2 PYƐƐRI 1:16 - Bafia Nouveau Testament

¹⁶ Lɛ yɛ̀ɛ tì rèsìghà mìni kìɓan ki lɛ Kan wìs Yeesus Kiris à rì ɓiì sugtii yi, à ɓay rì ìtèɗ, tì ɓaàdɛ̀ngà ɓi ɓi mɛ̀kànkàn mɛ ɓum ɓɛ konaagh kì syaàgh, tì rèsìghà lɔŋ mini kìɓan kiǹ ɓisuulɛ ɓìsiìɓɔmiɗ tì ghɛngà rìgwey ɗii fɛlɛ rì mis mìs.

2 PYƐƐRI 1:16 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 16:28

Ǹkalii mìni ɓi saaɗ lɛ, ɓum ɓɛdɛŋ ɓi ɓumɓɛ ɓɛ ri fɛ, ɓaa cuu ɓi, di ɓɛ ka ghɛn ɓi yɛ̀ɛ Man à mum a yùyuiy ɓi rìlàmì ɗii.

MATYOO 17:1

Ajɛ̀m ì mɛ̀ru taàfog, Yeesus à tekà lɛ rì Pyɛɛri, rì Zyaag rì Zyaaŋ à geni à kɛ̀n ɗì ɓɔ kìpàs ɓi coo dòn aɗyòò.

MATYOO 24:27

Ɓisuulɛ, rìyù ɗi Man à mum ɗi ri ɓa yɛ̀ɛ ŋwaàŋwàɗ ànɛ à ti lɛ, i à ŋwàriì a rìpɛ̀sàg ɗi ŋwos, kìtɛɛtɛn kii ki kpaŋ a rìnɔ̀ŋɗàg ɗì ŋwos.

MATYOO 24:3

Nni à kɔ̀rìghà ɓi dòn ì ɓɛ̀òlìvyee, ɓɛ̀yilàg ɓii ɓɛ yu nyi kìtɔɔ̀gh a dwìɗ lɛ: Kali ɓìsi fin innɛ kìɓan kiǹ ki ɓiì kìlɛɛ, ù ki fa ɓisi kìrèmzɛnà ki ɓi rìsugtìì ɗyɔɔ, rì rìlèg ɗi zi.

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

MARIKUS 13:26

Fɔɔnnɛ ɓum ɓɛ ghɛɛ gɛ ɗi Man à mum à rìì ɓi ɓìkwìɗ rì coo itèɗ, rì rìgwey.

MARIKUS 14:62

Yeesus à ɓàg nyi lɛ: Ǹɗì Kiris, ɓì ki rì ɓiì ghɛɛ Man à mum di à kɔ̀kɔrii ɓi weèlem à Bɛ̀ll ànɛ àrì rì ìtèɗ wucèm, à ki yùyuiy ɓi ɓìkwìɗ ɓi aɗyòò.

LUKAS 1:2

ɓɛ ki kangà ɓyɔ lɔŋ yɛ̀ɛ ɓɛ̀wusìnɛ̀ɗ ɓɛ ɓɛ ghɛngà ɓìɓan ɓiǹ, à tumɛ̀n à rìtumɛ̀n, ɓɛ kpaaghà; ɓɛ̀wusìnɛ̀ɗ ɓɛǹ, ɓɛɛ ti ɓɛ̀ghagsì jɛ̀ɛ̀ ì Bɛ̀ll.

LUKAS 9:43

Fɔɔnnɛ ɓum ɓɛ̀cèm ɓɛ ɓɛ ɓaghà wɔɔ ɓɛ kuuràkà rìgwey ɗi itèɗ wu Bɛ̀ll. Yɛ̀ɛ ɓum ɓɛ ɓaghà di ɓɛɛ̀ ka kuukuùghràg ɓɛ̀koŋnyoo ɓɛ ɓiɓan ɓɛ Yeesus à kìkìghà ɓɛǹ, nni à kpaaghà ɓɛ̀yilàg ɓii lɛ:

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

RÒMƐŊ 1:4

Ɓi san ànɛ a Kìtɛntɛ̀ɛ̀n ki Nghay, ki ghɛnɛ̀n lɛ à rì Man à Bɛ̀ll, rì ìtèɗ, ɓi rìghèmɓɛ̀n ɗi à ghèmɓɛ̀ngày a ɓìloŋ.

1 KƆ̀RƐ̀ŊTYƐŊ 1:17

Ɓisuulɛ Kiris à romgày ɓi mɛ lɛ mɓààɓàɓtì ɓum, wɔ̀lɛ à romgày mɛ̀ lɛ nkakali Syeesyee à Ɓɔlɛ, ǹki kì kiɓan kiǹ kɛ̀ɛ̀ ɗyomzɛ̀n ɗi ɓitòkì, lɛ di kɛ̀ kɛɛ̀ ɓa yɛ̀ɛ kɔrɔs à Kiris à rì com ki zɛy.

1 KƆ̀RƐ̀ŊTYƐŊ 1:23

Wɔ̀lɛ ɓìsiì làalam̀ɓɛ̀n Kiris ànɛ ɓɛ kpangà ɓi kɔrɔs aɗyoo, kìɓan kiǹ ki ri kìɓan ki kɛɛ̀ kɛ̀ɛkɛɓtì Ɓɛ̀yudɛ̀n fìɓàg, ki ɓa kìɓan ki kiyèg ɓisuu ɓumɓɛ ɓɛ yin Ɓɛ̀yudɛ̀n.

1 KƆ̀RƐ̀ŊTYƐŊ 1:7

Fɔlɔɔ nnɛ com kidɛŋ ki kaarɛɛ tì ɓi mini ɓi rìɓoŋ ɗi ɓi ɓoŋɓoŋ cààmɛ̀n ki Yeesus Kiris à Kan wìs à ri rèsɛn ti.

1 KƆ̀RƐ̀ŊTYƐŊ 2:1

Ɓɔɔsoŋ̀, cààmɛ̀n ki mɛ̀ɛmiɗ ǹ-yùghà a lɔ̀ŋkin lɛ nghagsi mìni kɔɔ̀kɔɔ̀ à kìɓan a Bɛ̀ll ànɛ à ɓaghà a rìnyam, m̀ɓaghày ɓi ri ɓìtòkì ɓi ɓi yeesɛɛ rìwog, nsoò lɛ coo ɗyomzɛ̀n.

1 KƆ̀RƐ̀ŊTYƐŊ 2:4

Rìrèsàg ɗyɛm̀, rì ɓìɓan ɓi Bɛ̀ll ɓi ǹkpaakpààghà, ɓi ɓaghà ɓi ri ɓɛ̀syeesyee ɓɛ jɛ̀ɛ̀ ɓɛ ɓɛ ti ɓɛ ɓalàg yì ɓi ɗyomzɛ̀n ɗi ɓum, ɗi ki syògi ɓɔ mɛ̀rem, ɓi ɓaghà lɔŋ ɓiɓan ɓi Ǹghay à Bɛ̀ll yɛɛ rerèsìghà saaɗ ànɛ miì, rì ìtèɗ wii.

1 KƆ̀RƐ̀ŊTYƐŊ 5:4

Lɛ ɓi ɗii ɗi Kan Yeesus, rì ɓi-tèɗ wii, tì ri taŋzɛ̀n, mɛ̀ m̀ɓa ɓi nyìinyìm wìn ɓi nghay;

2 KƆ̀RƐ̀ŊTYƐŊ 2:17

Lɛ ɓìsii yin yɛ̀ɛ kìgwey ki ɓum ki ki ti ki kilàg fyèè ri jɛ̀ɛ̀ ì Bɛ̀ll; kìɓan kifog, rì nɗem wu saaɗ, ɓi ɗii ɗi Bɛ̀ll ìnnɛ ɓìsiì kakali yɔ̀ yɛ̀ɛ ɓɛ̀kìì-ɓìsay ɓɛ Kiris ɓi mis mɛ Bɛ̀ll.

2 KƆ̀RƐ̀ŊTYƐŊ 4:2

Ɓìsiì ɓengà ɓìɓan ɓi ntoòrìɗ ɓi ɓyɛɛ̀ kìikilɛ̀n a rìnyam; cɛɓ ki ti ghɛghɛɓ ki yin ɗi mɛ̀ghèy, fɔɔnnɛ tì ki yin ɓiì lɔ̀ɔghlɔgtì jɛ̀ɛ̀ ì Bɛ̀ll. Wɔ̀lɛ rìrèsì ɗi ti rèresi saaɗ ɗyɛɛ̀ɗi ti kaakaa bee inɛ ɓum ɓɛ̀cèm ɓɛɛ tyweeyi ɓìsi ɓi mis mɛ Bɛ̀ll.

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

FÌLÌPYƐŊ 3:21

Nnyɛɛ ri lɔ̀ghi nyoo yìs inɛ ì rì nyìighnyìg lɛ yɛ̀ɛ ɓa nyoo ì ǹlònlomɛn yɛ̀ɛ ìnkìì, rì ìtèɗ wu a rì rì wɔ, wɛɛ̀ wu à ti fogì ɓyom ɓìcèm miì ɓi rìlàmì ɗii azi.

TÈSÀLÒNÌSYƐŊ 2:19

Ghɛn yɛɛrì min ɓiì ɓaà dyàɓɛn yìs, rì kìnyàà kis nsoò lɛ tàm wìs a rìkem ɓi mis mɛ Kan wìs Yeesus, ŋwosi risugtìì ɗii? Àa lɔŋ mìni yɛɛ rì ɓa wa?

2 TÈSÀLÒNÌSYƐŊ 2:9

Rìyùy ɗi Kiɓeɓtàg ki mum ɗi kìlɛɛ gɛ rì ìtèɗ wu Satàn; à kìi gɛ lɛ, rì ɓɛ̀koŋnyoo ɓɛ ɓiɓan, rì dàm yi ɓiɓan yi ɓɛpwàà;

TIMOTE 1:4

ɓɛ̀ kɛɛ̀ ki mɛ̀ɛ̀tɛn ɓi mɛ̀kànkàn rì rìɓààɓààsì ɗi boo ɗi kɛ̀ɛ̀ sugtag, ɓìɓan ɓiǹ ɓyɛɛ̀ titini ɓum lɛ ɓɛɛ nyoonyòlɛ̀n, ɓyɛ̀ kɛɛ̀ ki ghɛɓsi lɛ fèg à Bɛ̀ll ànɛ lɛ a ghɛɓsi ɓum lɛ rìgherɛ̀n a kɛn asu.

TIMOTE 4:7

Kìɓan kifog, ù càɗ dàɗkì yi zɛy rì mɛ̀kànkàn mɛ ɓitùg ɓi ɓɛ̀yiɓ.

Kaàtà ànɛ Pol à kàngà TIT 1:14

ɓɛ̀ kɛɛ̀ ki ɓa lɛ ɓɛ falɛ̀n ɓi mɛ̀kànkàn mɛ Ɓɛ̀yudɛ̀n, rì ɓi ɓìdɔ̀gsɛna ɓi ɓumɓɛ ɓɛ lɔghii jɛ̀m rì saaɗ.

2 PYƐƐRI 2:3

Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

1 ZYAŊ 4:14

nni ɓìsii ghɛngà, tì ki làalamɓɛ̀n lɛ, Tààta à romgày Man, lɛ a ghɛɓsi ziinɛ.

ZYUUDƐ 1:14

Ɓisuu ɓumɓɛ̀n innɛ Enɔg ànɛ à rì dòò yì Adam ì kìtaàɓɛ̀ɛ̀, à kpaŋzìghà ɓìɓan ɓi Bɛ̀ll à kpaa lɛ: Ghɛɛna, Kan à tiì rì ɓum ɓii ɓɛ titom ɓɛtɛnɛn, ɓìtuu lɛ ɓìtuu kɛ̀ɛ̀ bàlì,

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.