2 KƆ̀RƐ̀ŊTYƐŊ 3:3 - Bafia Nouveau Testament

³ Kɛɛ̀ rèeresɛ̀n lɛ tɛntɛ̀ɛ̀n lɛ, ɓì rì kaàtà à Kiris, ànɛ à kànɛ̀ngà, ɓi kìsay kis, àa rì fìwey, lɔŋ rì Ǹghay à Bɛ̀ll ànɛ à rì cem; kaàtà ànɛn, à kànɛ̀ngà ɓi ɓi ɓìɓoŋ ɓi gɔ̀g, à kànɛ̀ngà lɔŋ ɓi ɓìɓoŋ ɓi mɛmùù, yɛɛ lɔ̀ɔ̀ lɛ ɓi mɛ̀rem min.

2 KƆ̀RƐ̀ŊTYƐŊ 3:3 Iomraidhean Croise

MATYOO 16:16

Simɔn Pyɛɛri à ɓàg lɛ: U rì Kiris, Man à Bɛ̀ll ànɛ à rì cem.

1 KƆ̀RƐ̀ŊTYƐŊ 3:5

Cɛ kɛɛ ri min lɛ Apolos? Cɛ kɛɛ ri lɛ Pol? Tì rì lɔŋ ɓɛ̀kìì-ɓìsay ɓɛ ɓɛ kighà lɛ ɓi gherɛn Bɛ̀ll, rìkì ɗi mum ǹcèm ɗi ɓa lɔŋ yɛ̀ɛ Kan à faghà nyi ìtèɗ wulɛ a ki.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

2 KƆ̀RƐ̀ŊTYƐŊ 3:7

I ɓìdɔ̀gsɛna ɓi ɓi ti ɓi weeyì ɓi kanɛ̀ngà rì ɓìkàŋga, ɓi ɓìɓoŋ ɓi gɔ̀g, kìtɛɛtɛn ki rikem ɗi Bɛ̀ll ki resɛ̀n ɗì ìtèɗ lèg ànɛ lɛ ɓɔn ɓɛ Isirayɛl ɓɛ ɓaghà ɓi lɛ ɓɛ fifìɓì ìsu wu Moyis lɛ fyɛɛyi ɓisuulɛ rìkem ɗi Bɛ̀ll ɗi lomlòmgà nyi ɓi-su, ki soo ɓaghà lɛ rìlònlòm ɗiǹ ɗi ghɛɛ̀sɛ̀ngà kìfinɛɛ gàɓ, ɗi ki ɓuɓi.

2 KƆ̀RƐ̀ŊTYƐŊ 6:16

Naà-Bɛ̀ll ì wuɓsɛɛ ɓi cɛ ri ɓìnùn ɓi zɛy? Lɛ ɓìsii ri naà-Bɛ̀ll ì Bɛ̀ll ànɛ à rì cem lɔŋ yɛ̀ɛ Bɛ̀ll à kpaaghà lɛ: Ǹkìi gɛ lɛ, ǹkɔ̀rì ǹki kɛ̀ɛ̀kɛɛ ɓi nyìinyìm wàà, m̀ɓaa gɛ Bɛ̀ll wàà, ɓɔɔ ɓa ɓum ɓɛm.

TÈSÀLÒNÌSYƐŊ 1:9

Ɓum ɓɛɛ̀ kpaakpaa righàɓ ɗi ɓì ghàɓkà ɓìsi yɛ̀ɛ tì kpagà a lɔ̀ŋkin rì yɛ̀ɛ ɓì càɗkàkày ɓìnùn, ɓì lɔ̀ɔ̀ghrɛ̀n yɛ̀ɛ Bɛ̀ll lɛ ɓi ɓɔgsi nyi, lɛ nnyɛɛ ri kɔɔ̀kɔɔ̀ à Bɛ̀ll ànɛ a rì cem,

EBIREEGH 10:16

Kan lɛ: Bee inɛ ǹɗì ɓiì renì ɓi nyìinyìm ànɛ lɛ rì mɛ̀ rì ɓɔ, ajɛ̀m ì mɛ̀ru mɛ̀n ì rì ɓiì ɓaà fɛlɛ: Ǹɗì ɓiì foŋì ɓìdɔ̀gsɛna ɓyɛm̀ ɓi mɛ̀rem maa, ǹkàn ɓɔ ɓyɔ ɓi nto. À ɓɔ̀ɓ min lɛ:

EBIREEGH 8:10

Nni bee inɛ ǹɗì ɓiì renì rì ɓumɓɛ a Isirayɛl yɛɛ̀nɛ: Kan lɛ: Ajɛ̀m ì mɛ̀ru mɛ̀n, ǹɗì ɓiì foŋì ɓìdɔ̀gsɛna ɓyɛm̀ ɓi mɛ̀yitì maa ǹkàn ɓɔ ɓyɔ ɓi mɛ̀rem, ǹɗì ɓiì ɓaà Bɛ̀ll wàà, ɓɔɔ ɓa ɓum ɓɛm.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

ÀPÒKÀLIƁSƐ̀ 2:1

Kàna ŋwaà-fìtom anɛ ɓi Kìseŋi ki Kiris ki a Efɛɛzɛ lɛ: Roànɛ à wowotii tyɔɛy ti kitaàɓɛ̀ɛ̀ ɓi weèlem wìì, roànɛ a kɛ̀ɛ̀kɛɛ ɓi nyìinyìm à ɓìrɛsì ɓi lamɓà ɓi gol taàɓɛ̀ɛ̀ a kalag fɛlɛ̀:

ÀPÒKÀLIƁSƐ̀ 2:12

Kàna ŋwaà-fìtom anɛ ɓi kìseŋi ki a Pɛrigam lɛ, fɛlɛ nnɛ roànɛ à rì rì gàfàg ìnɛ ì rì ǹto lɛ pyɔŋpyɔŋ, yɔ̀ mpooyɛn ɓɛɓɛg ɓɛ̀cèm a kalàg:

ÀPÒKÀLIƁSƐ̀ 2:18

Kàna ŋwaà-fìtom anɛ ɓi Kìseŋi ki à Tyatiir lɛ: Fɛlɛ nnɛ Man à Bɛ̀ll ànɛ mis mɛ ri yɛ̀ɛ ǹɗòò wu ɗuu, mɛ̀kòò yɛ̀ɛ rìkuu ɗi swiɗ ɗiɗɛŋ, a kalàg:

ÀPÒKÀLIƁSƐ̀ 2:8

Kàna ŋwaà-fìtom anɛ ɓi Kìseŋi ki a Simirinɛ lɛ: Mum ànɛ à rì lɛ nyi ŋwaà ǹtonto, nyi ŋwaà siitòn, mum ànɛ à wughà à ki ghèmɓɛn, a kpaaghi fɛlɛ:

ÀPÒKÀLIƁSƐ̀ 3:1

Kàna ŋwaà-fìtom anɛ ɓi Kìseŋi ki a Saridɛ lɛ, fɛlɛ nnɛ roànɛ à rì rì mɛ̀ghay mɛ Bɛ̀ll mɛ kitaàɓɛ̀ɛ̀ rì tyɔɛy ti kitaàɓɛ̀ɛ̀ a kpaaghì: Mɛ̀ ǹ-yii mɛ̀kìkìì mɔɔ, u keŋkem lɛ ù rì cencem kɔm̀ lɛ ù rì kìloŋ.

ÀPÒKÀLIƁSƐ̀ 3:14

Kàna ŋwaà-fìtom anɛ ɓi Kìseŋi ki a Lawodise lɛ: ŋwaànɛ à rì ɗii lɛ Ààmɛ̀n, ànɛ à rì kɔɔ̀kɔɔ̀ à wusìnɛ̀ɗ à ǹtyweeyi, roànɛ à rì rìtumɛ̀n ɗi ɓyom ɓìcèm ɓi Bɛ̀ll à kìghà a kpaaghi lɛ:

ÀPÒKÀLIƁSƐ̀ 3:22

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋì.

ÀPÒKÀLIƁSƐ̀ 3:7

Kàna ŋwaà-fìtom anɛ ɓi Kìseŋi ki a Filadɛlfii lɛ: Roànɛ à rì lɛ nyi ǹtɛnɛn, nyi lɛ saaɗ, ànɛ à ki ɓanɓani fìɗìɓà fi Davit, nyi yɛɛ ri lɛ, i à ŋwàri, ŋwaàdɛŋ à yin lɛ à sìm, i à ki sìmi, ŋwaàdɛŋ kɛ̀ɛ ŋwàɗ, a kpaaghi lɛ: