TÈSÀLÒNÌSYƐŊ 5:14 - Bafia Nouveau Testament

¹⁴ Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.

TÈSÀLÒNÌSYƐŊ 5:14 Iomraidhean Croise

MATYOO 12:20

Àa ɓun ɓi kisyòŋ ki ki ti kì tuŋiyɛn, kɛ̀ɛ ki ɗimzi filàà fi fyɛɛ̀ ka syoosyòò, à kpaŋ yɛ̀ɛ à rì ɓiì lègsii ki kìi lɛ, saaɗ a yagsag.

LUKAS 22:32

wɔ̀lɛ mɛ̀ɛ m̀ɓɔ̀ŋzaagh Bɛ̀ll ɓisu wɔɔ lɛ rìgherɛ̀n ɗyɔɔ ɗyɛ̀ kɛɛ̀ fɔɛy, nni yɛ̀ɛ ù ri ɓa di ù mɛ sugtii tì a lɔ̀ŋkɛm̀, kìya lɛ ɓɛ̀goni ɓɛɛ siirɛn girig.

MƐ̀KÌKÌÌ MƐ ƁƐKƐ̀NÌ-FÌTOM 20:27

Ɓisuulɛ, ǹkpàkàkà mìni dwìɗ i Bɛ̀ll bimiɗ, kɛ̀ɛ nnyam mini nsoò maa kìɓan adɛŋ.

MƐ̀KÌKÌÌ MƐ ƁƐKƐ̀NÌ-FÌTOM 20:31

Fɔɔnnɛ ɓaana cem, ɓì ki yiti lɛ, ǹɗeɓi mìni bèg yiraa, yɛ̀ɛ ìru yɛ̀ɛ ŋwos kɛ̀ɛ nfɔɛy, rì misì ɓi mɛ̀tam.

MƐ̀KÌKÌÌ MƐ ƁƐKƐ̀NÌ-FÌTOM 20:35

Mɛ̀ɛ ǹɗèsii mìni bee yicèm lɛ, cààmɛ̀n ki ɓi sasay fɔlɔɔ, kɛɛ̀ki ɓì rì ɓiì ghɛɓsii ɓɛ̀roɓɛ ɓɛ yin ɗi ìtèɗ, ɓì ki yiti jɛ̀ɛ̀ ìnɛ Kan à kalìghà ɓi ŋwɔm wii lɛ: Rì ŋwaànɛ à faa, rì ŋwaànɛ ɓɛ faa com roànɛ à faa yɛɛ ti à ɓiisàg kì woògh kìrɔɔ.

RÒMƐŊ 12:1

Ɓɔɔsoŋ̀, ɓisuu nɗem wu nyìighnyìg wu Bɛ̀ll à rèsìghà ɓi ɓɛg wìs, ǹtɔɔgh mìni lɛ ɓi funɛn mìniì ɓɔmiɗ fɛlɛ yɛ̀ɛ kìtuwe ki mum à ti à weeyì ɓi rìɓɔgsì ɗi Bɛ̀ll; ɓi funɛn mìniì ɓɔmiɗ rifunɛ̀n ɗi ɗi ri cem, ɗyɔ rìtɛnɛn, ɗi ki ɓa ɗi ɗi rɔɔ Bɛ̀ll. Fɔlɔɔ yɛɛ ri ɓiì ɓaà syeesyee à rìɓɔgsì ànɛ ɓì ghɛ̀ɛ̀sɛɛ kì ɓɔgsii Bɛ̀ll.

RÒMƐŊ 14:1

Ghàɓkiina ŋwaànɛ à rì lɛ kpɔ̀gkpɔ̀g ɓi rìgherɛ̀n, kɛ̀ ɓi nyolɛn ri nyi ɓi mom̀zɛ̀n mɛ à rì rì mɔ ɓi kìɓan ki righerɛ̀n.

1 KƆ̀RƐ̀ŊTYƐŊ 4:14

Nsoò ǹkàniì mìni fɔlɔɔ, ki yin lɛ nfa mìni ǹtoòrìɗ, ki ri lɔŋ lɛ nɗeɓ mìni yɛ̀ɛ ɓɔn ɓɛm ɓɛ nɗem.

1 KƆ̀RƐ̀ŊTYƐŊ 8:7

Wɔ̀lɛ àa ɓum ɓɛ̀cèm ɓɛɛ yi fɔlɔɔ, lɛ ɓɛ̀ro ɓɛdɛŋ ɓɛ kaka ɓɛ̀mɛ̀ɛ̀tɛn ri kìɓan ki ɓinùn ɓi lèg ànɛ lɛ, ɓɛ ti ɓɛ ɗilàg ɓyɛn ɓi fɔlɔɔ, yɛ̀ɛ ɓɛɛ̀ kali lɛ ɓyɛn ɓìn ɓi ri ɓyɛn ɓi ɓinùn; yɛ̀ɛ ǹɗem waa wu ri kɛ̀ɛ̀ ìtèɗ, ɓìɗilàg ɓiǹ ɓi caɗ ɓɔ tìfin ɓi mɛ̀rem.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 4:2

sɛɛ̀diinà mìniìɓɔmiɗ ɓi zi, ɓì kɔ̀rì lɛ fyòoog, ɓì ɓa rì kìnìri ki nɗem, ɓì cenɛ̀n lɛ ɓi ghɛɓ rì ɓɛ̀geni ɓin lɔŋ yɛ̀ɛ ɓɛ ri, ɓɔ girig ɓɛ ki fɔlɔɔ ɓi san wìn, rìkì ɗiǹ ɗìcèm ɗi ɓa ɓi nkɔ̀nɛ̀n ɓi ɗùm;

EFÈZYƐŊ 4:32

Ɓaana rì nɗem wu geesɛ̀n ɓi nyìinyìm wìn, ɓì yi rìghɛn ɗi ɓɛro ɓɛmbog nyìighnyìg. Ɓaana rì rìcenɛ̀n ɓi nyìinyìm wiǹ, fɛlɛ yɛ̀ɛ Bɛ̀ll à cenɛ̀ngà mìni ɓi Kiris.

KÒLÒSYƐŊ 1:28

Kiris ànɛ̀n nnɛ ɓìsii ghaaghagsì ɓum ɓɛ̀cèm, tì rɔ̀ɔ̀rɔ̀gsɛ̀n ɓɔ, tì ki rèsag ɓɔ rì ɗyomzɛ̀n ɗìcèm, lɛ ti ki lɛ mum bimiɗ a kpaŋ ɓi mis mɛ Bɛ̀ll, di à ti ǹsììrɛn lɛ kɔɔ̀kɔɔ̀ ɓi Kiris.

2 TÈSÀLÒNÌSYƐŊ 3:15

Kɛ̀ ɓi teɗ nyi yɛ̀ɛ bènàbena wiǹ, kìɓan kifog rɔ̀gsɛɛna nyi fɛlɛ yɛ̀ɛ geni wiǹ.

TIMOTE 3:3

Ki ghɛɛ̀sɛɛ ɓi lɛ a ɓa kìnɔɔ̀ mɛ̀rɔ̀g nsoò lɛ mum à ɓìgùg, ki ghɛɛ̀sɛɛ lɔŋ lɛ a ɓa kìfyòoog ki mum, kɛ̀ɛ ɓa mum à ɓɛsaaka nsoò lɛ à keesì mɔ̀ɔ̀ni.

TIMOTE 6:11

Ɓi ɓɛg wɔ̀ɔ̀, wàànɛ ù rì mum à Bɛ̀ll, lɛgha ɓìɓan ɓiǹ, ɓìcèm; u kaà lɛ rì saaɗ, rì rìfalɛ̀n ɗi ɓi rìgherɛ̀n, rì rìgherɛ̀n yɛ̀ɛ Bɛ̀ll, rì ǹkɔ̀nɛ̀n, ɗì rìnìɗ ɗi nɗem, ɗì rìɓa ɗi lɛ tɛ̀tɛ̀rɛ̀ɛ̀.

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

Kaàtà ànɛ Pol à kàngà TIT 1:10

Ǹkpaa fɔlɔɔ ɓisuulɛ ɓum lɛɛ̀gwey ɓɛ ri rì ntoòtèɗ, ɓɔ rì mɓog à ŋwɔm ɓɛ ki ɓa ri ǹ-yègsɛ̀n à ɓiìɓììsɛ̀n ɓi nyìinyìm à Ɓɛ̀yudɛ̀n ɓɛ ɓɛ ri ɓɛ̀kìristɛ̀n,

Kaàtà ànɛ Pol à kàngà TIT 1:6

Mum ǹcèm ànɛ ɓi ɓumɓɛ̀n à ghɛ̀ɛ̀sɛɛ kì ɓaà kɛ̀ɛ̀ kìɓan ki ɓɛ cɛmdɛ̀n, à ɓa giɓ bog, ɓɔn ɓii ɓɛ ghɛɛ̀sɛɛ kì ɓaà ɓɛ̀gherɛ̀n, ɓɛ̀ kɛɛ̀ ɓa ɓɔɓti ɓɛ ɓum ɓɛɛ̀ cɛɛcɛmdɛ̀n lɛ ɓɛ ri lɛ nyùùnyùùgh, nsoò lɛ ɓɛ ri rì ntoòtèɗ.

EBIREEGH 12:12

Kìɓan kiǹ kɛɛ̀ki ɓì ghɛ̀ɛ̀sɛɛ kì tèèsii ɓyàg ɓin ɓi ɓyaa nyɔŋì, rì mɛ̀ɗu min mɛ maa kpɔ̀gtì.

EBIREEGH 13:3

Ɓì yitàg ɓìmbùŋ yɛ̀ɛ ɓɛɛ̀ kali lɛ ɓì rì ɓi naà-zày ǹɗaŋ ri ɓɔ; ɓì yitàg girig ɓɛ̀roɓɛ ɓum ɓɛɛ̀ tɔtɔ̀ɓ, ɓisuulɛ mìni girig ɓì rì rì nyoo.