TÈSÀLÒNÌSYƐŊ 5:12 - Bafia Nouveau Testament

¹² Ɓɔɔsoŋ̀, tì tɔɔgh mìni lɛ ɓi ɓalag rì bɔgsɛ̀n ɓi san ànɛ a ɓumɓɛ ɓɛɛ̀ sasay ɓi nyìinyìn wìn, ɓɛ kɛɛ̀kɛ̀ɛ̀sì mìni ɓi cɛɓ ki Kan, ɓɛ ki rereɓ mini.

TÈSÀLÒNÌSYƐŊ 5:12 Iomraidhean Croise

LUKAS 10:7

Kɔ̀riina lɔŋ ɓi mɛɛ mɛǹ, ɓi ɗiɗì ɓi ki nɔnɔ ɓyom ɓi ɓɛ faa mìni wɔɔ, ɓisuulɛ, ǹkìì-kìsay a ghɛɛ̀sɛɛ kì ɓaà rì mɛ̀lèɓ; kɛ̀ ɓi dèŋdèŋ lɛ, ì ɓì rì ɓi naa ìnɛ, ɓì cee ɓi ìnɛ.

ZYAŊ 4:38

Ǹɗomgà mìni lɛ ɓi kɛǹ mɛ̀saŋ ɓi dɛm inɛ ɓum ɓɛdɛŋ ɓɛɛ salà, mìnii ki ɗiŋi ɓi jàŋ inɛ ɓɔɔ mɛ say kɛ̀ɛ̀ mɛ̀tɔɓ.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 20:35

Mɛ̀ɛ ǹɗèsii mìni bee yicèm lɛ, cààmɛ̀n ki ɓi sasay fɔlɔɔ, kɛɛ̀ki ɓì rì ɓiì ghɛɓsii ɓɛ̀roɓɛ ɓɛ yin ɗi ìtèɗ, ɓì ki yiti jɛ̀ɛ̀ ìnɛ Kan à kalìghà ɓi ŋwɔm wii lɛ: Rì ŋwaànɛ à faa, rì ŋwaànɛ ɓɛ faa com roànɛ à faa yɛɛ ti à ɓiisàg kì woògh kìrɔɔ.

RÒMƐŊ 16:12

Ɓì tɔkì mɛ̀ Tirifɛn ɓɛɛ̀ Tirifos ɓɛ ɓɛɛ̀ kìki Kan kìsay; ɓì tɔkì girig Pɛrisiidɛ à geni wɛ̀m à giɓ anɛ à ri mɛ̀ ɓi nɗem, nnyɛɛ mɛ say lɛɛ̀gwey ɓisuu Kan.

RÒMƐŊ 16:6

Ɓì tɔkì Marii ànɛ à tekàkà mɛ̀tɔɓ lɛɛ̀gwey ɓisu win.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

1 KƆ̀RƐ̀ŊTYƐŊ 16:16

Mɛ̀kuu mɛ ɓum mɛ fɔlɔɔ mɛɛ̀mɛ ɓì ghɛ̀ɛ̀sɛɛ kì kìi mɛwog, rì mum ǹcèm ànɛ à ti à tekì gàɓ ɓi kìsay ki ɓɛɛ̀ kìkì, à ki sasay ri ɓɔ.

1 KƆ̀RƐ̀ŊTYƐŊ 16:18

Ɓisuulɛ, ɓɛ nfɔɔsii lɛ rì nɗem wɛ̀m, rì wuŋkin. Ɓì ghɛ̀ɛ̀sɛɛ kì yiì rìsɛg ɗi mɛkuu mɛ ɓum yɛ̀ɛ mɛǹ.

1 KƆ̀RƐ̀ŊTYƐŊ 3:9

Lɛ ɓìsiì kìki kisay ki Bɛ̀ll ǹɗaŋ, mìni yɛɛ ri dɛm i Bɛ̀ll, ɓì ki ɓa mɛɛ mɛ Bɛ̀ll a toŋtòŋ.

2 KƆ̀RƐ̀ŊTYƐŊ 11:23

I ɓɛ ri ɓɛ̀kìì-ɓìsay ɓɛ Kiris m̀ɓa kìyèg ki kɔɔ̀kɔɔ̀ lɛ mɛ̀ ǹɗì ǹkìì-kìsay a Kiris ǹcee ɓɔ, ɓi ɓìsay ɓi m̀mɛ kì, nni àa foo ri foo, ǹcee ɓɔ ɓi naà-zày yi m̀mɛ kɛ̀n, à kɛ̀n kì kpaŋì ɓi zàà yi ɓɛ mɛ kwiy mɛ, rì ɓi ɓɛ̀koŋnyoo ɓɛ riwù ɓɛ ǹti ǹghaaghràg miì ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 5:9

Kìɓan ki asu ki tì ɓiisɛɛ kì kaakaa ki ri lɛ, ti puɓsi nyi nɗem, tyàa soo kaka ɓi nyoo ìnɛ tì rì ìnɛ rì yɔ̀, tyàa soo ki ghasɛɛ rì yɔ̀.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

GÀLAT 4:11

Mɛ̀ ǹɗì rì mɛ̀riighrikì lɛ kìsay ki ǹwughà ǹtɔɓ ǹkì a lɔ̀ŋkin, kɛ̀ kɛɛ ɓa lɛ ki wu zɛ̀y.

FÌLÌPYƐŊ 2:16

ɓì rèrèsì ɓɔ ɓɔlɛ à cɛɓ; kìɓan kiǹ ki ri mɛ̀ ɓiì ɓaà kìɓan ki nkeŋkem miì ɓi ŋwos a Kiris, ki ki rèsi lɛ ǹkpuùkpùtɛ̀ngà ɓi, kɛ̀ɛ nki ɗiɗig mɛtɔɓ zɛy.

FÌLÌPYƐŊ 2:19

Ǹɗì rì dyàɓɛn ɓi Kan Yeesus, lɛ cààmɛ̀n lɛsàg ǹɗì ɓiì romìì Timote a lɔ̀ŋkin, lɛ di ɓɛ̀ɓɔlɛ ɓin ɓɛ ǹɗì ɓiì terì ɓɛɛ foŋdi mɛ̀ ìtèɗ ɓi nɗem;

KÒLÒSYƐŊ 1:29

Kìsay kiǹ kɛɛ̀ki nkìkì, ǹɗùùɗùù rì nghɛɓsɛn wu ìtèɗ wii wu wɛɛ̀ kìki kisay ɓi mɛ̀ rì ìtèɗ.

TÈSÀLÒNÌSYƐŊ 2:9

Ɓɔɔsoŋ̀ ɓì rì lɛ ɓì yitì kìsay ki tì kìghà, rì ǹtɔɓ wu tì wokà; tì ghagsìghà mìni Syeesyee à Ɓɔlɛ à Bɛ̀ll tì ki sasay lɛ rì ìru rì ŋwos lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

TÈSÀLÒNÌSYƐŊ 5:14

Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.

TIMOTE 5:1

Kɔ̀ɔ fwààdag kitùg ki mum, kìɓan kifog ki ghɛɛ̀sɛɛ lɛ ù reɓ nyi lɔŋ yɛ̀ɛ soŋi; ù reɓkì ɓɛ̀dɛlì lɔŋ yɛ̀ɛ ɓɛ̀goni,

TIMOTE 5:20

Ɓumɓɛ ɓɛ kii kìɓe, fwààdag ɓɔ ɓi mis mɛ ɓum ɓɛ̀cèm fɔɔnnɛ ɓɛ̀ro ɓɛmbog ɓɛ ri girig ɓiì risii.

2 TIMOTE 2:6

Ǹsalì-dɛm anɛ a teetekì ǹtɔɓ, à ghɛ̀ɛ̀sɛɛ kì ɓaà ŋwaà beèbɛ̀y ànɛ a teɗ ɓìɗùn.

Kaàtà ànɛ Pol à kàngà TIT 1:3

Yɛ̀ɛ cààmɛ̀n ki ki ɓaghà kìsiŋdɛn ki kpagà, à kìghà lɛ jɛ̀ɛ̀ yìì yɛ̀ɛ yilɛn ɓi kìɓan ki à faghà mɛ̀ lɛ nlaàlamɓɛ̀n yɛ̀ɛ rìkalì ɗi Bɛ̀ll ànɛ à rì ǹghɛɓsì wìs ɗi ri.

Kaàtà ànɛ Pol à kàngà TIT 1:5

Tit, mɛ̀ɛ ncàri wɔ̀ a Kirɛt lɛ u legsiì kìwòŋzaagh ɓiɓan ɓi ɓi kaka wɔɔ kɛ̀ɛ̀ rìwòŋzàg, ù ki rɛsi ti ɓɛ̀sɛ̀ɛ̀mɛn ɓɛ Kiseŋi ɓi bàn yìcèm lɔŋ yɛ̀ɛ mɛ̀ɛ ǹsiitaagh wɔ̀.

Kaàtà ànɛ Pol à kàngà TIT 2:15

Ɓìɓan ɓi ù ghɛ̀ɛ̀sɛɛ kì kakalii ɓum ɓyɛɛ̀ ɓìn lɔɔ, ù tèètèèsì ɓɔ nyoo, ù ki fwààdag ɓɔ ɗì ìtèɗ wu rilàmì wùcèm wu ù rì rì wɔ. Kɔ̀ɔ gherɛn lɛ mum a sɛɛ̀ti wɔ̀.

EBIREEGH 13:17

Kìina ɓumɓɛ ɓɛɛ̀ kɛ̀ɛkɛɛ̀sì mìni mɛ̀wog ɓì fa ɓɔ bɔgsɛ̀n, ɓisuulɛ ɓɛɛ̀ ɓɔmɓɔm kirɔɔ ki ɓi mɛ̀ghay miǹ, lɛ ɓɛ ri ɓàaghgɛ kìɓan ki miì ɓi mis mɛ Bɛ̀ll; kìina lɛ ɓɛɛ kiki kìsay kiǹ ɗì kìnyàà, àa rì bemeg lɛ fɔlɔɔ àa ghɛɓsi ɓi mini bimiɗ à com.

EBIREEGH 13:7

Yitiina ɓumɓɛ ɓɛ lokà mìni kì kɛ̀ɛkɛɛ̀sì, ɓɛɛ wogsìghà mìni jɛ̀ɛ̀ ì Bɛ̀ll, ɓì fiɓì rìsyɔn ɗi cɛɓ kaa, ɓì nɔ̀ɔ̀tì ìkòò waa wu righerɛ̀n.

ÀPÒKÀLIƁSƐ̀ 1:20

Ɓi ɓɛg ànɛ a ɓɛ̀azi ɓɛ a rìnyam ɓɛ ɓi tyɔɛy ti kitaàɓɛ̀ɛ̀ ti wàa ghɛɛ mɛ̀ rì tyɔ ɓi càg ki weèlem, rì ɓìrɛsì ɓi lamɓà ɓi gol taàɓɛ̀ɛ̀, tyɔɛy ti kitaàɓɛ̀ɛ̀ ti ri ɓum ɓɛ titom ɓɛ Ɓiseŋi ɓi kitaàɓɛ̀ɛ̀, ɓìrɛsì ɓi lamɓà ɓi kitaàɓɛ̀ɛ̀ ɓyɔɔ ri Ɓìseŋi ɓi kitaàɓɛ̀ɛ̀ ɓincèm.

ÀPÒKÀLIƁSƐ̀ 2:12

Kàna ŋwaà-fìtom anɛ ɓi kìseŋi ki a Pɛrigam lɛ, fɛlɛ nnɛ roànɛ à rì rì gàfàg ìnɛ ì rì ǹto lɛ pyɔŋpyɔŋ, yɔ̀ mpooyɛn ɓɛɓɛg ɓɛ̀cèm a kalàg:

ÀPÒKÀLIƁSƐ̀ 2:18

Kàna ŋwaà-fìtom anɛ ɓi Kìseŋi ki à Tyatiir lɛ: Fɛlɛ nnɛ Man à Bɛ̀ll ànɛ mis mɛ ri yɛ̀ɛ ǹɗòò wu ɗuu, mɛ̀kòò yɛ̀ɛ rìkuu ɗi swiɗ ɗiɗɛŋ, a kalàg:

ÀPÒKÀLIƁSƐ̀ 2:3

Ù rì rì kìsììrì, wɔ̀ɔ ǹwoogh mɛ̀tɔɓ ɓisuu ɗii ɗyɛ̀m, kɔ̀ɔ ki càrɛn.

ÀPÒKÀLIƁSƐ̀ 2:8

Kàna ŋwaà-fìtom anɛ ɓi Kìseŋi ki a Simirinɛ lɛ: Mum ànɛ à rì lɛ nyi ŋwaà ǹtonto, nyi ŋwaà siitòn, mum ànɛ à wughà à ki ghèmɓɛn, a kpaaghi fɛlɛ:

ÀPÒKÀLIƁSƐ̀ 3:1

Kàna ŋwaà-fìtom anɛ ɓi Kìseŋi ki a Saridɛ lɛ, fɛlɛ nnɛ roànɛ à rì rì mɛ̀ghay mɛ Bɛ̀ll mɛ kitaàɓɛ̀ɛ̀ rì tyɔɛy ti kitaàɓɛ̀ɛ̀ a kpaaghì: Mɛ̀ ǹ-yii mɛ̀kìkìì mɔɔ, u keŋkem lɛ ù rì cencem kɔm̀ lɛ ù rì kìloŋ.

ÀPÒKÀLIƁSƐ̀ 3:14

Kàna ŋwaà-fìtom anɛ ɓi Kìseŋi ki a Lawodise lɛ: ŋwaànɛ à rì ɗii lɛ Ààmɛ̀n, ànɛ à rì kɔɔ̀kɔɔ̀ à wusìnɛ̀ɗ à ǹtyweeyi, roànɛ à rì rìtumɛ̀n ɗi ɓyom ɓìcèm ɓi Bɛ̀ll à kìghà a kpaaghi lɛ:

ÀPÒKÀLIƁSƐ̀ 3:7

Kàna ŋwaà-fìtom anɛ ɓi Kìseŋi ki a Filadɛlfii lɛ: Roànɛ à rì lɛ nyi ǹtɛnɛn, nyi lɛ saaɗ, ànɛ à ki ɓanɓani fìɗìɓà fi Davit, nyi yɛɛ ri lɛ, i à ŋwàri, ŋwaàdɛŋ à yin lɛ à sìm, i à ki sìmi, ŋwaàdɛŋ kɛ̀ɛ ŋwàɗ, a kpaaghi lɛ: