2 PYƐƐRI 2:3 - Bafia Nouveau Testament

³ Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

2 PYƐƐRI 2:3 Iomraidhean Croise

MATYOO 23:14

Nyìighnyìg rì mìni Ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ fyɛɛ̀fyɛɛ̀ ɓi ŋwɔm ìghèy ɓi ɗùm ɓisuulɛ ɓi pùupumzì mɛɛ mɛ mɛkpɔɓ, ɓì kìkì ɓyoo bɔ̀ŋzɛ̀n lɛ ɓum ɓɛɛ feki lɛ, ɓì rì ɓɛsyeesyee ɓɛ ɓum; kìɓan kiǹ kɛɛ̀ki ɓì rì ɓiì terì ɓìtèetèɗ ɓi deɓ.]

LUKAS 18:8

Ǹkalii mìni lɛ, à ɓiì ɓàagh kiɓan kaa lɛ fyɛ̀ɗ fyɛ̀ɗ. Wɔ̀lɛ yɛ̀ɛ Man à mum à ɓiì yùu, à rì nya ɓiì tanɛɛ righerɛ̀n ɓi ziinɛ?

LUKAS 20:20

Fɔɔnnɛ ɓɛ tumɛ̀ngà rìfifìɓì ɗi Yeesus lɛ tintɔ̀ɔ̀ŋ, ɓɛ ki rom yi nyi ɓum ɓɛ mɛwooghrag, ɓɛ̀roɓɛ̀n ɓɛ ki lɔŋ yɛ̀ɛ ɓɛ yuù nyi kì tɔɔ̀gh saaɗ à kìɓan lɛ ɓɛɛ wog ǹkòo à nɛ̀si jɛ̀ɛ̀, di ɓɛɛ ɓan nyi, ɓɛɛ fa nyi rì ɓɛ̀yɔ̀mì-ɓum, rì gɔmìnà.

LUKAS 22:47

Yeesus à kaka à kpaakpàà fɔlɔɔ, nni coo kituu ki ɓum ki yughày, kìbog ki ɓi ɓɛ̀yilàg ɓii ntɛ̀ɗ rì ɓɛɓɛɛ̀ ɗii lɛ Zyudas kɛɛ syogày bee. À tyòŋdɛ̀ngà Yeesus a nyoo lɛ a lɔɛɗ nyi.

ZYAŊ 2:16

à ki kpaa ɓɛ̀kàɓì ɓɛ̀kuùkuù lɛ: Pisiina ɓyom ɓi fɛ! Kɛ̀ ɓi ghaasi naa ì Seŋi wɛ̀m mɛɛ mɛ fyèè.

RÒMƐŊ 16:18

Ɓisuulɛ àa kìsay ki Kiris ànɛ à rì Kan wìs kɛɛ̀ki ɓɛɛ̀ kìkì, ɓɛɛ̀ sasay lɔŋ ɓisuu mùm maa, fɔɔnnɛ ɓɛ ti ɓɛ yegsàg ɓumɓɛ mɛ̀rem maa mɛ ka yin ɗi ɗyomzɛ̀n ɓi kìɓan ki kiɓe, rì ɓìsyeesyee ɓi jɛ̀ɛ̀, rì fìɗyɛɓi.

2 KƆ̀RƐ̀ŊTYƐŊ 2:17

Lɛ ɓìsii yin yɛ̀ɛ kìgwey ki ɓum ki ki ti ki kilàg fyèè ri jɛ̀ɛ̀ ì Bɛ̀ll; kìɓan kifog, rì nɗem wu saaɗ, ɓi ɗii ɗi Bɛ̀ll ìnnɛ ɓìsiì kakali yɔ̀ yɛ̀ɛ ɓɛ̀kìì-ɓìsay ɓɛ Kiris ɓi mis mɛ Bɛ̀ll.

TÈSÀLÒNÌSYƐŊ 2:5

Ɓì yii lɛ tì ka ɓaghà ɓi ri jɛ̀ɛ̀ ì fìɗyɛɓi, nsoò rìyitì ɗi lɛ ti fɔǹ mɔ̀ɔ̀ni ŋwos adɛŋ, Bɛ̀ll à rì ɓìsi wusìnɛ̀ɗ.

TÈSÀLÒNÌSYƐŊ 5:3

Cààmɛ̀n ki yɛ̀ɛ ɓum ɓɛ ɓiì kpaakpaa lɛ fyòomà fi ri lɛ fyòoog kɛ̀ɛ̀ kìɓan ki risiyɛn kɛɛ̀ki ɓɛ rì ɓiì sìgmɛɛ lɛ cuu ki mɛ sɛn ɓi ɓɔ fɛlɛ yɛ̀ɛ rìkɛŋ ɗi riyay ɗi ti ɗi siɗkì giɓ a ɗyem. Ɓaa ɓa ɓi ri bee ì ǹlɛghɛn cuu kìn.

TIMOTE 3:3

Ki ghɛɛ̀sɛɛ ɓi lɛ a ɓa kìnɔɔ̀ mɛ̀rɔ̀g nsoò lɛ mum à ɓìgùg, ki ghɛɛ̀sɛɛ lɔŋ lɛ a ɓa kìfyòoog ki mum, kɛ̀ɛ ɓa mum à ɓɛsaaka nsoò lɛ à keesì mɔ̀ɔ̀ni.

TIMOTE 3:8

Ɓɛ̀dyaakìrɛ̀ girig ɓɛɛ ɓa rì rìmum, ɓɛ ɓa ɓumɓɛ ɓɛ yin ɓiì ghèeghelɛ̀n ɓɛ̀ kɛɛ̀ falɛn ɓi mɛ̀rɔ̀g lɛɛ̀gwey, ɓɛ̀ kɛɛ̀ ki ɓa ɓumɓɛ ɓɛ yin ɓiì kaakaa rifɔ̀n ɗi mɛsòo;

TIMOTE 6:5

rì nyoey yi yɛ̀ kɛɛ̀ ren ɓi nyìinyìm à ɓumɓɛ mɛ̀yitì maa mɛ ti ɓigɛŋ, ɓɛ̀ kɛɛ̀ yi saaɗ, ɓɛ ki fèki lɛ rìfalɛ̀n ɗi ɓi rìgherɛ̀n ɗi ri kìɓan ki mum à rì lɛ à fɔ̀nfɔ̀n miì.

Kaàtà ànɛ Pol à kàngà TIT 1:11

ɓɛ ghɛɛ̀sɛɛ kì sìmi ɓumɓɛ̀n myɔm. Ɓɛɛ̀ ɓùuɓuùsì ɓɛ̀bimiɗ ɓɛ naa yi ɓum, ɓɛ rerèsì yɔ ɓìɓan ɓi ɓi ghɛɛ̀sɛɛ ɓi, lɛ ɓɛɛ fɔnfɔn mɔ̀ɔ̀ni mɛ ntoòrìɗ.

Kaàtà ànɛ Pol à kàngà TIT 1:7

Lɛ ki ghɛɛ̀sɛɛ lɛ ǹkɛ̀ɛ̀sì-kìseŋi a ɓa kɛ̀ɛ̀ tìcɔrɔɓ fɛlɛ yɛ̀ɛ m̀ɓèŋì ɓyom ɓi Bɛ̀ll; à ghɛ̀ɛ̀sɛɛ ɓi ki ɓaà rì kalɛn kɛ̀ɛ ɓa ŋwaà bim, kɛ̀ɛ ɓa kinɔɔ̀ mɛ̀rɔ̀g, kɛ̀ɛ ɓa ri ɓìgùg, kɛ̀ɛ ɓa ri kìsyɔ̀ɔ̀ ki lɛ a fɔngi mɔ̀ɔ̀ni ɓi kìcòò.

1 PYƐƐRI 2:8

Ɓɛ ti ɓɛ kpilàg miì lɛ ɓɛ ɓengà kì woògh jɛ̀ɛ̀ ì Bɛ̀ll, fɔlɔɔ nnɛ ki ghɛɛ̀sɛ̀ngà kì ɓaà ɓisu waa.

1 PYƐƐRI 5:2

lɛ mɛniina kìtuu ki jɔ̀ɔ̀ ki Bɛ̀ll ki ɓɛ reɓsɛ̀ngà rì mìni; kɛ̀ kɛɛ̀ ɓa yɛ̀ɛ ǹkàŋɗɛ̀n, mɛniina yɔ rì syeesyee à rìkɔ̀n yɛ̀ɛ kɛɛ̀ kɔ̀ngi Bɛ̀ll, kɛ̀ ɓi kì kisay kiǹ rì ǹɗem wulɛ ɓi fɔǹ mɔ̀ɔ̀ni, kììna lɔŋ kɔ rì syeesyee à nɗem.

2 PYƐƐRI 1:16

Lɛ yɛ̀ɛ tì rèsìghà mìni kìɓan ki lɛ Kan wìs Yeesus Kiris à rì ɓiì sugtii yi, à ɓay rì ìtèɗ, tì ɓaàdɛ̀ngà ɓi ɓi mɛ̀kànkàn mɛ ɓum ɓɛ konaagh kì syaàgh, tì rèsìghà lɔŋ mini kìɓan kiǹ ɓisuulɛ ɓìsiìɓɔmiɗ tì ghɛngà rìgwey ɗii fɛlɛ rì mis mìs.

2 PYƐƐRI 2:1

Ɓɛ̀kpaŋzì-ɓìɓan ɓɛ ɓɛpwàà ɓɛ ɓaghà abɛ̀y ɓi kìlɔ̀ŋ, fɔlɔɔ nnɛ ɓɛ̀pwààpwaà ɓɛ ɓɛrèsàg ɓìdɔ̀gsɛna ɓɛ ri ɓiì ɓaà girig ɓi nyìinyìm wìn; ɓɛ ri ɓiì ɗiŋzii yi ɓìɓeɓtàg ɓi dɔgtɛ̀n ɓi ɓi rìɗyaŋ lɛ ɗyɔ̀ɔ̀ŋ, ɓɛ ki roòzɛn masà ànɛ à kwèɗkà ɓɔ, fɔlɔɔ a kì lɛ ɓɔmiɗ ɓɛɛ syoŋ yì cuu ki kɛ̀ kɛɛ̀ lɛ̀mziì ɓi nyoo yàà.

2 PYƐƐRI 2:9

Fɔlɔɔ a rèsii lɛ Kan à yii rìghɛɓsì ɗi ɓumɓɛ ɓɛ falɛɛ ɓi rìgherɛ̀n di ɓɛ ri ɓi mɛ̀fèèghrɛn, à ki ɓoŋzag ɓiɓeɓtàg ɓi ɓum lɛ ɓyɛɛ ɓoŋ yɛ̀ɛ à rì ɓyɔ ɓiì pɔnɔsii ŋwosi ɓɛyɔ̀m ɓii.

ZYUUDƐ 1:11

Nyìighnyìg rì ɓɔ, lɛ ɓɛ nɔɔ̀tìghà ɓìɓɔ̀ɓ ɓi kayin, ɓɛ mɛ kɛ̀n ki tɔlɛɛ ɓi rìnàn ɗi Balam à nàngà lɛ mɔ̀ɔ̀ni; rìkuu ɗi ntoògwey ɗi Koree ɗyɛɛ mɛ kì lɛ ɓɛɛ ɗyaŋ̀.

ZYUUDƐ 1:15

lɛ a yɔm̀ ɓum ɓɛ̀cèm, à ren kìɓan kaa, lɛ di ɓìɓeɓtàg ɓi ɓum ɓìcèm ɓyɛɛ teɗ ǹcɛ̀m ɓisuu ɓiɓeɓtàg ɓi ɓiɓan ɓi ɓɛ kighà, rì ɓi ntoòtèɗ wu ɓɛ resìghà Bɛ̀ll, rì ɓisuu ɓiɓeɓtàg ɓi jɛ̀ɛ̀ ɓi ɓɛ̀kìì-kìɓe ɓɛ ɓɛ̀ kɛɛ̀ risi Bɛ̀ll ɓɛǹ ɓɛ kpaàkpàŋzìghà di ɓɛɛ̀ feefengì nyi.

ZYUUDƐ 1:16

Ɓumɓɛ̀n ɓɛ ri lɔŋ ɓɛ cɔɔ̀cɔ̀ɓɛ̀n rìɓa ɗyaa, ɓɛ̀ kɛɛ̀ wog kirɔɔ, ɓɛ kikì ɓìɓan lɔŋ yɛ̀ɛ mɛ̀rem maa mɛ feègh, ɓɛ kpaakpàà ɓìɓan ri kalɛn, ɓɛ ɗyɛɓsàg ɓumɓɛ ɓɛɛ̀ sìŋsiŋ kirɔɔ kidɛŋ a lɔ̀ŋkaa.

ZYUUDƐ 1:4

Ɓisuulɛ ɓìɓeɓtàg ɓi ɓum ɓidɛŋ ɓi nɗyɔ̀ɔ̀gɛɛ yì ɓi yu kìsɔ̀lɛɛ ɓi nyìinyìm wìn; ɓɛ tum rìlɔ̀ɔ̀lɔ̀gtì ɗi rirèsàg ɗi geesɛ̀n ìnɛ Bɛ̀ll à rì rì yɔ̀ ɓi san wìs lɛ ɓɛɛ kiki ɓìɓan ɓi tifin ɓɛ roòròòzɛ̀n m̀bobog wìs a masà ànɛ à rì lɛ Kan wìs Yeesus Kiris; ǹcɛ̀m à ɓumɓɛ̀n à ɓaghà di à ti ǹkànɛn fiɗyàɓ.

ZYUUDƐ 1:7

Fɔlɔɔ nnɛ bàn yi lɛ rì Sɔdɔm rì Gɔmɔɔr rì bàn yimbog yi yi ɓaghà wɔɔ jàŋbog yi yi falɛ̀ngà girig ɓi cɛɓ ki tisɔ̀mɔ̀g ɓɛ lɔɔ̀lɔ̀gtì fèg ànɛ Bɛ̀ll à ɓaghà rì nyi ɓisuu ɓum, ɓumɓɛ̀n ɓɛ ri kìrèmzɛnà ɓi mɛ̀tɔɓ mɛ ɓɛɛ̀ wowog ɓi ɗuu ɗi fiɗyàɓ fikɔ̀ɔ̀.