2 PYƐƐRI 3:7 - Bafia Nouveau Testament

⁷ Kìɓan kifog, ɗyoo rì zi ɓi tì seesee ɓi gɛɛ̀nɛ, ɓi ri ɓyom ɓi jɛ̀ɛ̀ ì Bɛ̀ll yɔ̀miɗ inɛ̀n yɛ̀ɛ ɓèŋɓèŋ lɛ ɗuu ɗi ri ɓyɔ ɓiì yogsii ŋwos anɛ ɓɛ ri yɔ̀mi gɛ ɓɛ̀kìì-kìɓe, ɓɛ cuusì ɓɔ.

2 PYƐƐRI 3:7 Iomraidhean Croise

MATYOO 10:15

Ǹkalii mìni ɓi saaɗ lɛ, ŋwosi ɓɛyɔ̀m ɓumɓɛ a Sɔdɔm rì Gɔmɔɔr ɓɛ ri ɓaa gɛ tì rì ziŋ à cee ɓumɓɛ ɓi bàn ìnɛn.

MATYOO 11:22

Kìɓan kiǹ kɛɛ̀ki ǹkpaa mìni lɛ, ŋwosi ɓɛyɔ̀m ɓɛ Bɛ̀ll kìɓan ki, ɓumɓɛ a Tiir rì ɓɛ a Sidɔŋ ki nyɛni gɛ ɓi à kpaŋ yɛ̀ɛ kiŋkìn.

MATYOO 11:24

Kìɓan kiǹ kɛɛ̀ki ǹkalii wɔ̀ lɛ, ŋwosi ɓɛyɔ̀m ɓɛ Bɛ̀ll, kìɓan ki ɓumɓɛ a Sɔdɔm ki nyɛni gɛ ɓi yɛ̀ɛ ki ɓumɓɛ a lɔ̀ŋkɔɔ.

MATYOO 12:36

Ǹkalii mìni lɛ: Ŋ̀wosi ɓɛyɔ̀m ɓɛ Bɛ̀ll, ɓum ɓɛ ɓiì rèsii ɓisuucɛ nnɛ ɓɛ kpaakpààghà ɓìɓan ɓi kɛ̀ɛ̀ ìsu.

MATYOO 24:35

Ɗyoo rì zi ɓi ri ɓiì ghaghii, kìɓan kifog ɓìɓan ɓyɛm̀ ɓyaa ghaagh ɓi.

MATYOO 25:41

Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

MARIKUS 6:11

I ɓɛ ɓeni mìni kì ghàɓi jàŋ idɛŋ, nsoò lɛ ɓɛ ɓeni kìwoògh com ki ɓi kpaakpàà, i ɓì ti ɓiì pɛ̀sɛɛ ɓi jàŋ inɛ̀n, ɓì kwìɗ kùrùɓu ànɛ mìni ɓi mɛ̀kòò, rìkì ɗiǹ ɗyɛɛ̀ rèresi ɓumɓɛ̀n zɛ̀ɗ yaà.

ZYAŊ 12:48

Nni ŋwaànɛ à ɓèni mɛ̀, kɛ̀ɛ ghàɓ ɓiɓan ɓyɛm̀, à rì rì ŋwaànɛ à ɓiì renì kìɓan kii. Ɓìɓan ɓi ǹkalìghà ɓyɛɛ ri ren kiɓan kii ɓi siitòn a ŋwos.

RÒMƐŊ 2:5

Kìɓan kifog, rìɓa ɗi ǹɗem wɔɔ wu ri wù tèrɛn, rì yɛ̀ɛ ù kɔ̀ni ɓi lɛ u lɔɔ̀ghrɛn ǹɗem, u taataŋzàg wɛ̀ɛmiɗ coo bim i Bɛ̀ll ɓi nyòò; bim inɛ̀n ì ri rèsɛn ŋwos anɛ Bɛ̀ll à ri sàɗ bim yiì; ŋwos anɛ̀n rìren ɗii ɗi ɓiɓan ɗi ɗi ri lɛ saaɗ ɗi ri yilɛ̀n,

1 KƆ̀RƐ̀ŊTYƐŊ 3:13

kìsay ki mum ǹcèm ki ri lɔŋ ɓiì rèsɛɛ. Ɓisuulɛ ŋwosi ɓɛyɔ̀m à ri kì lɛ ɓɛɛ yi kìsay kiǹ, lɛ ŋwos anɛ̀n à rì ɓiì rèsɛɛ ɓi ɗuu; fɔɔnnɛ ɗuu ɗyɛɛ ri biì rèsii riɓa ɗi kisay ki mum ǹcèm.

FÌLÌPYƐŊ 1:28

Kɛ̀ ɓi càrɛn lɛ ɓɛ̀bènàbena ɓɛɛ niŋzi mìni nyoo nsoò lɛsàg; kìɓan kiǹ ki ri kìrèmzɛnà ki lɛ, ɓɛ ri ɓi rìɗyaŋ; wɔ̀lɛ ɓi san wìn, ki ɓa kìrèmzɛnà ki cɛɓ.

2 TÈSÀLÒNÌSYƐŊ 2:3

Ŋwaàdɛŋ kɛ̀ɛ yègsi mini, nsoò ɓi-ghèy wu la, ɓisuulɛ ŋwos anɛ̀n à yin lɛ à kpaŋ di ɓum ɓɛ ka resi ɓi lɛ ɓɛ naŋi rìgherɛ̀n, Kìɓeɓtàg ki mum ki ki ghɛɛ̀sɛɛ kì ɗyaŋì, ki resɛ̀n.

TIMOTE 6:9

Kìɓan kifog ɓɛ̀roɓɛ ɓɛɛ̀ kɔ̀nkɔn lɛ di ɓaa kumi, ɓɛ ti ɓɛ kpilàg ɓi mɛ̀fèèghrɛn rì ɓi fìram fi lɛ ɓɛɛ ɓa rì zày ì ɓìɓan ɓi ɓiyèg rì ɓi ɓeɓtɛn ɓi ɓi ti ɓi pikì mum ɓi rìɗyaŋ rì ɓi rìwu.

EBIREEGH 12:29

Ɓisuulɛ Bɛ̀ll wìs a rì girig yɛ̀ɛ ɗuu ɗi ɗyɛɛ̀ ɗiighɗigsì lɛ lɛɛ̀ lɛɛ̀.

2 PYƐƐRI 2:9

Fɔlɔɔ a rèsii lɛ Kan à yii rìghɛɓsì ɗi ɓumɓɛ ɓɛ falɛɛ ɓi rìgherɛ̀n di ɓɛ ri ɓi mɛ̀fèèghrɛn, à ki ɓoŋzag ɓiɓeɓtàg ɓi ɓum lɛ ɓyɛɛ ɓoŋ yɛ̀ɛ à rì ɓyɔ ɓiì pɔnɔsii ŋwosi ɓɛyɔ̀m ɓii.

2 PYƐƐRI 3:10

Ŋwos a Kan à ɓiì kpaŋì yɛ̀ɛ wiiwìì à ti à yùlàg. Ŋwos anɛ̀n, ɗyoo ɗi ri ɓiì silii ri coo gom, ɗuu ɗi digsì ɓyom ɓi ɓi ɗyoo, zi rì ɓìɓan ɓi miì ɓìcèm ɓi ɗig.

2 PYƐƐRI 3:12

Mìni ɓɛ ɓi ɓoŋɓòŋ, ɓì ki lolos lɛ di ŋwos a Bɛ̀ll àa kpaŋi, ŋwos anɛ̀n yɛɛ ri ŋwos anɛ ɗuu ɗi ri ɓiì yogsii ɗyoo, ɓyom ɓi ɓi ri ɓi ɗyoo ɓi ghaŋmɛ̀n rìtɔ̀n ɗi nɗòò wu ɗuu.

1 ZYAŊ 4:17

I ǹkɔ̀nɛ̀n à rì a lɔ̀ŋkis syeesyee à rìɓa, fɔɔnnɛ tì rì ɓiì ɓaà kɛ̀ɛ̀ ìris ŋwosi ɓɛyɔ̀m, ɓisuulɛ cɛɓ kis ki fɛ ɓi ziinɛ ki pisɛɛ rì ki Yeesus Kiris.

ZYUUDƐ 1:7

Fɔlɔɔ nnɛ bàn yi lɛ rì Sɔdɔm rì Gɔmɔɔr rì bàn yimbog yi yi ɓaghà wɔɔ jàŋbog yi yi falɛ̀ngà girig ɓi cɛɓ ki tisɔ̀mɔ̀g ɓɛ lɔɔ̀lɔ̀gtì fèg ànɛ Bɛ̀ll à ɓaghà rì nyi ɓisuu ɓum, ɓumɓɛ̀n ɓɛ ri kìrèmzɛnà ɓi mɛ̀tɔɓ mɛ ɓɛɛ̀ wowog ɓi ɗuu ɗi fiɗyàɓ fikɔ̀ɔ̀.

ÀPÒKÀLIƁSƐ̀ 17:11

Nyàm ìnɛ ì ɓaghà, ìnɛ ì ki yiìdi inɛ̀n, yɛ̀ɛ ri rìfòm ɗi kitaàraa, ì ɓa tì kìbog ki ɓi mɛfòm mɛ kitaàɓɛ̀ɛ̀, ì ki rì ɓiì kɛ̀ɛ ki ɗyaŋì.

ÀPÒKÀLIƁSƐ̀ 17:8

Nyàm ìnɛ wàa ghɛɛ, ì ɓaghà nni ì yiìdi. Ì rì ɓiì kpaŋìì ɓi coo riɓee ɗi rimɛn, ì kɛ̀n kì ɗyaŋì. Nni ɓumɓɛ ɓi ziinɛ, ɓɛ mii maa mɛ ɓaghà ɓi mɛ kànɛn ɓi kaàtà à cɛɓ, à tumɛ̀n yɛ̀ɛ ziinɛ ì kìlɛ̀ngà, ɓɛ ri kuuràg di ɓɛ ghɛɛ nyàm ìnɛn, ɓisuulɛ ì ɓaghà, nni ì yiìdi, nni ì ki rì ɓiì sugtii yi tì.

ÀPÒKÀLIƁSƐ̀ 20:11

Nni ǹghɛngà ìkɔ̀ɔ̀ wu rilàmì wu puɓ, ɗì roànɛ à kɔ̀kɔ̀rìghà miì. Zi rì ɗyoo ɓi ghɛŋìghà ɓi mis mii ɓyɛ̀ kɛɛ̀ ɓa ti ri ìkɔ̀ɔ̀.

ÀPÒKÀLIƁSƐ̀ 21:1

Fɔɔnnɛ ǹghɛngà nyɔɔnyɔn à ɗyoo rì nyɔɔnyɔn à zi, lɛ ɗyoo ɗi ǹtonto rì zi i ǹtonto ɓi silìghà, nsoò rìɓày à kìkòn kɛ̀ɛ ɓa ti.