2 PYƐƐRI 3:10 - Bafia Nouveau Testament

¹⁰ Ŋwos a Kan à ɓiì kpaŋì yɛ̀ɛ wiiwìì à ti à yùlàg. Ŋwos anɛ̀n, ɗyoo ɗi ri ɓiì silii ri coo gom, ɗuu ɗi digsì ɓyom ɓi ɓi ɗyoo, zi rì ɓìɓan ɓi miì ɓìcèm ɓi ɗig.

2 PYƐƐRI 3:10 Iomraidhean Croise

MATYOO 24:35

Ɗyoo rì zi ɓi ri ɓiì ghaghii, kìɓan kifog ɓìɓan ɓyɛm̀ ɓyaa ghaagh ɓi.

MARIKUS 13:31

Ɗyoo rì zi ɓi ri ɓiì lèegh, kìɓan kìfog ɓìɓan ɓyɛm̀ ɓyaa lèg ɓi.

LUKAS 12:39

Konaaghna kì yii lɛ, i ŋwaàmɛɛ àa rì lɛ à yi cààmɛ̀n ki wiiwìì à rì nyi ɓiì yùu wii, di à rì rì ìtèɗ wulɛ à kɔ̀rì saalo, kɛ̀ɛ càɗ lɛ ɓɛɛ ɓɛg nyi naa.

RÒMƐŊ 8:20

Zi i kpìghà ɓi rìlàmì ɗi com ki kɛ̀ɛ̀ ìsu, àa lɛ yɔ̀miɗ yɛ̀ɛ kɔngà fɔlɔɔ, wɔ̀lɛ ki kilɛ̀ngà fɔlɔɔ ɓi rìkɔ̀n ɗi roànɛ à fogà yɔ̀ ɓi nɗɛli wiǹ.

1 KƆ̀RƐ̀ŊTYƐŊ 1:8

Nyi yɛɛ ri mìni ɓiì sììraagh à kpaŋ a rìsugtɛ̀n lɛ ɓi ɓa kɛ̀ɛ̀ kìɓan ki ɓɛ ri lɛ ɓɛ ɓɛy mìni miì, ɓi ŋwos a Yeesus Kiris à Kan wìs.

1 KƆ̀RƐ̀ŊTYƐŊ 5:5

rìkuu ɗi mum ɗiǹ ɗi ghɛɛ̀sɛɛ lɛ ɓɛɛ kaɓ ɗyɔ rì Satàn, lɛ mɛ̀mùù mii mɛɛ ɗyaŋ di fɔɔnnɛ nghay wii wɛɛ ghɛǹ cɛɓ ɓi ŋwos a Kan Yeesus.

2 KƆ̀RƐ̀ŊTYƐŊ 1:14

yɛ̀ɛ ɓi mɛ yi gàɓ lɛ, ɓìsi yɛɛ ri ɓa rikem ɗin, mìnii ɓa rìkem ɗis ŋwos a Kan Yeesus.

TÈSÀLÒNÌSYƐŊ 5:2

Ɓisuulɛ mìniìɓɔmiɗ ɓì konaagh kì yiì lɛ ŋwos a Kan à rì ɓiì kpaŋì fɛlɛ yɛɛ wiiwìì à ti à yùlàg rì ìru.

TÈSÀLÒNÌSYƐŊ 5:4

Wɔ̀lɛ ɓɔɔsoŋ̀, mìnii yin ɓi birìm, fɔɔnnɛ ŋwos anɛ̀n à ghɛ̀ɛ̀sɛɛ ɓi mini kì sìri yɛ̀ɛ wiiwìì.

2 PYƐƐRI 3:11

Nni yɛ̀ɛ ɓyom ɓìcèm ɓi ghɛɛ̀sɛɛ kì ɗyaŋì fɔlɔɔ, ki ghɛɛ̀sɛɛ lɛ cɛɓ kin, ɗì rìfalɛ̀n ɗin ɗi ɓi rìgherɛ̀n ɓyɛɛ ɓa ɓìtɛnɛn lɛ kɔɔ̀kɔɔ̀.

2 PYƐƐRI 3:12

Mìni ɓɛ ɓi ɓoŋɓòŋ, ɓì ki lolos lɛ di ŋwos a Bɛ̀ll àa kpaŋi, ŋwos anɛ̀n yɛɛ ri ŋwos anɛ ɗuu ɗi ri ɓiì yogsii ɗyoo, ɓyom ɓi ɓi ri ɓi ɗyoo ɓi ghaŋmɛ̀n rìtɔ̀n ɗi nɗòò wu ɗuu.

2 PYƐƐRI 3:7

Kìɓan kifog, ɗyoo rì zi ɓi tì seesee ɓi gɛɛ̀nɛ, ɓi ri ɓyom ɓi jɛ̀ɛ̀ ì Bɛ̀ll yɔ̀miɗ inɛ̀n yɛ̀ɛ ɓèŋɓèŋ lɛ ɗuu ɗi ri ɓyɔ ɓiì yogsii ŋwos anɛ ɓɛ ri yɔ̀mi gɛ ɓɛ̀kìì-kìɓe, ɓɛ cuusì ɓɔ.

ZYUUDƐ 1:6

Ɓum ɓɛ titom ɓɛ ɓɛ ɓegà ɓi rigwey ɗi Bɛ̀ll à rɛsìghà ɓɔ miì, kìɓan kifog ɓɛ pɛsɛ̀n ɓi-kɔ̀ɔ̀ wu wu ɓaghà wuŋkaa, Bɛ̀ll a maà ɓèŋɓèŋ ɓɔ ɓɛ̀kàgakɛn ɓi mɛ̀sɛ̀ŋi cààmɛ̀n kìcèm ɓi birìm ɓiɗùm ɓɛ ɓoŋɓòŋ coo gòn i ɓɛ̀yɔ̀m.

ÀPÒKÀLIƁSƐ̀ 16:15

Ghɛna, n-yùyuy yɛ̀ɛ wiiwìì. Mààgh rì ŋwaànɛ à rì cem, à ki ɓèŋɓeŋ ɓilàà ɓii lɛ kɛ̀ɛ kɛ̀ɛ̀ghi kitòn zɛy lɛ a wog ǹtoòrìɗ di ɓum ɓɛ ghɛɛ nyi kìtòn zɛy.

ÀPÒKÀLIƁSƐ̀ 20:11

Nni ǹghɛngà ìkɔ̀ɔ̀ wu rilàmì wu puɓ, ɗì roànɛ à kɔ̀kɔ̀rìghà miì. Zi rì ɗyoo ɓi ghɛŋìghà ɓi mis mii ɓyɛ̀ kɛɛ̀ ɓa ti ri ìkɔ̀ɔ̀.

ÀPÒKÀLIƁSƐ̀ 21:1

Fɔɔnnɛ ǹghɛngà nyɔɔnyɔn à ɗyoo rì nyɔɔnyɔn à zi, lɛ ɗyoo ɗi ǹtonto rì zi i ǹtonto ɓi silìghà, nsoò rìɓày à kìkòn kɛ̀ɛ ɓa ti.

ÀPÒKÀLIƁSƐ̀ 3:3

Yiti min ɓiɓan ɓi Bɛ̀ll ɓi ù tekà rì ɓi ù wokà, ɓèŋa ɓyɔ ù ki lɔ̀ɔ̀ghrɛn nɗem; i ù kɔ̀rii ɓi cem, di ǹɗì wɔ̀ ɓiì yùu ki sìri kɔ̀ɔ ki yi ŋwos anɛ ǹɗì ɓiì yùu.

ÀPÒKÀLIƁSƐ̀ 6:14

Fɔɔnnɛ ɗyoo ɗi ghɛŋìghà yɛ̀ɛ kaàtà ànɛ ɓɛ taagh yɛ̀ɛ kìkàrà; dòn yìcèm, rì ɓìrìŋ ɓi riɓày ɓi pɛsàg ɓi mɛ̀kɔ̀ɔ̀ mɛ ɓyɔ.