2 TÈSÀLÒNÌSYƐŊ 2:8 - Bafia Nouveau Testament

⁸ Ajɛ̀m ìnɛn innɛ Kìɓeɓtàg ki mum ki ɓiì rèsɛɛ yi, Kan à wey kɔ rì cɔ̀ŋzɛn ki ki kpaŋiì nyi ɓi ŋwɔm, à tììsì kɔ rì kìtɛɛtɛn ki ɓi rìsugtìì ɗii.

2 TÈSÀLÒNÌSYƐŊ 2:8 Iomraidhean Croise

MATYOO 13:19

I ŋwaà woogh di ɓɛɛ̀ kakali kìɓan ki kilɔ̀ŋ ki aɗyòò, à rɔ̀ɓ kɛ̀ɛ yi com ki ɓɛɛ̀ kpaakpàà: Ghèghey à mum à yù kì pisii boo ìnɛ ɓaa mìsi ɓi nɗem wu ŋwaànɛ̀n; ŋwaànɛ̀n à rì fɛlɛ yɛ̀ɛ boo ìnɛ ì kpìghà ɓi bee aɗyoo.

MATYOO 13:38

Ziinɛ yɛ̀ɛ ri dɛm inɛ̀n; syeesyee à boo à rì ɓumɓɛ ɓɛ wooghrɛɛ rì kìlɔ̀ŋ ki aɗyoo; boo ì kìɓeɓtàg ki caaɓi ì rì ɓɛ̀roɓɛ ɓɛ wooghrɛɛ rì Ghèghey à mum.

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 16:28

Ǹkalii mìni ɓi saaɗ lɛ, ɓum ɓɛdɛŋ ɓi ɓumɓɛ ɓɛ ri fɛ, ɓaa cuu ɓi, di ɓɛ ka ghɛn ɓi yɛ̀ɛ Man à mum a yùyuiy ɓi rìlàmì ɗii.

1 KƆ̀RƐ̀ŊTYƐŊ 1:28

Bɛ̀ll à ɓɔ̀ngà ɓyom ɓi nnyuŋì ɓi ɓi ziinɛ, rì ɓyom ɓi ɓum ɓɛɛ̀ sɛɛsɛɛ̀tì, ɓi ɓi yin ɓɛ bimiɗ ɓɛ ɓyom lɛ, a ghaasi ɓyom ɓi ɓi ri lɛ gìn i ɓyom, ɓyom ɓi zɛy.

2 TÈSÀLÒNÌSYƐŊ 2:3

Ŋwaàdɛŋ kɛ̀ɛ yègsi mini, nsoò ɓi-ghèy wu la, ɓisuulɛ ŋwos anɛ̀n à yin lɛ à kpaŋ di ɓum ɓɛ ka resi ɓi lɛ ɓɛ naŋi rìgherɛ̀n, Kìɓeɓtàg ki mum ki ki ghɛɛ̀sɛɛ kì ɗyaŋì, ki resɛ̀n.

TIMOTE 6:14

u ɓeŋ̀ kìdɔ̀gsɛna, kɛ̀ɛ̀ tìfin, kɛ̀ɛ̀ bɛ̀lɛn à kpaŋ a rìsugtìì ɗi Kan wìs Yeesus Kiris,

2 TIMOTE 1:10

Geesɛ̀n ìnɛn yɛ̀ɛ mɛ rèsɛn ɓigomìnɛ ɓi rìyù ɗi nkòrì wìs Yeesus Kiris ànɛ à ɓigtɛ̀ngà rì rìwu, à kpaŋzì lɛ rì cɛɓ rì rìɓa ɗi lɛ mum kɛ̀ɛ bwɛ̀y, ɓi kìtɛɛtɛn, ɓi bee ì Syeesyee à Ɓɔlɛ.

2 TIMOTE 4:1

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris ànɛ à ghɛ̀ɛ̀sɛɛ kì yɔ̀mi lɛ rì ɓum ɓɛ cem rì ɓìloŋ, rì ɓi ɗii ɗi risugtìì ɗii, rì kìlɔ̀ŋ kii,

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

EBIREEGH 10:27

Tì rì ɓiì rɔ̀ɓi lɔŋ lɛ ti ɓoŋɓoŋ lɛ rì ɓɛ̀yɔ̀m ɓɛ Bɛ̀ll, rì ɗuu ɗi ɗi ghɛɛ̀sɛɛ kì ɗigsii ɓumɓɛ ɓɛɛ̀ kìki Bɛ̀ll ǹtoòtèɗ ri coo iris ɓi nɗem.

1 ZYAŊ 2:13

Ɓɛ̀seŋi ɓɛ̀m, ǹkàni mìni ɓisuulɛ ɓì yii roànɛ à ɓaghà à tumɛ̀n a rìtumɛ̀n; ǹkàn mìni ɓɛ̀dɛlì, ɓisuulɛ ɓì mɛ yag ghèghey à mum. Ǹkàni mìni ɓɔɔɓɔɓti ɓisuulɛ ɓì mɛ yi roànɛ à rì Seŋi.

1 ZYAŊ 3:12

Tì ghɛ̀ɛ̀sɛɛ ɓi ki pisɛɛ Kayin ànɛ à ɓaghà ɓi kìkàmì ki ghèghey à mum, nnyɛɛ wolà geni. À wolà nyi lɛ cɛ? Lɛ mɛ̀kìkìì mɛ geni mɛ ɓaghà lɛ saaɗ, mɛŋkii mɛ̀ kɛɛ̀ rɔɔtɛn.

1 ZYAŊ 5:18

Tì yii lɛ mum ǹcèm ànɛ à rì Man à Bɛ̀ll, à ti kɛ̀ɛ kì ti kiɓe kìɓan kifog roànɛ à fuughày yɛ̀ɛ Bɛ̀ll, Bɛ̀ll a ɓèŋɓeŋ nyi, fɔɔnnɛ ghèghey à mum à yin lɛ à kɔ̀m nyi.

ÀPÒKÀLIƁSƐ̀ 1:16

À ɓanɓàngà tyɔɛy taàɓɛ̀ɛ̀ ɓi càg kii ki weèlem, fɔɔnnɛ gàfàg ìnɛ ì ɓaghà ǹghɛliyɛn ɓɛɓɛg ɓɛ̀cèm, ì kpaŋkpàŋgày nyi ɓi ŋwɔm, ìsu wii wu ɓa yɛ̀ɛ ŋwos a ɓalàg, cààmɛ̀n ki a lònlom ri ìtèɗ.

ÀPÒKÀLIƁSƐ̀ 13:5

Nni ɓɛ faghà nyàm ìtèɗ wulɛ yɛ̀ɛ kpaàkpaa ɓìɓan ɓi mɛ̀càŋà, ì feèfèngì Bɛ̀ll. Ɓɛ ki fa ti yɔ̀ ìtèɗ wulɛ, yɛ̀ɛ lami ɓɛ̀ŋwii mɛ̀tin mɛɓɛɛ̀ rì ɓɛ̀ŋwii ɓɛɓɛɛ̀.

ÀPÒKÀLIƁSƐ̀ 19:15

Gàfàg ì mpooyɛn i kpaŋ yì nyi ɓi ŋwɔm lɛ a ɓog ɓìlɔ̀ŋ ri yɔ̀; à rì ɓyɔ ɓiì kɛ̀ɛ̀sii ri ǹkpas wu bɔŋ, à ki saɓ ɓiɗùn ɓi viìnyɛ̀ ɓi wayɗ wu mɛrɔ̀g mɛ coo bim i Bɛ̀ll à ìtèɗ wucèm.

ÀPÒKÀLIƁSƐ̀ 2:16

Lɔ̀ɔ̀ghrɛn min nɗem, kɛ̀ɛ̀ fɔlɔɔ di nkpaŋkpaŋ wɔ a nyoo lɛ fyɛ̀ɗ, ǹki ɗùùzi ɓumɓɛ̀n wɛ̀y ri gàfàg ìnɛ ì rì mɛ̀ ɓi ŋwɔm.

ÀPÒKÀLIƁSƐ̀ 20:10

Fɔɔnnɛ ɓɛ pikà Satàn anɛ à yègsìghà ɓɔ ɓi kìràà ki ɗuu rì ǹdùsi, jàŋ inɛ ɓɛ ri lɛ, rì nyàm rì ǹkpaŋzì-ɓìɓan ɓi ɓɛpwàà. Ɓɛ ri wowoogh gɛ mɛ̀tɔɓ yɛ̀ɛ ìru yɛ̀ɛ ŋwos fiɗyàɓ fikɔ̀ɔ̀.