TÈSÀLÒNÌSYƐŊ 5:6 - Bafia Nouveau Testament

⁶ Fɔlɔɔ nnɛ tì ghɛ̀ɛ̀sɛɛ ɓi min kilalì yɛ̀ɛ ɓɛro ɓɛm̀bog; ti kɔ̀riina lɔŋ cem, tì ɓèŋɗɛ̀n ɓi kìɓan ki mɛrɔ̀g.

TÈSÀLÒNÌSYƐŊ 5:6 Iomraidhean Croise

MATYOO 13:25

Wɔ̀lɛ bènàbena wiì à yùghày di ɓum ɓɛ ri ɓi fìlo, à mìs kìɓeɓtàg ki caaɓi ɓi dɛm i gèŋ ìnɛ̀n, a ghaàgh.

MATYOO 24:42

Fɔɔnnɛ kɔ̀riina cem, lɛ ɓi yii ɓi fin ìnnɛ masà wìn a rì ɓiì yùu.

MATYOO 25:13

Fɔɔnnɛ ɓì ghɛ̀ɛ̀sɛɛ kì kɔ̀rii cem, lɛ ɓì yii ɓì gòn nsoò cààmɛn.

MATYOO 25:5

Nni yɛ̀ɛ ŋ̀waà rìwɛy à lɛ̀mzìghày, ɓɛ̀gɔ̀n ɓɛǹ ɓɛ cuu tìlo di ɓɛ mɛ fɔy.

MATYOO 26:38

Fɔɔnnɛ à kpaaghà min ɓɔ lɛ: Ǹɗì rì ǹɗemi-kɛŋɛn wu wu ri lɛ wu wey mɛ̀, nni rɔ̀ɓina fɛ, ɓi kɔri cem nɗaŋ, ri mɛ̀.

MARIKUS 13:37

Kìɓan ki ǹkpaa mìni ki, ǹkpaa kɔ ɓisuu ɓum ɓɛ̀cèm: Kɔ̀riina cem.

LUKAS 12:37

Mààgh rì ɓɛ̀kìì-ɓìsay ɓɛ masà wàà à ɓiì tanɛɛ di ɓɛ kɔkɔrii fɔlɔɔ cem. Ǹkalii mìni saaɗ lɛ, masà wàà à ɓiì sìnɛɛ sànjà, à kpaa lɛ ɓɛɛ kɔɔ̀si ɓɔ ɓi zi, di nyimiɗ a yu ɓɔ kì faà ɓyom ɓi ɗiyɛn.

LUKAS 12:39

Konaaghna kì yii lɛ, i ŋwaàmɛɛ àa rì lɛ à yi cààmɛ̀n ki wiiwìì à rì nyi ɓiì yùu wii, di à rì rì ìtèɗ wulɛ à kɔ̀rì saalo, kɛ̀ɛ càɗ lɛ ɓɛɛ ɓɛg nyi naa.

LUKAS 21:36

Fɔɔnnɛ kɔ̀riina cem, ɓì ki ɓɔ̀ɔɓɔŋzàg ɓyààmɛ̀n ɓìcèm, lɛ ɓi ɓa rì ìtèɗ wulɛ ɓi ceè ɓìɓan ɓi ɓi ri ɓiì kìlɛɛ, ɓì ki kpaŋ ɓi mis mɛ Man à mum mɛ̀rɛy.

LUKAS 22:46

À kpaa ɓɔ lɛ. Ɓi lalay lɛ la? Pɛ̀sɛɛna aɗyòò, ɓi ɓɔŋzi Bɛ̀ll di kɛ̀ ɓi kpì ɓi mɛ̀fèèghrɛn.

MƐ̀KÌKÌÌ MƐ ƁƐKƐ̀NÌ-FÌTOM 20:31

Fɔɔnnɛ ɓaana cem, ɓì ki yiti lɛ, ǹɗeɓi mìni bèg yiraa, yɛ̀ɛ ìru yɛ̀ɛ ŋwos kɛ̀ɛ nfɔɛy, rì misì ɓi mɛ̀tam.

1 KƆ̀RƐ̀ŊTYƐŊ 15:34

Sugtiina ɓi mìniìɓɔmiɗ yɛ̀ɛ ki ghɛɛ̀sɛɛ kɛ̀ ɓi kì kiɓe. Ɓisuulɛ ɓum ɓɛdɛŋ ɓɛ ɓi nyìinyìm wìn ɓɛ yii ɓi Bɛ̀ll; kìɓan ki ǹkpaa kìn ki ri ǹtoòrìɗ ɓi ɓɛg wìn.

1 KƆ̀RƐ̀ŊTYƐŊ 16:13

Ɓaana cem, ɓì sììrɛ̀n ɓi rìgherɛ̀n; ɓaana ɓum, ɓì tèèsɛ̀n.

EFÈZYƐŊ 2:3

Ɓìsi ɓɛ̀sɛ̀ɛ̀ ɓɛ̀cèm, tì ɓaghà girig ɓi nɗaŋ waa lɛ tì ghɛghɛ̀ɓkà abɛ̀y ɓi ɓìɓan ɓi mɛ̀mùù mis mɛ ɓaghà zày rì ɓyɔ, tì kìkì rìkɔ̀n ɗi nyoo yis rì ɗi mɛrem mis lɛ rìɓa ɗi tì ɓaghà ɓum lɔŋ yɛ̀ɛ ɓɛ̀ro ɓɛmɓog, tì ɓaghà ɓumɓɛ bim i Bɛ̀ll ì ghɛ̀ɛ̀sɛɛ kì kpaŋì a lɔ̀ŋkaa.

EFÈZYƐŊ 5:14

Kìɓan kiǹ kɛɛ̀ki ki ri kì kaliyɛn lɛ: Wɔ̀ ŋwaànɛ u lalày, ghèmɓɛn ɓi fìlo pɛ̀sɛn yì aɗyoo ɓi nyìinyìm à ɓìloŋ, di Kiris a lom̀ wɔ̀ kìtɛɛtɛn.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

FÌLÌPYƐŊ 4:5

Rìɓa ɗin ɗi tɛ̀tɛ̀rɛ̀ɛ̀ ɗi ghɛɛ̀sɛɛ lɛ ɓum ɓɛ̀cèm ɓɛɛ yi ɗyɔ; Kan à ti jàŋbog ɗì rìyù.

KÒLÒSYƐŊ 4:2

Sììrɛɛna ɓi bɔ̀ŋzɛ̀n; ɓì ɓa cem miì ɓi rìfafà ɗi Bɛ̀ll ɓìtògsɛ̀n.

TÈSÀLÒNÌSYƐŊ 4:13

Ɓɔɔsoŋ̀, tì kɔ̀ni ɓi lɛ ɓi ɓa lɛ dùŋdùŋ ɓi kìɓan ki ki seesee ɓɛroɓɛ ɓɛ ri ɓìloŋ lɛ di kɛ̀ ɓi ɓa lɛ mɛ̀rem min mɛ ɓeɓtɛ̀n ɓi mùm yɛ̀ɛ mɛ ɓum ɓɛm̀bog ɓɛ ɓɛ rì kɛ̀ɛ̀ dyàɓɛn.

TÈSÀLÒNÌSYƐŊ 5:10

ànɛ à wughà ɓisu wis lɛ ti ghɛɓ ɓɛ̀ràrɛn ɗì nyi, nsoò tyàa mɛ wu, nsoò tyàa kaka cem yɛ̀ɛ à risugtìì.

TÈSÀLÒNÌSYƐŊ 5:8

Wɔ̀lɛ ɓìsi ɓɛ tì rì ɓɔn ɓɛ ɓi cààmɛ̀n à ŋwos, tì ghɛ̀ɛ̀sɛɛ kì ɓèŋɗɛɛ ɓi kìɓan ki mɛrɔ̀g, tì ghɛ̀ɛ̀sɛɛ kì pùrɛɛ rìgherɛ̀n rì ǹkɔ̀nɛ̀n fɛ lɛ yɛ̀ɛ kìlàà ki bɔŋ tì waatɛ̀n girig dyàɓɛn inɛ ɓi gòri yìs fɛlɛ yɛ̀ɛ tàm.

TIMOTE 2:15

Nsoò fɔlɔɔ, à ki rì ɓiì ghɛɛ cɛɓ, lɛ à rì rì ɓɔn, ɗì lɛ à ɓèŋi rìgherɛ̀n, à ghɛɓ ɓi nkɔ̀nɛ̀n, à ɓèŋɗɛ̀n ǹtɛnɛn ɓi nghay, à ki sɛɛ̀dɛn nyimiɗ ɓi zi.

TIMOTE 2:9

Ɓɛ̀yiɓ ɓɛ ghɛɛ̀sɛɛ girig kì waataagh yɛ̀ɛ ki ghɛɛ̀sɛɛ, ɓɛ ɓa rì ntoòrìɗ; ǹwaà waa wɛ̀ kɛɛ̀ yeesɛn, ɓɛ ghɛɛ̀sɛɛ ɓi ki ɓaaghraagh tyòŋ ti ti yeesɛɛ rìɓag, ɓɛ̀ kɛɛ̀ waatɛn mɛrɛ̀ŋ mɛ gol nsoò lɛ mɛ mɛ ri mɛ̀syaghɛn ri ɓyom ɓi ɓi ciɓtaagh kìrɔɔ, nsoò ɓìlàà ɓi ɓi kɛŋi lɛɛ̀gwey.

TIMOTE 3:11

Ɓɛ̀yiɓ girig ɓɛ ghɛɛ̀sɛɛ lɛ ɓɛ ɓa rì rìmum, ɓɛ̀ kɛɛ̀ ɓa ri mɛ̀wɔ̀wɔrì, ɓɛ kɛɛ̀ falɛn ɓi mɛ̀rɔ̀g, ɓɛ ɓa ɓumɓɛ ɓɛ tyweeyì ɓi ɓìɓan ɓìcèm.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

2 TIMOTE 4:5

Wɔ̀lɛ ɓi ɓɛg ànɛ a lɔ̀ŋkɔɔ, ɓèŋa rìmum ɗyɔɔ lɛ kɔ̀ɔ ghaasi wɛ̀ɛmiɗ ǹkpàn a com kidɛŋ, sììri nɗem ɓi mɛ̀tɔɓ, kìya kìsay ki ǹkalì-ɓɔlɛ, roozi kìsay kɔɔ lɛ syeesyee.

Kaàtà ànɛ Pol à kàngà TIT 2:12

geesɛ̀n yìì inɛ̀n yɛ̀ɛ rèresi ɓisi lɛ ti roòzɛn cɛɓ ki kɛ̀ɛ̀ rìgherɛ̀n rì ɓìɓeɓtàg ɓi ɓiɓan ɓi ɓyɛɛ̀ kɔ̀ngi ɓum ɓi ziinɛ, tì ghɛɓ ɓi ziinɛ rì ɗyomzɛ̀n, tì ɓa lɛ saaɗ tì ki falɛn ɓi rìgherɛ̀n,

Kaàtà ànɛ Pol à kàngà TIT 2:6

Rereɓ girig ɓɛ̀dɛlì lɛ ɓɛɛ ɓa rì ɗyomzɛ̀n ɓi ɓìɓan ɓìcèm.

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

ÀPÒKÀLIƁSƐ̀ 16:15

Ghɛna, n-yùyuy yɛ̀ɛ wiiwìì. Mààgh rì ŋwaànɛ à rì cem, à ki ɓèŋɓeŋ ɓilàà ɓii lɛ kɛ̀ɛ kɛ̀ɛ̀ghi kitòn zɛy lɛ a wog ǹtoòrìɗ di ɓum ɓɛ ghɛɛ nyi kìtòn zɛy.

ÀPÒKÀLIƁSƐ̀ 3:2

Kɔ̀ri ɗyomzɛ̀n ù ki sììrag righerɛ̀n ɗi gàɓ ì ɓum ìnɛ ù kaka rì yɔ̀, gàɓ ì ɓum ìnɛ̀n yɛ̀ɛ ti jàŋbog ɗì rìwu, ɓisuulɛ mɛ̀ɛ nghɛɛ lɛ mɛ̀kìkìì mɔɔ mɛ ɓiisɛɛ ɓi kirɔɔtɛɛ ɓi mis mɛ Bɛ̀ll.