛ̀sì mìni mɛ̀wog ɓì fa ɓɔ bɔgsɛ̀n, ɓisuulɛ ɓɛɛ̀ ɓɔmɓɔm kirɔɔ ki ɓi mɛ̀ghay miǹ, lɛ ɓɛ ri ɓàaghgɛ kìɓan ki miì ɓi mis mɛ Bɛ̀ll; kìina lɛ ɓɛɛ kiki kìsay kiǹ ɗì kìnyàà, àa rì bemeg lɛ fɔlɔɔ àa ghɛɓsi ɓi mini bimiɗ à com.

2 ZYAŊ 1:10

Nni i mum à yùu yì a lɔ̀ŋkin, kɛ̀ɛ ɓay ɗì rìrèsì ɗiǹ, kɛ̀ ɓi ghàɓ nyi ɓi naa yìn, kɛ̀ ɓi ki tògsi nyi;