2 KƆ̀RƐ̀ŊTYƐŊ 4:4 - Bafia Nouveau Testament

⁴ Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

2 KƆ̀RƐ̀ŊTYƐŊ 4:4 Iomraidhean Croise

MATYOO 13:22

Ŋwaànɛ à ghaɓkà boo ì ɓyom ɓi nyìinyìm à ɓìkàrag yɛɛ ri roànɛ à woogh jɛ̀ɛ̀ ì Bɛ̀ll, kìɓan kifog, cɛɛ̀-ǹɗem à cɛɓ ki ɓi ziinɛ, ɗì rìyɛ̀y ɗi ikum ɓi laatàg jɛ̀ɛ̀ ìnɛn, ɓi ki lɛ, yɛ̀ kɛɛ̀ wum ɓiɗùn.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:18

Mum à ka ghɛngà ɓi Bɛ̀ll, lɔŋ m̀bobog à Man à Bɛ̀ll ànɛ à rì jàŋbog rì Seŋi yɛɛ kighà lɛ ɓɛɛ yi nyi.

ZYAŊ 12:31

Ɓi cààmɛ̀n ki, kìɓan ki ziinɛ ki yuù kì renɛɛ, ɓigomìnɛ. Ɓɛ yuù kì màagh rifòm ɗi ziinɛ ɓi dan.

ZYAŊ 12:35

Yeesus à kpaa ɓɔ lɛ: Kìtɛɛtɛn ki kaka a lɔ̀ŋkin ɓi maa cààmɛ̀n, fɔɔnnɛ kɛ̀ɛ̀ghiina, cààmɛ̀n ki ɓì kaka rì kìtɛɛtɛ̀n; lɛ, birìm yɛ̀ kɛɛ̀ ràɗ mini. Ŋwaànɛ a kɛ̀ɛ̀kɛɛ ɓi birìm à yii ɓi fe nnɛ a kɛ̀nkɛ̀n.

ZYAŊ 12:40

À ɗiŋzìghà ɓɔ tìɗyaŋ, à ki kì lɛ ɓɛ̀ kɛɛ̀ ɓa ti ri syeesyee à ɗyomzɛ̀n, lɛ ɓɛ̀ kɛɛ̀ ghɛnɛn ti rì mis maa, mɛ̀rem maa mɛ̀ kɛɛ̀ fègti kiɓan ki syeesyee, lɛ ɓɛ ɓiì ki lɔ̀ɔ̀ghrɛɛ mɛrem, ǹki wɔ̀ɔ̀zi ɓɔ.

ZYAŊ 12:45

I mum à ghɛɛ mɛ̀, di à ghɛɛ roànɛ à romgày mɛ̀.

ZYAŊ 14:30

Tyàa tòki ti ɓi ri mìni, ɓisuulɛ rìfòm ɗi ziinɛ ɗi tiì, nni ɗi yin ɗi ìtèɗ wulɛ ɗi ki mɛ̀ com.

ZYAŊ 15:24

I kɛ̀ɛ nkì ɓɛgɛn ɓɛ ɓiɓan ɓɛ ŋwaàdɛŋ à ka kighà ɓi ɓi nyìinyìm wàa, di ɓɛ yin ri bɛ̀lɛn. Nni ɓigomìnɛ, ɓɛ nghɛɛ ɓìɓan ɓi mɛ̀ɛ nkìi, ɓɛ ki ɓèèzɛn lɛ rì mɛ̀ rì Seŋi wɛ̀m.

ZYAŊ 16:11

Mɔ zɛ̀ɗ ɓi kìɓan ki riren ɗi ɓiɓan ɗi Bɛ̀ll, ɓisuulɛ, kìɓan ki rifòm ɗi ziinɛ ki mɛ renɛ̀n.

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

MƐ̀KÌKÌÌ MƐ ƁƐKƐ̀NÌ-FÌTOM 26:23

ɓyɛɛ ri lɛ: Kiris à ghɛ̀ɛ̀sɛ̀ngà kìwiì, à ki ɓa ŋwaà ǹtonto ànɛ a ghemɓɛn yì a ɓìloŋ, à lòm kìtɛɛtɛn ɓi kìlɔ̀ŋ kis rì ɓi ɓìlɔ̀ŋ ɓimbog lɛ ɓyɛɛ yi lɛ ɓi ri ɓiì ɓaà rì cɛɓ.

1 KƆ̀RƐ̀ŊTYƐŊ 10:20

Àg! Wɔ̀lɛ ɓìɓeɓtàg ɓi mɛghay ɓyɛɛ̀ɓi ɓɛ ti ɓɛ funàg ɓyom ɓìn ɓisu waa àa ɓisuu Bɛ̀ll. Nni mɛ̀ ǹkɔ̀ni ɓi lɛ ɓi ɓa ɓɛ̀ràrɛn ɗi ɓìɓeɓtàg ɓi mɛghay.

2 KƆ̀RƐ̀ŊTYƐŊ 2:11

lɛ di tyɛ̀ ki càɗ Satàn lɛ a ghɛn ɓìsi bee ɓi nyòò; lɛ tì nàni ɓi rikɔ̀n ɗii.

2 KƆ̀RƐ̀ŊTYƐŊ 2:12

Yɛ̀ɛ ǹkpagà a Tirowas lɛ nghagsi Syeesyee à Ɓɔlɛ à Kiris wɔɔ, ki soo ɓaghà lɛ Kan à nɛmgà mɛ̀ bee lɛ syeesyee lɛ nki kìsay kiǹ wɔɔ.

2 KƆ̀RƐ̀ŊTYƐŊ 3:11

Lɛ i com ki ki ghɛɛ̀sɛ̀ngà kì ɓaà ɓi maa cààmɛ̀n ki ɓaghà ɗì rìkem, bɔ̀ɓ yaŋ min innɛ com ki ki kɔkɔrii fìɗyàɓ fikɔ̀ɔ̀ ki ri ɓiì ɓaà rì rìkem?

2 KƆ̀RƐ̀ŊTYƐŊ 3:14

Kìɓan kifog ɗyomzɛ̀n ɗyaa ɗi duŋɛ̀ngà; fɔɔnnɛ à kpaŋ gɛɛ̀nɛ, nsoò ɓaa ɓàɓày Fìɗyàɓ fi bee ɓi kaàtà à Bɛ̀ll, kìlàà ki Moyis à ghekà kiǹ, kɔ lɔŋ wɔɔ, ki yin lɛ ki pɛsɛ̀n, lɛ ɓi Kiris nnɛ ki ti ki pɛsàg.

2 KƆ̀RƐ̀ŊTYƐŊ 3:18

Ɓìsi ɓɛ̀sɛ̀ɛ̀ ɓɛ̀cèm ɓɛ mɛ̀su mis mɛ yin mɛ lɔghɛn ɗi kìlàà, rìkem ɗi Kan ɗyɛɛ̀ lònlom ɓi ɓìsi, yɛ̀ɛ ɓi ŋwii tì koɓsɛ̀n ɓi mis lɛ ti ɓa ɓi kìpisɛn kii, rì coo rikem ɗi ɗyɛɛ̀ ɓɔɓɔg mɓɔɓɔghɛn lɛ kìsay ki Kan ànɛ lɛ Ǹghay a kìkì.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

EFÈZYƐŊ 6:12

Ɓisuulɛ àa ɓumɓɛ ɓɛ ri rì bwaɓ ɓɛɛ̀ɓɛ ti ɗùùɗuu ri ɓɔ; ti ɗùùɗuu lɔŋ ri mɛ̀tèɗ mɛ ɓiɓeɓtàg ɓi mɛghay ɓi ɓi ri ɓi ɗyoo ɓi ɗùm, ɓi ɓyɛɛ̀ làlàmì, ɓi ɓa rì ìtèɗ; ti ɗùùɗuu girig rì ɓumɓɛ ɓɛɛ̀ làlami ziì ì birìm ìnɛ.

FÌLÌPYƐŊ 2:6

Nyi ànɛ à ɓaghà yɛ̀ɛ Bɛ̀ll, à ghɛngà ɓi lɛ rìɓa ɗi lɛ, rì nyi rì Bɛ̀ll ɓɛɛ ɓa ǹɗɛli wufog, ɗi ri com ki à ghɛ̀ɛ̀sɛɛ kì sɔrii ɓi-tèɗ;

KÒLÒSYƐŊ 1:15

À rì kìfèèghrɛnà ki Bɛ̀ll ànɛ ɓum ɓɛ ghɛɛ ɓi, nyi tì Man à ǹtonto ànɛ ɓi ɓyom ɓìcèm ɓi Bɛ̀ll à kìghà.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

TIMOTE 1:11

Ɓìɓan ɓiǹ ɓyɛɛ̀ɓi Syeesyee à Ɓɔlɛ à ǹkeŋkèmì à Bɛ̀ll ànɛ à rì ǹtin wu ɓɛmààgh a rèrèsì. Syeesyee à Ɓɔlɛ ànɛ̀n nnɛ ɓɛ reɓsɛ̀ngà rì mɛ̀.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 6:4

Ɓi kìɓan ki ki seesee ɓumɓɛ ɓɛ ghɛngà kìtɛɛtɛn ki Bɛ̀ll cààmɛ̀n kidɛŋ, ɓɛ ɓoɓtì rìfa ɗi Bɛ̀ll, ɓɛ ki teɗti gàɓ ɓi Kìtɛntɛ̀ɛ̀n ki Nghay,

2 PYƐƐRI 1:19

Fɔlɔɔ nnɛ tì ɓiisɛɛ tì kìgherɛɛ rikpaa ɗi ɓɛ̀kpaŋzì-ɓìɓan lɛ ɗi ri saaɗ; saaɗ ànɛ̀n innɛ ɓi kookonàg yɛ̀ɛ ɓi ranɗam mɛreè lɛ ɓi wog lɛ à rì fɛlɛ yɛ̀ɛ lamɓà ànɛ a ròòroo ɓi jàŋ inɛ ì rì birìm, à kpaŋ yɛ̀ɛ duri i ɓiì tanì, fyɛy fi duriɓuɓ fi kpeŋzì mɛ̀rem min.

1 ZYAŊ 2:11

Kìɓan kifog, ŋwaànɛ à ɓèèzɛɛ geni à rì ɓi birìm; a kɛ̀ɛ̀kɛɛ ɓi birìm kɛ̀ɛ yi fe nnɛ a kɛ̀nkɛ̀n ɓisuulɛ birìm ì mɛ ɗiŋzi nyi tìɗyaŋ.

1 ZYAŊ 2:8

Nsoò fɔlɔɔ kìdɔ̀gsɛna ki nyɔn kɛɛ̀ki ǹkàni mìni; kiŋcèm kɛɛ̀ki saaɗ ànɛ miì a ghɛɛghɛnɛ̀n ɓi Kiris rì ɓi mìni ɓisuulɛ birìm ì mɛ lèg, kɔɔ̀kɔɔ̀ à kìtɛɛtɛn à ti gì ɓiì lònlomi.

1 ZYAŊ 5:19

Tì yii lɛ tì rì ɓum ɓɛ Bɛ̀ll, rì tì lɛ ziinɛ bimiɗ ì rì ɓi rìlàmì ɗi ghèghey à mum.