2 TÈSÀLÒNÌSYƐŊ 2:13 - Bafia Nouveau Testament

¹³ Ɓi san ànɛ a lɔ̀ŋkis, ɓɔɔseŋi ɓis ɓɛ Kan a keesag lɛɛ̀gwey, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n cààmɛ̀n kìcèm ɓisuu kiɓan kin, ɓisuulɛ Bɛ̀ll à ɓɔ̀ngà mìni à tumɛ̀n a rìtumɛ̀n lɛ ɓi ɓa ɓɛ̀kòrɛn ɓi rìkì ɗi Kìtɛntɛ̀ɛ̀n ki Nghay kɛɛ̀ kìki lɛ ɓi ɓa ɓɛ̀tɛnɛn, rì ɓi rìgherɛ̀n ɗi ɓì gherɛɛ saaɗ.

2 TÈSÀLÒNÌSYƐŊ 2:13 Iomraidhean Croise

LUKAS 1:75

lɛ tì ɓa ɓɛ̀tɛnɛn, tì ki ɓa ti lɛ saaɗ ɓi mis mii cɛɓ kis kicèm.

ZYAŊ 1:1

A rìtumɛ̀n, Jɛ̀ɛ̀ ì ɓaghà, nni Jɛ̀ɛ̀ ì ɓaghà ɓɛɛ̀ Bɛ̀ll, Jɛ̀ɛ̀ ì ki ɓaghà Bɛ̀ll.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

MƐ̀KÌKÌÌ MƐ ƁƐKƐ̀NÌ-FÌTOM 13:48

Yɛ̀ɛ ɓumɓɛ ɓɛ ɓaghà ɓi Ɓɛ̀yudɛ̀n ɓɛ wokà rìkpaa ɗìn ɓɛ nyaàrɛ̀n lɛɛ̀gwey, ɓɛ tumɛ̀n rìkeèkèmzì ɗi jɛ̀ɛ̀ ì Kan. Nni fɔɔnnɛ ɓum ɓɛ̀cèm ɓɛ ɓɛ ɓaghà ɓɛ̀ɓɔ̀nɛn lɛ ɓɛɛ ɓa rì cɛɓ ki fiɗyàɓ fikɔ̀ɔ̀, ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 15:9

àa ǹɗèsii ɓi ǹɗèè ɓi nyìinyìm ànɛ lɛ rì ɓìsi rì ɓɔ, àa ǹtɛɛ̀zii ɓɔ mɛ̀rem lɛ rìgherɛ̀n ɗi ɓɛ ǹgherɛɛ nyi.

RÒMƐŊ 6:17

Bɛ̀ll a teɗ rìkem, lɛ mìni ɓɛ ɓì ka ɓaghà ɓɛ̀kpàn ɓɛ kiɓe, ɓigomìnɛ, mìni yɛ̀ɛ mɛ nɔ̀ɔ̀ti ri nɗem win wucèm, deɓ yi ɓi rìrèsàg ɗi ɓì tekà.

RÒMƐŊ 8:33

Ghɛn yɛ̀ɛ ri min ɓiì sɔmɛɛ ɓumɓɛ Bɛ̀ll à ɓɔ̀ngà? Bɛ̀ll yɛ̀ɛ ri roànɛ à ri kpaa lɛ mum à rì lɛ saaɗ.

RÒMƐŊ 9:11

Kɔlɛ ɓɔn ɓii ɓɛ ɓaghà di ɓɛ ka yalɛn ɓi, di ɓɛ ka ki ɓi kirɔɔ nsoò kìɓe, nni yɛ̀ɛ Bɛ̀ll à rì rì bimiɗ wìì a fèg ɓi rìɓɔ̀n ɗi ɓum, fèg wìì anɛ̀n à seesee rìreŋì ɗi à ti à regì ɓɔ, kɛ̀ɛ seesee mɛkìkìì maa ɓi ɗi lɛ a resi lɛ a nɔ̀ɔnɔɔ̀tì lɔŋ rifèg ɗii ɗiǹ,

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

GÀLAT 3:1

Mìni, ɓumɓɛ a Galasi, lannɛ ɓì yèghii fɛlɛ? Ghɛn yɛɛ yogsii mìni mɛ̀rem, mìni ɓɛ ɓɛ resìghà Yeesus Kiris ànɛ ɓɛ kpangà ɓi Kɔrɔs.

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

KÒLÒSYƐŊ 3:12

Nni yɛ̀ɛ Bɛ̀ll à ɓɔ̀ngà mìni, à tɛɛ̀zì mìni, à ki keesi mini, ɓì ghɛ̀ɛ̀sɛɛ lɛ ɓì waatɛ̀n nɗem wu nyìinyìg, rì wu geesɛ̀n, rì wu sɛɛ̀dɛn ɓi zi, rì wu tɛ̀tɛ̀rɛ̀ɛ̀, rì rìnìɗ ɗi nɗem.

TÈSÀLÒNÌSYƐŊ 1:4

Ɓɔɔsoŋ̀, tì yii lɛ Bɛ̀ll à keesìghà mìni, à ki ɓɔ̀n mini.

TÈSÀLÒNÌSYƐŊ 2:12

Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

TÈSÀLÒNÌSYƐŊ 4:7

Bɛ̀ll à reŋìghà ɓi ɓisi lɛ ti ghɛɓ cɛɓ ki kitɔɓì, wɔ̀lɛ à reŋìghà ɓìsi lɛ ti ghɛɓ cɛɓ ki tɛnɛn.

TÈSÀLÒNÌSYƐŊ 5:9

Ɓisuulɛ Bɛ̀ll à fèkà ɓi lɛ ti ɓa ɓumɓɛ bim yiì ì ɓiì rèsɛɛ a lɔ̀ŋkaa, wɔ̀lɛ à fèkà lɛ tì ɓiì ghɛɛ̀ gòri ì cɛɓ lɛ Kan wìs Yeesus Kiris,

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

2 TÈSÀLÒNÌSYƐŊ 2:10

à kìi gɛ kìsay ri kìɓe mɛkuu mɛ̀cèm lɛ a ɓɔŋ̀ ɓumɓɛ ɓɛ ghɛɛ̀sɛɛ kì ɗyaŋì ɓisuulɛ ɓɛ ghaɓkà ɓi ǹkɔ̀nɛ̀n ànɛ ɓi saaɗ ànɛ à ɓaghà lɛ à ghɛɓsì ɓɔ.

2 TÈSÀLÒNÌSYƐŊ 2:12

di fɔɔnnɛ Bɛ̀ll a yɔm̀ ɓum ɓɛ̀cèm ɓɛ ɓɛ gherɛ̀ngà ɓi saaɗ, ɓɛ kìnyàà kaa ki ɓaghà lɛ rìkì ɗi kiɓe.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

2 TIMOTE 1:9

Bɛ̀ll yɛɛ kweɗkà ɓìsi, à ki reŋi ɓisi ǹɗeèghreŋi wu wu ri wùtɛnɛn, àa ɓisuu mɛkìkìì mis, lɔŋ ɓisuu fèg wìì a nyimiɗ rì geesɛ̀n yìì inɛ à kìghà ɓìsi ɓi Yeesus Kiris; à kìghà kìɓan kiǹ di ɓyààmɛ̀n ɓi a rìtumɛ̀n ɓi ka yin.

2 TIMOTE 2:15

Tèèsi nyoo lɛ u ghɛnɛn ɓi mis mɛ Bɛ̀ll fɛlɛ yɛ̀ɛ ŋwaànɛ à mɛ rèsi ɓum lɛ à rì mum, yɛ̀ɛ ǹkìì-kìsay anɛ à yin lɛ à wog ǹtoòrìɗ ri kìsay kii, ànɛ a rèresi jɛ̀ɛ̀ ì saaɗ yɛ̀ɛ kɛɛ̀ kɔ̀nkɔ̀n.

2 TIMOTE 3:15

À tumɛ̀n ɓi rìŋwɔɓti ɗyɔɔ, ù yii ɓìɓan ɓi ɓi kaàtà à Bɛ̀ll, ɓi ri lɛ ɓi fa wɔ̀ ɗyomzɛ̀n ɗi u ɓa rì cɛɓ, lɛ rìgherɛ̀n ɗi ù gherɛɛ Yeesus Kiris.

EBIREEGH 1:10

À kpaatìghà lɛ: Kan, wɔ̀ yɛɛ kighà zi a rìtumɛ̀n, nsoò ɗyoo ɗi ri girig kìsay ki ɓyàg ɓyɔɔ ɓyɛɛ kiì.

ZYAG 1:18

À faghà ɓìsi cɛɓ ɓi rìkɔ̀n ɗii, rì jɛ̀ɛ̀ yìì i saaɗ lɛ ti ɓa fɛlɛ yɛ̀ɛ ɓìɗùn ɓi ǹtonto ɓi ɓyom ɓi à kìghà.

1 ZYAŊ 4:10

Ǹkɔ̀nɛ̀n ànɛn à yin lɛ ɓìsi yɛɛ keesìghà Bɛ̀ll, kìɓan kifog nnyɛɛ keesìghà ɓìsi, à rom yì Man wiì fɛlɛ yɛ̀ɛ kìtuwe ki kɛɛ ghɛɓsi ɓi zòghɛ̀n ì ɓìɓe ɓis.

1 ZYAŊ 4:19

Ɓi ɓɛg wìs, tì keesii Bɛ̀ll lɛ, nyimiɗ yɛɛ lokà ɓìsi kì keesii.