2 KƆ̀RƐ̀ŊTYƐŊ 7:4 - Bafia Nouveau Testament

⁴ Lɛ ǹɗì rì ntyweeyi ri mìni lɛɛ̀gwey ǹki ɓa ri ɓɛ̀azi ɓɛ ǹɗì lɛ ǹsaàsànɛ̀n mìni miì rì ɓum; ɓi mɛ̀tɔɓ mɛ̀cèm mɛ ti wowòg, ǹɗem wɛ̀m wu ri lɛ fwɛɛy lɛɛ̀gwey, kìnyàà ki ceeghì mɛ̀.

2 KƆ̀RƐ̀ŊTYƐŊ 7:4 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

RÒMƐŊ 5:3

Àa lɔŋ foo ri foo, ti nyàanyaàrɛ̀n girig rì mɛ̀tɔɓ mis, lɛ tì yii lɛ ǹtɔɓ wu ti wu kilàg lɛ mum a ɓa rì kìsììrì,

1 KƆ̀RƐ̀ŊTYƐŊ 1:4

Mɛ̀ɛ nfafa Bɛ̀ll ɓìtògsɛ̀n kɛ̀ɛ nfɔy ɓisu win, lɛ geesɛ̀n ì Bɛ̀ll ìnɛ ì falɛ̀ngà a lɔ̀ŋkin ɓi Yeesus Kiris.

2 KƆ̀RƐ̀ŊTYƐŊ 1:14

yɛ̀ɛ ɓi mɛ yi gàɓ lɛ, ɓìsi yɛɛ ri ɓa rikem ɗin, mìnii ɓa rìkem ɗis ŋwos a Kan Yeesus.

2 KƆ̀RƐ̀ŊTYƐŊ 1:4

Nyi yɛɛ ti à fɔɔsàg ɓìsi mɛ̀rem ɓi mɛ̀tɔɓ mis mɛcèm, lɛ di ɓìsi girig, ti ɓa rì ìtèɗ wu fɔɔsiyɛn mɛrem mɛ ɓumɓɛ ɓɛɛ̀ tuutulɛ̀n rì mɛ̀tɔɓ mɛ̀kuu mɛ̀kuu, tì kì kìɓan kiǹ ɗì ǹghɛɓsɛn wu wu ti wu ɓalàg yì ɓìsi yɛ̀ɛ Bɛ̀ll.

2 KƆ̀RƐ̀ŊTYƐŊ 10:8

Nni nsoò màa cìɓtaagh rìsaàsànɛ̀n ɗi itèɗ wu rilàmì wu Kan à faghà ɓìsi lèg àdɛŋ, lɛ ti ki lɛ rìgherɛ̀n ɗin ɗyɛɛ tɔɔ̀, àa lɛ ti yogsi ɗyɔ, màa wog ɓi ntoòrìɗ.

2 KƆ̀RƐ̀ŊTYƐŊ 11:21

Nkpaaghi lɛ, kìɓan kiǹ ki ri ɓìsi ǹtoòrìɗ; ki pisɛɛ yɛ̀ɛ tìi nɗèsii lɛ tì rì rì ìkɔ̀g, ɓi rìcàrɛ̀n ɗiǹ, nsoò fɔlɔɔ, kìɓan kicèm ki mum à rì lɛ à ghɛɛsì kì kpaà, mɛ̀ girig ǹɗì lɛ ǹghɛɛsì kì kpaà kɔ; ntòtog yɛ̀ɛ ŋwaànɛ à rì kìyèg.

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

2 KƆ̀RƐ̀ŊTYƐŊ 3:12

Yɛ̀ɛ tì rì rì rìkuu ɗi dyàɓɛn ɗiǹ ɓi nɗem nnɛ ti rì rì coo ntyweeyi.

2 KƆ̀RƐ̀ŊTYƐŊ 7:14

Lɛ i ǹsɛsɛ̀kà mìni rì Tit lèg àdɛŋ, ɓìi nfaa ɓi mɛ ǹtoòrìɗ, fɔlɔɔ nnɛ yɛ̀ɛ tìi nti tì kpaaghì mìni saaɗ cààmɛ̀n kìcèm, fɔɔnnɛ mɛ̀sɛɛ̀ghsɛɛgh mɛ tì sɛsɛ̀kà mìni rì Tit mɛ nghɛnɛɛ lɛ mɛ ri mɛ̀sɛɛ̀ghsɛɛgh mɛ saaɗ.

2 KƆ̀RƐ̀ŊTYƐŊ 8:24

Rèsiina min ɓi mis mɛ ɓiseŋi ɓi Kiris ǹkɔ̀nɛ̀n ànɛ ɓì rì rì nyi ɓi ɓɛg wàà, ɓì kì girig lɛ rìsɛg ɗi tì ti tì sɛsɛ̀g mìni ɓi mis maa, ɗyɛɛ ghɛnɛn lɛ ɗi ri saaɗ.

FÌLÌPYƐŊ 1:14

Ntyweeyi wu mɛ yùti ɓɛgeni ɓɛ̀m lɛɛ̀gwey ɓi Kan, lɛ naà-zày ìnɛ ǹkɛ̀ngà; fɔɔnnɛ ɓɛ ti rì kìghɛɛsii ki ki cee lɛ ɓɛɛ ghaàghàgsì jɛ̀ɛ̀ ì Bɛ̀ll kɛ̀ɛ̀ ìris.

FÌLÌPYƐŊ 1:20

Lèg ànɛ ǹɗì rì coo zày, ǹki ɓa ri dyàɓɛn, màa wog ɓi ntoòrìɗ ri com kidɛŋ. Ɓi cààmɛ̀n ki, lɔŋ yɛ̀ɛ ɓi ɓyààmɛ̀n ɓimbog, rì ǹtyweeyi wu wu ri mɛ̀ ɓiì ronì ɓi nɗem, Kiris à ɓiì kemì ɓi nyoo yɛ̀m, màa soo rì cem, màa soo wìì.

FÌLÌPYƐŊ 1:26

Rìsugtìì ɗi mɓiì sugtii yi a lɔ̀ŋkin, ɗi ri mìni ɓiì faà coo nyɔɔnyɔn à kìɓan anɛ ɓi rì lɛ ɓì sànsàm miì ɓi Kiris ɓi ɗùm, lɛ mɛ̀.

FÌLÌPYƐŊ 2:17

Wɔ̀lɛ nsoò bwaɓ yɛm̀ yaa ki kpaŋì ɓi sìg à com ki ɓɛ funɛɛ Bɛ̀ll, lɛ yɛɛ ɓɔɓtɛn ɓi rìfa ɗi rìgherɛ̀n ɗin ɗyɛɛ̀ ɓɔɔɓɔgsì Bɛ̀ll rì ɗyɔ, fɔlɔɔ a fa lɔŋ mɛ kìnyàà, ǹki nyààrɛn ǹɗaŋ ri mìni ɓɛ̀sɛ̀ɛ̀ ɓɛ̀cèm.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

TÈSÀLÒNÌSYƐŊ 2:19

Ghɛn yɛɛrì min ɓiì ɓaà dyàɓɛn yìs, rì kìnyàà kis nsoò lɛ tàm wìs a rìkem ɓi mis mɛ Kan wìs Yeesus, ŋwosi risugtìì ɗii? Àa lɔŋ mìni yɛɛ rì ɓa wa?

TÈSÀLÒNÌSYƐŊ 2:2

Di tì ka kpaŋ ɓi a lɔ̀ŋkin, tì ghɛngà mɛ̀tɔɓ, ɓum ɓɛ ki yeesi ɓisi a Filiɓ lɔŋ yɛ̀ɛ ɓì yii, wɔ̀lɛ Bɛ̀ll à faghà ɓìsi ìtèɗ wulɛ ti ghagsi mìni Syeesyee à Ɓɔlɛ wìì nsoò yɛ̀ɛ ki ɓaghà bimiɗ à wɛ̀y.

2 TÈSÀLÒNÌSYƐŊ 1:4

Fɔlɔɔ nnɛ ti kaakalɛ̀n Ɓìseŋi ɓi ɓɛgherɛ̀n Bɛ̀ll rìɓa ɗin, ɓisuu kisììrì kin, rì rìgherɛ̀n ɗin ɓi mɛ̀tɔɓ mɛ̀cèm, rì rìkɛŋ ɗìcèm ɗi ɓi wowòg ɓì ki nìniɗ mɛrem.

FILEMƆŊ 1:7

Lɛ mɛ̀ɛ nwoogh kìnyàà lɛɛ̀gwey nɗem wu ki kpì mɛ ɓi ɗùm lɛ ǹkɔ̀nɛ̀n ànɛ ù rì rì nyi; ɓisuulɛ mɛ̀rem mɛ ɓɛgherɛ̀n mɛ mmaa lɛ fyòoog lɛ kìsay kɔɔ, geni wɛ̀m.

ZYAG 1:2

Mìni ɓɛ̀geni ɓɛ̀m, terina mɛ̀kuu mɛ mɛtɔɓ mɛ̀cèm mɛ ɓì rì lɛ ɓì tulɛ̀n rì mɔ lɛ mɛ ri kìɓan ki kinyàà ki kɔɔ̀kɔɔ̀,