2 PYƐƐRI 2:2 - Bafia Nouveau Testament

² Kìgwey ki ɓum ki ri ɓɔ ɓiì nɔ̀ɔ̀tii ɓi kìɓeɓtàg kaa ki cɛɓ, fɔɔnnɛ ɓum ɓɛ ri ɓiì feefengì bee ì saaɗ lɛ rìkì ɗyaa.

2 PYƐƐRI 2:2 Iomraidhean Croise

MATYOO 22:16

Nni ɓɛ romgà ɓum ɓɛdɛŋ ɓɛ ɓi ǹɗaŋ waa rì ɓɛ ɓi ǹɗaŋ wu Eroodɛ, lɛ ɓɛɛ kali Yeesus lɛ: Ǹɗèsàg, tì yii lɔŋ lɛ ù rì ŋwaànɛ a kpaakpaa saaɗ, à ki rèresi ɓum bee inɛ yɛ̀ɛ Bɛ̀ll lɛ tɛntɛ̀ɛ̀n kɛ̀ɛ risi bimiɗ à mum, ɓisuulɛ, ù yin ɓiì seesee riɓa ɗi mum.

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 7:14

Kìɓan kifog ìsuunaa wu a cɛɓ, rì bee inɛ a cɛɓ, ɓi ri lɛ Sɔgsɔ̀ɔ̀g, nni ɓum lɛsàg ɓɛɛ ti ɓɛ tanàg bee inɛ̀n.

MARIKUS 12:14

Nni ɓumɓɛ̀n ɓɛ yughày, ɓɛ kpaa nyi lɛ: Ǹɗèsàg, ti yii lɔŋ lɛ ù rì ŋwaànɛ a kpaakpaa saaɗ, ù ki ti kɔ̀ɔ risi mum, ɓisuulɛ, wɔ̀ɔ̀ yin ɓiì nɔ̀ɔnɔɔ̀tì rìɓa ɗi mum, u rèresi ɓum bee inɛ yɛ̀ɛ Bɛ̀ll yɛ̀ɛ ki ghɛɛ̀sɛɛ. Nni kali ɓìsi ǹkòo ɓìdɔ̀gsɛna ɓis ɓi gherɛɛ lɛ ti peèghi làmpoŋ̀ rì Kaaza; ki ri kàŋbɛn lɛ ti peè gìn ki yin kàŋbɛn?

MARIKUS 13:22

ɓisuulɛ ɓɛ̀-kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì lɛ rì dàm yi ɓiɓan rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

MƐ̀KÌKÌÌ MƐ ƁƐKƐ̀NÌ-FÌTOM 13:10

à kpaa lɛ: Wɔ̀ ŋwaànɛ, ù rì lɛ, wɔ̀ coo ghèghes̀, wɔ̀ ɓèèɓeè, man à Satàn anɛ lɛ wɔ̀, bènàbena à ɓìɓan ɓi saaɗ, ù yin ɓìì rɛɛrɛɛ̀sì rìyoòyògsì ɗi bee yi Kan yi yi ri lɛ saaɗ?

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 16:17

Nni ì tumɛ̀ngà ɓìsi rìnɔ̀ɔ̀nɔ̀ɔ̀tì lɛ, rì ɓìsi rì Pol, di yɛ̀ɛ kpaakpaa jɛ̀ɛ̀ aɗyoo lɛ: Ɓumɓɛ ɓɛ ri ɓɛ̀kìì-ɓìsay ɓɛ Bɛ̀ll ànɛ à teŋmɛɛ à cee, ɓɛɛ̀ kakali mini ɓìɓan ɓi ɓi ri lɛ ɓi fa mìni cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 18:26

Nni Apolos à tumɛ̀ngà rìtòtòg ɓi naà-bɔ̀ŋzɛ̀n kɛ̀ɛ̀ ìris, yɛ̀ɛ Pirisilya rì Akilas ɓɛ wokà ɓìtòkì ɓii, nni ɓɛ tekà nyi, ɓɛ konàg nyi kì tɛɛ̀zaagh bee inɛ yɛ̀ɛ Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 19:9

Nni yɛ̀ɛ ɓɛ̀ro ɓɛdɛŋ ɓɛ ɓaghà mɛ̀rem mɛ̀tèɗkakɛn ɓɛ̀ kɛɛ̀ kɔ̀n lɛ di ɓaa gherɛɛ, ɓɛ ki feefengì bee ì Kan ɓi mɛ̀reè mɛ ɓum, fɔɔnnɛ Pol à pɛ̀sɛ̀ngà ɓi nyìinyìm wàà, à teɗ ɓɛ̀yilàg à kɛ̀n ɗì ɓɔ jàŋ ìdɛŋ, à kuùkùrɛ̀n ɗì ɓɔ ɓɛ̀ŋwos ɓɛ̀cèm ɓi naà-sùkurì ì Tiranus.

MƐ̀KÌKÌÌ MƐ ƁƐKƐ̀NÌ-FÌTOM 22:4

Ǹɗùùɗùùsìghà ɓumɓɛ ɓɛ nɔɔ̀nɔ̀ɔ̀tìghà bee ì Kan, wɛ̀y à kpaŋ yɛ̀ɛ ǹwowòlà ɓɛ̀ro ɓɛdɛŋ, ǹki ɓanɓan lɛ, rì ɓɛ̀yiɓ rì ɓɛ̀baŋì ǹfogì ɓɔ ɓi ɓìsɔŋ, ǹki pìki ɓɔ ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 24:14

Kìɓan ki mɛ̀ ǹ-yii ki ri lɛ, nkìki Bɛ̀ll à ɓɛ̀seŋi ɓis kisay ɓi bee inɛ ɓɔɔ̀ rereŋi lɛ rìgherɛ̀n ɗi nyɔ̀n. Ǹgherɛɛ ɓìɓan ɓìcèm ɓi ɓi ri ɓi kaàtà à ɓìdɔ̀gsɛna ɓis, rì ɓi ɓɛ̀kpaŋzì-ɓìɓan ɓɛ kangà;

RÒMƐŊ 2:24

Ɓisuulɛ ɓìlɔ̀ŋ ɓi zɛy ɓyɛɛ̀ sɛɛsɛɛ̀tì ɗii ɗi Bɛ̀ll lɛ rìkì ɗin, lɔŋ yɛ̀ɛ ki ri kìkànɛn.

TIMOTE 5:14

Rìkɔ̀n ɗyɛm̀ ɗi ri lɛ mɛ̀kpɔɓ mɛ mɛ kaka ɓɔɓti, mɛɛ kɛngi tì mɛ̀wɛy, mɛ yay ɓɔn, mɛ ɓeŋ̀ naa yaa, di fɔɔnnɛ ɓɛ̀ kɛ̀ɛ nɛm bènàbena bee inɛ a totog ɓìsi kìɓe.

Kaàtà ànɛ Pol à kàngà TIT 2:5

ɓɛ ɓa rì ɗyomzɛ̀n, ɓɛ ɓeŋɗɛ̀n ɗì ndèŋì wu ɓidan, ɓɛ ɓa ɓɛ̀yiɓ ɓɛ ɓɛ foŋi ǹɗem rì gìlɛ̀n ìnɛ ɓi naa lɛ syeesyee, ɓɛ rɔɔtàg mɛ̀rem ɓɛ wog ɓɛ̀yii ɓaa, fɔɔnnɛ ɓum ɓaa fen ɓi jɛ̀ɛ̀ ì Bɛ̀ll.

Kaàtà ànɛ Pol à kàngà TIT 2:8

Ɓìtòkì ɓyɔɔ ɓyɛɛ ɓa lɛ sɛɛghi sɛɛghi, kɛ̀ɛ̀ com ki ɓɛ fen miì, lɛ di ɓɛ̀bènàbena ɓis ɓɛɛ wog ǹtoòrìɗ, ɓɛ rɔɓ kɛ̀ɛ̀ kìɓan ki ɓeɓtɛn ki ɓɛ fen a lɔ̀ŋkis.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

2 PYƐƐRI 2:12

Kìɓan kifog, ɓɛ ri lɔŋ yɛ̀ɛ nyàm yi yi yin ɗi ɗyomzɛ̀n, yɛɛ kilɛ̀ngà lɛ ɓɛɛ ɓaǹɓan di ɓɛɛ̀ wewèy, fɔɔnnɛ ɓɛ ti ɓɛ sɛmgì com ki ɓɛ yii ɓi, ɓɛ ri lɔŋ ɓiì cuù lɛ rìɓa ɗyaa ɗi ɓɛ ri ɓìɗyoŋi.

2 PYƐƐRI 2:15

Yɛ̀ɛ ɓɛ caɗkà bee ì syeesyee ɓɛ kɛǹ kì pasɛɛ ɓi bee i Balam à man à Beɔr ànɛ à keesìghà rìfɔ̀n ɗi mɔ̀ɔ̀ni ɓi bee ì kìtɛ̀ŋtɛ̀ŋ,

2 PYƐƐRI 2:18

Ɓɛ ti ɓɛ kalàg ɓìɓan ɓi ɓidaŋà ɓi ɓi ri kɛ̀ɛ̀ ìsu, ɓɛ ɓaàdɛ̀n ɓi zày ì ɓìɓan ɓi tifin ɓi ɓi mɛ̀mùù lɛ ɓɛɛ yegsi ɓumɓɛ ɓɛ mɛɛ̀ sɔtɛ̀n yi ɓi nyìinyìm à ɓumɓɛ ɓɛɛ̀ ghɛghɛɓ ɓi rìɗim ɓi ɗùm;

2 PYƐƐRI 2:21

Lɛ ki ɓaghà lɛ ki ɓa tì rì ziŋ ɓi san wàà lɛ ɓɛ̀ kɛɛ̀ yi bee ì saaɗ, à cee lɛ i ɓaa yi yɔ̀, ɓɛɛ lɔɔgh tì jɛ̀m rì kìdɔ̀gsɛna ki tɛnɛn ki ɓɛ faghà ɓɔ.

2 PYƐƐRI 2:7

kìɓan kifog à ghɛɓsìghà Lɔt ànɛ à ɓaghà ŋwaà saaɗ, ànɛ cɛɓ ki tifin ki ɓɛwolì-ɓum ɓɛ a Sɔdɔm rì Gɔmɔɔr ɓɛǹ, ɓɛ wowɔlà rì ǹɗemi-kɛŋɛn

ZYUUDƐ 1:10

Wɔ̀lɛ ɓumɓɛ̀n ɓɛ feèfèngì com ki ɓɛ yii ɓi, ki ɓɔɔ̀ fèki lɛ ɓɛ yii, ɓi fèg wàà anɛ à rì yɛ̀ɛ fèg à nyàm ìnɛ ì rì kɛ̀ɛ ɗyomzɛ̀n, kɛɛ ki ti, ki pikì ɓɔ ɓi rìɗyaŋ.

ZYUUDƐ 1:15

lɛ a yɔm̀ ɓum ɓɛ̀cèm, à ren kìɓan kaa, lɛ di ɓìɓeɓtàg ɓi ɓum ɓìcèm ɓyɛɛ teɗ ǹcɛ̀m ɓisuu ɓiɓeɓtàg ɓi ɓiɓan ɓi ɓɛ kighà, rì ɓi ntoòtèɗ wu ɓɛ resìghà Bɛ̀ll, rì ɓisuu ɓiɓeɓtàg ɓi jɛ̀ɛ̀ ɓi ɓɛ̀kìì-kìɓe ɓɛ ɓɛ̀ kɛɛ̀ risi Bɛ̀ll ɓɛǹ ɓɛ kpaàkpàŋzìghà di ɓɛɛ̀ feefengì nyi.

ZYUUDƐ 1:4

Ɓisuulɛ ɓìɓeɓtàg ɓi ɓum ɓidɛŋ ɓi nɗyɔ̀ɔ̀gɛɛ yì ɓi yu kìsɔ̀lɛɛ ɓi nyìinyìm wìn; ɓɛ tum rìlɔ̀ɔ̀lɔ̀gtì ɗi rirèsàg ɗi geesɛ̀n ìnɛ Bɛ̀ll à rì rì yɔ̀ ɓi san wìs lɛ ɓɛɛ kiki ɓìɓan ɓi tifin ɓɛ roòròòzɛ̀n m̀bobog wìs a masà ànɛ à rì lɛ Kan wìs Yeesus Kiris; ǹcɛ̀m à ɓumɓɛ̀n à ɓaghà di à ti ǹkànɛn fiɗyàɓ.

ZYUUDƐ 1:7

Fɔlɔɔ nnɛ bàn yi lɛ rì Sɔdɔm rì Gɔmɔɔr rì bàn yimbog yi yi ɓaghà wɔɔ jàŋbog yi yi falɛ̀ngà girig ɓi cɛɓ ki tisɔ̀mɔ̀g ɓɛ lɔɔ̀lɔ̀gtì fèg ànɛ Bɛ̀ll à ɓaghà rì nyi ɓisuu ɓum, ɓumɓɛ̀n ɓɛ ri kìrèmzɛnà ɓi mɛ̀tɔɓ mɛ ɓɛɛ̀ wowog ɓi ɗuu ɗi fiɗyàɓ fikɔ̀ɔ̀.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 13:8

Ɓum ɓɛ̀cèm ɓɛ ɓi ziinɛ, ɓɛ mii maa mɛ ka ɓaghà ɓi mɛ kànɛn ɓi kaàtà à cɛɓ à Man à jɔ̀ɔ̀ ànɛ ɓɛ wolà, à tumɛ̀n a rìyàghɛ̀n ɗi zi, ɓɛ ɓaagh gɛ mɛ̀ɗu ɓi zi ɓɛ ɓɔgsì nyàm ìnɛn.