2 PYƐƐRI 2:4 - Bafia Nouveau Testament

⁴ Ɓisuulɛ i Bɛ̀ll à rɔ̀ɓkà kɛ̀ɛ kèŋi ɓum ɓɛ titom ɓɛ ɓɛ kighà kìɓe, à ràm lɔŋ à ɓangì ɓɔ, à ki pìki ɓɔ ɓi bɛŋ yi yi ri rì birìm, wɔɔ nnɛ ɓɛ kaka ɓɛ̀ɓanɓanɛn ɓɛ ɓoŋɓoŋ ɓɛ̀yɔ̀m ɓɛ Bɛ̀ll;

2 PYƐƐRI 2:4 Iomraidhean Croise

MATYOO 25:41

Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

MATYOO 8:29

Nni ɓumɓɛ̀n ɓɛ tumɛ̀ngà rìfwànfwàn jɛ̀ɛ̀ aɗyoo lɛ: Wɔ̀ Man a Bɛ̀ll, ki rì Wɔ̀ la ri ɓìsi? Ù yùu yì fɛ lɛ, u fa ɓìsi ǹtɔɓ di cààmɛ̀n ki ka ghɛɛ̀sɛn ɓi?

MARIKUS 5:7

à ki syan jɛ̀ɛ̀ aɗyoo rì ìtèɗ lɛ: Yeesus, Man à Bɛ̀ll ànɛ à teŋmɛɛ kɛ̀ɛ̀ vèg cɛ kɛɛ rì wɔ̀ rì mɛ̀? M̀ɓɔ̀ŋzii wɔ̀ ɓi ɗii ɗi Bɛ̀ll lɛ, kɔ̀ɔ ki mɛ ǹtɔɓ.

LUKAS 10:18

Yeesus à kpaa ɓɔ lɛ: Mɛ̀ ǹghɛngà di Satàn a kɔ̀sɛɛ yì aɗyòò, à kpì fɛlɛ yɛɛ̀ ŋwàaŋwàɗ.

LUKAS 8:31

Fɔɔnnɛ ɓìɓeɓtàg ɓi mɛghay ɓìn ɓi ɓɔɔ̀ɓɔ̀ŋzìghà Yeesus lɛ, kɛ̀ɛ rom ɓyɔ lɛ ɓyɛ̀ kɛǹ ɓi rìɓee ɗi ɓiɓeɓtàg ɓi mɛghày.

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

RÒMƐŊ 11:21

Ɓisuulɛ Bɛ̀ll à kèŋìghà ɓi myaɓ mɛ kite mɔmiɗ, àa kèŋi ɓi girig wɔ̀,

RÒMƐŊ 8:32

Nyi ànɛ à kèŋìghà ɓi Man wiì à nyimiɗ, à faghà Man ànɛ̀n ɓisu wis ɓɛsɛ̀ɛ̀ ɓɛ̀cèm, nni lannɛ à rì ɓiì rɔ̀ɓi kɛ̀ɛ fa ɓisi ɓìɓan ɓìcèm bas rì Man wiì lɛ geesɛ̀n yìì.

2 PYƐƐRI 2:11

Kɔm̀ lɛ, nsoò ɓum ɓɛ titom ɓɛ ceeghii ɓɛ̀rèsàg ɓɛ ɓɛpwàà lɛ, rì ɓi-tèɗ, rì ɓi nkoŋ, ɓɛ ti ɓɛ̀ kɛɛ̀ sɔmɛn ɓyom ɓìn, ɗì rìkuu ɗi tisɛm ɗiǹ ɓi mis mɛ Kan.

2 PYƐƐRI 2:5

i à rɔ̀ɓkà kɛ̀ɛ kèŋi ɓum ɓɛ ǹtonto, kìɓan kifog à ghɛɓsìghà lɔŋ ɓum taàraa yɛ̀ɛ à romgày coo doni mɛnig ɓi zi i ɓɛ̀kìì-kìɓe; Nowe ànɛ à lààlàmɓɛ̀ngà saaɗ à ɓaghà ɓi ɓum ɓɛ kitaàraa ɓɛ̀n;

2 PYƐƐRI 2:9

Fɔlɔɔ a rèsii lɛ Kan à yii rìghɛɓsì ɗi ɓumɓɛ ɓɛ falɛɛ ɓi rìgherɛ̀n di ɓɛ ri ɓi mɛ̀fèèghrɛn, à ki ɓoŋzag ɓiɓeɓtàg ɓi ɓum lɛ ɓyɛɛ ɓoŋ yɛ̀ɛ à rì ɓyɔ ɓiì pɔnɔsii ŋwosi ɓɛyɔ̀m ɓii.

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.

ZYUUDƐ 1:13

Ɓumɓɛ̀n ɓɛ ri yɛ̀ɛ ɓyoo ɓikus ɓi riɓày à kìkòn ɓi ɓyɛɛ̀ kpaakpaŋzì ɓìfuùfusa ɓi ɓìɓan ɓi ntoòrìɗ ɓi ɓɛɛ̀ kìkì; ɓɛ ri yɛ̀ɛ tyɔɛy ti tyɛɛ̀ yòmyom fɔlɔɔ aɗyoo ǹ-yòmyomɛn; tyɛɛ̀ ti Bɛ̀ll à fèkà lɛ ti ri ɓiì kɔ̀rii ɓi birìm ì tìɓtìɓ fìɗyàɓ fikɔ̀ɔ̀.

ZYUUDƐ 1:6

Ɓum ɓɛ titom ɓɛ ɓɛ ɓegà ɓi rigwey ɗi Bɛ̀ll à rɛsìghà ɓɔ miì, kìɓan kifog ɓɛ pɛsɛ̀n ɓi-kɔ̀ɔ̀ wu wu ɓaghà wuŋkaa, Bɛ̀ll a maà ɓèŋɓèŋ ɓɔ ɓɛ̀kàgakɛn ɓi mɛ̀sɛ̀ŋi cààmɛ̀n kìcèm ɓi birìm ɓiɗùm ɓɛ ɓoŋɓòŋ coo gòn i ɓɛ̀yɔ̀m.

ÀPÒKÀLIƁSƐ̀ 20:10

Fɔɔnnɛ ɓɛ pikà Satàn anɛ à yègsìghà ɓɔ ɓi kìràà ki ɗuu rì ǹdùsi, jàŋ inɛ ɓɛ ri lɛ, rì nyàm rì ǹkpaŋzì-ɓìɓan ɓi ɓɛpwàà. Ɓɛ ri wowoogh gɛ mɛ̀tɔɓ yɛ̀ɛ ìru yɛ̀ɛ ŋwos fiɗyàɓ fikɔ̀ɔ̀.