2 KƆ̀RƐ̀ŊTYƐŊ 1:8 - Bafia Nouveau Testament

⁸ Lɛ tì kɔ̀ni ɓi lɛ, ti caɗ mìni lɛ dùŋdùŋ, ɓɔɔsoŋ̀, ɓi kìɓan ki ki seesee ǹtɔɓ wu tìi ntanɛɛ rì wɔ a Azii. Tìi nghɛɛ ǹtɔɓ wu wu nɗìri ɓìsi ɓi nyoo lɛɛ̀gwey, wu cee gì ɓìsi ɓi-tèɗ, ɓi lèg ànɛ lɛ tìi n-yiìdi kɔm̀ rì ǹtyweeyi wulɛ tì rì ɓiì ɓatii ti ɓi cɛɓ.

2 KƆ̀RƐ̀ŊTYƐŊ 1:8 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 2:9

À tumɛ̀n lɛ ɓɛ̀-Paritɛ, ɓɛ̀-Mɛɛɗɛ, ɓɛ̀-Elamit, ɓumɓɛ a Mɛzopotamii, ri ɓɛ a Zyude rì ɓɛ a Kapados, rì ɓɛ a Pɔŋ, rì ɓɛ a Azii,

RÒMƐŊ 1:13

Ɓɔɔsoŋ̀ ǹkɔ̀ni ɓi lɛ ɓi naǹ lɛ, mmɛ ɓeg ɓyààmɛ̀n ɓidɛŋ lɛ n-yu mìni kì ghɛɛ̀ lɛ di kìsay kɛm̀ kɛɛ wum gàɓ ì ɓìɗùn a lɔ̀ŋkin, yɛ̀ɛ ki faghà ɓi ɓìlɔ̀ŋ ɓimbog. Nni à kpaŋ ɓigomìnɛ, bee ì ka ghɛnɛ̀ngà ɓi.

1 KƆ̀RƐ̀ŊTYƐŊ 15:32

I ɓisuu ɓiɓan ɓi mum nyimiɗ yɛɛ ri lɛ à sɛg, innɛ ǹɗùùghà rì nyàm a Efɛɛzɛ, ki ghɛɓsii min mɛ cɛ? I ɓìloŋ ɓyaa ghèmɓɛn ɓi, ti kìkiina lɛ tì ɗi tì nɔ lɛ rìduri tì ɓiì wiì.

1 KƆ̀RƐ̀ŊTYƐŊ 16:9

Ɓisuulɛ syeesyee à kìtuɓi àa nghɛnɛɛ ɓisuu kisay ki nkìkì, nni ɓɛ̀bènàbena ɓɛ teghɛɛ.

1 KƆ̀RƐ̀ŊTYƐŊ 4:8

Ɓì mɛ wuràg, ɓì ki ti ɓɛ̀guŋgum; mìnii mɛ ɓɔg mɛfòm, ɓìsi kɛ̀ɛ̀ kìɓɔɔ̀gh, i ɓyàa rì kɔm̀ lɛ ɓì ɓa mɛ̀fòm mɛncèm lɛ ɓìsi girig ti lami nɗaŋ ri mìni.

2 KƆ̀RƐ̀ŊTYƐŊ 1:9

Wɔ̀lɛ ɓìsiìɓɔmiɗ tì ɓaghà di tyàa gherɛn lɛ, ki ti kì renɛn lɛ ɓɛɛ wey ɓìsi; ki kilɛ̀ngà fɔlɔɔ lɛ, di ǹtyweeyi wis wɛ̀ kɛɛ̀ ɓa ɓi ɓìsiìɓɔmiɗ, wɛɛ ɓa lɔŋ yɛ̀ɛ Bɛ̀ll ànɛ a ghèmzag ɓilòŋ.

2 KƆ̀RƐ̀ŊTYƐŊ 6:9

lɔŋ yɛ̀ɛ ɓumɓɛ ɓɛ yii ɓi, kɔm̀ lɛ ɓum ɓɛ̀cèm ɓɛ yii ɓìsi, ɓɛ seesèè ɓìsi yɛ̀ɛ ɓumɓɛ ɓɛ ti ɓiì wiì kɔm̀ lɛ tì rì cencem, ɓɛ soo ri pɔnɔsi ɓisi ɓɛ̀ kɛɛ̀ weeyi ɓìsi;