2 TÈSÀLÒNÌSYƐŊ 2:12 - Bafia Nouveau Testament

¹² di fɔɔnnɛ Bɛ̀ll a yɔm̀ ɓum ɓɛ̀cèm ɓɛ ɓɛ gherɛ̀ngà ɓi saaɗ, ɓɛ kìnyàà kaa ki ɓaghà lɛ rìkì ɗi kiɓe.

2 TÈSÀLÒNÌSYƐŊ 2:12 Iomraidhean Croise

MARIKUS 14:11

Yɛ̀ɛ ɓɛ̀roɓɛ̀n ɓɛ wokà fɔlɔɔ, ɓɛ nyaàrɛ̀n lɛɛ̀gwey, ɓɛ ki kàg nyi lɛ, ɓɛ ri nyi ɓiì faà mɔ̀ɔ̀ni. Fɔɔnnɛ Zyudas à tumɛ̀ngà min rikaakàà ɗi kirɔŋiɗ ki lɛ a fa ɓɔ Yeesus.

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

RÒMƐŊ 1:32

Nsoò yɛ̀ɛ ɓɛ yii lɛ Bɛ̀ll à rengà lɛ ɓumɓɛ ɓɛɛ̀ kìki mɛkuu mɛ ɓiɓan mɛǹ, ɓɛ ghɛɛ̀sɛɛ dì rìwu, ɓɔɔ kɛnkɛ̀n lɔŋ asu ɓɛ kikì ɓyɔ, ɓɛ̀ kɛɛ̀ ki sugtɛn foo, ɓɛ kɛɛ̀dì asu ɓɛ sɛsɛ̀g ɓumɓɛ ɓɛɛ̀ kìki girig ɓìɓan ɓi fɔ̀lɔ̀ɔ̀.

RÒMƐŊ 12:9

Nkɔ̀nɛ̀n à ghɛ̀ɛ̀sɛɛ kì ɓaà kɛ̀ɛ̀ mɛ̀ghèy azi, ɓì ɓèèzɛ̀n kìɓe, ɓì ki sììrɛn ɓi rìkì ɗi kirɔɔ rì ìtèɗ.

RÒMƐŊ 2:8

Wɔ̀lɛ ɓɛ̀roɓɛ ɓɛ ti ɓɛ kilàg nyi ǹtoòtèɗ, ɓɛ̀ kɛɛ̀ kɔ̀n lɛ ɓɛɛ wog com ki saaɗ a kakàlì, lɔŋ kìtɛ̀ŋtɛ̀ŋ kɛɛ̀ki ɓɔɔ nɔɔ̀nɔ̀ɔ̀tì, Bɛ̀ll à rèsì ɓɔ lɛ, rì bim yiì, ɗì rìbaŋì ɗii.

1 KƆ̀RƐ̀ŊTYƐŊ 13:6

ǹkɔ̀nɛ̀n à ti kɛ̀ɛ wog kirɔɔ jàŋ inɛ mɛ̀ɓèe mɛ ri, à ti à nyààràg lɔŋ ri ɓìɓan ɓi ɓi ri lɛ saaɗ.

TÈSÀLÒNÌSYƐŊ 5:9

Ɓisuulɛ Bɛ̀ll à fèkà ɓi lɛ ti ɓa ɓumɓɛ bim yiì ì ɓiì rèsɛɛ a lɔ̀ŋkaa, wɔ̀lɛ à fèkà lɛ tì ɓiì ghɛɛ̀ gòri ì cɛɓ lɛ Kan wìs Yeesus Kiris,

2 TÈSÀLÒNÌSYƐŊ 2:10

à kìi gɛ kìsay ri kìɓe mɛkuu mɛ̀cèm lɛ a ɓɔŋ̀ ɓumɓɛ ɓɛ ghɛɛ̀sɛɛ kì ɗyaŋì ɓisuulɛ ɓɛ ghaɓkà ɓi ǹkɔ̀nɛ̀n ànɛ ɓi saaɗ ànɛ à ɓaghà lɛ à ghɛɓsì ɓɔ.

2 PYƐƐRI 2:3

Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

3 ZYAŊ 1:11

Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.