2 PYƐƐRI 2:1 - Bafia Nouveau Testament

¹ Ɓɛ̀kpaŋzì-ɓìɓan ɓɛ ɓɛpwàà ɓɛ ɓaghà abɛ̀y ɓi kìlɔ̀ŋ, fɔlɔɔ nnɛ ɓɛ̀pwààpwaà ɓɛ ɓɛrèsàg ɓìdɔ̀gsɛna ɓɛ ri ɓiì ɓaà girig ɓi nyìinyìm wìn; ɓɛ ri ɓiì ɗiŋzii yi ɓìɓeɓtàg ɓi dɔgtɛ̀n ɓi ɓi rìɗyaŋ lɛ ɗyɔ̀ɔ̀ŋ, ɓɛ ki roòzɛn masà ànɛ à kwèɗkà ɓɔ, fɔlɔɔ a kì lɛ ɓɔmiɗ ɓɛɛ syoŋ yì cuu ki kɛ̀ kɛɛ̀ lɛ̀mziì ɓi nyoo yàà.

2 PYƐƐRI 2:1 Iomraidhean Croise

MATYOO 10:33

Kìɓan kifog ì ŋwaà roòzɛɛ mɛ̀ ɓi gwìy ì ɓum, mɛ̀ ǹɗoòzɛɛ gɛ girig nyi ɓi mis mɛ Tààta wɛ̀m ànɛ à rì aɗyòò

MATYOO 24:11

Ɓɛ̀pwààpwaà ɓɛ ɓɛkpaŋzì-ɓìɓan ɓɛ ri ɓiì yùu lɛɛgwey, ɓɛ syoŋ ɓum kìtuu.

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 24:5

Ɓisuulɛ ɓum lɛɛ̀gwey ɓɛ ɓiì yùu ri ɗii ɗyɛ̀m, ɓɛ kpaakpàà lɛ: Mɛ̀ yɛɛ ri Kiris; fɔɔnnɛ ɓɛ ri ɓiì syoŋi ɓum lɛɛ̀gwey.

MATYOO 7:15

Konaaghna rì ɓɛ̀kpaŋzì-ɓìɓan ɓɛ ɓɛ ri ɓɛ̀pwààpwaà; ɓɛ ti ɓɛ yulàg mìni a nyoo ɓɛ̀pàmɓɛn gòò ì jɔ̀ɔ̀, wɔ̀lɛ wɔɔ ɓiɗùm, ɓɛ ɓa ɓìmonɗo ɓi ɓaaɓanɛ̀n.

MARIKUS 13:22

ɓisuulɛ ɓɛ̀-kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì lɛ rì dàm yi ɓiɓan rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

LUKAS 12:9

Wɔ̀lɛ ŋwaànɛ à rì mɛ̀ ɓiì roòzɛɛ ɓi mis mɛ ɓum, Man à mum à roòzɛɛ gɛ girig nyi ɓi mis mɛ ɓum ɓɛ titom ɓɛ Bɛ̀ll.

LUKAS 21:8

Yeesus à ɓàg lɛ: Ɓì konàg lɛ mum kɛ̀ɛ yègsi mini, ɓisuulɛ ɓum lɛɛ̀gwey ɓɛ ɓiì yùyuu ri ɗii ɗyɛ̀m, rì ànɛn miì à kpaa lɛ: Mɛ̀ yɛɛ ri Kiris, rì tì lɛ cààmɛ̀n ki ti jàŋbog; kɛ̀ ɓi nɔ̀ɔ̀ti ɓɔ.

LUKAS 6:26

Nyìighnyìg rì mìni, di ɓum ɓɛ̀cèm ɓɛɛ̀ sɛsɛg mini, lɛ fɔlɔɔ nnɛ ɓɛ̀seŋi ɓaa ɓɛ ɓɛsɛ̀ɛ̀mɛn ɓɛ sɛsɛ̀kà ɓɛ̀pwààpwaà ɓɛ ɓɛkpaŋzì-ɓìɓan.

RÒMƐŊ 16:18

Ɓisuulɛ àa kìsay ki Kiris ànɛ à rì Kan wìs kɛɛ̀ki ɓɛɛ̀ kìkì, ɓɛɛ̀ sasay lɔŋ ɓisuu mùm maa, fɔɔnnɛ ɓɛ ti ɓɛ yegsàg ɓumɓɛ mɛ̀rem maa mɛ ka yin ɗi ɗyomzɛ̀n ɓi kìɓan ki kiɓe, rì ɓìsyeesyee ɓi jɛ̀ɛ̀, rì fìɗyɛɓi.

1 KƆ̀RƐ̀ŊTYƐŊ 11:19

Ki ghɛɛ̀sɛɛ kɔmiɗ lɛ mɛ̀lànag mɛɛ ɓa ɓi nyìinyìm wìn, lɛ di ɓumɓɛ ɓi nɗaŋ win ɓɛ ɓɛ ri ɓɛ̀ sììrɛn ɓɛɛ yilɛn.

1 KƆ̀RƐ̀ŊTYƐŊ 6:20

Ɓisuulɛ ɓɛ kweɗkà mìni dùne ǹkɛŋɛn yɛ̀ɛ mɛ̀nɔ̀ɓɔ̀; fɔɔnnɛ ɓì ghɛ̀ɛ̀sɛɛ kì kemzii Bɛ̀ll lɛ rì nyoo yin, rì ǹghay win lɛ ɓi ri ɓyom ɓi Bɛ̀ll.

1 KƆ̀RƐ̀ŊTYƐŊ 7:23

Dùne ì gòri yìn ì rì ǹkɛŋɛn fɔɔnnɛ ɓì ghɛ̀ɛ̀sɛɛ ɓi ki ɓaà ɓɛ̀kpàn ɓɛ ɓum.

GÀLAT 2:4

Ki ɓaghà lɛ ki kilɛ̀n fɔlɔɔ lɛ, ɓɛ̀geni ɓis ɓɛdɛŋ ɓɛ ɓɛ ɓaghà tyoo tiɓɛɛ̀, ɓɛɛ ɗiŋìghà ɓi nɗaŋ wis lɛ ɗyɔ̀ɔ̀ŋ, ɓɛ yuiy lɛ ɓɛɛ ghɛǹ rìɓa ɗi tì rì ɓɛ̀kan ɓi Yeesus Kiris ɓi ɗùm ɓɛ ki ɓa ri rìkɔ̀n ɗi lɛ ɓɛɛ ghaàsi ɓìsi ɓɛ̀kpàn.

GÀLAT 3:13

Kiris à kwèɗkà ɓìsi ɓi ncɛ̀m à ɓìdɔ̀gsɛna, lɛ à ghalà mum à ǹcɛ̀m ɓisu wis, - lɛ ki ri kì kànɛn lɛ: Mum ǹcèm ànɛ ɓɛ surii ɓi mɓàg à ti ǹcɛ̀mɛn.

GÀLAT 4:17

Rìɗiŋmɛ̀n ɗi ɓum ɓɛɛ̀ ɗiighɗiŋmɛ̀n mìni ɗìn ɗi rɔɔtɛɛ ɓi; lɛ ɓɛɛ̀ kɔ̀nkɔn lɛ ɓɛɛ ghasi mìni rì mɛ̀; di ɓi rarɛn ɗì ɓɔ.

GÀLAT 5:20

rìɓɔgsì ɗi ɓinùn, majìg, bènà, momɓɛ̀n, m̀mììghrɛ̀n, rìbiìbìmɓɛ̀n, tìkaŋ ti mɛkɔ̀ɔ̀, ǹlànag rì ǹɗèè wu nɗem.

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

FÌLÌPYƐŊ 3:19

Rìsyɔn ɗyaa ɗi ri lɛ, ɓɛ ri ɓiì ɗyaŋì; ɗùm ɗyaa ɗyɛɛ rì ɓɔ bɛ̀ll yàà, com ki kɛɛ̀ sòosoòtì ɓɔ kɛɛ̀ki ɓɛ foŋi rìkem ɗyaa miì; lɔŋ ɓìɓan ɓi ɓi ziinɛ ɓyɛɛ̀ɓi ɓɔɔ̀ fèfèg.

KÒLÒSYƐŊ 2:18

Kɛ̀ ɓi càrɛn lɛ mɛ̀lèɓ mɛ ɓi mɛ̀ree mɛ ɓi ghɛghɛŋì ŋwaàdɛŋ a ɓatɛn mìni mɔ yɛ̀ɛ ki kɔni nyi, rì ìghèy lɛ à rì ǹsɛɛ̀dɛn nyimiɗ ɓi zi, rì tì lɛ, a ɓɔɔɓɔgsì ɓum ɓɛ titom; rìkuu ɗi mum ɗìn ɗi ti ɗi ɓiisàg kì kuughraagh ɓiɓan ɓi ɗi ghɛɛ fɛlɛ yɛ̀ɛ ɓìdɛ̀ndɛm̀; ɗi ki ɓalag ɗi ronɛn ɗi ɓìdaŋà ɓi kɛ̀ɛ̀-su, ɓi ɓɔɔ mɛyitì ɓii ɓɛ à rì rì ɓɔ, ɓi rìɓa ɗii ɗi lɛ mum.

KÒLÒSYƐŊ 2:8

Ɓì konàg lɛ ŋwaàdɛŋ kɛ̀ɛ wɔɔsi mini ɓi fìram fi ɗyomzɛ̀n rì ǹ-yègsɛ̀n à zɛy, ɓyɛɛ ri ɓìtoŋɛn ɓi ɓìsyɔ̀ɔ̀ ɓi ɓum, rì mɛ̀tèɗ mɛ mɛghay mɛ ɓi ziinɛ, ɓyɛ̀ kɛɛ̀ ɓa ɓitoŋɛn ɓi Kiris.

TIMOTE 5:8

I mum à yii ɓi rìɓèŋ ɗi ɓum ɓii, à ɓiisɛ̀n rìmɛɛ ɗii, di à roòzɛɛ rìgherɛ̀n; rìkuu ɗi mum ɗi fɔlɔɔ ɗi ɓeɓtɛɛ ɗi cee ŋwaànɛ à yin ngherɛ̀n.

2 TIMOTE 4:3

Lɛ cààmɛ̀n kidɛŋ ki ri ɓiì ɓaà ki ɓum ɓaa cenɛnti ɓi riwowòg ɗi syeesyee à dɔgtɛ̀n, ɓɛ ri nɔ̀ɔnɔɔ̀tì lɔŋ ɓiɓan ɓi mɛ̀rem maa mɛɛ̀ kɔ̀nkɔ̀n, ɓɛ taŋzàg ǹkun wu ɓɛrèsàg, ɓɛ ɓɛɛ kpaakpaa ɓɔ ɓìɓan ɓi ɓyɛɛ̀ rɔɔrɔɔ ɓɔ rìwowòg;

Kaàtà ànɛ Pol à kàngà TIT 1:11

ɓɛ ghɛɛ̀sɛɛ kì sìmi ɓumɓɛ̀n myɔm. Ɓɛɛ̀ ɓùuɓuùsì ɓɛ̀bimiɗ ɓɛ naa yi ɓum, ɓɛ rerèsì yɔ ɓìɓan ɓi ɓi ghɛɛ̀sɛɛ ɓi, lɛ ɓɛɛ fɔnfɔn mɔ̀ɔ̀ni mɛ ntoòrìɗ.

Kaàtà ànɛ Pol à kàngà TIT 3:10

I ŋwaàdɛŋ à yùu rì kìɓùùsì ki lɛ gasɛ̀n yɛ̀ɛ kpi ɓi nyìinyìm à ɓɛ̀gherɛ̀n, rɔ̀gsɛn nyi gɛ̀n yiɓɛɛ̀, ajɛ̀m ìnɛn, foŋa nyi ɓi nwɔŋì.

EBIREEGH 10:29

Ɓì rì lɛ ɓì fèg lɛ rìkuu ɗi ntɔɓ aɗi ɗyɛɛ ghɛɛ̀sɛɛ rì ŋwaànɛ à kìi lɛ à sɛɛtì Man à Bɛ̀ll, à ghɛn bwaɓ yi riràrɛ̀n ɗi lɛ rì Bɛ̀ll rì ɓum, yi yi kii lɛ a ɓa ǹtɛnɛn, yɛ̀ɛ zɛy rì zɛy à com, à ki fen Nghay à geesɛ̀n.

1 PYƐƐRI 1:8

Nyi ànɛ ɓì kesii nsoò yɛ̀ɛ ɓì ka ghɛngà ɓi nyi; ɓi ki gherɛɛ nyi kɔlɛ ɓì ghɛɛ ɓi nyi ɓigominɛ kìɓan kiǹ kɛɛ̀ki ɓi sànsam ri coo kinyàà ki keŋkemɛn ki mum à yin lɛ à yi rìkpaa,

2 PYƐƐRI 2:3

Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

1 ZYAŊ 2:26

Ǹkàni mìni fɔlɔɔ, ɓisuu ɓumɓɛ ɓɛɛ̀ kɔ̀ngi lɛ, ɓɛɛ yegsi mìni.

1 ZYAŊ 4:1

Mìni ɓum ɓɛm ɓɛ nɗem, kɛ̀ ɓi siighrag ɓi mum ǹcèm ànɛ à kpaa lɛ, à rì rì Nghay à Bɛ̀ll; fèèghraaghna mɛ̀kuu mɛ ɓum mɛ̀n, lɛ ɓi yi ǹkòo ǹghay wu ɓɛ ri rì wɔ, wu ri wu Bɛ̀ll ɓisuulɛ ɓɛ̀pwààpwaà ɓɛ ɓɛkpaŋzì-ɓìɓan ɓɛ ti ɓi ziinɛ lɛɛ̀gwey.

ZYUUDƐ 1:18

Ɓɛ kpaaghà mìni lɛ: Ɓi mɛ̀ru mɛ siitòn, ɓum ɓɛdɛŋ ɓɛ ɓaa gɛ, ɓɛ wɔwɛ̀y mìni, ɓɛ ki ghɛghɛɓ ɓi kìɓe lɔŋ yɛ̀ɛ ǹɗem waa wɛɛ̀ kɔ̀nkɔ̀n.

ZYUUDƐ 1:4

Ɓisuulɛ ɓìɓeɓtàg ɓi ɓum ɓidɛŋ ɓi nɗyɔ̀ɔ̀gɛɛ yì ɓi yu kìsɔ̀lɛɛ ɓi nyìinyìm wìn; ɓɛ tum rìlɔ̀ɔ̀lɔ̀gtì ɗi rirèsàg ɗi geesɛ̀n ìnɛ Bɛ̀ll à rì rì yɔ̀ ɓi san wìs lɛ ɓɛɛ kiki ɓìɓan ɓi tifin ɓɛ roòròòzɛ̀n m̀bobog wìs a masà ànɛ à rì lɛ Kan wìs Yeesus Kiris; ǹcɛ̀m à ɓumɓɛ̀n à ɓaghà di à ti ǹkànɛn fiɗyàɓ.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.

ÀPÒKÀLIƁSƐ̀ 2:9

Ǹ-yii ǹtɔɓ wu ɓɛɛ̀ kìki wɔ, rì kìsowà kɔɔ, kɔm̀ lɛ ù rì rì ìkum; ǹ-yii lɛ ɓumɓɛ ɓɛɛ̀ reereŋɗɛ̀n lɛ ɓɛ ri Ɓɛ̀yudɛ̀n ɓɛ̀ kɛɛ̀ ki ɓa Ɓɛ̀yudɛ̀n, ɓɛɛ yooyogsì wɔ̀ ɗii; ɓɛ ri lɔŋ ntaŋzɛn wu Satàn.

ÀPÒKÀLIƁSƐ̀ 3:8

Ǹ-yii mɛ̀kìkìì mɔɔ. Ghɛna, mɛ̀ yɛɛ foŋi ìsuunaa wu wu ri kìkpaŋ asu wɔɔ, wɛɛ̀wu ŋwaàdɛŋ à yin lɛ à sìm ɓisuulɛ ù ɓiisɛɛ ɓi ki ɓaà rì ìtèɗ, kɔm̀ lɛ ù ɓègà jɛ̀ɛ̀ yɛ̀m kɔ̀ɔ ki roòzɛn mɛ.

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.

ÀPÒKÀLIƁSƐ̀ 6:10

Ɓɛ nyàmgà jɛ̀ɛ̀ aɗyoo lɛ: Wɔ̀ Kan ànɛ ù rì ǹtɛnɛn, ù ki ɓa kɔɔ̀kɔɔ̀ à Bɛ̀ll, ù rì ɓiì ɓooɓoŋ̀zì ɓɛ̀yɔ̀m, ɗì rìrɔ̀ŋ ɗi bwaɓ yis yi ɓumɓɛ ɓi ziinɛ ɓɛ yogsìghà à kpaŋ fin?