2 PYƐƐRI 1:5 - Bafia Nouveau Testament

⁵ Ɓisu wìn miì nnɛ ɓì ghɛɛ̀sɛɛ kì foŋì ìtèɗ win wucèm lɛ, ɓi ɓɔɓtɛn syeesyee à kìsyɔ̀ɔ̀ ɓi rìgherɛ̀n ɗin, ɓì ɓɔ̀ɓtɛ̀n rìyi ɓi syeesyee à kìsyɔ̀ɔ̀,

2 PYƐƐRI 1:5 Iomraidhean Croise

LUKAS 16:26

Ɓi kiŋcèm, coo bɛŋ ì rì ɓi nyìinyìm ànɛ lɛ, rì ɓìsi rì mìni, lɛ di ɓumɓɛ fɛ a lɔ̀ŋkis ɓɛ ɓɛ kɔni lɛ ɓɛɛ yu foo, nsoò ɓɛ foo a lɔ̀ŋkin ɓɛ ɓɛ kɔni lɛ ɓɛɛ yu fɛ a lɔ̀ŋkis, ɓɛ̀ kɛɛ̀ ɓa ri bee inɛ ɓɛɛ syaayì.

LUKAS 24:21

Ɓìsii nti rì dyàɓɛn lɛ, nnyɛɛ ɓiì ghɛɓsii Isirayɛl; nni rì gɛ ɓìɓan anɛ̀n bimiɗ, ɓɛ̀ŋwos ɓɛɛ ti lɛ ɓɛraa yɛ̀ɛ kìɓan kiǹ ki nkìlɛɛ.

ZYAŊ 6:27

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

1 KƆ̀RƐ̀ŊTYƐŊ 14:20

Ɓɔɔsoŋ̀, kɛ̀ ɓi ɓa yɛ̀ɛ ɓɔɓti ɓi rìfifìɓì ɗi ɓiɓan, wɔ̀lɛ ɓi kìɓe nnɛ ɓì ghɛ̀ɛ̀sɛɛ kì ɓaà yɛ̀ɛ ɓɔɓti; ɓì rìfifìɓì ɗi ɓiɓan, ɓì ɓa ɓɛ̀sɛ̀ɛ̀mɛn.

EFÈZYƐŊ 5:17

Kìɓan kiǹ kɛɛ̀ki ɓì ghɛ̀ɛ̀sɛɛ ɓi ki ɓaà ɓìdùŋdùŋ ɓi ɓum, ɓì ghɛ̀ɛ̀sɛɛ lɛ ɓi yi cɛ kɛɛ̀ki Kan a kɔ̀nkɔ̀n.

FÌLÌPYƐŊ 1:9

Com ki mɛ̀ɛ ntɔtɔg Bɛ̀ll ɓi bɔ̀ŋzɛ̀n yɛm̀ ki ri lɛ, ǹkɔ̀nɛ̀n wìn a kɛn asu à tɔɔtɔ̀ɔ̀, ɓi rìyi ɗi ɓiɓan, rì ɓi syeesyee à rìwog,

FÌLÌPYƐŊ 2:12

Fɔlɔɔ nnɛ, mìni ɓum ɓɛm ɓɛ nɗem ɓɛ ɓyàa kìkì mɛ̀ mɛ̀wog, mɛ̀wog min mɛ̀ kɛɛ̀ sugtɛn lɔŋ lɛ cààmɛ̀n ki ǹɗì mìni jàŋbog, wɔ̀lɛ mɛ ghɛɛ̀sɛɛ kì ghɛnɛɛ ti à cee fɔlɔɔ, cààmɛ̀n ki ǹɗì mìni ki fìràɓ. Salina ɓisuu gòri yìn, rì coo bɔgsɛ̀n lɛɛ̀gwey.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

KÒLÒSYƐŊ 1:9

Kìɓan kiǹ kɛɛ̀ki ɓìsi girig, à tumɛ̀n ŋwos anɛ tì wokà fɔlɔɔ, tì fɔli ɓi riɓɔ̀ŋzì ɗi Bɛ̀ll ɓisu win, tì tɔtɔ̀g lɛ, a roòzi mìni rì rìyi ɗi ɓiɓan ɓi ɓyɛɛ̀ kɔ̀ngi nyi, à fa mìni ɗyomzɛ̀n ɗìcèm, rì syeesyee à rìwog ànɛ ɓi Nghay wìì.

KÒLÒSYƐŊ 2:3

Ɓi Kiris ànɛ̀n nnɛ ìkum wu ɗyomzɛ̀n wùcèm rì wu riyi ɗi ɓiɓan wu ri wù nyamɛn.

EBIREEGH 11:6

Wɔ̀lɛ i mum àrì kɛ̀ɛ̀ rìgherɛ̀n, à yin lɛ à rɔɔ Bɛ̀ll; ŋwaànɛ à tyɛ̀ɛ̀tɛɛ Bɛ̀ll jàŋbog, à ghɛ̀ɛ̀sɛɛ kì gherɛɛ lɛ Bɛ̀ll à rì wɔɔ, à ki gherɛn ti lɛ Bɛ̀ll à ti à lèɓkì ɓumɓɛ ɓɛ ti ɓɛ kaaghì nyi.

EBIREEGH 12:15

Ɓì konàg lɛ ŋwaàdɛŋ kɛ̀ɛ ɓa lɛ à rèèghrɛ̀n geesɛ̀n ì Bɛ̀ll, nsoò lɛ gàŋ i ǹlòlolɛn yɛ̀ kɛɛ̀ ròò ǹɗuŋ, lɛ yɛ̀ɛ ɓuùsi jàŋ, ì ki yeesi ɓum lɛɛ̀gwey ri ìrɔ̀g wu yɔ̀.

EBIREEGH 6:11

Ti kɔ̀nkɔn lɛ mum ǹcèm ànɛ ɓi mìni a ɓa rì rìkuu ɗi rifalɛ̀n ɗiǹ à kpaŋ a rìsugtɛ̀n, fɔɔnnɛ ɓìɓan ɓi ɓi ɓoŋɓòŋ ɓi ri ɓiì kìlɛɛ lɛ syeesyee,

1 PYƐƐRI 3:7

Fɔlɔɔ nnɛ mìni ɓɛ̀baŋì, ɓì ghɛɛ̀sɛɛ girig lɛ mum bimiɗ a ghɛɓ rì giɓ wiì, à yi lɛ ɓɛ̀yiɓ ɓɛ ri ɓumɓɛ ɓɛ yin ɗi ìtèɗ yɛ̀ɛ ɓɛ̀baŋì; terina ɓɔ rì nyaasɛ̀n lɛ ɓɛ ghɛɛ̀sɛɛ girig kìterì mààgh à cɛɓ bas ɗì mìni, di fɔlɔɔ nnɛ com kidɛŋ kɛ̀ kɛɛ̀ gheŋɗɛn ɓi bɔ̀ŋzɛ̀n yìn.

2 PYƐƐRI 1:10

Kìɓan kiǹ kɛɛ̀ki mìni ɓɛ̀geni ɓɛ̀m, ɓì ghɛ̀ɛ̀sɛɛ kì tèèsii nyoo lɛ ɓi siìrag ǹɗeèghreŋi win ɗi rìɓɔ̀n ɗi Bɛ̀ll à ɓɔ̀ngà mìni; i ɓì kìi fɔlɔɔ, ɓyàa kpì ɓi ɓi kìɓe.

2 PYƐƐRI 1:11

Fɔlɔɔ anɛ̀n nnɛ rìɗiŋì ɗin ɗi ɓi kìlɔ̀ŋ ki fiɗyàɓ fikɔ̀ɔ̀, ki Kan wìs rì ǹghɛɓsì wìs Yeesus Kiris, ɗi ri ɓiì ɓaà kɛ̀ɛ̀ maa ntɔɓ nsoò lɛsàg.

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.