2 KƆ̀RƐ̀ŊTYƐŊ 3:1 - Bafia Nouveau Testament

¹ Ɓìtòkì ɓiǹ ɓi resii nya lɛ tì tumɛɛ tì rìreɓsɛ̀n ɗi ɓìsiìɓɔmiɗ? Gìn ki ri nya lɛ ti ka ɓa ri ɓɛ̀kaàtà ɓɛ lɛ ɓi ghaɓ ɓìsi fɛlɛ yɛ̀ɛ ɓum ɓɛdɛŋ ɓɛ ti ɓɛ kilàg nsoò lɛ ti tɔg mìni ɓɛ̀kaàtà ɓɛ fɔlɔɔ?

2 KƆ̀RƐ̀ŊTYƐŊ 3:1 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 18:27

Ajɛ̀m ìnɛn, Apolos à fèkà lɛ a kɛǹ a Akayi, ɓɛ̀geni ɓii ɓɛ righerɛ̀n ɓɛ teèsì nyi nyoo lɛ a kɛǹ, ɓɛ ki kàn ɓɛgherɛ̀n ɓɛ wɔɔ lɛ, ɓɛɛ ghaɓ nyi lɛ syeesyee. Yɛ̀ɛ à kpàgà wɔɔ, à ɓaghà rì ǹghɛɓsɛn ɓisuu ɓum ɓɛ̀cèm ɓɛ geesɛ̀n ì Bɛ̀ll ì kìghà lɛ, ɓɛɛ ɓa ɓɛ̀gherɛ̀n,

RÒMƐŊ 16:1

Geni wìs a giɓ anɛ lɛ Feɓe innɛ ǹɗeɓsɛɛ yì mìni lɔɔ, à rì dyàkɔ̀nɛs ànɛ ɓi kìseŋi ki Kiris ki a Saŋkire.

1 KƆ̀RƐ̀ŊTYƐŊ 10:33

Fɛlɛ yɛ̀ɛ mɛ̀ɛ ntèeteèsì nyoo lɛ mpuɓsi ɓum ɓɛ̀cèm mɛ̀rem ɓi ɓìɓan ɓicèm; mɛ̀ ǹ-yin ɓiì kaakaa kirɔɔ kɛ̀m ki mɛ̀ɛmiɗ, nkaakaa lɔŋ kirɔɔ ki ɓum lɛɛ̀gwey lɛ di ɓɛɛ ghɛǹ cɛɓ.

1 KƆ̀RƐ̀ŊTYƐŊ 16:3

Yɛ̀ɛ mɓiì yùu ǹɗì ɓiì romì ɓumɓɛ ɓì ɓiì ɓɔ̀ni, ri ɓɛ̀kaàtà lɛ ɓɛɛ kɛǹ kìfaà ɓyom ɓi syɔ̀ɔ̀ a Yorisalɛm.

1 KƆ̀RƐ̀ŊTYƐŊ 3:10

Ɓi lèg à geesɛ̀n ànɛ Bɛ̀ll à kìghà mɛ̀, nnɛ ǹ-yàghɛ̀ngà kìgɔ̀ŋgɔ̀m ki mɛɛ lɔŋ yɛ̀ɛ syeesyee à ǹtoŋì-ɓìtoŋ, nni ŋwaàdɛŋ à yùghà kì toŋì ɓi kìgɔ̀ŋgɔ̀m kiǹ aɗyòò; wɔ̀lɛ mum ǹcèm à ghɛ̀ɛ̀sɛɛ kì kɔ̀rii ɗyomzɛ̀n ɗì rìkuu ɗi kitoŋ ɗi a toŋtoŋ miì.

1 KƆ̀RƐ̀ŊTYƐŊ 4:15

Ɓisuulɛ nsoò ɓyàa rì rì ɓɛ̀rèsàg ɓɛ̀tɔɔsìm ǹtɛ̀ɗ ɓi cɛɓ ki ɓi ghɛghɛɓ ɓi Kiris ɓi ɗùm, ɓì yin lɛ ɓì ɓa rì ɓɛ̀seŋi kìtuu, lɛ mɛ̀ yɛɛ yali mìni ɓi Yeesus Kiris ɓi ɗùm, rì Syeesyee à Ɓɔlɛ ànɛ ǹghagsìghà mìni.

2 KƆ̀RƐ̀ŊTYƐŊ 10:12

Ɓìsii ghɛɛsii ɓi lɛ ti teɗ ǹɗɛli, nsoò lɛ ti feèghrɛn ɓìsiìɓɔmiɗ ri ɓum ɓɛdɛŋ, ɓɛ ɓɛ ti ɓɛ sɛɛghràg ɓɔmiɗ. Wɔ̀lɛ ɓɛ ri ɓìyèg yɛ̀ɛ ɓɛ ti ɓɛ feèghràg ɓi vèg ìnɛ ɓɔmiɗ ɓɔ yɛɛ rɛsii, ɓɛ ki teɗ ɓɔmiɗ ɓi sìg à vèg ìnɛ ɓum ɓɛ ghɛɛ̀sɛɛ kìfèèghrɛɛ ri yɔ̀.

2 KƆ̀RƐ̀ŊTYƐŊ 10:18

Ɓisuulɛ, àa ŋwaànɛ a sɛɛghsɛɛ̀ghrɛ̀n nyimiɗ innɛ ɓɛ ri ɓiì kalii lɛ rìkì ɗii ɗi ri lɛ syeesyee, lɔŋ roànɛ Kan à sɛɛgh innɛ rìkì ɗii ɗi rɔɔtɛɛ.

2 KƆ̀RƐ̀ŊTYƐŊ 10:8

Nni nsoò màa cìɓtaagh rìsaàsànɛ̀n ɗi itèɗ wu rilàmì wu Kan à faghà ɓìsi lèg àdɛŋ, lɛ ti ki lɛ rìgherɛ̀n ɗin ɗyɛɛ tɔɔ̀, àa lɛ ti yogsi ɗyɔ, màa wog ɓi ntoòrìɗ.

2 KƆ̀RƐ̀ŊTYƐŊ 12:11

Mɛ̀ mmɛ ghay kiyèg, kìɓan kifog, mìni yɛɛ tinìghà mɛ̀ lɛ nghay kìyèg, lɛ mìni yɛɛ ghɛɛ̀sɛ̀ngà lɛ ɓì sɛg ɓum mɛ̀. Lɛ nsoò yɛ̀ɛ ǹ-yin bimiɗ à mum, ǹ-yii ɓi lɛ ɓumɓɛ ɓɛɛ̀ kpaakpaa lɛ ɓɔ yɛɛ ri ɓyoo ɓɛkɛ̀nì-fìtom ɓɛ Yeesus ɓɛ cee mɛ̀ ɓi com kidɛŋ.

2 KƆ̀RƐ̀ŊTYƐŊ 12:19

Kaa finɛn yɛ̀ɛ ɓyaà fèfèg lɛ ɓìsiì kpaakpaàsɛ̀n ɓi mis min. Lɔŋ ɓi mis mɛ Bɛ̀ll, ɓi Kiris ɓiɗùm innɛ ti tòtòg, nni ɓìɓan ɓiǹ ɓìcèm ɓi ri ɓisuu kitɔɔ kiǹ ki ɓi Ǹghay, mìni ɓɔɔseŋi ɓɛ̀m ɓɛ nɗem.

2 KƆ̀RƐ̀ŊTYƐŊ 2:17

Lɛ ɓìsii yin yɛ̀ɛ kìgwey ki ɓum ki ki ti ki kilàg fyèè ri jɛ̀ɛ̀ ì Bɛ̀ll; kìɓan kifog, rì nɗem wu saaɗ, ɓi ɗii ɗi Bɛ̀ll ìnnɛ ɓìsiì kakali yɔ̀ yɛ̀ɛ ɓɛ̀kìì-ɓìsay ɓɛ Kiris ɓi mis mɛ Bɛ̀ll.

2 KƆ̀RƐ̀ŊTYƐŊ 5:12

Tì yiìdi ɓiì tɔtɔɔgh ti nyɔɔnyɔn à rìtɔg lɛ ɓi ghaɓ ɓìsi; wɔ̀lɛ ti kɔ̀nkɔn lɛ di tyàa faa mìni bee inɛ ɓi saàsànɛ̀n ɓum kìɓan kis, fɔlɔɔ nnɛ ɓì rì ɓiì ɓaa rì com ki ɓì rì lɛ ɓì ɓàg ɓumɓɛ ɓɛɛ̀ teeterɛ̀n rìkem ɓi ɓìɓan ɓi ɓum ɓɛɛ̀ seesèè, rìkem ɗìn ɗyɛ̀ kɛɛ̀ ɓa ɓi ɓìɓan ɓi ɓi ri ɓi kɔɔ̀kɔɔ̀.