2 TÈSÀLÒNÌSYƐŊ 1:11 - Bafia Nouveau Testament

¹¹ Kìɓan kiǹ kɛɛ̀ki ɓìsiì ɓɔ̀ɔɓɔ̀ŋzì Bɛ̀ll cààmɛ̀n kìcèm ɓisu win lɛ, di Bɛ̀ll wìs a ki lɛ ɓi ɓa ɓumɓɛ ɓɛ ghɛɛ̀sɛɛ rì ǹɗeèghreŋi wii; à kì tì lɛ ɓi ɓa rì bee i ǹkìyɛn ɓiɓan ɓi syeesyee ɓìcèm ɓi ɓi kɔ̀nkɔ̀n, à ki kì lɛ kìsay ki rìgherɛ̀n ɗin ɗyɛɛ̀ kìkì kɛɛ ɓa lɛ syeesyee.

2 TÈSÀLÒNÌSYƐŊ 1:11 Iomraidhean Croise

MARIKUS 4:28

Zi yɔ̀miɗ yɛ̀ɛ ri ɓiì kìi lɛ ǹɗuŋ wɛɛ roò, wu tɔɔ, wu foŋ ɓìɓàɓ, ɓìɓàɓ ɓi foŋ mis.

LUKAS 12:32

Maa kìtuu à jɔ̀ɔ̀ ànɛ, kɔ̀ɔ risi com, lɛ ki kɔngà Tààta wìn lɛ, a fa mìni kìlɔ̀ŋ kii.

RÒMƐŊ 1:9

Bɛ̀ll ànɛ nkìki kisay ɓi nghay wɛ̀m ɓi rìghaàghàgsì ɗi Syeesyee à Ɓɔlɛ à Man wiì, à rì mɛ̀ wusìnɛ̀ɗ lɛ ǹti mɓùgì mìni ɓyààmɛ̀n ɓìcèm,

RÒMƐŊ 11:29

Ɓisuulɛ rìɓòò ɗi Bɛ̀ll à tì à kìlàg ɓum kɛ̀ɛ̀ azi adɛŋ, rì ǹɗeèghreŋi wii, ɓi yin lɛ ɓi lɔgtɛ̀n.

RÒMƐŊ 15:14

Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

RÒMƐŊ 8:30

Nni ɓɛ̀roɓɛ Bɛ̀ll à lokà ɓɛ̀n kì ɓɔ̀ni abɛ̀y, à reŋìghà girig ɓɔ; ɓɛ̀roɓɛ à ki reŋìghà ɓɛǹ, à kìghà girig lɛ ɓɛɛ ɓa lɛ saaɗ ɓi mis mii; nni ɓɛ̀roɓɛ à ghaasìghà ɓɛǹ ɓum ɓɛ saaɗ, à kemzìghà girig ɓɔ.

1 KƆ̀RƐ̀ŊTYƐŊ 1:8

Nyi yɛɛ ri mìni ɓiì sììraagh à kpaŋ a rìsugtɛ̀n lɛ ɓi ɓa kɛ̀ɛ̀ kìɓan ki ɓɛ ri lɛ ɓɛ ɓɛy mìni miì, ɓi ŋwos a Yeesus Kiris à Kan wìs.

EFÈZYƐŊ 1:16

nni ǹti ǹfafà lɔŋ Bɛ̀ll ɓìtògsɛ̀n kɛ̀ɛ̀ cààmɛ̀n ɓisu win, ǹki ɓùŋɓuŋ mini ɓi bɔ̀ŋzɛ̀n yɛm̀,

EFÈZYƐŊ 1:5

Bɛ̀ll à lokà kì rèni lɛ à ɓiì kìi lɛ, ti ɓa ɓɔn ɓii lɛ Yeesus Kiris. Ki kɔngà nyi lɛ a ki kìɓan kiǹ lɛ ki rɔɔghà nyi fɔlɔɔ,

EFÈZYƐŊ 1:9

À kpàkàkà ɓìsi dwìɗ i rìkɔ̀n ɗii ɗi a rìnyam, ɓi kìɓan ki nɗem wii wu lokà kì renì lɛ à kìi gɛ ɓi Kiris.

FÌLÌPYƐŊ 1:6

Ǹ-yii syeesyee à rìyi lɛ roànɛ à tumɛ̀ngà syeesyee à kìsay anɛ̀n ɓi mìni, à rì ɓiì kɛ̀ɛ ri kɔ asu à kpaŋ yɛ̀ɛ à ri wɔmɓɛn kɔ ɓi ŋwos a Yeesus Kiris.

FÌLÌPYƐŊ 2:13

Ɓisuulɛ Bɛ̀ll nnyɛɛ kìki kisay ɓi mìni, à fafà mìni lɛ rì ǹɗem, rì ìtèɗ wu kìyen ɓiɓan ɓi ɓi ghɛɛ̀sɛɛ rì syeesyee wìì a ɗyomzɛ̀n.

FÌLÌPYƐŊ 3:14

Fɔɔnnɛ nghɛghɛŋi lɛ nkɛǹ kìkpaŋzɛɛ, di nteɗ mɛ̀lèɓ mɛ ɓi ǹɗeèghreŋi wu wu ɓaghày mɛ̀ aɗyòò yɛ̀ɛ Bɛ̀ll, ɓi Yeesus Kiris.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

2 TÈSÀLÒNÌSYƐŊ 1:5

Kìɓan kiǹ kɛɛ̀ rèresi lɛ, Bɛ̀ll à ti à yɔ̀mgì ɓum yɛ̀ɛ saaɗ à rì. Fɔlɔɔ yɛɛ ɓiì kìi lɛ ɓi ɓa ɓumɓɛ ɓɛ ghɛɛ̀sɛɛ kì terì kìlɔ̀ŋ ki Bɛ̀ll ki ɓi wuwu mɛtɔɓ miì.

2 TÈSÀLÒNÌSYƐŊ 2:14

Kìɓan ki Bɛ̀ll à reŋìghà tì mìni miì, rì Syeesyee à Ɓɔlɛ ànɛ tì ghagsìghà mìni ki ri lɛ, ɓi ɓa rì gàɓ ɓi rìkem ɗi Kan wìs Yeesus Kiris.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

ÀPÒKÀLIƁSƐ̀ 3:4

Kìɓan kifog, ù rì rì ɓum ɓɛdɛŋ a Saridɛ ɓɛ ɓɛ nsiŋɗɛɛ ɓi tifin ɓi ɓìlàà ɓyaa; ɓumɓɛ̀n ɓɛ ri ɓiì kɛ̀ɛ̀kɛɛ nɗaŋ ɗi mɛ̀, ɓisuulɛ ɓɛ ri ɓumɓɛ ɓɛ ghɛɛ̀sɛɛ rì rìɓa ɗyɛ̀m.

ÀPÒKÀLIƁSƐ̀ 5:10

Ù kìghà lɛ ɓɛɛ ɓa bimiɗ à kìlɔ̀ŋ, ɓɛ ɓa ɓɛ̀pìrɛɛtìrɛ ɓisuu Bɛ̀ll, ɓɛ ri ɓiì làmii ziinɛ.