2 TÈSÀLÒNÌSYƐŊ 2:16 - Bafia Nouveau Testament

¹⁶ Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

2 TÈSÀLÒNÌSYƐŊ 2:16 Iomraidhean Croise

LUKAS 16:25

Nni Abiraham à ɓàkà nyi lɛ: Man wɛm̀, yiti cààmɛ̀n ki ù wowòkà gàɓ yɔ̀ɔ̀ i kìrɔɔ di ù kaka ɓi cɛɓ, Lazaari nyii wowòkà mɛ̀tɔɓ; nni ɓi cààmɛ̀n ki, nyii ti ɓiì fɔɔfɔɔ̀sɛ̀n fɛ, wɔ̀ɔ̀ wowòg rìkɛŋ.

ZYAŊ 13:1

Di tìcàɓ ti Paskà ti kakay, Yeesus à yighà lɛ cààmɛ̀n kii ki lɛ a pɛsɛn ɓi ziinɛ a kɛǹ yɛ̀ɛ Seŋi ki kpaŋi. À keesìghà ɓum ɓii ɓɛ ɓɛ ɓaghà fɛ ɓi ziinɛ; nni à keesìghà ɓɔ, à kpaŋ a sugtag.

ZYAŊ 15:13

Ǹkɔ̀nɛ̀n àdɛŋ à cee ɓi anɛ lɛ, mum a fa cɛɓ kii ɓisuu mɛghan mii.

ZYAŊ 15:9

Fɛlɛ yɛ̀ɛ Tààta a keesag mɛ, nnɛ mɛ̀ girig mɛ̀ ǹkeesii mìni. Kɔ̀riina ɓi nkɔ̀nɛ̀n wɛ̀m.

ZYAŊ 16:22

Fɔlɔɔ nnɛ mìni girig bì rì rì ǹɗemi-kɛŋɛn ɓigomìnɛ, kìɓan kifog ǹɗi ghɛɛ̀di mini. Nni yɛ̀ɛ ǹɗi ghɛɛ̀di mini, mɛ̀rem min mɛ ri wog kinyàà, mum àa ki ɓàtɛn ti ɓi mini kìnyàà kiǹ.

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

MƐ̀KÌKÌÌ MƐ ƁƐKƐ̀NÌ-FÌTOM 15:11

Wɔ̀lɛ ɓìsii gherɛɛ lɛ Bɛ̀ll à mɛ ghɛɓsi ɓisi lɛ geesɛ̀n ì Kan Yeesus lɔŋ yɛ̀ɛ ɓɔ girig.

MƐ̀KÌKÌÌ MƐ ƁƐKƐ̀NÌ-FÌTOM 18:27

Ajɛ̀m ìnɛn, Apolos à fèkà lɛ a kɛǹ a Akayi, ɓɛ̀geni ɓii ɓɛ righerɛ̀n ɓɛ teèsì nyi nyoo lɛ a kɛǹ, ɓɛ ki kàn ɓɛgherɛ̀n ɓɛ wɔɔ lɛ, ɓɛɛ ghaɓ nyi lɛ syeesyee. Yɛ̀ɛ à kpàgà wɔɔ, à ɓaghà rì ǹghɛɓsɛn ɓisuu ɓum ɓɛ̀cèm ɓɛ geesɛ̀n ì Bɛ̀ll ì kìghà lɛ, ɓɛɛ ɓa ɓɛ̀gherɛ̀n,

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 4:16

Fɔlɔɔ nnɛ ǹkàg wu falɛ̀ngà lɛ rìgherɛ̀n lɛ di wɛɛ ɓa yɛ̀ɛ rìɓòò ɗi Bɛ̀ll à kìi ɓum zɛy rì zɛy, wu ɓa ɓisuu dòò yi Abiraham yìcèm, wɛ̀ kɛɛ̀ ɓa lɔŋ lɛ ɓisuu dòò yi yɛɛ̀ ɓèŋɓeŋ ɓidɔ̀gsɛna; wu ɓa tì girig ɓisuu ɓɛroɓɛ ɓɛ gherɛɛ lɔŋ yɛ̀ɛ Abiraham à seŋi wìs a ɓɛ̀sɛ̀ɛ̀ ɓɛ̀cèm à gherɛ̀ngà, lɔŋ yɛ̀ɛ ki ri kìkànɛn lɛ:

RÒMƐŊ 4:4

Kɔlɛ mɛ̀lèɓ mɛ ŋwaànɛ à kìi kìsay mɛ yin lɛ ɓɛ kpaa lɛ geesɛ̀n yɛɛ̀nɛ ɓɛ kii nyi; mɛ ri lɔŋ mɛlèɓ mɛ à ghɛ̀ɛ̀sɛɛ kì terì.

RÒMƐŊ 5:8

Wɔ̀lɛ kìɓan ki Bɛ̀ll a rèsag ǹkɔ̀nɛ̀n wìì ɓi ɓɛg wìs ki ri lɛ: Kiris à wughà ɓisu wis, cààmɛ̀n ki tì ɓaghà di tì kaka ɓɛ̀kìì-kìɓe.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EFÈZYƐŊ 5:25

Mìni ɓɛ̀baŋì, keesiina ɓɛ̀yiɓ ɓin fɛlɛ yɛ̀ɛ Kiris à keesìghà Kìseŋi kii à fa cɛɓ kii lɛ kɔ.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 3:11

Bɛ̀ll à Seŋi wìs nyimiɗ, rì Kan wìs Yeesus, ɓɛɛ ɓaà ɓìsi bee ìnɛ tì rì lɛ tì kpaŋ miì a lɔ̀ŋkin.

2 TÈSÀLÒNÌSYƐŊ 2:13

Ɓi san ànɛ a lɔ̀ŋkis, ɓɔɔseŋi ɓis ɓɛ Kan a keesag lɛɛ̀gwey, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n cààmɛ̀n kìcèm ɓisuu kiɓan kin, ɓisuulɛ Bɛ̀ll à ɓɔ̀ngà mìni à tumɛ̀n a rìtumɛ̀n lɛ ɓi ɓa ɓɛ̀kòrɛn ɓi rìkì ɗi Kìtɛntɛ̀ɛ̀n ki Nghay kɛɛ̀ kìki lɛ ɓi ɓa ɓɛ̀tɛnɛn, rì ɓi rìgherɛ̀n ɗi ɓì gherɛɛ saaɗ.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

EBIREEGH 7:19

Lɛ ɓìdɔ̀gsɛna ɓi Moyis ɓi kighà ɓi lɛ com kidɛŋ kɛɛ kpaŋ ɓi nɗɛli wulɛ kìɓan ki fenɛn miì kɛ̀ kɛɛ̀ ɓa ti, kìɓan kifog dyàɓɛn inɛ ì cee ì mɛ ɗiŋì, yɛ̀ɛ ti ì kìlàg lɛ ti kɛǹ Bɛ̀ll jàŋbog.

1 ZYAŊ 3:16

Rìyi ɗi tì yii com ki lɛ ǹkɔ̀nɛ̀n ɗyɛɛ̀ɗi lɛ, Yeesus Kiris à faghà cɛɓ kii ɓisu wis; fɔɔnnɛ ɓìsi girig, tì ghɛ̀ɛ̀sɛɛ kì faà cɛɓ kis ɓisuu ɓɛgeni ɓis.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 22:5

Ìru waa ɓati ɓi, ɓumɓɛ̀n ɓɛ̀ kɛɛ̀ ɓati ri zày ì kìtɛɛtɛn ki lamɓà, nsoò ki ŋwos ɓisuulɛ Kan Bɛ̀ll à rì ɓɔ ɓiì kpeekpeŋzì rì kìtɛɛtɛn kii, fɔɔnnɛ ɓɛ ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 3:9

Ghɛna mɓiì faà wɔ̀ ɓumɓɛ ɓi nɗaŋ wu Satàn ɓɛ ɓɛɛ̀ pwààpwàà, ɓɛ reèghrèŋɗɛ̀n lɛ ɓɛ ri Ɓɛ̀yudɛ̀n, ɓɛ̀ kɛɛ̀ ki ɓa Ɓɛ̀yudɛ̀n, lɛ ɓɛɛ̀ pwààpwàà. Ghɛna, ǹɗì ɓiì kìi lɛ ɓɛɛ yu wɔ̀ kìkuŋii a mɛ̀kòò, ɓɛ ki yi lɛ ǹkeesìghà wɔ̀.