2 TÈSÀLÒNÌSYƐŊ 1:9 - Bafia Nouveau Testament

⁹ Pɔnɔsì ànɛ ɓɛ ri ɓiì terì, à rì rìɗyaŋ ɗi fiɗyàɓ fikɔ̀ɔ̀, ɓɛ kɛɛ̀ wuɓsɛn ìsu wu Bɛ̀ll, ɓɛ̀ kɛɛ̀ ki wuɓsɛn kitɛɛtɛn ki rikem ɗii,

2 TÈSÀLÒNÌSYƐŊ 1:9 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 22:13

Fɔɔnnɛ rìfòm ɗi kpaaghà ɓɛ̀kìì-ɓìsay ɓii lɛ: Kàŋina mɛ̀ ŋwaànɛ lɛ, rì mɛ̀kòò rì ɓyàg, ɓi pig nyi ɓi birìm ìnɛ ɓi dan, jàŋ ìnɛ ɓum ɓɛ ri ɓiì rèereèdɛ̀n ɓɛ ŋaàŋààdì min.

MATYOO 24:30

Fɔɔnnɛ kìfèèghrɛnà ki Man à mum ki ɓiì resɛɛ yi aɗyòò, mɛ̀kuu mɛ ɓum mɛ̀cèm mɛ ɓi ziinɛ mɛ ɓiì seeghkɛɛ mɛ ki ghɛn di Man à mum a sɛnsɛn yi aɗyòò ɓi ɓìkwìɗ, ǹɗonɛn rì coo ìtèɗ, rì coo rikèm.

MATYOO 25:41

Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

MATYOO 25:46

Fɔɔnnɛ ɓumɓɛ̀n ɓɛ teri gɛ deɓ yi fiɗyàɓ fikɔ̀ɔ̀, wɔ̀lɛ ɓum ɓɛ saaɗ ɓɔɔ teɗ cɛɓ ki fiɗyàɓ fikɔ̀ɔ̀.

MATYOO 26:24

Man à mum à ɓiì wiì lɔŋ yɛ̀ɛ ɓɛ kangà lɛ à ghɛ̀ɛ̀sɛɛ kìwiì, kìɓan kifog nyìighnyìg rì ŋwaànɛ à rì nyi ɓiì kàɓi! Ki ɓaghà kìrɔɔ ɓisuu ŋwaànɛ̀n lɛ kɛ̀ɛ yalɛn.

MATYOO 7:23

Fɔɔnnɛ ǹkalii gɛ ɓɔ lɛ tɛntɛ̀ɛ̀n lɛ, ǹka yighà ɓi mini nsoò ŋwos bog, pɛ̀sɛɛna mɛ̀ ɓi mis, mìni ɓɛ̀kìì-ɓìɓe ɓɛ!

LUKAS 13:27

Nni nyii ɓàagh gɛ mìni lɛ: Ǹkalii mìni lɛ ǹ-yii ɓi jàŋ inɛ ɓì pɛ̀sɛɛ yì, ghaghiina mɛ̀ ɓi mis, lɛ mìni ɓɛ̀sɛ̀ɛ̀ ɓɛ̀cèm, ɓì rì ɓɛ̀kpàn ɓɛ kiɓe.

ZYAŊ 5:14

Ajɛ̀m ìnɛn, Yeesus à tanɛ̀ngà rì ŋwaànɛ̀n ɓi naà-Bɛ̀ll, à kpaa nyi lɛ: Ù ghɛɛ yɛ̀ɛ ù mɛ wɔ̀n, kɔ̀ɔ kìti kiɓe, di ù rì ɓiì tulɛɛ ri ǹtɔɓ wudɛŋ wu wu cee fɔ̀lɔ̀ɔ̀.

FÌLÌPYƐŊ 3:19

Rìsyɔn ɗyaa ɗi ri lɛ, ɓɛ ri ɓiì ɗyaŋì; ɗùm ɗyaa ɗyɛɛ rì ɓɔ bɛ̀ll yàà, com ki kɛɛ̀ sòosoòtì ɓɔ kɛɛ̀ki ɓɛ foŋi rìkem ɗyaa miì; lɔŋ ɓìɓan ɓi ɓi ziinɛ ɓyɛɛ̀ɓi ɓɔɔ̀ fèfèg.

TÈSÀLÒNÌSYƐŊ 5:3

Cààmɛ̀n ki yɛ̀ɛ ɓum ɓɛ ɓiì kpaakpaa lɛ fyòomà fi ri lɛ fyòoog kɛ̀ɛ̀ kìɓan ki risiyɛn kɛɛ̀ki ɓɛ rì ɓiì sìgmɛɛ lɛ cuu ki mɛ sɛn ɓi ɓɔ fɛlɛ yɛ̀ɛ rìkɛŋ ɗi riyay ɗi ti ɗi siɗkì giɓ a ɗyem. Ɓaa ɓa ɓi ri bee ì ǹlɛghɛn cuu kìn.

2 TÈSÀLÒNÌSYƐŊ 2:8

Ajɛ̀m ìnɛn innɛ Kìɓeɓtàg ki mum ki ɓiì rèsɛɛ yi, Kan à wey kɔ rì cɔ̀ŋzɛn ki ki kpaŋiì nyi ɓi ŋwɔm, à tììsì kɔ rì kìtɛɛtɛn ki ɓi rìsugtìì ɗii.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

EBIREEGH 10:29

Ɓì rì lɛ ɓì fèg lɛ rìkuu ɗi ntɔɓ aɗi ɗyɛɛ ghɛɛ̀sɛɛ rì ŋwaànɛ à kìi lɛ à sɛɛtì Man à Bɛ̀ll, à ghɛn bwaɓ yi riràrɛ̀n ɗi lɛ rì Bɛ̀ll rì ɓum, yi yi kii lɛ a ɓa ǹtɛnɛn, yɛ̀ɛ zɛy rì zɛy à com, à ki fen Nghay à geesɛ̀n.

2 PYƐƐRI 2:17

Ɓumɓɛ̀n ɓɛ ri yɛ̀ɛ ɓɛ̀pom ɓɛ mɛnig ɓɛ ɓɛ ri kɛ̀ɛ̀ mɛ̀nig, yɛ̀ɛ ɓìkwìɗ ɓi coo bɛ̀ɓ kɛɛ̀ tyɔtyɔg; Bɛ̀ll à nyamgà ɓɔ ìkɔ̀ɔ̀ ɓi birìm ì kɔɔ̀kɔɔ̀.

2 PYƐƐRI 3:7

Kìɓan kifog, ɗyoo rì zi ɓi tì seesee ɓi gɛɛ̀nɛ, ɓi ri ɓyom ɓi jɛ̀ɛ̀ ì Bɛ̀ll yɔ̀miɗ inɛ̀n yɛ̀ɛ ɓèŋɓèŋ lɛ ɗuu ɗi ri ɓyɔ ɓiì yogsii ŋwos anɛ ɓɛ ri yɔ̀mi gɛ ɓɛ̀kìì-kìɓe, ɓɛ cuusì ɓɔ.

ZYUUDƐ 1:13

Ɓumɓɛ̀n ɓɛ ri yɛ̀ɛ ɓyoo ɓikus ɓi riɓày à kìkòn ɓi ɓyɛɛ̀ kpaakpaŋzì ɓìfuùfusa ɓi ɓìɓan ɓi ntoòrìɗ ɓi ɓɛɛ̀ kìkì; ɓɛ ri yɛ̀ɛ tyɔɛy ti tyɛɛ̀ yòmyom fɔlɔɔ aɗyoo ǹ-yòmyomɛn; tyɛɛ̀ ti Bɛ̀ll à fèkà lɛ ti ri ɓiì kɔ̀rii ɓi birìm ì tìɓtìɓ fìɗyàɓ fikɔ̀ɔ̀.

ÀPÒKÀLIƁSƐ̀ 20:11

Nni ǹghɛngà ìkɔ̀ɔ̀ wu rilàmì wu puɓ, ɗì roànɛ à kɔ̀kɔ̀rìghà miì. Zi rì ɗyoo ɓi ghɛŋìghà ɓi mis mii ɓyɛ̀ kɛɛ̀ ɓa ti ri ìkɔ̀ɔ̀.

ÀPÒKÀLIƁSƐ̀ 20:14

Fɔɔnnɛ ɓɛ pikà lɛ rì rìwu, rì tɛ̀ɛ̀ ɓi kìràà ki ɗuu; kìràà ki ɗuu kìn kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.