2 PYƐƐRI 3:2 - Bafia Nouveau Testament

² lɛ ɓi yiìyìtàg lɛ rì ɓìɓan ɓi ɓɛkpaŋzì-ɓìɓan ɓɛ ɓɛ ri ɓɛ̀tɛnɛn ɓɛ kpaaghà lɛ ɓi ɓiì kìlɛɛ, rì kìdɔ̀gsɛna ki Kan ànɛ à rì Ǹghɛɓsì-ɓum, kɛɛ̀ki ɓɛ̀kɛ̀nì-fìtom ɓin ɓɛ resìghà mìni.

2 PYƐƐRI 3:2 Iomraidhean Croise

LUKAS 1:70

Lɔŋ yɛ̀ɛ à kpaaghà ɓi ŋwɔm wu ɓɛkpaŋzì-ɓìɓan ɓii ɓɛ ɓi mɛ̀ru mɛ ajɛ̀m, ɓɛ ɓɛ ɓaghà ɓɛ̀tɛnɛn.

LUKAS 24:27

Nni à konàkà ɓɔ kì rèsii ɓiɓan ɓìcèm ɓi ɓi ɓaghà ɓì kànɛn ɓisu wìì, à tumɛ̀n ɓi ɓɛ̀kaàtà ɓɛ Moyis à kpaŋ ɓi ɓɛ ɓɛkpaŋzì-ɓìɓan ɓɛ̀cèm.

LUKAS 24:44

Nni à kpaaghà ɓɔ lɛ: Ɓì ghɛɛ kìɓan ki ǹkpaaghà mìni di ǹkaka rì mìni lɛ: Ki ghɛɛ̀sɛɛ lɛ ɓìɓan ɓìcèm ɓi ɓi ri ɓì kànɛn ɓisu wɛ̀m ɓi ɓɛ̀kaàtà ɓɛ Moyis rì ɓɛ ɓɛkpaŋzì-ɓìɓan, rì ɓi ɓɛ̀sam ɓyɛɛ kilɛn?

MƐ̀KÌKÌÌ MƐ ƁƐKƐ̀NÌ-FÌTOM 10:43

Yeesus ànɛ̀n nnɛ ɓɛ̀kpaŋzì-ɓìɓan ɓɛ̀cèm ɓɛ ɓugà yɛ̀ɛ ɓɛ kpaakpààghà lɛ: Ɓì ɗii ɗii nnɛ Bɛ̀ll à rì ɓiì cenɛɛ mum ǹcèm ànɛ à gherɛɛ nyi ɓìɓe.

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

MƐ̀KÌKÌÌ MƐ ƁƐKƐ̀NÌ-FÌTOM 3:18

Kìɓan kifog, ɓi bee inɛ̀n nnɛ Bɛ̀ll àa ǹdoòzii kìɓan ki à lokà ki kpaà ɓi myɔm mɛ ɓɛkpaŋzì-ɓìɓan ɓɛ̀cèm ɓɛ ɓi mɛ̀ru mɛ ajɛ̀m lɛ: Kiris à ghɛ̀ɛ̀sɛɛ gɛ kì woògh rìkɛŋ.

MƐ̀KÌKÌÌ MƐ ƁƐKƐ̀NÌ-FÌTOM 3:21

Yeesus ànɛ à ka ghɛ̀ɛ̀sɛɛ kì kɔ̀kɔrii aɗyoo, à kpaŋ ɓi cààmɛ̀n ki ɓɛ ri ɓiì pɛ̀ɛ̀zii ki rɛsii ɓyom ɓìcèm ɓi mɛ̀rɛli mɛ ɓyɔ, lɔŋ yɛ̀ɛ Bɛ̀ll à kpaaghà fìɗyàɓ ɓi myɔm mɛ ɓɛkpaŋzì-ɓìɓan ɓii ɓɛ ɓɛ ɓaghà ɓɛ̀ tɛnɛn.

GÀLAT 6:2

Gheeghèŋzɛɛna rìtɛ̀g ɗi mɛtɛ̀g mɛ ɓì rì rì mɔ, di fɔɔnnɛ ɓi roòzi kìdɔ̀gsɛna ki Kiris.

EFÈZYƐŊ 2:20

Ɓì rì kìtoŋ ki ki ri kìyàghɛn yi ɓi kìsay ki ɓɛkɛ̀nì-fìtom, rì ki ɓɛkpaŋzì-ɓìɓan; Yeesus Kiris nyimiɗ a ɓa gɔ̀g ìnɛ ì ɓanɓani ntɔn à naa.

EFÈZYƐŊ 3:5

Bɛ̀ll à rèsìghà ɓi gbàà yi ɓum yi abɛ̀y ɓìɓan ɓi a rìnyam ɓìn yɛ̀ɛ à mɛ rèsi ɓyɔ ɓigomìnɛ lɛ, rì a ɓɛ̀kɛ̀nì-fìtom ɓii ɓɛ ɓɛ ri ɓɛ̀tɛnɛn rì a ɓɛ̀kpaŋzì-ɓìɓan, rì ìtèɗ wu Nghay.

TIMOTE 6:14

u ɓeŋ̀ kìdɔ̀gsɛna, kɛ̀ɛ̀ tìfin, kɛ̀ɛ̀ bɛ̀lɛn à kpaŋ a rìsugtìì ɗi Kan wìs Yeesus Kiris,

2 PYƐƐRI 2:21

Lɛ ki ɓaghà lɛ ki ɓa tì rì ziŋ ɓi san wàà lɛ ɓɛ̀ kɛɛ̀ yi bee ì saaɗ, à cee lɛ i ɓaa yi yɔ̀, ɓɛɛ lɔɔgh tì jɛ̀m rì kìdɔ̀gsɛna ki tɛnɛn ki ɓɛ faghà ɓɔ.

2 PYƐƐRI 3:15

Terina rìnìɗ ɗi ǹɗem ɗi Kan wìs lɛ ɗi ri ɓi kìrɔɔ kin lɔŋ yɛ̀ɛ geni wìs a nɗem ànɛ lɛ Pol à kàngà girig mìni ɓi ɗyomzɛ̀n ɗi Bɛ̀ll à faghà nyi.

2 PYƐƐRI 3:16

Fɔɔnnɛ à ti à kìlàg ɓi ɓɛ̀kaàtà ɓii ɓɛ̀cèm ɓɛ à ɓùŋi ɓìɓan ɓin miì, ɓɛ̀kaàtà ɓɛǹ ɓɛ ri rì jɛ̀ɛ̀ yidɛŋ yi yi teri rìwog, yɛɛ̀ yi ɓum ɓɛdɛŋ ɓɛ ɓɛ yii ɓi com, ɓɛ̀ kɛɛ̀ ɓa ɓɛsììrɛn yɛ̀ɛ ki ghɛɛ̀sɛɛ, ɓɛ ti ɓɛ sɛràg kì woògh lɔŋ yɛ̀ɛ ɓɛɛ̀ kiki ri ɓɛ̀kaàtà ɓɛmbòg, kìɓan kiǹ ki ki ɓa ɓisuu riɗyaŋ ɗyàà.

1 ZYAŊ 4:6

Ɓi ɓɛg wìs, ɓìsii ri ɓum ɓɛ Bɛ̀ll; ŋwaànɛ à yii Bɛ̀ll, à rì ɓiì woògh com ki ti kpaakpàà; wɔ̀lɛ ŋwaànɛ à yin mum à Bɛ̀ll àa wog ɓi com ki ti kpaakpàà, fɔlɔɔ nnɛ tì rì lɛ tì yi rìghasì ɗi lɛ rì Nghay wu wu ri ɓi saaɗ, rì wu wu ri ɓi rìnàn.

ZYUUDƐ 1:17

Kìɓan kifog mìni ɓum ɓɛm ɓɛ nɗem, yitiina ɓìɓan ɓi ɓɛ̀kɛ̀nì-fìtom ɓɛ Kan wìs Yeesus Kiris ɓɛ kpaaghà mìni lɛ ɓi ri ɓiì ghɛnɛɛ.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.