2 TÈSÀLÒNÌSYƐŊ 1:10 - Bafia Nouveau Testament

¹⁰ yɛ̀ɛ à ri yù ɓi ŋwos anɛ̀n lɛ a kem̀ ɓi ɓum ɓii, ɓɛ ki sɛsɛg nyi rì mis ɓi ɓɛ̀roɓɛ ɓɛ gherɛ̀ngà nyi ɓɛ̀cèm; mìnii gherɛ̀ngà gì kɔm̀ ɓɔlɛ ànɛ tì kalìghà mìni.

2 TÈSÀLÒNÌSYƐŊ 1:10 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 16:28

Ǹkalii mìni ɓi saaɗ lɛ, ɓum ɓɛdɛŋ ɓi ɓumɓɛ ɓɛ ri fɛ, ɓaa cuu ɓi, di ɓɛ ka ghɛn ɓi yɛ̀ɛ Man à mum a yùyuiy ɓi rìlàmì ɗii.

MATYOO 24:36

Wɔ̀lɛ, ɓi kìɓan ki gòn, nsoò lɛ cààmɛ̀n kiǹ, ŋwaàdɛŋ à yii ɓì; nsoò ɓum ɓɛ titom ɓɛ aɗyòò, nsoò Man, lɔŋ Tààta cɛ̀ncii yɛɛ yii.

MATYOO 25:31

Yɛ̀ɛ Man à mum à rì ɓiì yùu, ɓì rìgwey ɗii, ǹɗaŋ ri ɓum ɓɛ titom ɓɛ̀cèm, à ɓiì kɔ̀rii ɓi-kɔ̀ɔ̀ wii wu rilàmì wu rikem.

MATYOO 7:22

Ɓum lɛɛ̀gwey ɓɛ ri kpaa gɛ mɛ̀ ɓi ŋ̀wos anɛ̀n lɛ: Kan, Kan àa ɓi ɗii ɗyɔɔ nnɛ tì kpaàkpàŋzìghà ɓìɓan ɓi Bɛ̀ll? Àa rì ɗii ɗyɔɔ nnɛ tì nànàɓkà ɓìɓeɓtàg ɓi mɛghay? Ti kìkìghà ɓi nya dàm yi ɓiɓan lɛɛ̀gwey rì ɗii ɗyɔɔ?

LUKAS 10:12

Ǹkalii mìni lɛ: ŋwosi ɓɛyɔ̀m ɓaa ɓiisɛn ɓi ki nyɛnì rì ɓumɓɛ a Sɔdɔm yɛ̀ɛ à ri nyɛn ri ɓumɓɛ ɓi bàn ìnɛ̀n.

ZYAŊ 11:4

Yɛ̀ɛ Yeesus à wokà fɔlɔɔ, nni à kpaaghà lɛ: Fìroɓ fìn fi yin nyi ɓiì wowoli, fi ri ɓisuu rikem ɗi Bɛ̀ll, lɛ Man à Bɛ̀ll a teɗ rìkem ɓi fìroɓ fìn.

ZYAŊ 17:10

Com kɛm̀ kìcèm ki ri kiŋkɔɔ, fɔɔnnɛ kiŋkɔɔ kicèm ki ri girig kiŋkɛ̀m. Ɓi ɓɔ nnɛ rìkem ɗyɛ̀m ɗyɛɛ̀ rèeresɛ̀n.

1 KƆ̀RƐ̀ŊTYƐŊ 1:6

Lɛ rìrèsì ɗi ɓiɓan ɓi ɓi seesee cɛɓ ki Kiris ɗi mɛ ɓag gàŋ ri ìtèɗ a lɔ̀ŋkin.

1 KƆ̀RƐ̀ŊTYƐŊ 3:13

kìsay ki mum ǹcèm ki ri lɔŋ ɓiì rèsɛɛ. Ɓisuulɛ ŋwosi ɓɛyɔ̀m à ri kì lɛ ɓɛɛ yi kìsay kiǹ, lɛ ŋwos anɛ̀n à rì ɓiì rèsɛɛ ɓi ɗuu; fɔɔnnɛ ɗuu ɗyɛɛ ri biì rèsii riɓa ɗi kisay ki mum ǹcèm.

GÀLAT 1:24

Fɔɔnnɛ ɓumɓɛ̀n ɓɛ keèkèmzìghà Bɛ̀ll ɓisuu kiɓan kɛm̀.

EFÈZYƐŊ 1:12

Lɛ di ɓìsi ɓɛ tì lokà kì foŋì dyàɓɛn yis ɓi Kiris, ti ki com ki lɛ rìkem ɗi Bɛ̀ll ɗyɛɛ nyaà.

EFÈZYƐŊ 1:14

Nghay ànɛ̀n yɛɛ̀ kìki lɛ, tyɛ̀ ki ɓa ri nyoey ɓi kìrɔɔ ki Bɛ̀ll à nyamgà ɓisuu ɓum ɓii, à ki kì lɛ ti yi syeesyee à rìyi lɛ, tì rì ɓiì terì ɓyom ɓi syeesyee ɓi à nyamgà ɓiǹ, di gòri yìs i mɛ ron. Tì rì ɓumɓɛ Bɛ̀ll à tekà ɓisuulɛ ti nyaànyààsì rìkem ɗii.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 1:6

lɛ a nyaàsì rìkem ɗi geesɛ̀n yìì inɛ à kìghà ɓìsi ɓi Man wiì à nɗem.

EFÈZYƐŊ 2:7

À kìghà fɔlɔɔ lɛ, di ɓyààmɛ̀n ɓìcèm ɓi asu a resi geesɛ̀n yìì inɛ ì tèghɛɛ yɛ̀ɛ mɛ̀nɔ̀ɓɔ̀, ɓi kìrɔɔ-ǹɗem ànɛ à kìghà ɓìsi ɓi Yeesus Kiris.

EFÈZYƐŊ 3:10

Fɔɔnnɛ à tumɛ̀n ɓigomìnɛ, ɓɛ̀làmì, rì mɛ̀tèɗ mɛ ɓi ɗyoo ɓi ɗùm, ɓɛ yii ɗyomzɛ̀n ɗi Bɛ̀ll, ɓi ɓìɓan ɓìcèm lɛ kìseŋi ki ɓɛgherɛ̀n.

EFÈZYƐŊ 3:16

Ǹtɔg nyi lɛ a fa mìni Nghay wìì lɛ a foŋ mìni ìteɗ ɓi nɗem,

TÈSÀLÒNÌSYƐŊ 1:5

Ɓisuulɛ tì ghagsìghà ɓi mini Syeesyee à Ɓɔlɛ ànɛ tì ɓaghày rì nyi rì jɛ̀ɛ̀ ì ŋwɔm yɔ̀ ri yɔ̀, tì ghagsìghà girig nyi ɓi dàm yi tì kìkìghà rì ìteɗ wu Kitɛntɛ̀ɛ̀n ki Nghay, tì ki konag kiyiì saaɗ bimiɗ ànɛ ɓi Ɓɔlɛ ànɛ̀n. Ɓi saaɗ, ɓì yii cɛɓ ki tì ghɛɓkà ɓi nyìinyìm wìn; fɔlɔɔ a ɓaghà ɓi kìrɔɔ kin.

TÈSÀLÒNÌSYƐŊ 2:1

Ɓɔɔsoŋ̀, mìniìɓɔmiɗ ɓì yii lɛ, rìyù ɗi tì yùghà a lɔ̀ŋkin ɗi wughà ɓi zɛy.

TÈSÀLÒNÌSYƐŊ 2:12

Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

2 TÈSÀLÒNÌSYƐŊ 1:12

Fɔlɔɔ nnɛ ɗii ɗi Kan wìs Yeesus ɗi ɓiì kemì ɓi mìni, mìnii kem ɓi nyi, lɛ geesɛ̀n ì Bɛ̀ll wìs, rìì Kan Yeesus Kiris.

2 TÈSÀLÒNÌSYƐŊ 2:13

Ɓi san ànɛ a lɔ̀ŋkis, ɓɔɔseŋi ɓis ɓɛ Kan a keesag lɛɛ̀gwey, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n cààmɛ̀n kìcèm ɓisuu kiɓan kin, ɓisuulɛ Bɛ̀ll à ɓɔ̀ngà mìni à tumɛ̀n a rìtumɛ̀n lɛ ɓi ɓa ɓɛ̀kòrɛn ɓi rìkì ɗi Kìtɛntɛ̀ɛ̀n ki Nghay kɛɛ̀ kìki lɛ ɓi ɓa ɓɛ̀tɛnɛn, rì ɓi rìgherɛ̀n ɗi ɓì gherɛɛ saaɗ.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

2 TIMOTE 1:18

Kan à ghɛ̀ɛ̀sɛɛ kì kìi lɛ Bɛ̀ll a resi nyi kìrɔɔ-ǹɗem wìì ŋwos anɛ̀n. Ɓìsay ɓìcèm ɓi Onezifɔɔr à kìghà mɛ̀ a Efɛɛzɛ, wɔ̀ yɛɛ raŋ̀zii ɓyɔ kì yiì ù cee ɓum ɓɛ̀cèm.

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;