2 KƆ̀RƐ̀ŊTYƐŊ 8:4 - Bafia Nouveau Testament

⁴ Ɓɛ ntɔɔgh ɓìsi ɓɛ siìrɛ̀n lɛ ɓɔɔ teɗ gàɓ ɓi syɔ̀ɔ̀ à ɓyom ànɛ a kìikilɛ̀n ɓisuu ɓɛgherɛ̀n ɓɛ a Yorisalɛm.

2 KƆ̀RƐ̀ŊTYƐŊ 8:4 Iomraidhean Croise

MATYOO 10:42

Ǹkalii mìni ɓi saaɗ lɛ ŋwaànɛ à rì ɓiì faà kìbog ki ɓi ɓɔɓti ɓɛ nsoò gìras ì mɛ̀nig mɛ kèeŋkèeŋ ɓi ɗii ɗi lɛ ǹ-yilàg wɛm̀ àa mɛ̀m ɓi mɛlèɓ mii.

MATYOO 12:50

Ɓisuulɛ ŋwaànɛ à kìi rìkɔ̀n ɗi Seŋi wɛ̀m ànɛ a rì aɗyoo, nnyɛɛ ri geni wɛ̀m à baŋì, nyi geni wɛ̀m à giɓ, nyi jɛɛ wɛ̀m.

MATYOO 25:40

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

MARIKUS 14:7

Lɛ ɓì rì rì ɓɛ̀soghàsogha ɓyààmɛ̀n ɓìcèm, ɓì ki rì lɛ ɓì kì ɓɔ kìrɔɔ cààmɛ̀n kìcèm ki ɓì kɔ̀ni, kìɓan kìfog mɛ̀ màa ɓa ɓi ri mìni cààmɛ̀n kìcèm.

MƐ̀KÌKÌÌ MƐ ƁƐKƐ̀NÌ-FÌTOM 11:29

Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì.

MƐ̀KÌKÌÌ MƐ ƁƐKƐ̀NÌ-FÌTOM 16:15

Yɛ̀ɛ ɓɛ ɓaɓtìghà lɛ rì nyi, rì naa yìì i ɓum nni à tɔkà ɓìsi lɛ, ti kɛǹ a mɛɛ mii, à kpaa lɛ: I ɓì ghɛɛ lɛ ǹɗì ǹgherɛ̀n Kan, yùuna kì kɔ̀rii a mɛɛ mɛm̀. Fɔɔnnɛ à sììrɛ̀ngà lɛ ti gherɛn lɛ, ti kɔri à lɔ̀ŋkii.

MƐ̀KÌKÌÌ MƐ ƁƐKƐ̀NÌ-FÌTOM 24:17

Di ki mɛ finɛn bèg lɛɛ̀gwey yɛ̀ɛ ǹghaghìghà, nnɛ mɛ̀ɛ n-yùu rì ɓyom lɛ nkaɓsag rì ɓumɓɛ nyìighnyìg ɓɛ ɓi kìlɔ̀ŋ kɛm̀, ǹki fùnɛn ɓituwe ɓi rìɓɔgsì ɗi Bɛ̀ll.

RÒMƐŊ 15:31

Di fɔɔnnɛ nghɛɓ ɓumɓɛ ɓɛ yin ɓɛ kìristɛn a Zyude, rì tì lɛ ɓɛ̀gherɛ̀n ɓɛɛ ghaɓ gɛɓsɛ̀n ìnɛ ǹɗì ɓiì kɛ̀ɛ ri yɔ̀ a Yorisalɛm rì kìnyàà.

1 KƆ̀RƐ̀ŊTYƐŊ 16:1

Ɓi kìɓan ki ki seesee syɔ̀ɔ̀ à ɓyom ɓisuu ɓɛgherɛ̀n ɓɛ a Yorisalɛm mìnii kìina girig yɛ̀ɛ ǹtɔkà ɓìseŋi ɓi Kiris ɓi a Galasi.

1 KƆ̀RƐ̀ŊTYƐŊ 16:15

Ɓɔɔsoŋ̀ ǹsiŋ̀dɛɛ tì mìni kìɓan kidɛŋ; ɓì yii lɛ Sitefanas rì naa yìì i ɓum ɓɛɛ ɓaghà ɓum ɓɛ ǹtonto ɓɛ lɛ ɓɛɛ lɔɔ̀ghrɛn mɛ̀rem ɓi kìlànà ki zi ki lɛ Akayi, ɓɛ falɛ̀ngà lɛɛ̀gwey lɛ ɓɛɛ ghɛɛ̀ghɛ̀ɓsì ɓɛ̀gherɛ̀n.

2 KƆ̀RƐ̀ŊTYƐŊ 9:1

Ki ghɛɓsii ɓi com lɛ nkaǹ yì mìni ɓi kìɓan ki ki seesee gɛɓsɛ̀n ìnɛ yɛɛ̀ kɔ̀ɔkɔnɛ̀n ɓisuu ɓɛgherɛ̀n.

GÀLAT 2:10

Kìɓan kifog ki ɓɛ tɔkà ɓìsi ki ɓaghà lɛ, ɓìsii yitàg lɛ ti ghɛɓsi ɓɛ̀gherɛ̀n ɓɛ ɓɛ ɓaghà ɓɛ̀soghàsogha a Yorisalɛm; kìɓan kiǹ kɛɛ̀ki ǹsììrɛ̀ngà ɓi rìkì.

GÀLAT 6:10

Fɔlɔɔ nnɛ ki ghɛɛ̀sɛɛ min lɛ cààmɛ̀n kìcèm ki ti ghɛɛ kìrɔŋiɗ, ti ki ɓum ɓɛ̀cèm kìrɔɔ, à ɓiìɓììsɛ̀n ɓɛ̀geni ɓis ɓɛ ɓi rìgherɛ̀n.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.