2 KƆ̀RƐ̀ŊTYƐŊ 8:2 - Bafia Nouveau Testament

² Nsoò yɛ̀ɛ ɓɛ ɓaghà rì mɛ̀tɔɓ lɛɛ̀gwey, coo kinyàà ki ɓɛ nɗì rì kɔ rì kìsoghà kaa kicèm, ɓi nkìi lɛ ɓɛɛ syɔɔ̀ ɓyom lɛɛ̀gwey ri kìnyàà.

2 KƆ̀RƐ̀ŊTYƐŊ 8:2 Iomraidhean Croise

MATYOO 20:15

Ki ghɛɛ̀sɛɛ ɓì nya lɛ, ǹki rì ìkum wɛ̀m yɛ̀ɛ ki kɔni mɛ̀? Gìn ki ɓeɓi wɔ̀ yɛ̀ɛ ǹɗɔɔtɛɛ nɗem?

RÒMƐŊ 12:8

Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

RÒMƐŊ 2:4

Gìn wɔ̀ɔ sɛɛsɛɛ̀tì lɛ rì coo kìrɔɔ-ǹɗem à Bɛ̀ll rì kìɓìɓi kii ki nɗem, rì kìpuɓì-ǹɗem wìì? Ù yii ɓi lɛ kìrɔɔ-ǹɗem à Bɛ̀ll à ghɛ̀sɛɛ wɔ̀ kì tinii lɛ u lɔɔ̀ghrɛn ǹɗem?

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

2 KƆ̀RƐ̀ŊTYƐŊ 2:9

Mɛ̀ɛ nkàniì girig mìni lɛ nfeèghrɛn mìni nghɛǹ nkòo ɓì rì rì mɛ̀wog ɓi ɓìɓan ɓìcèm.

2 KƆ̀RƐ̀ŊTYƐŊ 6:10

ɓɛ soo ri ɓeeɓeɓsì ɓìsi mɛ̀rem, ɓìsii ri lɔŋ kinyàà rì kìnyàà cààmɛ̀n kìcèm, ɓɛ seesèè lɛ tì rì ɓɛ̀soghàsogha, ɓìsii kuùkùmzì ɓum lɛɛ̀gwey, tyàa soo seèsèèrɛ̀n lɛ tì yin ɗi com, tì rì lɔŋ ri ɓyom ɓìcèm.

2 KƆ̀RƐ̀ŊTYƐŊ 9:11

À rì mìni ɓiì kumzii yɛ̀ɛ ki ghɛɛ̀sɛɛ ɓyààmɛ̀n ɓìcèm ɓi lèg ànɛ lɛ, ɓi ɓa ɓyɛ̀ ki fɔy riɓòò, rì tì lɛ, ɓum lɛɛ̀gwey ɓɛ ɓiì faà Bɛ̀ll ɓìtògsɛ̀n ɓisuu rifa ɗin ɗi tì ɓiì kɛ̀ɛ ɓɔ kìfaà.

2 KƆ̀RƐ̀ŊTYƐŊ 9:13

Ɓisuulɛ gɛɓsɛ̀n ìnɛ kìsay kiǹ ki ri rì yɔ̀, ɓum lɛɛ̀gwey ɓɛ ri fa Bɛ̀ll rìkem, ɓi mɛ̀wog mɛ ɓì rì rì mɔ ɓi Syeesyee à Ɓɔlɛ à Kiris ànɛ ɓi làalamɓɛ̀n, rì ɓi rìɓòò ɗin ɗi ɗyɛɛ̀ kìki lɛ, ɓi ɓutɛn rì ɓɔ, ɓì ki ɓùtɛn ɗi ɓum ɓɛ̀cèm.

TÈSÀLÒNÌSYƐŊ 1:6

Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

TÈSÀLÒNÌSYƐŊ 2:14

Ɓɔɔsoŋ̀, ɓì mɛ pisɛn Ɓiseŋi ɓi Bɛ̀ll ɓi ɓi ri a Zyude ɓi Yeesus Kiris, ɓisuulɛ ɓumɓɛ ɓi kìlɔ̀ŋ kin ɓɛ yeesìghà mìni lɔŋ yɛ̀ɛ ɓɛroɓɛ a Zyude ɓɛ yeesìghà ɓɛ̀gherɛ̀n ɓɛ wɔ̀ɔ̀.

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

ÀPÒKÀLIƁSƐ̀ 2:9

Ǹ-yii ǹtɔɓ wu ɓɛɛ̀ kìki wɔ, rì kìsowà kɔɔ, kɔm̀ lɛ ù rì rì ìkum; ǹ-yii lɛ ɓumɓɛ ɓɛɛ̀ reereŋɗɛ̀n lɛ ɓɛ ri Ɓɛ̀yudɛ̀n ɓɛ̀ kɛɛ̀ ki ɓa Ɓɛ̀yudɛ̀n, ɓɛɛ yooyogsì wɔ̀ ɗii; ɓɛ ri lɔŋ ntaŋzɛn wu Satàn.