2 PYƐƐRI 2:12 - Bafia Nouveau Testament

¹² Kìɓan kifog, ɓɛ ri lɔŋ yɛ̀ɛ nyàm yi yi yin ɗi ɗyomzɛ̀n, yɛɛ kilɛ̀ngà lɛ ɓɛɛ ɓaǹɓan di ɓɛɛ̀ wewèy, fɔɔnnɛ ɓɛ ti ɓɛ sɛmgì com ki ɓɛ yii ɓi, ɓɛ ri lɔŋ ɓiì cuù lɛ rìɓa ɗyaa ɗi ɓɛ ri ɓìɗyoŋi.

2 PYƐƐRI 2:12 Iomraidhean Croise

MARIKUS 7:22

rì tìsɔ̀mɔ̀g, rì kìsee ki ikum, rì kìɓeɓtàg ki ǹɗem, rì mɛ̀ghèy, rì kìɓùùsì, rì m̀mììghrɛ̀n, rì tìfena rì kalɛn, rì kìyèg ki ɗyomzɛ̀n ɓi ti ɓi ɓalàg yì.

ZYAŊ 8:21

Yeesus à kpaatìghà ɓɔ lɛ: Mɛ̀ɛ nkɛ̀nkɛ̀n, ɓì rì mɛ̀ ɓiì kaà, ɓì ki wu ɓi kìɓe kin ɓiɗùm. Ɓì yin lɛ ɓì kpaŋ jàŋ inɛ ǹkɛ̀ɛ.

GÀLAT 6:8

Ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ kɔ̀ngi mɛmùù, ɓìɓan ɓiǹ ɓi ki lɛ a ɓumi rìwu; wɔ̀lɛ ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ̀ kɔ̀ngi Nghay, Nghay à kì lɛ a ɓumi cɛɓ ki fiɗyàɓ fikɔ̀ɔ̀.

KÒLÒSYƐŊ 2:22

Ɓìcèlì ɓiǹ ɓìcèm ɓi koŋkomi ɓyom ɓi ɓi ti ɓi ɗyogì di ɓɛ kii kìsay miì gɛ̀mbog; ɓìɓan ɓiǹ ɓi ri lɔŋ ɓidɔ̀gsɛna rì mɛ̀rèsàg mɛ ɓum ɓɛɛ foŋi.

2 PYƐƐRI 1:4

Fɔlɔɔ nnɛ à faghà ɓìsi ɓyoo ɓisyeesyee rì gìn yi mɛkàg lɛ, i ɓì teri ɓyom ɓi à kàkà, ɓì ɓa rì ìtèɗ wulɛ ɓi ghɛŋi ɓìɓeɓtàg ɓi ɓiɓan ɓi ɓyɛɛ̀ yooyogsì ɓum ɓyɛɛ ri ɓìcakɛn ɗi ziinɛ, ɓi yu kì terì gàɓ ɓi rìɓa ɗii ɗi à rì Bɛ̀ll.

2 PYƐƐRI 2:19

ɓɛ kakàg ɓɔ cɛɓ ki rikan, kɔm̀ lɛ ɓɔmiɗ ɓɛ ri ɓɛ̀kpàn ɓɛ ɓiɓe ɓi ɓyɛɛ̀ titini ɓɔ ɓi rìɗyaŋ ɓisuulɛ mum bimiɗ à rì ǹkpàn a com kìcèm ki ki lamii nyi.

ZYUUDƐ 1:10

Wɔ̀lɛ ɓumɓɛ̀n ɓɛ feèfèngì com ki ɓɛ yii ɓi, ki ɓɔɔ̀ fèki lɛ ɓɛ yii, ɓi fèg wàà anɛ à rì yɛ̀ɛ fèg à nyàm ìnɛ ì rì kɛ̀ɛ ɗyomzɛ̀n, kɛɛ ki ti, ki pikì ɓɔ ɓi rìɗyaŋ.